miśrīkaranavāci tṛtīyāntam bhakṣyavācinā subantena saha samasyate, tatpuruṣaśca samāso bhavati. kharaviśadamabhyavahāryaṃ bhakṣyaṃ, tasya saṃskārakaṃ miśrīkaraṇam. huḍena miśrāḥ dhānāḥ guḍadhānāḥ. guḍapṛthukāḥ. vṛttau kriyāyā antarbhāvāt pūrvottarapadayoḥ sāmarthyam.

caturthī tadarthārthabalihitasukharakṣitaiḥ 2.1.36 sup supā iti vartate. tasya viśeṣaṇam etat. tatiti sarvanāmnā caturthyantasya arthaḥ parāmṛśyate. tasmai idaṃ tadartham. tadartha artha bali hita sukha rakṣita ityetaiḥ saha caturthyantaṃ samasyate, tatpuruṣaśca samāso bhavati. tadarthena prakṛtivikārabhāve samāso 'yam iṣyate. yūpāya dāru yūpadāru. kuṇḍlāya hiraṇyam kuṇḍalahiraṇyam. iha na bhavati, randhanāya sthalī, avahananāya ulūkhalam iti. tādarthye caturthī ca asmādeva jñāpakād bhavati. arthena nityasamāsavacanaṃ sarvaliṅgatā ca vaktavyā. brāhmaṇārthaṃ payaḥ. brāhmaṇārthā yavāgūḥ. bali kuberāya baliḥ kuberabaliḥ. mahārājabaliḥ. hita gohitam. aśvahitam. sukha gosukham. aśvasukham. rakṣita gorakṣitam. aśvarakṣitam.

caturthī tadarthārthabalihitasukharakṣitaiḥ. , 2.1.35 "tadarthena" ityādi. yadi tādathryamātre samāsaḥ syāt, balirakṣitagrahaṇamanarthakaṃ syāt. tathā hi-- kuberabaliḥ,gorakṣitamityatrāpi tādathryaṃ gamyatata eva. tasamādbalirakṣitagrahaṇālliṅgāt "tādarthye prakṛtivikārabhāve samāso bhavati" iti vijñāyate. nanu ca sampradāne catuthryarthaṃ balirakṣitagrahaṇaṃ syāt, naitadasti; dadātikarmaṇā hi abhipreyamāṇasya kriyayā vā sampradānasaṃjñeṣyate, na ceha dadātikarmaṇā kriyayā vā'bhipreyamāṇatā'sti, tatkutaḥ sampradāne caturthī? kena punastādarthye caturthī bhavatītyāha-- "asmādeva" ityādi. yadi tādarthye caturthī na syāt, tadā tadarthagrahaṇamanarthakaṃ syāt. tasmādyadetat, tadarthena catuthryantasya samāsavidhānaṃ tadeva jñāpakam-- tādarthye caturthī bhavatīti. "arthena" ityādi. katrtavyamiti śeṣaḥ. nityasamāsa ucyate = kathyate, yena tannityasamāsavacanaṃ vyākhyātavyam. etaduktaṃ bhavati-- yenārthaśabdena nityasamāsaḥ pratyāyyate tadvayākhyānaṃ katrtavyamiti. tatredaṃ vyākhyānam-- vibhāṣāgrahaṇamanuvatrtate, sā ca vyavasthitavibhāṣā vijñāyate. tenārthaśabdena nityasamāso bhaviṣyati, sarvaliṅgatā ceti. "paravallaliṅgaṃ dvandvatatpuruṣayoḥ" 2.4.26 iti paravalliṅgatāyāṃ prāptāyāṃ sarvaliṅgatā vidhīyate. eṣā tu lokāśrayatvālliṅgasyeti siddhā. atha vā -- bahulagrahaṇānuvṛtteḥ sarvametat siddham. gohitam, gosukhamiti "caturthī cāśiṣyāyuṣya" 2.3.73 ityādinā caturthī. hitayoge tvanāśiṣyapi caturthī bhavati. tathā hi vakṣyati-- "hitayoge caturthī vaktavyā" (vā. 123) iti.

caturthī tadarthārthabalihitasukharakṣitaiḥ 930, 2.1.35 caturthyantārthāya yat tadvācinā arthādibhiśca caturthyaṃntaṃ vā prāgvat. yūpāya dāru yūpadāru. (tadarthena prakṛtivikṛtibhāva eveṣṭaḥ). teneha na - randhanāya sthālī. (arthena nityasamāso viśeṣyaliṅgatā ceti vaktavyam). dvijārthaḥ sūpaḥ. dvijārthā yavāgūḥ. dvijārthaṃ payaḥ. bhūtabaliḥ. gohitam. gosukham. gorakṣitam॥

