atiśabdaḥ atikramaṇe, cakārāt pūjayaṃ ca karmapravacanīyasaṃjño bhavati. niṣpanne 'pi vastuni kriyāpravṛttiḥ atikramaṇam. ati siktam eva bhavatā. ati stutam eva bhavatā. pūjāyam ati siktaṃ bhavatā. ati stutam eva bhavatā. śobhanaṃ kṛtam ityarthaḥ.

apiḥ padārthasambhāvanānvavasargagarhāsamuccayeṣu 1.4.96 padārthe, sambhāvane, anvavasarge, garhāyām, samuccaye ca vartamānaḥ apiḥ karmapravacanīyasaṃjño bhavati. padāntarasya aprayujyamānasya arthaḥ padārthaḥ sarpiṣo 'pi syāt. madhuno 'pi syāt. mātrā, binduḥ, stokam ityasya arthe 'pi śabdo vartate. sambhāvanam adhikārthavacanena śakterapratighātāviṣkaranam api siñcen mūlakasahasram. api stuyād rājānam. anvavasargaḥ kāmacārābhyanujñānam api siñca. api stuhi. garhā nindā dhig jālmaṃ devadattam, api siñcet palāṇḍum. api stuyād vṛṣalam. samuccaye api siñca. api stuhi. siñca ca stuhi ca. upasargasaṃjñābādhanāt ṣatvam na bhavati.

apiḥ padārthasambhāvanānvavasargagarhāsamuccayeṣu , 1.4.95 "padārthe" iti. anyasya padasyārtho lakṣyate. na svārthaḥ, nāpi svasambandhinaḥ; padasyārthaḥ padārthaḥ. svapadārthagrahaṇaṃ, svasambandhipadārthagrahaṇaṃ vā padārthagrahaṇamanarthakaṃ syāt. apiśabdasya hi yo'rthaḥ yaścāpiśabdasambandhinaḥ syādityādeḥ padasya , sa padārtha eveti kiṃ padārthagrahaṇena? tasmāt padārthagrahaṇasāmathryādviśiṣṭapadasyārtho vijñāyata ityāha-- "padāntarasya" ityādi. "sarpiṣo'pi syāt" iti. karmapravacanīyasaṃjñayopasargasaṃjñāyā nivartitatvāt "upasargaprādubhryāmastiryacparaḥ" (8.3.ka87) iti ṣatvaṃ na bhavati. atha sarpiḥśabdād()dvitīyā kathaṃ na bhavati? apiśabdena tasya yogāsambhavāt. sarpiṣo hi yā mātrā sā'piśabdena yuktā, na sarpiḥ. mātrāśabdāt tarhi kasmānna bhavati? tasya prayogābhāvāt. yadā tu prayujyate, tadā karmapravacanīyasaṃjñaiva nāsti; aprayujyamānasya padāntarasyārthe tadvidhānāt. "adhikārthavacanena" iti. adhikartho mūlakasaharuāsekādiḥ, tasya vacanena sekādāvarthe kriyāyāṃ yacchakterapratighātasyāviṣkaraṇam = prakāśanaṃ tatsambhāvanam. "api siñcenmūlakasaharuām. api stuyādrājānam" iti. tasya seke stutau ca sāmathryaṃ na vihanyata ityarthaḥ. "sambhāvane'lamiti cet siddhāpyoge" 3.3.154 iti liṅa. "kāmacārābhyanujñānam" iti. kamacāraḥ = icchayā pravṛttiḥ, tasyābhāyanujñānaṃ kāmacārābhyanujñānam. "api siñca, api stuhi" iti. siñca vā stuhi vā yatheṣṭamabhyanujñāto'sītyarthaḥ. "dhigjālmaṃ devadattam" iti. ubhayasarvatasoḥ kāryā dhiguparyādiṣu triṣu. dvitīyāmreḍitānteṣu tato'nyatrāpi dṛśyate॥(vā.118) ityupasaṃkhyānād()dvitīyā. "api siñcetpalāṇḍum" iti. "arhe kṛtyatṛcaśca" 3.3.69 iti liṅa. palāṇ()ḍumiti karmaṇi dvitīyā 2.3.2. "api siñca, api stuhi " iti. ekasmin katrtari stutisekakriyayoścanīyamānatā. atra samuccayaḥ. siñca ca stuhi ceti prasiddhasamuccayārthasya caśabdasya prayogeṇa tameva samuccayamudāharaṇe vyaktīkaroti॥

atiratikramaṇe ca. cakārātpūjāyāmiti samuccīyata #ityāha–pūjāyāṃ ceti. atikramaṇam-ucitādādhikyam. ati devān kṛṣṇa iti. prapañcasaṃrakṣaṇaviṣaye devebhyo'dhikaḥ kṛṣṇa ityarthaḥ. devānāṃ pūjya iti vā. ādya'rthe `kugatiprādayaḥ' iti samāso na, `svatī pūjāyāmi'ti niyamāt. dvitīye tvanabhidhānānnetyāhuḥ.

