asipratyayāntaḥ puraḥśabdo 'vyayam. sa gatisaṃjño bhavati. samāsasvaropacārāḥ prayojanam. puraskṛtya. puraskṛtam. yat puras karoti. avyayam iti kim? pūḥ, purau. puraḥ kṛtvā kāṇḍaṃ gataḥ.

astaṃ ca 1.4.68 astaṃśabdo makārānto 'vyayam anupalabdhau vartate. sa gatisaṃjñao bhavati. astaṃgatya savitā punarudeti. astaṃgatāni dhanāni. yadastaṃ gacchati. avyayam ityeva, astaṃ kāṇḍam. kṣipatam ityarthaḥ.

astaṃ ca , 1.4.67 "astaṃśabdo makārānto'vyayam" iti. avyayamityata eva viśeṣaṇopādānasasāmathryādadavyayatvaṃ vijñeyam. cādeśakṛtigaṇatvādvā. "astaṃ kṛtvā kāṇḍaṃ gataḥ" iti. "asu kṣepaṇe" (dhā.pā.1209), niṣṭhā, pūrvavadiṭpratiṣedhaḥ. cakāraḥ "avyayam" (1.4.ka67) ityasyānukarṣaṇārthaḥ. yadyevam,cānukṛṣṭatvāduttaratra tasyānuvṛttirna syāt? uttaratrāpi cakārastadanukarṣaṇārtho'nuvartiṣyata ityadoṣaḥ॥

puro'vyayaṃ. pura ityavyayaṃ gatisaṃjñakaṃ syāt. puraskṛtyeti. gatisamāse ktvo lyap. avyayaṃ kim ?. puram, purau, puraḥ kṛtvā gataḥ.

astaṃ ca 759, 1.4.67 astaṃ ca. pūrvasūtrādavyayamityanuvartata ityāha--mānmavyayamiti. astaṅgatyeti. tirodhānaṃ prāpyetyarthaḥ. avyayaṃ kiṃ?. kāṇḍamastaṃ kṛtvā. prakṣiptaṃ kṛtvetyarthaḥ. accha gatyartha. gatyarthadhātuṣu, vadadhātau ca prayujyamāneṣu acchetyavyayaṃ gatisaṃjñaṃ syāt.

puraskṛtyeti. `pūrvadharāvarāṇā'mityasipratyayānto'yamavyayam. `namaspuraso'riti visargasya saḥ. `amuṃ paraḥ paśyasī'tyatra tu` sthita'mityadhyāhāreṇa dṛśi pratyayatitvātsatvā'bhāvaḥ. avyayaṃ kim?. puraṃ purau puraḥ kṛtvā gataḥ. astaṃ ca. avayayamiti kim?. astaṃ kṛtvā kāṇḍaṃ gataḥ. kṣiptamityarthaḥ.