1/15:iha kasmāt na bhavati |
2/15:sarpiṣaḥ api syāt |
3/15:gomūtrasya api syāt |
4/15:kim ca syāt |
5/15:dvitīyā api prasajyeta karmapravacanīyayukte dvitīyā iti |
6/15:na eṣaḥ doṣaḥ |
7/15:na ime apyarthāḥ nirdiśyante |
8/15:kim tarhi |
9/15:parapadārthāḥ ime nirdiśyante |
10/15:eteṣu artheṣu yat padam vartate tat prati apiḥ karmapravacanīyasañjñaḥ bhavati iti |
11/15:atha vā yat atra karmapravacanīyayuktam na adaḥ prayujyate |
12/15:kim punaḥ tat |
13/15:binduḥ |
14/15:bindoḥ tarhi kasmāt na bhavati |
15/15:upapadavibhakteḥ kārakavibhaktiḥ balīyasī iti prathamā bhaviṣyati iti |

padārthe, sambhāvane, anvavasarge, garhāyām, samuccaye ca vartamānaḥ apiḥ karmapravacanīyasaṃjño bhavati. padāntarasya aprayujyamānasya arthaḥ padārthaḥ sarpiṣo 'pi syāt. madhuno 'pi syāt. mātrā, binduḥ, stokam ityasya arthe 'pi śabdo vartate. sambhāvanam adhikārthavacanena śakterapratighātāviṣkaranam api siñcen mūlakasahasram. api stuyād rājānam. anvavasargaḥ kāmacārābhyanujñānam api siñca. api stuhi. garhā nindā dhig jālmaṃ devadattam, api siñcet palāṇḍum. api stuyād vṛṣalam. samuccaye api siñca. api stuhi. siñca ca stuhi ca. upasargasaṃjñābādhanāt ṣatvam na bhavati.

adhirīśvare 1.4.97 īśvaraḥ svāmī, sa ca svam apekṣate. tadayam svasvāmisambandhe adhiḥ karmapravacanīyasaṃjño bhavati. tatra kadācit svāminaḥ karmapravacanīyavibhaktiḥ saptamī bhavati, kadācit svāt. adhi brahmadatte pañcālāḥ. adhi pañcāleṣu brahmadattaḥ.

adhirī�āre , 1.4.96 "tadayaṃ svasvāmisambandhe" iti. parilapālanādikriyājanito'tra sambandhaḥ. "tatra" ityādi. sarvatra hi sambandhe kiñcidanūdyate, kiñcidākhyāyate. yatprasiddhaṃ tadanūdyate, yadaprasiddhaṃ tadākhyāyate = vidhīyate; jñāpyate; yathā-- yaḥ kuṇ()ḍalī sa devadatta iti. kuṇḍalitvānuvādena devadattanuvādena devadattatvaṃ vidhīyate. yacca vidhīyate tatpradhānam, itaradapradhānaṃ viśeṣamam. tatra yadā svamaprasiddhatvādvidhīyate tadā svāmī pradhānatvādvayatirekamāpadyata iti tata iva karmapravacanīyasaṃjñāyuktatvādvyatirekanibandhanavibhakto ṣaṣṭha()āṃ prāptāyāṃ tadapavādaḥ "yasmādadhikaṃ yasya ce()āravacanaṃ tatra saptamī" 2.3.9 iti saptamī bhavati. tayaiva sambandhasya dyotitatvāt svāt prathamaiva bhavati, na saptamī. yadā tu svāmyaprasiddhatvāt vidhīyate, tadā viparyayo veditavyaḥ॥