apiḥ padārthasaṃbhāvanā'nvavasargagarhāsamuccayeṣu 549, 1.4.95 apiḥ padārtha. padārthaśca saṃbhāvanañca anvavasargaśca garhā ca samuccayaśceti dvandvaḥ. eṣu dyotakatrayā vidyamāno'piḥ kramapravacanīya ityarthaḥ. tadāha--eṣviti. aprayujyamānasya padāntarasyārthaḥ-padārthaḥ. taddyotakamapimudāharati--sarpiṣo'pi syāditi. yatrātidaurlabhyādatyalpamājyaṃ bhuñjanebhyo dīyate tadupahāsārthamidaṃ vākyam. atrāpeḥ karmapravacanīyatve prayojanamāha--anupasargatvānna ṣa iti. "#upasargāprādubhryāmityanene"ti śeṣaḥ. apidyotyaṃ padārthaṃ viśadayitumāha--saṃbhāvanāyāṃ liṅiti. "upasaṃvādāśaṅkayośce"ti sūtre "upasaṃvādāśaṅkayorli"ṅiti paṭhitavacanene"ti śeṣaḥ. tatra āśaṅkā=utkaṭānyatarakoṭikā śaṅkā saṃbhāvanaiveti bhāvaḥ. sā ca prakṛtyarthagatā bhavati, pratyayānāṃ prakṛtyarthānvitasvārthabodhakatvavyutpatteḥ. asdhātośca bhavanamarthaḥ, "asa bhuvī"tyukteḥ. bhavanaṃ ca sattā, "bhū sattāyā"mityukteḥ. tataśca saṃbhāvanāviṣayībhūtabhavanārthakā'sdhātoḥ kartari liṅi śnasorallope yāsuḍāgamādau syāditi rūpam. tena ca saṃbhāvanāviṣayībhūtabhavanārthakā'sdhātoḥ kartari liṅi śnasorallope yāsuḍāgamādau syāditi rūpam. tena ca saṃbhāvanāviṣayabhavanāśrayaḥ kartā avagataḥ. saca kartā ka ityākāṅkṣāyāṃ prakaraṇādaucityātsarpiṣa ityavayavaṣaṣṭhībalācca binduriti gamyate, tamevā'piśabdo dyotayati. saca vindurapiśabdadyotyaḥ kartā prakṛtyarthe saṃbhāvanāviṣaye bhavane svasya vindordaurlabhyāttadeva daurlabhyaṃ puraskṛtyānveti, saṃbhāvanāviṣayatvabodhe daurlabhyasyāpi saṃbhāvanāviṣayatayā anubhavasiddhatvāt. tadidaṃ daurlabhyamapi apiśabdo dyotayati. evaṃ ca bindhoḥ kartṛviśeṣarūpeṇa dyotyoktadaurlabhyasaṃbandhena ca syādityatrānvayaḥ. tadāha--tasyā eveti. saṃbhāvanāyā evetyarthaḥ. karturbindordaurlabhyādbhavana kriyāyāṃ yadyaurlabhyaṃ taddyotayannapiśabdaḥ syādityanena saṃbadhyata ityarthaḥ. nanu sarpireva kartṛtvenānveti ityata āha--sarpiṣa iti. "saṃbandha" ityanantaraṃ "vartate" iti śeṣaḥ. evaṃca sarpiravayavabindudaurlabhyaprayuktadaurlabhyavatī bundu kartṛkā saṃbhāvanāviṣayībhūtā satteti bodhaḥ. iyameveti. bindudaurlabhyaprayuktadaurlabhyadyotakataivetyarthaḥ. nanu karmapravacanīyenā'pinā anvayasattvāt sarpiṣo dvitīyā syādityata āha--dvitīyā tu neti. kuta ityata āha--sarpiṣa iti. sarpiṣo bindunaiva yogo na tvapinetyevaṃ sarpiṣa iti ṣaṣṭhī tvityādisaṃdarbheṇa uktatvādityarthaḥ. karmapravacanīyadyotyasaṃbandhapratiyogitvameva karmapravacanīyayuktatvam, prakṛte ca apidyotyasya uktasaṃbandhasya vindureva pratiyogī natu sarpiriti bhāvaḥ. tadevaṃ padārthadyotakamapimudāhmatya saṃbhāvanadyotakamapimudāharati--api stuyāditi. "saṃbhāvane'lamiti cet siddhā'prayoge" iti liṅ. saṃbhāvanapadaṃ vyācaṣṭe--saṃbhāvanamityādinā. avāṅbhanasagocaraṃ viṣṇumapi stuyāt. stotu śakta ityarthaḥ. atyuktiriyam, avāṅmanasagocarasya viṣṇoḥ kenāpi stotumaśakyatvāt. tatra karmapravacanīyatve upasargatvabādhāt "upasargātsunotī"ti ṣatvaṃ na. anvavasargadyotamamapimudāharati--apistuhīti. stuhi vā, na vā, yatheṣṭaṃ kurvityarthaḥ. anvavasargapadaṃ vyācaṣṭe --kāmacārānujñeti. "praiṣātisarge"ti loṭ. garhādyotakamapimudāharati--()pi stuyādvṛṣalamiti. "garhāyāṃ laḍapijātvoḥ" iti laṭaṃ bādhitvā paratvādantaraṅgatvācca saṃbhāvanāyāṃ liṅ. atra vṛṣalasya nindyatvāt tatstuternindyatvaṃ gamyamānamapiśabdo dyotayati. dhigdevadattamiti tadanuvādaḥ. samuccayadyotakamapimudāharati--api siñca api stuhīti. apidvayena militena samuccayadyotanāt pratyekaṃ karmapravacanīyatvādubhayatrāpi ṣatvā'bhāvaḥ. siñca, stuhi cetyarthaḥ.

