1/32:prāgvacanam kimartham |
2/32:prāgvacanam sañjñānivṛttyartham |*
3/32:prāgvacanam kriyate samāsasañjñāyāḥ anivṛttiḥ yathā syāt |
4/32:akriyamāṇe hi prāgvacane anavakāśāḥ avyayībhāvādayaḥ sañjñāḥ samāsasañjñām bādheran |
5/32:tāḥ mā bādhiṣata iti prāgvacanam kriyate |
6/32:atha kriyamāṇe api prāgvacane yāvatā anavakāśāḥ avyayībhāvādayaḥ sañjñāḥ kasmāt eva na bādhante |
7/32:kriyamāṇe hi prāgvacane satyām samāsasañjñāyām etāḥ avayavasañjñāḥ ārabhyante |
8/32:tatra vacanasamāveśaḥ bhaviṣyati |
9/32:samāsasañjñā api anavakāśā |
10/32:sā vacanāt bhaviṣyati |
11/32:sāvakāśā samāsasañjñā |
12/32:kaḥ avakāśaḥ |
13/32:vispaṣṭādīni avakāśaḥ |
14/32:vispaṣṭam paṭuḥ vispaṣṭapaṭuḥ iti |
15/32:na eṣaḥ asti avakāśaḥ |
16/32:eṣā hi ācāryasya śailī lakṣyate yena eva avayavakāryam bhavati tena eva samudāyakāryam api bhavati |
17/32:yena eva avayavakāryam svaraḥ tena eva samudākāryam api samāsaḥ bhaviṣyati |
18/32:vispaṣṭādīni guṇavacaneṣu iti |
19/32:idam tarhi kākatālīyam ajākṛpāṇīyam |
20/32:atra api yena eva avayavakāryam pratyayotpattiḥ kriyate tena eva samudākāryam samāsasañjñā bhaviṣyati |
21/32:samāsāt ca tadviṣayāt |
22/32:idam tarhi punārājaḥ punargavaḥ |
23/32:atra api avaśyam tatpuruṣasañjñā vaktavya tatpuruṣāśrayaḥ samāsāntaḥ yathā syāt |
24/32:idam tarhi |
25/32:punarādheyam |
26/32:atra api avaśyam gatisañjñā vaktavyā gatikārakopapadāt kṛt iti eṣaḥ svaraḥ yathā syāt |
27/32:idam tarhi punarutsyūtam vāsaḥ deyam |
28/32:atra api avaśyam gatisañjñā vaktavyā gatiḥ gatau iti nighātaḥ yathā syāt |
29/32:yadi tat na asti punaścanasau chandasi iti| sati tasmin tena eva siddham |
30/32:evam api ekā sañjñā iti vacanāt na asti yaugapadyena sambhavaḥ |
31/32:paryāyaḥ prasajyeta |
32/32:tasmāt prāgvacanam kartavyam |

kaḍārasaṃśabdanāt prāg yānita urdhvam anukramiṣyāmaḥ, te samāsasaṃjñā veditavyāḥ. vakṣyati yathā 'sādṛśye ( 2-1-7 ). yathā vṛddhaṃ brāhmaṇānāmantrayasva. prāgvacanaṃ saṃjñāsamāveśārtham. samāsapradeśāḥ tṛtīyāsamāse ( 1-1-30 ) ityevam ādayaḥ.

prāk kaḍārāt samāsaḥ 2.1.3 kaḍārasaṃśabdanāt prāg yānita urdhvam anukramiṣyāmaḥ, te samāsasaṃjñā veditavyāḥ. vakṣyati yathā 'sādṛśye 2.1.7. yathā vṛddhaṃ brāhmaṇānāmantrayasva. prāgvacanaṃ saṃjñāsamāveśārtham. samāsapradeśāḥ tṛtīyāsamāse 1.1.29 ityevam ādayaḥ.

