Kāśikāvṛttī1: 
tatpuruṣaḥ iti saṃjñā 'dhikriyate prāg bahuvrīheḥ. yānita ūrdhvam
anukramiṣyāmaḥ 
See More
tatpuruṣaḥ iti saṃjñā 'dhikriyate prāg bahuvrīheḥ. yānita ūrdhvam
anukramiṣyāmaḥ, tatpuruṣasaṃjñāste veditavyāḥ. vakṣyati, dvitīya śritātītapatita
2-1-24. iti. kaṣṭaśritaḥ. pūrvācāryasaṃjñā ceyaṃ mahatī, tadaṅgīkaraṇaupādherapi
tadīyasya parigrahārtham, uttarapadārthapradhānas tatpuruṣaḥ iti. tatpuruṣapradeśāḥ
tatpuruṣe kṛti bahulam 3-3-14. ityevam ādayaḥ.
Kāśikāvṛttī2: dviguś ca 2.1.23 dviguśca samāsaḥ tatpuruśasajjño bhavati. dvigos tatpuruśatve See More
dviguś ca 2.1.23 dviguśca samāsaḥ tatpuruśasajjño bhavati. dvigos tatpuruśatve samāsāntāḥ prayojanam. pañcarājam. daśarājam. dvyahaḥ. tryahaḥ. paṅcagavam. daśagavam.
Nyāsa2: dviguśca. , 2.1.22 "samāsāntāḥ prayojanam" iti. "tatpuruṣasyāṅgul See More
dviguśca. , 2.1.22 "samāsāntāḥ prayojanam" iti. "tatpuruṣasyāṅguleḥ saṃkhyāvyayādeḥ" 5.4.86 ityatastatpuruṣa ityanuvatrtamāne "rājāhaḥsakhibhyaṣṭac" 5.4.91 "gorataddhitaluki" 5.4.92 iti ca dvigorapi yathā syāt. "pañcarājī" iti. pañcānāṃ rājñāṃ samāhāra iti "taddhitārthottarapadasamāhāre ca" 2.1.50 iti samāsaḥ. "saṃkhyāpūrvo dviguḥ" 2.1.51 iti dvigusaṃjñā, ṭac, "nastaddhite" 6.4.144 iti ṭilopaḥ "akārāntottarapado dviguḥ striyāṃ bhāṣyate" (vā.156) iti strīliṅgatā, "dvigoḥ" 4.1.21 iti ṅīp. "dvahrahaḥ, tryahaḥ" iti. "ahnaṣṭakhoreva" 6.4.145 iti ṭilopa), "rātrahnāhāḥ puṃsi"2.4.29 iti puṃstvam. "pañcagavam" iti. "sa napuṃsakam" 2.4.17 iti napuṃsakatvam. satyapyakārāntatve strītvaṃ na bhavati; "pātrādīnāṃ pratiṣedho vaktavyaḥ" (vā.1.5.9) iti vacanāt॥
Laghusiddhāntakaumudī1: adhikāro'yaṃ prāgbahuvrīheḥ.. Sū #925
Laghusiddhāntakaumudī2: dviguśca 926, 2.1.22 dvigurapi tatpuruṣasaṃjñakaḥ syāt॥
Bālamanoramā1: tatpuruṣaḥ. prāgiti. `śeṣo bahuvrīhi'rityanaḥ prāgityarthaḥ. Sū #676
Bālamanoramā2: dviguśca 677, 2.1.22 dviguśca. dvigurapīti. "taddhitārthottarapadasamāhāre See More
