Kāśikāvṛttī1: 
karmapravacanīyāḥ ityadhikāro viditavyaḥ. yānita ūrdhvam anukramiṣyāmaḥ
karmapra 
See More
karmapravacanīyāḥ ityadhikāro viditavyaḥ. yānita ūrdhvam anukramiṣyāmaḥ
karmapravacanīya. saṃjñāste veditavyāḥ adhirīśvare 1-3-97 iti yāvad vakṣyati.
karmapravacanīyapradeśāḥ karmapravacanīyayukte dvitīyā 2-3-8 ityevam ādayaḥ.
Kāśikāvṛttī2: anur lakṣaṇe 1.4.84 anuśabdo lakṣaṇe dhyotye karmapravacanīyasaṃjño bhavati. śā See More
anur lakṣaṇe 1.4.84 anuśabdo lakṣaṇe dhyotye karmapravacanīyasaṃjño bhavati. śākalyasya saṃhitāmanu prāvarṣat. anaḍudyajñamanvasiñcat. agastyamanvasiñcat prajāḥ. kim artham idam ucyate, yāvatā lakṣanaittham bhūtā'khyāna 1.4.89 iti siddhaivānoḥ karmapravacanīyasaṃjñā? hetvarthaṃ tu vacanam. hetutṛtīyāṃ vādhitvā dvitīyā' eva yathā syāt.
Nyāsa2: anurlakṣaṇe. , 1.4.83 "lakṣaṇāśabdo'tra cihne vartate" iti matvā kaści See More
anurlakṣaṇe. , 1.4.83 "lakṣaṇāśabdo'tra cihne vartate" iti matvā kaściccodayati-- "kimartham" ityādi. itarastu "lakṣaṇetthambhūtākhyānabhāgavīpsāsu" 1.4.89 ityādau sūtre. tatra cihne jñāpake vatrtamānasya lakṣaṇaśabdasya grahaṇam, iha tu kārake hetau, atastena na sidhyatītyenābhiprāyeṇa taṃ pratyāha-- "hetvarthantu vacanam" ityādi. tuśabdo'vadhāraṇe-- hetvamarthameveti. hetuśabdo'tar kārakahetuvacanaḥ, na jñāpakahetuvacanaḥ; anyathā hraparihāra evāyaṃ syāt. heturartho yasya tattathoktam. hetau vatrtamānasyānoḥ karmapravacanīyasaṃjñā yathā syādityevamarthamidaṃ vacanamityarthaḥ. kimarthaṃ punahatau vatrtamānasya tasyeyaṃ saṃjñā vidhīyata ityāha-- "hetau tṛtīyāyām" ityādi. saṃhitā hi varṣaṇasya hetuḥ, anuhud()dyajñaḥ sekasya, tathā hi-- saṃhitāmanuniśamya śrutvā prāvarṣat. avuḍudyajñañcānuniśamyāsiñcat. tatra yadi hetāvanoreṣā saṃjñā nocyeta śākalyasya saṃhitāmanu raprāvarraṣadityādau "hetau" 2.3.23 iti tṛtīyā syāt. tasmāttāṃ bādhitvā dvitīyaiva yathā syādityevamartha hetāviyaṃ saṃjñā'norvidhīyate॥
Bālamanoramā1: karmapravacanīyāḥ. ityadhikṛtyeti. `prāgrīsvarānnipātāḥ' iti paryantamiti
Sū #538 See More
karmapravacanīyāḥ. ityadhikṛtyeti. `prāgrīsvarānnipātāḥ' iti paryantamiti
bodhyam.
Bālamanoramā2: anurlakṣaṇe 539, 1.4.83 anurlakṣaṇe. lakṣaṇe dyotye iti. lakṣyalakṣaṇabhāvasaṃba See More
anurlakṣaṇe 539, 1.4.83 anurlakṣaṇe. lakṣaṇe dyotye iti. lakṣyalakṣaṇabhāvasaṃbandhe dyotye ityarthaḥ. uktasaṃjña iti. karmapravacanīsaṃjña ityarthaḥ. lakṣyate jñāyate'neneti lakṣaṇam, tacca hetubhūtaṃ vivakṣitam, natu vṛkṣaṃ prati vidyotate vidyuditivaccihnamātram, tathā sati "lakṣaṇettha"mityeva siddheriti vakṣyate. gatyupasargasaṃjñāpavāda iti. anena kriyāyoge eva karmapravacanīyasaṃjñeti sūcitam. "karmapravacanīyāḥ" iti mahāsaṃjñākaraṇasāmathryādanvarthatvam. karmeti kriyocyate, tāṃ proktavantaḥ karmapravacanīyāḥ, bhūte kartari bāhulakādanīyaprratyayaḥ, tataśca kriyāmeva na dyotayanti kiṃtu kriyānirūpitasaṃbandhaviśeṣaṃ dyotayanti. evaṃ ca anupratyādiṣu kriyānirūpitasaṃbandhasya dyotyatvena anvayāttatra gatyupasargasaṃjñayoḥ prāptirbodhyā.
