astaṃśabdo makārānto 'vyayam anupalabdhau vartate. sa gatisaṃjñao bhavati. astaṃgatya savitā punarudeti. astaṃgatāni dhanāni. yadastaṃ gacchati. avyayam ityeva, astaṃ kāṇḍam. kṣipatam ityarthaḥ.

accha gatyarthavadeṣu 1.4.69 acchaśabdaḥ avyayam abhiśabdasya arthe vartate. sa gatyartheṣu dhātuṣu vadatau ca gatisaṃjño bhavati. acchagatya. acchagatam. yadacchagacchati. vadatau acchodya. acchoditam. yadacchavacati. avyayam ityeva, udakam acchaṃ gacchati.

accha gatyarthavadeṣu , 1.4.68 "acchaśabdo'vyayamabhiśabdasyārthe"iti. abhirābhimukhye. "acchodya" iti. yajāditvādvacyādisūtreṇa 6.1.15 samprasāraṇam. acchamityakaluṣamityarthaḥ॥

astaṃ ca. pūrvasūtrādavyayamityanuvartata ityāha–mānmavyayamiti. astaṅgatyeti. tirodhānaṃ prāpyetyarthaḥ. avyayaṃ kiṃ ?. kāṇḍamastaṃ kṛtvā. prakṣiptaṃ kṛtvetyarthaḥ. accha gatyartha. gatyarthadhātuṣu, vadadhātau ca prayujyamāneṣu acchetyavyayaṃ gatisaṃjñaṃ syāt.

accha gatyarthavadeṣu 760, 1.4.68 acchagatyeti. gatisamāse ktvo lyap. acchodyeti. vadadhātoḥ ktvā. gatisamāse ktvo lyap. acchetyavyayamābhimukhye. tadyathā--barhiracchaitīti. tadāha--abhimukhamiti. jalamacchaṃ gacchatīti. atrā'cchaśabdasya nāvyayatvaṃ, na gatisaṃjñā, nāpi "prāgrī()ārānnipātāḥ" ityadhikṛtanipātasaṃjñā. nipātatve sati hi avyayatvādvibhaktiluk. syāditi bhāvaḥ.

accha gatyarthavadeṣu 670, 1.4.68 acchamiti. satyāṃ hi gatisaṃjñāyāṃ nipātasaṃjñāvattvenāvyayatvātsubluk syāditi bhāvaḥ. adaḥsa kṛtyeti. yadā svayameva paryālocayati tadedamudāharaṇam.