dviguśca 677, 2.1.22 dviguśca. dvigurapīti. "taddhitārthottarapadasamāhāre ca" iti vakṣyamāṇasamāsasya "saṃkhyāpūrvo dvigu"riti dvigusaṃjñā vidhāsyate. sa dvigusamāso'pi tatpuruṣasaṃjñaka iti yāvat. etatsūtrā'bhāve ekasaṃjñādhikārāddvigusaṃjñayā tatpuruṣasaṃjñā bādhyeteti bhāvaḥ. idamiti. "dviguśce"tyetadityarthaḥ. tarhi dvigusaṃjñayā tatpuruṣasaṃjñā bādhyetetyata āha--saṃkhyeti. "saṃkhyāpūrvodvigu"riti dvigusaṃjñāvidhāyakaṃ sūtram. tatra cakāraḥ paṭhanīyaḥ. tataśca saṃkhyāpūrvasamāso dvigusaṃjñakastatpuruṣasaṃjñakaśca syāditi labhyate. evañca cakāreṇa laghunā tatpuruṣasaṃjñāsamuccayalābhā"ddviguśce"ti gurubhūtaṃ sūtraṃ na kartavyamityarthaḥ. nanu māstu dvigostatpuruṣatvamityata āha--samāsāntaḥ prayojanamiti. tadudāhmatya darśayati - pañcarājamiti. pañcānāṃ rājñāṃ samāhāra iti vigrahe "taddhitārthe"ti dviguḥ. tasya tatpuruṣatvādrājāhaḥsakhibhyaṣṭaji"ti ṭac. "sa napuṃsaka"miti napuṃsakatvam. "akārāntottarapado dviguḥ striyā"miti tu na bhavati, samāsāntasya ṭacaḥ samudāyāvayavatvena uttarapadāvayavatvā'bhāvāt. na ca "saṃkhyāpūrvodviguśce"ti pāṭhe dvigutatpuruṣasaṃjñayoḥ paryāyeṇa pravṛttiḥ syāt, ataḥ samuccayārthaṃ "dviguśce"ti pṛthaksūtramastviti vācyam, "saṅkhyāpūrva" iti, "dvigu"riti ca yogau vibhajya pūrveṇa saṅkhyāpūrvasya tatpuruṣasaṃjñāvidhiḥ, dvigurityanena dvigusaṃjñāvidirityāśrayaṇe sati, cakāramantareṇāpi paryāyeṇa pravṛttisiddhyā cakārasya samuccayārthatvopapatteḥ.
Tattvabodhinī2: dviguśca 598, 2.1.22 cakārabalena saṃjñādvayasamāveśasyeti. na caivaṃ dvigutatpu See More
dviguśca 598, 2.1.22 cakārabalena saṃjñādvayasamāveśasyeti. na caivaṃ dvigutatpuruṣayoḥ paryāyatā syāditi śaṅkyam. yogaṃ vibhajya saṃkhyāpūrsya tatpuruṣasaṃjñāṃ vidhāya paścaddvigusaṃjñāvidhāne cakārapaṭhanamantareṇāpi paryāyatvasiddheḥ. nāpi dvau anyau yasya "dyvanya" ityatrātiprasaṅgaḥ śaṅkyaḥ, "taddhitārthottarapade"ti sūtramanuvarttya "taddhitārthetyatroktastrividhaḥ saṅkhyāpūrva" iti vyākhyānāt. dvigostatpuruṣatve phalamāha---samāsānta iti. ṭajacāvityarthaḥ. aci tūdāharaṇaṃ--"tatpuruṣata]syāṅgule"rityaci vdyaṅgulamiti bodhyam. pañcarājamiti. samāhāradvigau "rājahaḥsakhibhyaḥ"iti ṭac. samāsa syaivāyamantāvayava iti uttarapadasyā'nakārāntatvāt strītvā'bhāvaḥ. "samāsārthottrapadāntāḥ samāsāntā" iti pakṣe tu akārāntottarapadatve'pi pātrāditvānneti bodhyam. kāśikāyāṃ tu pañcarājītyudāhmatam. sa kvācitko'papāṭha iti haradttaḥ. atra kecit--pātrāditvakalpane mānā'bhāvātpañcarājīti kāśikoktodāharaṇamapi samyagevetyāhuḥ.
1.Source: Arsha Vidya Gurukulam
2.Source: Sanskrit Documents
 2.1.22.jpg)
