1/13:katham idam vijñāyate |
2/13:iteḥ param itiparam na itiparam anitiparam iti āhosvit itiḥ paro yasmāt tat idam itiparam na itiparam anitiparamiti |
3/13:kim ca ataḥ |
4/13:yadi vijñāyata iteḥ param itiparam na itiparam anitiparam iti khāṭ iti kṛtvā niraṣṭhīvat iti atra prāpnoti |
5/13:atha itiḥ paro yasmāt tat idam itiparam na itiparam anitiparamiti śrauṣaṭ vauṣaṭ iti kṛtvā niraṣṭhīvat iti atra prāpnoti |
6/13:astu tāvat itiḥ paro yasmāt tat idam itiparam na itiparam anitiparamiti |
7/13:nanu ca uktam śrauṣaṭ vauṣaṭ iti kṛtvā niraṣṭhīvat iti atra prāpnoti iti |
8/13:na eṣaḥ doṣaḥ |
9/13:idam tāvat ayam praṣṭavyaḥ |
10/13:atha iha te prāk dhātoḥ iti katham gatimātrasya pūrvaprayogḥ bhavati |
11/13:upoddharati iti |
12/13:gatyākṛtiḥ pratinirdiśyate |
13/13:iha api tarhi anukaraṇākṛtiḥ nirdiśyate |

1/9:kimartham idam ucyate |
2/9:anukaraṇasya itikaraṇaparatvapratiṣedhaḥ aniṣṭaśabdanivṛttyarthaḥ |*
3/9:anukaraṇasya itikaraṇaparatvapratiṣedhaḥ ucyate |
4/9:kim prayojanam |
5/9:aniṣṭaśabdanivṛttyarthaḥ |
6/9:aniṣṭhaśabdatā mā bhūt iti |
7/9:idam vicārayiṣyati teprāgdhātuvacanam prayoganiyamārtham vā syāt sañjñāniyamārtham vā iti |
8/9:tat yadā prayoganiyamārtham tadā aniṣṭhaśabdanivṛttyartham idam vaktavyam |
9/9:yadā hi sañjñāniyamārtham tadā na doṣaḥ bhavati |

itiḥ pare yasmātiti bahuvrīhiḥ. anukaranam anitiparaṃ kriyāyoge gatisaṃjñam bhavati. khāṭkṛtya. khāṭkṛtam. yatkhāṭkaroti. anitiparam iti kim? khāḍiti kṛtvā niraṣṭhīvat.

ādarānādarayoḥ sadasatī 1.4.63 prītisaṃbhrama ādaraḥ. paribhavaudāsīnyam anādaraḥ. ādarānādarayoḥ yathākramaṃ sadasacchabdau gatisaṃjñau bhavataḥ. satkṛtya. satkṛtam. yatsatkaroti. asatkṛtya. asatkṛtam. yadasatkaroti. ādarānādarayoḥ iti kim? satkṛtvā kāṇḍaṃ gataḥ. asatkṛtvā kāṇḍam gataḥ.

ādarānādarayoḥ sadasatī. , 1.4.62 "{prītyatiśayaḥ = ādaraḥ-- kāśikā}prītisambhrama ādaraḥ" iti. prītyā sambhramaḥ prītisambhramaḥ, prītipūrvikā pratyutthānāsanādidānakriyetyarthaḥ. "paribhavaudāsīnyam" iti. paribhavaḥ = avajñā. tiraskāraḥ = audāsīnyam. katrtavyam = pratyutthānāsanādidānaṃ pratyupekṣā. paribhaveṇaudāsīnyaṃ paribhavaudāsīnyamiti, "tṛtīyā" iti yogavibhāgāt samāsaḥ. atha vā-- paribhavaścaudāsīnyañca paribhavaudāsīnyam. atha kimarthamanādaragrahaṇamasadgrahaṇañca kriyate? nādare sadityevocyate? atha kathamidānīmanāde'sacchabdasyāvyayasaṃjñā syāt? kathañca samāsādi kāryam? tadantavidhināsacchabdasyāpi nipātasaṃjñāyāṃ gatisaṃjñāyāñca satyāṃ sacchabdasya nipātasyāvyayasaṃjñā vidhīyamānā'vyayasaṃjñāyāṃ tadantavidherupasaṃkhyānādasacchabdasyāpyavyayasaṃjñā bhaviṣyati. "kugatiprādayaḥ" 2.2.18 ityatra ca subantasya prakṛtatvādgatyantasya subantasya samāso vidhīyamāno'sacchabdasyāpi bhaviṣyati. "gatirantaraḥ" 6.2.49 ityatrāpi pūrvapadamityanuvatrtate. "gatirgatau" 8.1.70 ityatrāpi padasyeti. tena gatyantasya pūrvapadasya prakṛtisvaro vidhīyamānastatā yathoktaṃ kāryam, anādarāvagatistu kathaṃ syāt? asatyanādaragrahaṇe na sadasaditi nañā'‌'daraptiṣedhāt. ādaraścet pratiṣiddhaḥ kimanyadanādarāt syāt? naitadyuktamucyate; nañsamāso hi tatpuruṣaḥ sadṛśameva kāryaṃ pratipādayati, yathā-- abrāāhṛṇamānayeti. tatreha yadyanādaragrahaṇaṃ na kriyeta tadā satsadṛśaṃ yat tadasad yatrādaraprasaṅgastatraiva syāt-- gurumasatkṛtya gataḥ. yatra tvaprasakta evādarastatra na syāt-- bhṛtyamasatkṛtya gataḥ. anādaragrahaṇe tu sati bahuvrīhirvijñāyate-- avidyamāna ādaro yasminnityanādara ito. bahuvrīhiścātyantābhāve prasaktyabāve ca bhavatīti sarvatra saṃjñā sidhyati. tasmādanādaragrahaṇaṃ katrtavyam. ta()smaśca kriyamāṇe satyasadṛgrahaṇamapi katrtavyameva. anyathā hi kimanādaragrahaṇena viśiṣyeta-- ysayānādare vatrtamānasya gatisaṃjñā vidhīyate ! na hi sacchabdasyānādare vṛttiḥ sambhavati. yadyapi tasya na sambhavati tadantasyāsacchabdasya sambhavatīti cet, satyam; sambhavati, na tu tasya gatisaṃjñā labhyate, tadantavidherabhāvāt. prakṛte na hi tadantavidhirbhavati, na ceha kiñcit prakṛtamasti ; tasmādasacchabdārthamanādaragrahaṇam. yadi tu yathā "goṣpadaṃ sevitāsevitapramāṇeṣu" ityatrāsevite goṣpadaśabdo na sambhavatītyagoṣpadaśabdārthamasevitagrahaṇaṃ vijñāyate, tathehāpi sacchabdo'nādare na sambhavatītyaschabdārthamanādaragrahaṇaṃ vijñāyeta; tadā śakyamasacchabdasya grahaṇamakarttum. asadgrahaṇantu kriyate tadā vispaṣṭārtham. satkṛtvā'satkṛtyeti. śobhanāśobhanārthāviha sadasacchabdau. vidyamānāvidyamānārthau vā॥