Tattvabodhinī1: karmapravacanīyāḥ. ityadhikṛtyeti. rū\ufffdārātprāgiti bodhyam.
gurusaṃjñākaraṇ Sū #484 See More
karmapravacanīyāḥ. ityadhikṛtyeti. rū\ufffdārātprāgiti bodhyam.
gurusaṃjñākaraṇamanvarthatvāya. karma kriyāṃ proktavantaḥ karmapravacanīyāḥ.
bāhulakādbhūte kartaryanīyar. tena saṃprati kriyāṃ na dyotayantīti labhyate. tathā ca
hariḥ–`kriyāyā dyotako nā'yaṃ sambankhasya na vācakaḥ. nāpi kriyāpadākṣepī,
sambandhasya tu bhedakaḥ'iti. tathāhi `japamanu prāvarṣa'dityatra anunā na kriyāviśeṣo
dyotyate, `anubhūyate sukha'mityadau yathā. nāpi ṣaṣṭha\ufffdeva sambandha ucyate,
dvitīyayaivo tasyoktatvāt. nāpi `prādeśaṃ viparilikhati'vimāya parilikhatītyatra
viśabdena mānakriyeva kriyāntaramākṣipyate, kārakavibhaktiprasaṅgāt. kiṃ tu
japasambandhi varṣaṇamiti dvitīyayāvagataḥ sambandho lakṣyalakṣaṇabhāva evetyavagamātsambandha
evānunā viśeṣe'vasthāpyate. kvicittu kriyāgataviśeṣadyotake'pi iyaṃ saṃjñā
vacanātpravartate. `suḥpūjāyām'`atiratikramaṇe ca 'iti yathā. uktasaṃjña iti.
karmapravacanīyasaṃjña ityarthaḥ.
Tattvabodhinī2: anurlakṣaṇe 485, 1.4.83 gatyupasargasaṃjñāpavāda iti. nanu "japamanu prāvar See More
anurlakṣaṇe 485, 1.4.83 gatyupasargasaṃjñāpavāda iti. nanu "japamanu prāvarṣa"dityatra vṛ()ṣṭa pratyanoryogā'bhāvena kriyāyogā'bhāvādetayoḥ saṃjñayoḥ prāptyabhāvātkathaṃ tadapavādatvamasyāḥ sañjñāyā iti cet. atrāhuḥ--gamyamānaniśamanakriyāmapekṣya tayoḥ prāptirastīti saṃbhāvanāmātreṇa mūlasya nirbādhatvāt. na caivaṃ karmaṃtvādeva dvitīyāsiddhau kimanayā saṃjñayeti vācyam, japasya niśamanaprayuktahetutvākhyasaṃbandhavivakṣāyāṃ karmatvā'bhāvena tṛtīyāyāṃ prāptāyāṃ tadārambhāt. na caivamapi "japamanu niśamya devaḥ prāvarṣatityarthāvagamāllya[banta]lope pañcamyapavādārthaiveyaṃ saṃjñā'stviti vācyam. lya[banta]lope hi karmam̐ṇi adhikaraṇe ca pañcamī, japasya tu karmatvādinā vivakṣā'bhāvāditi. parāpi hetautṛtīyetyādi. ayaṃ bhāvaḥ--lakṣaṇe karmapravacanīyasaṃjñāyā avakāśo yo na hetuḥ--"vṛkṣamanu vidyotate vidyu"diti, hetutṛtīyāyā avakāśo "dhanena kula"mityādi. "japamanu prāvarṣa"dityatra tu detubhūte lakṣaṇe paratvāttṛtīyā syāttāṃ bādhitvā "anurlakṣaṇe"iti punaḥ saṃjñāvidhānasāmathryāddvitīyaiva bhavatīti. na ca "tṛtīyārthe"iti sūtreṇeha gatārthatā śaṅkyā, tasya purastādapavādanyāyena "sahayukte'pradhāne"ityetāvanmātrabādhakatvāt. samāthryāditi. ata eva hetutvaparyantamapi śābdabodhe viṣaya iti svīkriyate iti bhāvaḥ. nadīmanviti. dvitīyāyāḥ saṃmbandho'rthaḥ, ṣaṣṭha()pavādatvādetaddvitīyāyāḥ. sa ceha saṃbandhaḥ sāhityarūpa evetyanunā dyotyate.
1.Source: Arsha Vidya Gurukulam
2.Source: Sanskrit Documents
