1/13:lādeśe parasmaipadagrahaṇam puruṣabādhitatvāt |*
2/13:lādeśe parasmaipadagrahaṇam kartavyam |
3/13:kim kāraṇam |
4/13:puruṣabādhitatvāt |
5/13:iha vacane hi sañjñābādhanam |*
6/13:iha hi kriyamāṇe anavakāśā puruṣasañjñā parasmaipadasañjñām bādheta |
7/13:parasmaipadasañjñā api anavakāśā |
8/13:sā vacanāt bhaviṣyati |
9/13:sāvakāśā parasamaipadasañjñā |
10/13:kaḥ vakāśaḥ |
11/13:śatṛkkvasū avakāśaḥ |
12/13:sici vṛddhau tu parasmaipadagrahaṇam jñāpakam puruṣābādhakatvasya |*
13/13:yat ayam sici vṛddhiḥ parasmaipadeṣu iti parasmaipadagrahaṇam karoti tat jñāpayati ācāryaḥ na puruṣasañjñā parasmaipadasañjñām bādhate iti |

laḥ iti ṣaṣṭhī ādeśāpekṣā. lā'deśāḥ parasmaipadasaṃjñā bhavanti. tip, tas, jhi . sip, thas, tha. mip, vas, mas. śatṛkvasū ca parasmaipadapradeśāḥ sici vṛddhiḥ parasmaipadeṣu 7-2-1 ityevam ādayaḥ.

taṅānāvātmanepadam 1.4.100 taṅiti pratyāhāro navānām vacanānām. ānaḥ iti śānackānacorgrahanam. pūrveṇa parasmaipadasaṃjñāyāṃ prāptāyāṃ taṅānayorātmanepadasaṃjñā vidhīyate. ta, ātām, jha. thās, āthām, dhvam. iṭ, vahi, mahiṅ. ānahH khalvapi śānackānacau. laḥ ityeva, katīha nighnānāḥ. ātmanepadapradeśāḥ anudattaṅita ātmanepadam 1.3.12 ityevam ādayaḥ.

taṅānāvātmanepadam 379, 1.4.99 taṅ pratyāhāraḥ śānackānacau caitatsaṃjñāḥ syuḥ. pūrva saṃjñāpavādaḥ॥

laḥ para. `la' iti sthānaṣaṣṭhī. `ādeśa' ityadhyāhāryam. tadāha– lādeśā iti.

taṅānāvātmanepadam 7, 1.4.99 taṅānau. taṅ ca ānaśceti dvandvaḥ. pratyāhāra iti. "ta ātāmiti taśabdamārabhya mahiṅiti ṅakāreṇe"ti śeṣaḥ. tadāha-- tādinavakamiti. iha pūrvasūtrālla ityanuvartate. tataśca ānagrahaṇena śānackānacāveva gṛhrate, na tu "tācchīlyavayovacanaśaktiṣu cāna"śiti vihitaścānaśapi, tasya lādeśatvā'bhāvāt. tena parasmaipadibhyo'pi cānaś sidhyati--nighnānā ityādau. tadāha--śānackānacau ceti. etatsaṃjñānīti. ātmanepadasaṃjñakānītyarthaḥ. pūrvasaṃjñeti. parasmaipadasaṃjñāpavāda ityarthaḥ. evaṃ ca tibādinavake parasmaipadasaṃjñā paryavasyati. atha kasmāddhātoḥ parasmaipadaṃ, kasmādātmanepadamityākāṅkṣāyāmāha-- anudāttaṅitaḥ. anudāttaśca ṅca anudāttaṅau. tāvitau yasya saḥ--- anudāttaṅit. tasmāt--anudāttaṅitaḥ. dvandvānte śrūyamāṇa icchabdaḥ pratyekaṃ sambadhyate. anudātteto ṅitaśceti. labhyate. "upadeśe'janunāsika i"dityasmānmaṇḍūkaplutyā upadeśa ityanuvṛttaṃ ṅita ityanena sambadhyate, natvanudātteta ityanena. upadeśādanyatra anudāttasyetsaṃjñāyā aprasaktatvenā'vyabhicārāt. "bhūvādayo dhātava" ityasmānmaṇḍūkaplutyā "dhātava" ityanuvṛttaṃ pañcamyā vipariṇatamanudāttetā ṅitā ca viśeṣyata#e. tatrānudāttedaṃśe tadantavidheḥ prayojanā'bhāvānṅidaṃśe tadantavidhiḥ. tadāha-- anudātteta ityādinā. lasya sthāna iti. ātmanepadagrahaṇalabhyamidam, tiṅāṃ lādeśatvaniyamāt. upadeśe kim?. cukuṭiṣati. atra "gāṅkuṭādibhya" iti sana ātideśikameva ṅittvam, natvaupadeśikam. dhātoḥ kim?. adudruvat. atra "ṇiśrī"ti caṅantānnātmanepadam. ṅidaṃśe tadantavidhyabhāve tu "bobhūyate" ityādau "sanādyantā" iti dhātusaṃjñakādyaṅantādātmanepadaṃ na syāt. "ṅita" ityevoktau yaṅo ṅittve'pi tadvantasya dhātorṅittvā'bhāvādātmanepadaṃ na syāt.

taṅānāvātmanepadam 6, 1.4.99 lasyetyasyānuvṛtterlādeśa evā'‌'no gṛhrate ityāśayenāha-- śānackānacau ceti. tena parasmaipadibhyo'pi "tācchīlyavayovacane"iti cānaśbhavatyeva. "katīha nighnānāḥ"॥