anukaraṇaṃ cā. anukaraṇaṃ gatisaṃjñaṃ syāditiparaṃ varjayitvetyarthaḥ. khāṭkṛtyeti. khāḍiti śabdaṃ kṛtvetyarthaḥ. gatisamāse ktvo lyap. khāḍiti kṛtveti. na cātra itiśabdena vyavahitatve kriyāyogā'bhāvādeva gatisaṃjñā na bhaviṣyati tatkimanitiparagrahaṇeneti vācyaṃ, yathākathaṃcitkriyāyogasattvāt. `te prāgdhātoḥ' iti sūtraṃ tu `te gatyupasargā dhātoḥ prāgeva prayojyāḥ, na tu parata' iti prayoganiyamaparameveti bhāvaḥ.

ādarā'nādarayoḥ sadasatī 753, 1.4.62 ādarānādarayoḥ. saditi asaditi ca avyaye ādarā'nādarayoḥ krameṇa vidyamāne gatisaṃjñake sta ityarthaḥ. satkṛtyeti. ādaraṃ kṛtvetyarthaḥ. asatyakṛtyeti. anādaraṃ kṛtvetyarthaḥ. gatisamāse ktvo lyap. khāḍiti kṛtveti. na cātra itiśabdena vyavahitatve kriyāyogā'bhāvādeva gatisaṃjñā na bhaviṣyati tatkimanitiparagrahaṇeneti vācyaṃ, yathākathaṃcitkriyāyogasattvāt. "te prāgdhātoḥ" iti sūtraṃ tu "te gatyupasargā dhātoḥ prāgeva prayojyāḥ, na tu parata" iti prayoganimaparameveti bhāvaḥ.

anukaraṇaṃ cā. `te prāgdhātoḥ'ityasya saṃjñāniyamapakṣe'nitīti vyarthamiti matvā pṛtacchati anitiparaṃ kimiti. itarastu prayoganiyamapakṣe khāḍityanukaraṇasyetiśabde pare gatisaṃjñānivāraṇāyā'nitiparamityāvaśyakamiti pratyudāharati khāḍiti kṛtveti. satyāṃ saṃjñāyāmeṣa prayogo naiva syā\ufffdtkatu `iti khāṭakṛtye'tyeva syāditi bhāvaḥ. na ca `iti khāṭakṛtye'ti na bhavati, iteḥ parasyānukaraṇasya gatisaṃjñāniṣedhāditi vācyam, `anitipara'mityatra itiḥ paroyasmāttaditiparaṃ, na itiparamanitiparamiti bahuvrīhighaṭitanañtatparuṣāśrayaṇāt. syādetat–anukaraṇasyetiśabdaparatve kriyāyogā'bhāvādgatisaṃjñā nāstacīti khāḍiti kṛtveti rūpaṃ nirbādhaṃ, kimanenā'nikiparagrahaṇeneti cet, atrāhuḥ– itikṛtveti samupadāye evaṃkṛtvetyarthe vartate. tathā ca itiśabdaḥ kriyāviśeṣaka iti taddhaṭitasamudāyasya kriyāvāca katvādastyeva kriyāyoga iti.