bhakṣyeṇa. miśrīkriyate khādyaṃ dravyamaneneti miśrīkaraṇaṃ-guḍādi. tadvācakaṃ tṛtīyāntaṃ bhakṣyavācakena samasyata ityarthaḥ. kaṭhina dravya-khādyam. pṛthukādi bhakṣyaṃ vivakṣitam. guḍadhānā iti. `dhānā bhṛṣṭayave striyaḥ' ityamaraḥ. guḍena miśrā dhānā ityarthaḥ. nanu guḍakaraṇatvasya miśrapadā'pekṣatvānna sāmathryamityata āha–miśreṇeti. guḍenetyasya guḍakaraṇakamiśraṇe vṛtternā'sāmathryamiti bhāvaḥ. pratyayagrahaṇaparibhāṣayā caturthītyanena catuthryantaṃ gṛhrate. tadartha- artha-bali-hita- sukha-rakṣita-eṣāṃ dvandvaḥ. catuthryantam etaiḥ ṣaḍbhiḥ samasyate, sa tatpuruṣa iti phalitam. tadarthetyatra tacchabdena catuthryantārtho vivakṣitaḥ. tasmai catuthryantārthāya idaṃ tadartham. `arthena nityasamāsaḥ' iti vakṣyamāṇaḥ samāsaḥ. catuthryantavācyaprayojanakaṃ yattattadarthamiti paryavasyati. tadāha– catuthryantārthāyetyādinā. tadartheneti. tadarthena samāsa iti yaduktaṃ tatprakṛtivikṛtibhāva eva bhavati, na tvanyatretyarthaḥ. kuta ityata āha–balirakṣiteti. yadi tādathryamātre'yaṃ samāsaḥ syātprakṛtivikṛtibhāva eveti nocyeta, tarhi balirakṣitagrahaṇaṃ vyarthaṃ syāt. bhūtebhyo baliḥ, gobhyo rakṣitaṃ tṛmamityatrāpi balerbhūtārthatayā, rakṣitatṛṇasya gavārthatayā ca tadarthetyeva samāsasiddheriti bhāvaḥ. yūpāyeti. atra cutrathyantavācyayūpārthaṃ dāru, ato dāruśabdena yūpāyetyasya samāsaḥ, yūpasya dāruvikṛtitvācca, takṣādinā aṣṭāśrīkṛtavṛkṣasyaiva yūpaśabdārthatvāt. atha prakṛtivikṛtibhāvagrahaṇasya prayojanamāha–neheti. randhanāyeti. pākāyetyarthaḥ. `radha hiṃsāyām'. iha pāko vivakṣitaḥ. bhāve lyuṭ, anādeśaḥ. `radhibhajoracī'ti num. sthālyāścatuthryantavācyapākārthatve'pi prakṛtivikṛtibhāvavirahānna samāsaḥ. nanva\ufffdobhyo ghāsaḥ a\ufffdāghāsaḥ, dharmāya niyamo dharmaniyama ityādau kathaṃ tadarthena samāsaḥ, prakṛtivikṛtibhāvavirahādityata āha– a\ufffdāghāsādayastviti. na caivaṃ `randhanāyasthālī'tyatrāpi ṣaṣṭhīsamāsaḥ syādeveti prakṛtivikṛtibhāvaniyamo vyartha iti vācyaṃ, śābdabodhe sambandhatvatādathryantavakṛtavailakṣaṇyena uktaniyamasāphalyāt. evañca `randhanasya sthālī'ti sambandhatvena bhāne ṣaṣṭhīsamāsa iṣṭa eva. tādathryatvena bhāne caturthīsamāsavāraṇāya tu prakṛtivikṛtibhāvaniyamāśrayaṇamityāstāṃ tāvat. tadevaṃ tadarthetyaṃśaḥ prapañcitaḥ. \r\nathedānīmarthaśabdena catuthryantasya samāse viśeṣamāha– artheneti. arthaśabdena catuthryantasya nityasamāsa iti vaktavyam. anyathā vibhāṣādhikārādvikalpaḥ syāt. viśeṣyasya pradhānasya yalliṅgaṃ talliṅgamityapi vaktavyam. anyathā arthaśabdasya nityaṃ pum̐lliṅgatvāt `paravalliṅga'miti sarvatra pum̐lliṅgataiva syādityarthaḥ. arthaśabdo'tra vastuparaḥ. `artho'bhidheyaraivastuprayojananivṛttiṣu' ityamaraḥ. ihopakārakaṃ vastu vivakṣitamityabhipretyodāharati–dvijārtha iti. tatra dvijāyā'yamityasvapadavigrahaḥ. tatrā.ñarthaśabdasthāne'yamiti śabdaḥ, nityasamāsatvenā'svapadavigrahaucityāt. dvijāyeti tādathryacaturthī. tadantasyā'rthaśabdena samāso viśeṣyasūpaśabdasya pum̐lliṅgatvātsamāsasya pum̐lliṅgatā ca. dvijasyo kārakaḥ sūpa ityarthaḥ. dvijārtheti. dvijāyeyamiti vigrahaḥ. arthaśabdasya nityapum̐lliṅgatve'pi `paravalliṅga'miti pum̐lliṅgaṃ bādhitvā'nena viśeṣyaliṅgānusāreṇa strīliṅgatā. dvijārthaṃ paya iti. dvijāyedamiti vigrahaḥ. atra viśeṣyaliṅgānusārānnapuṃsakatvam. bhāṣye tu caturthyaiva tādathryasyoktatvāt `uktārthānāmaprayogaḥ' iti nyāyenā'rthaśabdena vigrahā'prasakternityasamāsatvaṃ nyāyasiddhameva. `guroridaṃ gurvartha'mityādāviva liṅgamapi lokata eva siddhamiti vārtikamidaṃ pratyākhyātam. bhūtabaliriti. bhūtebhyo baliriti vigrahaḥ. tādathryacatuthryantasya baliśabdena samāsaḥ. gohitamiti. gobhyo hitamiti. vigrahaḥ. gavāmanukūlamityarthaḥ. `hitayoge ce'ti śeṣaṣaṣṭha\ufffdpavādaścaturthī'. tadantasya hitaśabdena samāsaḥ. gorakṣitamiti. `tṛṇādika'miti śeṣaḥ. gobhyo rakṣitamiti vigrahaḥ. tādathryacatuthryantasya rakṣitaśabdena samāsaḥ.

