Kāśikāvṛttī1: 
anuśabdas tṛtīyārthe dyotye karmapravacanīyasaṃjño bhavati. nadīm anvavasitā sen 
See More
anuśabdas tṛtīyārthe dyotye karmapravacanīyasaṃjño bhavati. nadīm anvavasitā senā.
parvatam anvavasitā senā. parvatena sambaddhā ityarthaḥ.
Kāśikāvṛttī2: hīne 1.4.86 hīnaḥ iti nyūnaḥ ucyate, sa ca utkṛṣṭāpekṣaḥ. tena iyam hīnautkṛṣṭa See More
hīne 1.4.86 hīnaḥ iti nyūnaḥ ucyate, sa ca utkṛṣṭāpekṣaḥ. tena iyam hīnautkṛṣṭasambandhe saṃjñā vijñāyate. hīne dyotye ayam anuḥ karmapravacanīyasaṃjño bhavati. anu śākaṭāyanaṃ vaiyākaraṇāḥ. anvarjunaṃ yoddhāraḥ.
Nyāsa2: hīne , 1.4.85 "anuśākaṭāyanaṃ vaiyākaraṇāḥ" iti. śākaṭāyanamapekṣyānye See More
hīne , 1.4.85 "anuśākaṭāyanaṃ vaiyākaraṇāḥ" iti. śākaṭāyanamapekṣyānye vaiyākaraṇā hīnā iti. apekṣayātra janito yaḥ sambandhastena vyatiricyate śākaṭāyana iti. tataḥ ṣaṣṭha()āṃ prāptāyāṃ tadapavādena dvitīyā vidhīyate. ekayaiva vibhaktyobhayastho'pi sambandho dyotita iti. tena sambandhyantaravācino vaiyākaraṇaśabdādaparaḥ sambandhivibhaktirna bhavati॥
Bālamanoramā1: tṛtīyārthe. anurityanuvartate. `karmapravacanīyāḥ' ityadhikṛtam. asmindyot Sū #541 See More
tṛtīyārthe. anurityanuvartate. `karmapravacanīyāḥ' ityadhikṛtam. asmindyotye
iti. `sahayukte'pradhāne' iti tṛtīyārthe sāhitye dyotye ityarthaḥ. atra
`tṛtīyārthe' ityanena kartṛkaraṇe na gṛhrete, `rāmeṇa śareṇānuhato vālī'tyatra
`upapadavibhakteḥ kārakavibhaktirbalīyasī' iti nyāyena tṛtīyāyā eva pravṛttyā asyāḥ
saṃjñāyāḥ phalā'bhāvāt. nāpi `yenāṅgavikāraḥ' iti tṛtīyārtho'tra vivakṣitaḥ,
`anantarasye'ti nyāyena `karmapravacanīyayukte dvitīyā' ityasya `sahayukte'pradhāne'
ityasyaiva bādhakatvāt. tadāha-nadyā saha saṃbaddheti. sāhityaṃ dvitīyārthaḥ,
anustaddhyotaka iti bhāvaḥ. nanvavasitaśabdasya avapūrvāt `ṣo antakarmaṇi' iti
dhātorutpannatvātkathamuktārthalābha ityata āha-ṣiñbandhane kta iti. upasargabalena
saṃbandhavṛtterasmātktapratyaya ityarthaḥ. atra yadavaśyaṃ punaḥ punarlakṣyasya
jñāpakaṃ tadeva na lakṣaṇam, kiṃtu sakṛjjñāpakamapi. yathā yaṃ kamaṇḍalunā bhavānadrākṣīt,
sa chātra iti. sakṛdeva hi kamaṇḍalupāṇirdṛṣṭaḥ, tasya kamaṇḍalurlakṣaṇamiti
`anurlakṣaṇe' ityatra bhāṣye spaṣṭham. tena vyāpyātmakaliṅgamevātra lakṣamamiti na
bhramitavyam.
Bālamanoramā2: hīne 542, 1.4.85 hīne. hīne dyotye iti. nikarṣe dyotye ityarthaḥ. hīna iti bhāve See More
hīne 542, 1.4.85 hīne. hīne dyotye iti. nikarṣe dyotye ityarthaḥ. hīna iti bhāve ktaḥ. "o hāk tyāge" iti dhātorodittvāt "oditaśce"ti niṣṭhānatvam. anuḥ prāgvaditi. kramapravacanīyasaṃjña ityarthaḥ. anu hariṃ surā iti. atra nikṛṣṭabhāvo'nudyotyā dvitīyārthaḥ. tadāha--harerhīnā ityartha iti. hareriti ṣaṣṭhī pratiyogitāyām, haripratiyogikanikarṣavanta ityarthaḥ.
Tattvabodhinī2: hīne 486, 1.4.85 hīne. utkṛṣṭādeva dvitīyā na tvapakṛṣṭāt, śaktisvabhāvadityāśay See More
hīne 486, 1.4.85 hīne. utkṛṣṭādeva dvitīyā na tvapakṛṣṭāt, śaktisvabhāvadityāśayenodāharati--anu harimiti. upo'dhike ca. cakāreṇa hīne ityanukṛṣyate, tadāha--adhike hīne ceti. adhike saṃjñāvidhānaṃ na dvitīyārthamityāha--saptamī vakṣyata iti. "yasmādadhika"mityaneneti bhāvaḥ. tasminnapi sūtre "karmapravacanīyayukte"ityanuvṛtteradhike saṃjñāvidhāna māvaśyakameveti jñeyam.
1.Source: Arsha Vidya Gurukulam
2.Source: Sanskrit Documents