apiḥ padārtha. padārthaśca saṃbhāvanañca anvavasargaśca garhā ca samuccayaśceti dvandvaḥ. eṣu dyotakatrayā vidyamāno'piḥ kramapravacanīya ityarthaḥ. tadāha–eṣviti. aprayujyamānasya padāntarasyārthaḥ-padārthaḥ. taddyotakamapimudāharati–sarpiṣo'pi syāditi. yatrātidaurlabhyādatyalpamājyaṃ bhuñjanebhyo dīyate tadupahāsārthamidaṃ vākyam. atrāpeḥ karmapravacanīyatve prayojanamāha–anupasargatvānna ṣa iti. `#upasargāprādubhryāmityanene'ti śeṣaḥ. apidyotyaṃ padārthaṃ viśadayitumāha– saṃbhāvanāyāṃ liṅiti. `upasaṃvādāśaṅkayośce'ti sūtre `upasaṃvādāśaṅkayorli'ṅiti paṭhitavacanene'ti śeṣaḥ. tatra āśaṅkā=utkaṭānyatarakoṭikā śaṅkā saṃbhāvanaiveti bhāvaḥ. sā ca prakṛtyarthagatā bhavati, pratyayānāṃ prakṛtyarthānvitasvārthabodhakatvavyutpatteḥ. asdhātośca bhavanamarthaḥ, `asa bhuvī'tyukteḥ. bhavanaṃ ca sattā, `bhū sattāyā'mityukteḥ. tataśca saṃbhāvanāviṣayībhūtabhavanārthakā'sdhātoḥ kartari liṅi śnasorallope yāsuḍāgamādau syāditi rūpam. tena ca saṃbhāvanāviṣayībhūtabhavanārthakā'sdhātoḥ kartari liṅi śnasorallope yāsuḍāgamādau syāditi rūpam. tena ca saṃbhāvanāviṣayabhavanāśrayaḥ kartā avagataḥ. saca kartā ka ityākāṅkṣāyāṃ prakaraṇādaucityātsarpiṣa ityavayavaṣaṣṭhībalācca binduriti gamyate, tamevā'piśabdo dyotayati. saca vindurapiśabdadyotyaḥ kartā prakṛtyarthe saṃbhāvanāviṣaye bhavane svasya vindordaurlabhyāttadeva daurlabhyaṃ puraskṛtyānveti, saṃbhāvanāviṣayatvabodhe daurlabhyasyāpi saṃbhāvanāviṣayatayā anubhavasiddhatvāt. tadidaṃ daurlabhyamapi apiśabdo dyotayati. evaṃ ca bindhoḥ kartṛviśeṣarūpeṇa dyotyoktadaurlabhyasaṃbandhena ca syādityatrānvayaḥ. tadāha–tasyā eveti. saṃbhāvanāyā evetyarthaḥ. karturbindordaurlabhyādbhavana kriyāyāṃ yadyaurlabhyaṃ taddyotayannapiśabdaḥ syādityanena saṃbadhyata ityarthaḥ. nanu sarpireva kartṛtvenānveti ityata āha–sarpiṣa iti. `saṃbandha' ityanantaraṃ `vartate' iti śeṣaḥ. evaṃca sarpiravayavabindudaurlabhyaprayuktadaurlabhyavatī bundu kartṛkā saṃbhāvanāviṣayībhūtā satteti bodhaḥ. iyameveti. bindudaurlabhyaprayuktadaurlabhyadyotakataivetyarthaḥ. nanu karmapravacanīyenā'pinā anvayasattvāt sarpiṣo dvitīyā syādityata āha–dvitīyā tu neti. kuta ityata āha–sarpiṣa iti. sarpiṣo bindunaiva yogo na tvapinetyevaṃ sarpiṣa iti ṣaṣṭhī tvityādisaṃdarbheṇa uktatvādityarthaḥ. karmapravacanīyadyotyasaṃbandhapratiyogitvameva karmapravacanīyayuktatvam, prakṛte ca apidyotyasya uktasaṃbandhasya vindureva pratiyogī natu sarpiriti bhāvaḥ. tadevaṃ padārthadyotakamapimudāhmatya saṃbhāvanadyotakamapimudāharati–api stuyāditi. `saṃbhāvane'lamiti cet siddhā'prayoge' iti liṅ. saṃbhāvanapadaṃ vyācaṣṭe– saṃbhāvanamityādinā. avāṅbhanasagocaraṃ viṣṇumapi stuyāt. stotu śakta ityarthaḥ. atyuktiriyam, avāṅmanasagocarasya viṣṇoḥ kenāpi stotumaśakyatvāt. tatra karmapravacanīyatve upasargatvabādhāt `upasargātsunotī'ti ṣatvaṃ na. anvavasargadyotamamapimudāharati–apistuhīti. stuhi vā, na vā, yatheṣṭaṃ kurvityarthaḥ. anvavasargapadaṃ vyācaṣṭe –kāmacārānujñeti. `praiṣātisarge'ti loṭ. garhādyotakamapimudāharati–?pi stuyādvṛṣalamiti. `garhāyāṃ laḍapijātvoḥ' iti laṭaṃ bādhitvā paratvādantaraṅgatvācca saṃbhāvanāyāṃ liṅ. atra vṛṣalasya nindyatvāt tatstuternindyatvaṃ gamyamānamapiśabdo dyotayati. dhigdevadattamiti tadanuvādaḥ. samuccayadyotakamapimudāharati–api siñca api stuhīti. apidvayena militena samuccayadyotanāt pratyekaṃ karmapravacanīyatvādubhayatrāpi ṣatvā'bhāvaḥ. siñca, stuhi cetyarthaḥ.

