vibhāṣā kṛñi iti vartate. atyādhānam upaśleṣaṇam, tadabhāve 'natyādhāne urasimanasī śabdau vibhāṣā kṛñi gatisaṃjñau bhavataḥ. urasikṛtya, urasi kṛtvā. manasikṛtya, manasi kṛtvā. anatyāvāne iti kim? urasi kṛtvā pāṇiṃ śete.

madhye pade nivacane ca 1.4.76 vibhāṣā kṛñi iti vartate. cakārātanatyādhāne iti ca. madye pade nivacane ityete śabdā anatyādhāne vibhāṣā kṛñi gatisajñā bhavanti. madyekṛtya, madhye kṛtvā. padekṛtya, pade kṛtvā. nivacanam vacanābhāvaḥ. nivacanekṛtya, nivacane kṛtvā. vācam niyamya ityarthaḥ anatyādhāne ityeva, hastitaḥ pade kṛtvā śiraḥ śete.

madhye pade nivacane ca , 1.4.75 "madhye pade" iti. saptamyantapratirūpakau. "nivacane" iti. arthābhāve'vyayībhāvaḥ; nitṛ()ṇaṃ nivusamiti yathā. "nivacanekṛtya" iti. uccāraṇasāmathryāt saptamyāḥ samāse'pyalug bhavati. evamuttaratra॥

anatyādhāne. `upasi' `manasi' iti vibhaktipratirūpake avyaye gatisaṃjñe vā sto'natyādhāne. urasikṛtyeti. gatitvapakṣe katvo lyap. iha atyādhānaṃ na gamyata ityāha -abhyupagamyetyartha iti. manasikṛtyeti. gatitvapakṣe ktvo lyap. ihāpi nā'tyādhānaṃ gamyata ityāha–niścityetyartha iti. atyādhānaśabdaṃ vivṛṇvaṃstasya prayojanamāha–upaśleṣaṇamiti. saṃyoga ityarthaḥ. urasi kṛtveti. urasi pāṇiṃ nidhāya śeta ityarthaḥ. atra pāṇisaṃśleṣaṇāvagamānna gatisaṃjñeti bhāvaḥ. madhyepade. gatitve tadabhāve ca trayāṇāmedantatvaṃ nipātyate.

madhye pade nivacane ca 767, 1.4.75 madhyekṛtyeti. gatisamāse ktvo lyap. madyaṃ kṛtvetyarthaḥ. padekṛtyeti. gatisamāse ktvo lyap. padaṃ kṛtvetyarthaḥ. nivacanekṛtyeti. vacanā'bhāvaṃ kṛtvetyarthaḥ. tadāha--vācaṃ niyamyetyartha iti. vacanasyābhāvo nivacanam. arthābhāve'vyayībhāva iti bhāvaḥ.

madhye pade nivacane ca 677, 1.4.75 madhye pade. "vibhāṣā "kṛñī"ti vartate, cakārāda "natyādhāne"iti ca. eṣāmanatyādhānarūpārthaviśeṣe edantatvamaviśeṣaeṇa nipātyate, na tu gatisaṃjñāsaṃniyogena. anatyādhāne kim(). pade kṛtvā śiro namati. vācaṃ niyamyeti. nivacanaṃ hi vacanā'bhāvaḥ. arthā'bhāve'vyayībhāvaḥ.