1/14:idam atibahu kriyate ādare anādare sat asat iti |
2/14:ādāre sat iti eva siddham |
3/14:katham asatkṛtya iti |
4/14:tadantividhinā bhaviṣyati |
5/14:kena idānīm anādare bhaviṣyati |
6/14:nañā ādarapratiṣedham vijñāsyāmaḥ |
7/14:nādare anādare iti |
8/14:na evam śakyam |
9/14:ādaraprasaṅge eva hi syāt |
10/14:anādaraprasaṅge na syāt |
11/14:anādaragrahaṇe punaḥ kriyamāṇe bahuvrīhiḥ ayam vijñāyate |
12/14:avidyamānādare anādare iti |
13/14:tasmāt anādaragrahaṇam kartavyam |
14/14:asataḥ tu tadantavidhinā siddham |

prītisaṃbhrama ādaraḥ. paribhavaudāsīnyam anādaraḥ. ādarānādarayoḥ yathākramaṃ sadasacchabdau gatisaṃjñau bhavataḥ. satkṛtya. satkṛtam. yatsatkaroti. asatkṛtya. asatkṛtam. yadasatkaroti. ādarānādarayoḥ iti kim? satkṛtvā kāṇḍaṃ gataḥ. asatkṛtvā kāṇḍam gataḥ.

bhūṣane 'lam 1.4.64 alam iti pratiṣedhe, sāmarthye, paryāptau, bhūṣaṇe ca iti viśeṣanam upādīyate. bhūvaṇe yo 'laṃśabdaḥ sa gatisaṃjño bhavati. alaṅkṛtya. alaṅkṛtam. yadalaṅkaroti. bhūṣaṇe iti kim? alaṃ bhuktvā odanaṃ gataḥ.

ādarānādarayoḥ. saditi asaditi ca avyaye ādarā'nādarayoḥ krameṇa vidyamāne gatisaṃjñake sta ityarthaḥ. satkṛtyeti. ādaraṃ kṛtvetyarthaḥ. asatkṛtyeti. anādaraṃ kṛtvetyarthaḥ. gatisamāse ktvo lyap.

bhūṣaṇe'lam. 755, 1.4.63 bhūṣaṇe'lam. bhūṣaṇe vidyamānamalamityavyayaṃ gatisaṃjñakaṃ syādityarthaḥ. alaṃkṛtyeti. kaṭakādidhāraṇena pariṣkāraṃ kṛtvetyarthaḥ. bhūṣaṇe vidyamānamalamityavyayaṃ gatisaṃjñakaṃ syādityarthaḥ. alaṃkṛtyeti. kaṭakādidhāraṇena pariṣkāraṃ kṛtvetyarthaḥ. kṛñviṣayeti. kṛñyoga eva bhavatītyarthaḥ. vastutastu saṅkoce pramāṇā'bhāvāddhātvantarayoge'pi trisūtrīpravṛttiryuktā. ata eva "alaṃ bhuktvā odanaṃ gata" iti vṛttikṛtā pratyudāhmatam.