prākkaḍārātsamāsaḥ. , 2.1.3 "yathāvṛddham" iti. atra samāsasaṃjñāyāṃ satyām "kṛttaddhitasamāsāśca " 1.2.46 ityevamādi kāryaṃ bhavati. atha kimarthaṃ prāgvacanam? yāvatā pañcamīnirdeṃśādeva prāgityasyādhyāhāro bhaviṣyati; na ca parāgityayamapi dikchabdo'sti, atastasyāpyadhyāhāraḥ syādityaśaṅkanīyam, tadadhyāhāre kaḍārasaṃśabdanāt pare ye'nukraṃsyante teṣāṃ samāsasaṃjñā syāt; tathā ca kaḍārasaṃśabdanādanantarameva samāsādhikāraṃ kuryāt, iha tu kṛtaḥ, tasmādiha karaṇasāmathryāt samāsādhikārasya prāgityasyādhyāhāro bhaviṣyati, tato nārthaḥ prāgvacanenetyāha-- " prāgvacanam" ityādi. uttaratrāvyayībhāvādisaṃjñābhiḥ saha samāsasaṃjñāyāḥ samāveśo yathā syādityevamartha prāgvacamanam. asati tu tasmin, tābhiranavakāśābhiriyaṃ saṃjñāla bādhyeta. asyāstu samāsasaṃjñāyāḥ "saha supā" 2.1.4 ityatra saheti yogavibhāgena yaḥ samāsaḥ krite so'vakāśaḥ syāt-- anuprāvarṣat, anuvyacaladiti, tiṅantenātra samāsaḥ; asatyapi sāvakāśatva ekasaṃjñādhikāre vacanapramāṇyāt paryāyeṇa vṛttiḥ syāt, na tu samāveśaḥ. sākṣāt sūtreṇopātte tu prāgvacane sati bhavati samāveśaḥ, katham? evaṃ hi sambandhaḥ kriyate-- kaḍārāt prāgyāvanto vyavasthitaḥ sarve te samāsasaṃjñakā bhavanti, samāsasaṃjñakāḥ santo'vyayībhāvādisaṃjñāṃ labhanta ita. tena nimittameva samāsasaṃjñā'vyayībhāvādisaṃjñānām. naca nimittinā nimittaṃ vihanyate; anyathā tasya nimittatvameva na syāditi yuktaḥ sūtropāttena prāgvacanena samāveśaḥ. adhyāhmate tu tasmin "kaḍārasaṃśabdanātprāgyāvanto vyavasthitāḥ sarve te samāsasaṃjñakā bhavanti" ityeṣo'rtho labhyate, na tu "samāsasaṃjñakāḥ santo'vyayībhāvādisaṃjñakāḥ" ityeṣo'pi. sākṣāt sūtropātte tu tasminneṣo'pi labhyate; anyathā tasya sūtre sākṣādupādānamanarthakaṃ syāt॥

prākkaḍārātsamāsaḥ 908, 2.1.3 kaḍārāḥ karmadhāraya ityataḥ prāk samāsa ityadhikriyate॥

prākkaḍārāt. `ākaḍārāt' ityeva `prā'giti siddhe prāggrahaṇamekasañjñādhikārepi avyayībhāvādisaṃjñāsamuccayārthamiti bhāṣye spaṣṭam. sampūrvakasya asyaterekīkaraṇātmakaṛ saṃśleṣo'rthaḥ. samasyate anekaṃ padamiti samāsaḥ. `akartari ca kārake saṃjñāyā'miti karmaṇi ghañ. ata eva mūle samasyate iti vakṣyate. tathā ca anvartheyaṃ saṃjñā.

prākkaḍārātsamāsaḥ 640, 2.1.3 prākkaḍārāt. "ākaḍārāt" ityeva "prā"giti siddhe prāggrahaṇamekasañjñādhikārepi avyayībhāvādisaṃjñāsamuccayārthamiti bhāṣye spaṣṭam. sampūrvakasya asyaterekīkaraṇātmakaṛ saṃśleṣo'rthaḥ. samasyate anekaṃ padamiti samāsaḥ. "akartari ca kārake saṃjñāyā"miti karmaṇi ghañ. ata eva mūle samasyate iti vakṣyate. tathā ca anvartheyaṃ saṃjñā.

prākkaḍārātsamāsaḥ. prāggrahaṇamāvartate, tena pūrvaṃ samāsasaṃjñā, tataḥ saṃjñāntaramapīti labhyate. ato'vyayībhāvādibhiḥ samāveśaḥ siddhyati. anyathā paryāyaḥ syāt. samasanaṃ samāsaḥ. bhāve ghañ. anekasya padasya ekapadībhavanamityartha ityeke. vastutastu–`akartari ca kārake—' iti karmaṇi ghañ. anyathā subantaṃ samasyata ityuttaragrantho na saṅgaccheta. nanvanvarthatvātsamāsasaṃjñāyāḥ pratyetamaprasaṅgātsahagrahaṇaṃ vyarthamityāśaṅkyāha—.

prākkaḍārātsamāsaḥ 568, 2.1.3 prākkaḍārātsamāsaḥ. prāggrahaṇamāvartate, tena pūrvaṃ samāsasaṃjñā, tataḥ saṃjñāntaramapīti labhyate. ato'vyayībhāvādibhiḥ samāveśaḥ siddhyati. anyathā paryāyaḥ syāt. samasanaṃ samāsaḥ. bhāve ghañ. anekasya padasya ekapadībhavanamityartha ityeke. vastutastu--"akartari ca kārake---" iti karmaṇi ghañ. anyathā subantaṃ samasyata ityuttaragrantho na saṅgaccheta. nanvanvarthatvātsamāsasaṃjñāyāḥ pratyetamaprasaṅgātsahagrahaṇaṃ vyarthamityāśaṅkyāha---.