atiratikrameṇa ca. cakāreṇa `pūjāyā'mityanukṛṣyata ityāha—pūjāyāṃ ceti. atikramaṇam–ucitādadhikasyānuṣṭhānam. arthadvaye'pyekamevodāhariti—ati devān kṛṣṇa iti. anye tūdāharanti atisiktam, atistutamiti. bahutaraṃ samīcīnaṃ vā siktaṃ stutaṃ cetyarthaḥ. bahutarārthe atikramāṇaṃ, samīcīne pūjeti vivekaḥ.

apiḥ padārthasaṃbhāvanā'nvavasargabarhāsamuccayeṣu 492, 1.4.95 apiḥ padārtha. sarpiṣo'pi syāditi. sarpirbinduḥ syādityarthaḥ. apeḥ karmapravacanīyatve phalamāha--anupasargatvānna ṣa iti. upasargasaṃjñā'bhāvāt "upasargapradubhryāmasti"ritīha na pravartata iti bhāvaḥ. saṃbhāvanāyāmiti. saṃbhāvanāyā evetyarthaḥ. kartṛdaurlabhyetyādi. kartṛdaurlabhyādbhavanakriyāyā daurlabhyaṃ dyotayannapiśabdo bhavanakriyāvācinā "syā"dityanena sambadhyata ityarthaḥ. avayavāvayavibhāveti. sarpiravayavī. binduravayavaḥ. iyameveti. bindudaubhryaprayuktadaurlabhyadyotakataivetyarthaḥ. dvitīyeti. "karmapravacanīyayukte---"ityanena vihitā. natvapineti. na ca bindunā yoge taddayotakā'piśabdenā'pi yogo jāta eva, arthadvārā śabdānāṃ yogasyābyupagamāditi śaṅkyam. apiśabdasya bindudyotakatvā'bhāvāt. kathaṃ tarhi bindupratītiriti cet. śrṛṇu---apinā dyotyaṃ bhavanadaurlabhyameva kartṛdaurlabhyamākṣipati. kartā tviha vindureveti sa pratīyate. ata eva "apiśabdabalena gamyamānasye"tyaktuṃ, na tvapinā gamyamānasyeti. uktatvāditi. uktaprayātvādityarthaḥ. "apiśabdaḥ syādityanena saṃbadhyata"ityuktesyādityasyā'pinā yogo na tu sarpiṣā ityarthaparyavasānāt. apa#i stuyāditi. avāṅbhanasagocaraṃ viṣṇumapi stuyādityadhikoktiḥ. etādṛśasyā'nyadīyastavane sāmathryamastītyatra kiṃ vaktavyamiti bhāvaḥ. iha saṃbhāvanādyotako'piśabdaḥ, pūrvatra tu saṃbhāvanāviṣayedaurlabhyadyotaka iti mahānbhedaḥ. "upasargātsumanoti" ityādinā ṣatvaṃ na bhavati, karmapravacanīyasaṃjñayā upasargasaṃjñāyā bādhāt. evamuttaratrāpi bodhyam. api siñca. api stuhīti. siñca ca stuhi cetyarthaḥ.