samayā samīpam. anuryasya samīpavācī tena lakṣaṇabhūtena saha vibhāṣā samasyate, avyayībhāvaśca samāso bhavati. anuvanamaśanirgataḥ. anuḥ iti kim? vanaṃ samayā. yatsamayā iti kim? vṛkṣamanu vidyotate vidyut. avyayaṃ vibhaktisamīpa 2-1-6 ityeva siddhe punarvacanam vibhāṣārtham.

yasya ca āyāmaḥ 2.1.16 lakṣanena iti vartate. āyāmo dairghyam. anuryasyāyāmavācī tena lakṣaṇabhūtena saha vibhāṣā samasyate, avyayībhāvaśca samāso bhavati. anugaṅgaṃ vārāṇasī. anuyamaunaṃ mathurā. yamunāyāmena mathurāyāmo lakṣyate. āyāmaḥ iti kim? vṛkṣamanu vidhyotate vidyut.

yasya cāyāmaḥ. , 2.1.15 atrāpyupacāreṇāyāmavācitvādanurevāyāmaśabdanoktaḥ. "anugaṅgaṃ vārāṇasī" iti. yadyapi gaṅgāvārāṇasyāvubhe apyāyamavatyau, tathāpyāyāmavattayā gaṅgāyāḥ prasiddhatvād? gaṅgaivātra lakṣaṇam, na vārāṇasī. prasiddhaṃ hi lakṣaṇaṃ bhavati, nāprasiddham. tasmādgṅgayaivātra samāso bhavati, na vārāṇasyā. "yamunāyāmena gathurāyāmaḥ lakṣyate" iti. yamunayā tadvatyā lakṣaṇabhūtayeti veditavyam. yasmādyasyāyāmavācyanuśabdastena lakṣaṇabhūtena subantena samasyate. yumanāyāścāyāmavācyanuśabdaḥ, na yamunāyāmasya. na hrāyāmasyāpara āyāmo'sti, tasmādyamunāyāmeti hetāviyaṃ tṛtīyā. yamunāyāmena hetunā tadvatyā yamunayā lakṣaṇayabhūtayā karaṇabhāvamāpannayā vā mathurāyāmo lakṣyata ityayamartho veditavyaḥ॥

anuryatsamayā. lakṣaṇenetyanuvatrtate. `ya'diti samayāyoge `abhitaḥparitaḥ' iti dvitīyāntam. sāmānye napuṃsakam. tadāha–padārthamiti. anuvanamiti. atra vanaśabdaḥ vanasamīpadeśe lākṣaṇikaḥ. vanasamīpasya lakṣaṇatvaṃ vastusadeva nimittam. tadāha–vanasya samīpaṃ gata ityartha iti. vastuto lakṣaṇībhūtasya vanasya samīpaṃgata iti yāvat. `avyayaṃ vibhaktī'tyādinā siddhe vibhāṣārthamidaṃ sūtram. tataśca `vanasyānu' iti laukikavigrahavākyamudāhāryam. nātra karmapravacanīyasaṃjñā śaṅkyā, vastusata evātra lakṣaṇatvasya nimittatvāśrayaṇāt. lakṣaṇatvasya jñātasya nimittatve tu `vanamanu' ityevavākyamudāhāryam.

yasya cāyāmaḥ 662, 2.1.15 yasya cāyāmaḥ. lakṣaṇenetyanuvartate. anurityanuvarttya āvarttya tṛtīyayā vipariṇamyate. tatra ekaṃ lakṣaṇenetyatra saṃbadhyate. dvitīyaṃ tu anunetyetat--"yasya cāyāmaḥ" ityanantaraṃ saṃbadhyate. dyotyata iti śeṣaḥ. āyāmo daighryam. tadāha-yasya daighryamiti. yaddaighryasadṛśaṃ daighryamityarthaḥ. samasyate iti. "so'vyayībhāva" ityapi bodhyam. anugaṅgamiti-samāsaḥ. laukikavigrahaṃ darśayati-gaṅgāyā anviti. ihāpi lakṣaṇatvaṃ vastusadeva nimittaṃ na tvanudyotyam. ato na karmapravacanīyatvam. dyotyatvenānvaye tu gaṅgāmanviti yuktam. anugaṅgamityatra gaṅgāśabdena gaṅgādaighryasadṛśaṃ daighryaṃ lakṣyate. tadevānudyotyam. tadāha--gaṅgā-daighryeti.

