1/12:yogavibhāgaḥ kartavyaḥ |
2/12:vibhāṣā iti ayam adhikāraḥ| tataḥ apaparibahirañcavaḥ pañcamyā iti |
3/12:pañcamīgrahaṇam śakyam akartum |
4/12:katham |
5/12:subantena iti vartate etaiḥ ca karmapravacanīyaiḥ yoge pañcamī vidhīyate |
6/12:tatra antareṇa api pañcamīgrahaṇam pañcamyantena eva samāsaḥ bhaviṣyati |
7/12:idam tarhi prayojanam |
8/12:bahiḥśabdena yoge pañcamī na vidhīyate |
9/12:tatra api yathā syāt iti |
10/12:bahirgrāmāt |
11/12:atha kriyamāṇe api pañcamīgrahaṇe yāvatā bahiḥśabdena yoge pañcamī na vidhīyate katham eva etat sidhyati |
12/12:pañcamīgrahaṇasāmarthyāt |

vibhāṣā ityayam adhikāro veditavyaḥ. yadita ūrdhvam anukramiṣyāmaḥ, tad vibhāṣā bhavati. vakṣyati

vibhāṣā 2.1.11 vibhāṣā ityayam adhikāro veditavyaḥ. yadita ūrdhvam anukramiṣyāmaḥ, tad vibhāṣā bhavati. vakṣyati

vibhāṣā. adhikāro'yamiti. tataścottaratra samāsavidhiṣvetadanuvartate iti labhyate. nanu `prākkaḍārātsamāsaḥ' ityata ūdhrvaṃ `sahasupe'tyataḥ prāgeva kuto vibhāṣādhikāro na kṛta ityata āha–etatsāmathryāditi. madhye vibhāṣādhikārapāṭhasāmathryādevetaḥ prācīnānāṃ nityasamāsatvaṃ gamyata ityarthaḥ. yadyapītaḥ prācīnānāṃ vikalpe pramāṇā'bhāvādeva nityatvaṃ siddhaṃ, tathāpi tasyaiva liṅgena dṛḍhīkaraṇamiti. bodhyam. nanvevaṃ sati `supsupe'tyapi nityasamāsaḥ syāt, tataśca pūrvaṃ bhūta iti laukikavigrahavākyamanupapannaṃ syāt. `supsupe'ti viṣaye vispaṣṭaṃ paṭurvispaṣṭapaṭuriti vigrahapradarśanaparam `ākaḍārāt' iti sūtrasthabhāṣyamapi virudhyetetyata āha-na nityasamāsa iti. kuta itayata āha–avyayamityādīti. `ākaḍārā'dityeva siddhe `prākkaḍārā'diti prāggrahaṇaṃ samāsasaṃjñāyāṃ avyayībhāvādisaṃjñāsamāveśārtham. anyathā ekasaṃjñādhikārātparyāyaḥ syāditi `ākaḍārā'diti sūtre bhāṣye sthitam. tatra `avyayaṃ vibhaktī'tyādyavyayībhāvādividhiṣu`supsupe'ti samāsamanūdya nāvyayībhāvādisaṃjñā vidheyāḥ. `upapadamatiṅ' `kartṛkaraṇe kṛtā bahulam' `ākhyātamākhyātena kriyāsātatye' ityādau subantasya subantena samāsasya uddeśyasyā'prasiddheḥ. atasteṣu samāsavidhānasyāvaśyakatvādarthādhikārānurodhātsarvatra samāsa ityanuvṛttaṃ vidheyasamarpakamityāstheyam. tatra `supsupe'tyeva siddhe `avyayaṃ vibhaktī'tyādyavyayībāvādividhiṣu samāsasaṃjñāvidhānaṃ vyarthaṃ sattataḥ prācīnavidhervaikalpikatvaṃ jñāpayati. na cāvyayībhāvādividhiṣu samāsavidhyabhāve'vyayādīnāṃ samāsaśāstre prathamānirdiṣṭatvā'bhāvena upasarjanatvā'bhāvātpūrvanipātaniyamo na syāt, tadarthamavyayībhāvādividiṣu samāsavidhānaṃ caritārthamiti vācyaṃ, `prathamānirdiṣṭam' iti sūtre `samāse' ityasya samāsatvavyāphyā'vyayībhāvādividhāyake śāstre ityarthābhyupagamenā'vyayādīnāmupasarjanatvasiddhervaktuṃ śakyatvāt. tasmādavyayī bhāvādividhiṣu samāsavidhānaṃ `supsupe'ti samāsasya vaikalpikatvaṃ jñāpayatīti sthitam . `ākaḍārā'diti sūtre `supsupe'ti samāsaviṣaye vispaṣṭaṃ paṭuvispaṣṭapaṭuriti vigrahapradarśanaparabhāṣyaṃ ceha liṅgamityalaṃ bahunā. evaṃca `ivena samāsaḥ' ityādi vaikalpikamiti siddham. yadyapi nityasamāsādhikāre `kugatī'tyatrāpi `ivene'ti vārtikaṃ paṭhitaṃ tathāpi `supsupe'tyatra paṭhitameva tatrāpi smāryata iti kaiyaṭaḥ.