adhirī�āre 636, 1.4.96 adheḥ karmapravacanīyakāryaṃ vakṣyankarmapravacanīyasaṃjñāmāha--adhirī()āre. ī()āraśabdena i()āratvaṃ svasvāmibhāvasaṃbandhātmakaṃ vivakṣitam. "karmapravacanīyāḥ" ityadhikṛtamekavacanāntatayā vipariṇamyate. tadāha--svasvāmīti.

apiḥ padārtha. sarpiṣo'pi syāditi. sarpirbinduḥ syādityarthaḥ. apeḥ karmapravacanīyatve phalamāha–anupasargatvānna ṣa iti. upasargasaṃjñā'bhāvāt `upasargapradubhryāmasti'ritīha na pravartata iti bhāvaḥ. saṃbhāvanāyāmiti. saṃbhāvanāyā evetyarthaḥ. kartṛdaurlabhyetyādi. kartṛdaurlabhyādbhavanakriyāyā daurlabhyaṃ dyotayannapiśabdo bhavanakriyāvācinā `syā'dityanena sambadhyata ityarthaḥ. avayavāvayavibhāveti. sarpiravayavī. binduravayavaḥ. iyameveti. bindudaubhryaprayuktadaurlabhyadyotakataivetyarthaḥ. dvitīyeti. `karmapravacanīyayukte—'ityanena vihitā. natvapineti. na ca bindunā yoge taddayotakā'piśabdenā'pi yogo jāta eva, arthadvārā śabdānāṃ yogasyābyupagamāditi śaṅkyam. apiśabdasya bindudyotakatvā'bhāvāt. kathaṃ tarhi bindupratītiriti cet. śrṛṇu—apinā dyotyaṃ bhavanadaurlabhyameva kartṛdaurlabhyamākṣipati. kartā tviha vindureveti sa pratīyate. ata eva `apiśabdabalena gamyamānasye'tyaktuṃ, na tvapinā gamyamānasyeti. uktatvāditi. uktaprayātvādityarthaḥ. `apiśabdaḥ syādityanena saṃbadhyata'ityuktesyādityasyā'pinā yogo na tu sarpiṣā ityarthaparyavasānāt. apa#i stuyāditi. avāṅbhanasagocaraṃ viṣṇumapi stuyādityadhikoktiḥ. etādṛśasyā'nyadīyastavane sāmathryamastītyatra kiṃ vaktavyamiti bhāvaḥ. iha saṃbhāvanādyotako'piśabdaḥ, pūrvatra tu saṃbhāvanāviṣayedaurlabhyadyotaka iti mahānbhedaḥ. `upasargātsumanoti' ityādinā ṣatvaṃ na bhavati, karmapravacanīyasaṃjñayā upasargasaṃjñāyā bādhāt. evamuttaratrāpi bodhyam. api siñca. api stuhīti. siñca ca stuhi cetyarthaḥ.