bhakṣyeṇa. kharaṃ viśadamabhyavahāryaṃ bhakṣyam. kharaṃ =kaṭhinaṃ viśadaṃ=viviktāvayavaṃ khādyaṃ bhakṣyamityarthaḥ. yatpratyayāntasya erantasya ca bhakṣayatestatraiva prayogāt. `abbhakṣa' ityādiprayogastu bhaktāḥ. guḍadhānā iti. nanu dhānānāṃ pratyekaṃ vivibhaktāvayavatvā'bhāvātkathametadudāharaṇaṃ saṅgacchata iti cet. maivam. bhṛṣṭayavasamudāyasya dhānātvātsamudāyaṃ prati samudāyināmavayavatvācca tadupapatteḥ.

caturthī tadarthārthabalihitasukharakṣitaiḥ 611, 2.1.35 caturthī tadathārtha. tacchabdena prakṛtā caturthī parāmṛśyate, pratyayagrahamam, catuthryantena sāmathryāttadartho lakṣyate ityāśayenāha--catuthryantārthaya yaditi. catuthryantavācyāya yūpāya yaddārvādi, tadvācinā catuthryantaṃ samasyata ityarthaḥ. balirakṣitagrahaṇāditi. hitasukhagrahaṇaṃ tu na jñāpakaṃ, tagyoge caturthī cāśiṣītyatādarthye'pi caturthīsamabhavāditi bhāvaḥ. nanu "caturthī cāśiṣī"ti vahitā yā caturthī tadantasya samāso na bhavati, samāsādāśiṣo'navagamāditi kecidāhuriti kaiyaṭenoktam.tataśca tatpakṣe hitasukhagrahaṇamapi balurakṣitagrahaṇavajjñāpakameveti cet, atra navyāḥ--"brāāhṛṇahitam. gohitam. gosukhamityatādathryacatuthryantenāpi samā4saḥ svīkriyate. sā cā'tādathryacaturthī "hitayoge ce"ti vārtikā "caturthī tadarthe" tyādinā hitasuokhaśabdābhyāṃ samāsavidhānajjñāpakādvā sambhavatīti hitasukhagrahaṇaṃ na jñāpakamiti samyagevetyāhuḥ. yūpāyeti. tādarthye caturthī. evamagre'pi yathāsaṃbhavamūhram. a()āghāsādaya iti. etacca bhāṣyakṛtoktam. nanvevaṃ "randhanāya sthālī" tyatrāpi ṣaṣṭhīsamāsaḥ syādeveti prakṛti vikṛtibhāva eveti niyamo niṣpala eva. na ca svare viśeṣaḥ, "caturthī tadarthe"iti pūrvapadakṛtisvarasyāpi prakṛti vikṛtabhāva eveṣyamāṇatvāt. atrāhuḥ--"saṃbandhatvātādathryakṛtavailakṣaṇyenoktaniyamasāphalyānna doṣaḥ. atra ca mānametadeva bhāṣyam. "na māṣāṇāmaśrīyāt", "dāśarathāya maithilī"tyādiprayogā apītthameva vivakṣābhedena nirvāhrāḥ. evaṃca "pūrvasadṛśe"ti sūtre sadṛśagrahaṇaṃ vyarthamiti kaiyaṭaharadattādīnāmuktiḥ prāmādikītyavadheyam. śābdabodhakṛtavailakṣaṇyasya tatrāpi sattvāditi.arthe nityasamāso viśṣeyaliṅgatā ceti vaktavyam. arthena nityeti. anyathā vibhāṣādhikārātpakṣe "dvijāyārtha"iti prayogaḥ syāditi bhāvaḥ. viśeṣyaliṅgatā ceti. vacanā'bhāve tvarthaśabdasya nityapuṃstvāt "paravalliṅga"miti sarvatra pum̐lliṅgaprayoga eva syāditi bhāvaḥ.