vibhāṣā 657, 2.1.11 vibhāṣā. adhikāro'yamiti. tataścottaratra samāsavidhiṣvetadanuvartate iti labhyate. nanu "prākkaḍārātsamāsaḥ" ityata ūdhrvaṃ "sahasupe"tyataḥ prāgeva kuto vibhāṣādhikāro na kṛta ityata āha--etatsāmathryāditi. madhye vibhāṣādhikārapāṭhasāmathryādevetaḥ prācīnānāṃ nityasamāsatvaṃ gamyata ityarthaḥ. yadyapītaḥ prācīnānāṃ vikalpe pramāṇā'bhāvādeva nityatvaṃ siddhaṃ, tathāpi tasyaiva liṅgena dṛḍhīkaraṇamiti. bodhyam. nanvevaṃ sati "supsupe"tyapi nityasamāsaḥ syāt, tataśca pūrvaṃ bhūta iti laukikavigrahavākyamanupapannaṃ syāt. "supsupe"ti viṣaye vispaṣṭaṃ paṭurvispaṣṭapaṭuriti vigrahapradarśanaparam "ākaḍārāt" iti sūtrasthabhāṣyamapi virudhyetetyata āha-na nityasamāsa iti. kuta itayata āha--avyayamityādīti. "ākaḍārā"dityeva siddhe "prākkaḍārā"diti prāggrahaṇaṃ samāsasaṃjñāyāṃ avyayībhāvādisaṃjñāsamāveśārtham. anyathā ekasaṃjñādhikārātparyāyaḥ syāditi "ākaḍārā"diti sūtre bhāṣye sthitam. tatra "avyayaṃ vibhaktī"tyādyavyayībhāvādividhiṣu"supsupe"ti samāsamanūdya nāvyayībhāvādisaṃjñā vidheyāḥ. "upapadamatiṅ" "kartṛkaraṇe kṛtā bahulam" "ākhyātamākhyātena kriyāsātatye" ityādau subantasya subantena samāsasya uddeśyasyā'prasiddheḥ. atasteṣu samāsavidhānasyāvaśyakatvādarthādhikārānurodhātsarvatra samāsa ityanuvṛttaṃ vidheyasamarpakamityāstheyam. tatra "supsupe"tyeva siddhe "avyayaṃ vibhaktī"tyādyavyayībāvādividhiṣu samāsasaṃjñāvidhānaṃ vyarthaṃ sattataḥ prācīnavidhervaikalpikatvaṃ jñāpayati. na cāvyayībhāvādividhiṣu samāsavidhyabhāve'vyayādīnāṃ samāsaśāstre prathamānirdiṣṭatvā'bhāvena upasarjanatvā'bhāvātpūrvanipātaniyamo na syāt, tadarthamavyayībhāvādividiṣu samāsavidhānaṃ caritārthamiti vācyaṃ, "prathamānirdiṣṭam" iti sūtre "samāse" ityasya samāsatvavyāphyā'vyayībhāvādividhāyake śāstre ityarthābhyupagamenā'vyayādīnāmupasarjanatvasiddhervaktuṃ śakyatvāt. tasmādavyayī bhāvādividhiṣu samāsavidhānaṃ "supsupe"ti samāsasya vaikalpikatvaṃ jñāpayatīti sthitam. "ākaḍārā"diti sūtre "supsupe"ti samāsaviṣaye vispaṣṭaṃ paṭuvispaṣṭapaṭuriti vigrahapradarśanaparabhāṣyaṃ ceha liṅgamityalaṃ bahunā. evaṃca "ivena samāsaḥ" ityādi vaikalpikamiti siddham. yadyapi nityasamāsādhikāre "kugatī"tyatrāpi "ivene"ti vārtikaṃ paṭhitaṃ tathāpi "supsupe"tyatra paṭhitameva tatrāpi smāryata iti kaiyaṭaḥ.

