1/24:kimartham adhiparyoḥ anarthakayoḥ karmapravacanīyasañjñā ucyate |
2/24:karmapravacanīyasañjñā yathā syāt |
3/24:gatyupasargasañjñe mā bhūtām iti |
4/24:na etat asti prayojanam |
5/24:yatkriyāyuktāḥ tam prati gatyupasargasañjñe bhavataḥ anarthakau ca imau |
6/24:idam tarhi prayojanam pañcamī yathā syāt pañcamī apāṅparibhiḥ iti |
7/24:kutaḥ paryāgamyata iti |
8/24:siddhā atra pañcamī apādāne iti eva |
9/24:ātaḥ ca apādānapañcamī eṣā |
10/24:yatra api adhiśabdena yoge pañcamī na vidhīyate tatra api śrūyate |
11/24:kutaḥ adhyāgamyata iti |
12/24:evam tarhi siddhe sati yat anarthakayoḥ gatyupasargasañjñābādhikām karmapravacanīyasañjñām śāsti tat jñāpayati ācāryaḥ anarthakānām api eṣām bhavati arthavatkṛtam iti |
13/24:kim etasya jñāpane prayojanam |
14/24:nipātasya anarthakasya prātipadikatvam coditam |
15/24:tat na vaktavyam bhavati |
16/24:atha vā na eva imau anarthakau |
17/24:kim tarhi anarthakau iti ucyate |
18/24:anarthāntarvācinau anarthakau |
19/24:dhātunā uktām kriyām āhatuḥ |
20/24:tad aviśiṣṭam bhavati yathā śaṅkhe payaḥ |
21/24:yadi evam dhātunā uktatvāt tasyārthasya upasargaprayogo na prāpnoti uktārthānām aprayogaḥ iti |
22/24:uktārthānāmapi prayogaḥ dṛśyate |
23/24:tat yathā apūpau dvau ānaya |
24/24:brāhmaṇau dvau anaya iti |

adhiparī śabdau anarthakau anarthāntaravācinau karmapravacanīyasaṃjñau bhavataḥ. kuto 'dhyāgacchati. kutaḥ paryāgacchati. gatyupasargasaṃjñāvādhanārthā karmapravacanīyasaṃjñā vidhīyate.

suḥ pūjāyām 1.4.94 suśabdaḥ pūjāyām arthe karmapravacanīyasaṃjño bhavati. su siktaṃ bhavatā. su stutaṃ bhavatā. dhātvarthaḥ stūyate. upasargasaṃjñā'śrayaṃ ṣatvaṃ na bhavati. pūjāyām iti kim? suṣiktaṃ kiṃ tavātra.

suḥ pujāyām , 1.4.93 "susiktaṃ bhavatā" iti. bhavacchabdāt katrtari tṛtīyā. dvitīyā tu pūrvavadeva na bhavati. "dhātvarthaḥ stūyate" iti. śobhanodbhāvanaṃ stutiḥ, saiva tasya pujā. "upasargāśrayaṃ ṣatvaṃ na bhavati" iti. karmapravacanīyasaṃjñayopasargasaṃjñāyā bādhitatvāditi bhāvaḥ. "suṣiktaṃ kiṃ tavātra" iti. kṣepo'yam,na pūjā॥

adhiparī. uktasaṃjño sta iti. karmapravacanīyasaṃjñakāvityarthaḥ. kuto'dhyāgacchati, kutaḥ paryāgacchatīti. atra `kuta' ityapādānapañcamyāstasil. kasmāt pradeśādāgacchatītyarthaḥ. nanvatra adhiparyoranarthakatayā sambandhasya taddyotyatvā'bhāvena dyotyasambandhapratiyogitvarūpakarmapravacanīyayuktatvasyā'bhāvānna dvitīyāprasaktirityata āha–gatisaṃjñābādhāditi. atra `gatirgatau' ityatra padādityadhikārāt padātparatvasampattaye `kuta' ityupāttamiti bhāvaḥ. atra prabhavati parābhavati anubhavatītyādau prāderivā'rthāntaradyotakatvā'bhāve'pi dhātvarthadyotakatvamastyeva. arthāntaradyotakatvā'bhāvenā'narthakatvavyavahāraḥ. uktaṃ ca bhāṣye–`anarthāntaravācinau dhātunoktakriyāmevāhatuḥ' iti. evaṃca kriyāyogā'bhāvādgatitvasyāpi na prasaktiriti śaṅkā nirastā.

suḥ pūjāyām 547, 1.4.93 suḥ pūjāyām. "karmapravacanīya" iti śeṣaḥ. su siktaṃ su stutamiti. atra soḥ karmapravacanīyatve prayojanamāha--anupasargatvānna ṣa iti. "upasargātsunotītyanene"ti śeṣaḥ. pūjāyāṃ kimiti. sunā pūjāyā nityaṃ pratīteḥ praśnaḥ. suṣiktaṃ kiṃ [syāt]tavātreti. tvayā samyak siktaṃ, kintvatrāsmin suseke kṛte sati sektustava kiṃ, na kiñcidapītyarthaḥ. kṣepo'yamiti. nindā'tra gamyata ityarthaḥ. sekakriyākartuḥ pūjyatve gamya evātra karmapravacanīyatvam. tadabhāvāt "upasargātsunotī"ti ṣatvamiti bhāvaḥ.

kṛto'dhyāgacchatīti. iha–prayatī, parābhavati, vṛkṣaṃ prati vidyotate ityatra prāderviśeṣadyotakatvavadadhiparyoriha viśeṣadyotakatvā'bhāvādānārthakyaṃ, dhātvarthamātradyotakatvena tvarthatā'styeveti bodhyam.`gatirgatau'ityatra padādityadhikriyata iti padātparatvasaṃpattaye `kuta'ityuktam.