anuryat,. yadisi samayāyoge dvitīyeti dhvanayati-yaṃ padārthamiti. yasya padārthasya samīpamityarthaḥ. lakṣaṇenetyanuvartata ityāha–lakṣaṇabhūteneti. cihnavācinetyarthaḥ. `avyaya vibhaktī' tyanena siddhe vibhāṣārthaṃ sūtram. tena pakṣe `vanasyānu'ityudāhāryamiti manoramāyāṃ sthitam. atra vadanti–vanasyeti ṣaṣṭhīha durlabhā, karmapravacanīyayukte dvitīyāyā durvāratvāt, tatsāmathryātsamayā laṅkāmitivatsamāsabādhe prasakte asya vidhyarthatvāt. na cāyamanuḥ sāmīpyamātradyotako, na lakṣyalakṣamabhāvasyeti vācyam. lakṣaṇenetyavṛttivaiyathryāt. na caivamapi lakṣaṇamātradyotakatvaṃ nāstīti vācyam. `lakṣaṇettha'mityatra mātrapadā'bhāvāt. agnimabhi, a\ufffdgna pratīti pūrvasūtrasthodāharaṇā[pratyudāharaṇa]vākyavirodhācca. ato'tra pakṣe `vanamanu'ityudāhāryam. `vanasya samīpaṃ gata' iti mūlasthaṃ vivaraṇavākyaṃ tu `lakṣaṇa bhūtasya vanasya samīpaṃ gata' iti vyākhyeyamiti. anviti kim?. grāmaṃ samayā. yatsamayeti kim?. vṛkṣamanuvidyotate vidyut. lakṣaṇena kim?. anuva[ca]nam. upakṛṣṇamitivadatra nityamavyayībhāvaḥ.

yasya cāyāmaḥ 587, 2.1.15 yasya cā. ihānurityanuvarttya āvarttyaikaṃ tṛtīyāntatvena vipariṇamayya vyācaṣṭe--anuneti. lakṣaṇabhūteneti. lakṣaṇenetyanuvartata iti bhāvaḥ. anugaṅgamiti. ihā'‌'yāmopalakṣaṇatvaṃ cānunā dyotyate, lakṣyaṃ tu samāsārthaḥ. ataeva vārāṇasyāḥ sāmānādhikaraṇyam. evaṃ sthite phalitamāha--gaṅgādaidhryeti. vārāṇasīti. varaṃ ca tadanaśca varāna:=śreṣṭhodakam. "anaḥ klībaṃ jale śoke mātṛsyandanayodrvayoḥ" iti rudrarabhasau. tasyā'dūre bhavā. "adūrabhavaśca" ityaṇ. ādivṛddhiḥ. "pūrvapadātsaṃjñāyāmiti ṇatvam. gaṅgāyā anviti. samāsā'bhāvapakṣe prāguktarītyā gaṅgāmanvityudāhāryamityāhuḥ. (586) tiṣṭhadguprabhṛtīni ca.2.1.17.tiṣṭhadguprabhṛtīni ca. cakāra evakārārtheṣa. tenaiṣāṃ vṛttyantaraṃ na bhavati. paramatiṣṭhadgu ityādi na bhavatītyarthaḥ. tiṣṭhadgu iti. "gostriyo"riti hyasvaḥ. prathamāsamānādhikaraṇe śatrādeśasyā'saṃbhavādāha--iha śatrādeśa iti. ityādīti. ādiśabdena--khaleyavam. khalebusam. saptamyā aluk. lūnayavam. lūyamānayavamityādi grāhram.