vibhāṣeti. itaḥ prācīnānāṃ samāsānāṃ hi ṭighubhādisaṃjñānāmiva vāgrahaṇā'bhāvānnityatvaṃ nyāyata eva siddhaṃ, tacca liṅgenāpi draḍhayati-etaditi. nanvevaṃ `supsupā' ityapi nityaṃ syāt, iṣṭāpattau tu `pūrvaṃ bhūto bhūtapūrvaḥ. supsupeti samāsaḥ' iti vṛttigrantho virudhyeta. tathā śākalasūtre `sinnityasamāsayoḥ śākalapratiṣedhaḥ' ityatra `nitya grahaṇena nārthaḥ, idamapi siddhaṃ bhavati– vāpyāma\ufffdāo vāpya\ufffdāḥ' iti bhāṣyaṃ kaiyaṭo vyākhyāt–`vāpya\ufffdā iti supsupe'ti samāsasaḥ. `saṃjñāyām' iti saptamīsamāsasya tu nityatvātsiddhaḥ pratiṣedhaḥ'iti. so'pi grantho virudhyetetyāśaṅkāyāmāha supsupeti tviti. nanvatra kiṃ pramāṇamityata āha–avyayamityādīti. supsapetyanenaiva siddhe samāse `avyaya'mityādisūtraiḥ punaḥ samāsavidhānaṃ pkācīnasya kvācitkātāṃ jñāpayatītyarthaḥ. evaṃ ca ivena samāsasyāpi kvācitkatvāt `udvāhuriva vāmanaḥ'ityādi siddham. `ivene'tivārtikaṃ tu yadyapi `kugatī'tyatra paṭha\ufffdte tathāpi `supsupe'tyatratyameva nityā'dhikāre smāritamiti kaiyaṭaḥ. evaṃ sthite `udbāhuriva vāmanaḥ'ityādilokaprayodasiddhaye ivena samāsasya chandoviṣayakatvaṃ kalpayantaḥ pratyuktāḥ. chandasyapi tatsamāsasya nityatvānabhyupagamāt. `jīmūtasyeve'tyatra hi bahvṛcaiḥ samāsābhyupagame'pi taittirayaivryastasyaiva pāṭhāt. etacca manoramāyāṃ sthitam.

vibhāṣā 581, 2.1.11 vibhāṣeti. itaḥ prācīnānāṃ samāsānāṃ hi ṭighubhādisaṃjñānāmiva vāgrahaṇā'bhāvānnityatvaṃ nyāyata eva siddhaṃ, tacca liṅgenāpi draḍhayati-etaditi. nanvevaṃ "supsupā" ityapi nityaṃ syāt, iṣṭāpattau tu "pūrvaṃ bhūto bhūtapūrvaḥ. supsupeti samāsaḥ" iti vṛttigrantho virudhyeta. tathā śākalasūtre "sinnityasamāsayoḥ śākalapratiṣedhaḥ" ityatra "nitya grahaṇena nārthaḥ, idamapi siddhaṃ bhavati--vāpyāma()āo vāpya()āḥ" iti bhāṣyaṃ kaiyaṭo vyākhyāt--"vāpya()ā iti supsupe"ti samāsasaḥ. "saṃjñāyām" iti saptamīsamāsasya tu nityatvātsiddhaḥ pratiṣedhaḥ"iti. so'pi grantho virudhyetetyāśaṅkāyāmāha supsupeti tviti. nanvatra kiṃ pramāṇamityata āha--avyayamityādīti. supsapetyanenaiva siddhe samāse "avyaya"mityādisūtraiḥ punaḥ samāsavidhānaṃ pkācīnasya kvācitkātāṃ jñāpayatītyarthaḥ. evaṃ ca ivena samāsasyāpi kvācitkatvāt "udvāhuriva vāmanaḥ"ityādi siddham. "ivene"tivārtikaṃ tu yadyapi "kugatī"tyatra paṭha()te tathāpi "supsupe"tyatratyameva nityā'dhikāre smāritamiti kaiyaṭaḥ. evaṃ sthite "udbāhuriva vāmanaḥ"ityādilokaprayodasiddhaye ivena samāsasya chandoviṣayakatvaṃ kalpayantaḥ pratyuktāḥ. chandasyapi tatsamāsasya nityatvānabhyupagamāt. "jīmūtasyeve"tyatra hi bahvṛcaiḥ samāsābhyupagame'pi taittirayaivryastasyaiva pāṭhāt. etacca manoramāyāṃ sthitam.