1/12:kim yasya svam tantram saḥ svatantraḥ |
2/12:kim ca ataḥ |
3/12:tantuvāye prāpnoti |
4/12:na eṣaḥ doṣaḥ |
5/12:ayam tantraśabdaḥ asti eva vitāne vartate |
6/12:tat yathā : āstīrṇam tantram |
7/12:pretam tantram |
8/12:vitānaḥ iti gamyate |
9/12:asti prādhānye vartate |
10/12:tat yathā svatantraḥ asau brāhmaṇaḥ iti ucyate |
11/12:svapradhānaḥ iti gamyate |
12/12:tat yaḥ prādhānye vartate tantraśabdaḥ tasya idam grahaṇam |

1/18:svatantrasya kartṛsañjñāyām hetumati upasaṅkhyānam asvatrantvāt |*
2/18:svatantrasya kartṛsañjñāyām hetumati upasaṅkhyānam kartavyam |
3/18:pācayati odanam devadattaḥ yajñadattena iti |
4/18:kim punaḥ kāraṇam na sidhyati |
5/18:asvatantratvāt |
6/18:na vā svātrantryāt itarathā hi akurvati api kārayati iti syāt |*
7/18:na vā kartavyam |
8/18:kim kāraṇam |
9/18:svātantryāt |
10/18:svatantraḥ asau bhavati |
11/18:itarathā hi akurvati api kārayati iti syāt |
12/18:yaḥ hi manyate na asau svatantraḥ akurvati api tasya kārayati iti etat syāt |
13/18:na akurvat i iti cet svatantraḥ |
14/18:na cet akurvati tasmin kārayati iti etat bhavati svatantraḥ asau bhavati |
15/18:śakyam tāvat anena upasamkhyānam kurvatā vaktum kurvan svatantraḥ akurvan na iti |
16/18:sādhīyaḥ jñāpakam bhavati |
17/18:preṣite ca kila ayam kriyām ca akriyām ca dṛṣṭvā adhyavasyati kurvan svatantraḥ akurvan na iti |
18/18:yadi ca preṣitaḥ asau na karoti svatantraḥ asau bhavati iti |

svatantraḥ iti pradhānabhūta ucyate. aguṇībhūto, yaḥ kriyāsiddhau svatantryeṇa vivakṣyate, tat kārakṃ kartṛsaṃjñaṃ bhavti. devadattaḥ pacati. sthālī pacati. kartṛpradeśāḥ kartṛkaraṇayos tṛtīyā 2-3-18 ityevam ādayaḥ.

svatantraḥ kartā 1.4.54 svatantraḥ iti pradhānabhūta ucyate. aguṇībhūto, yaḥ kriyāsiddhau svatantryeṇa vivakṣyate, tat kārakṃ kartṛsaṃjñaṃ bhavti. devadattaḥ pacati. sthālī pacati. kartṛpradeśāḥ kartṛkaraṇayos tṛtīyā 2.3.18 ityevam ādayaḥ.

svatantraḥ kartā. , 1.4.54 astyayaṃ svatantaraśabdo bahuvrīhiḥ. svaṃ tantraṃ yasya sa svatantraḥ. asti ca samāsapratirūpako rūḍhiśabdaḥ, pradhānārthavṛttiḥ, yathā-- svatantro'yamiha devadatta iti, pradhānabhūta iti gamyate. tatra yadi pūrvo gṛhreta tadā tantuvāyasyaiva syāt; vistṛtā hi tantavastantram, tacca tantuvāyasyaivāsti. devadattaḥ pacatītyādau na syāt. itarasya tu grahaṇe sarvatra bhavati. tasmāt vyāptenryāyāt sa eva gṛhrata iti matvāha-- "svatantra iti pradhānabhūtaḥ" iti. yadyevamapradhānamapekṣya pradhānamucyata iti yatrādhikaraṇādīnyaparāṇyapradhānāni kārakāṇi santi, devadattaḥ kāṣṭhairagninodanaṃ sthālyāṃ pacatītyādau tatraiva syāt. yatra tu teṣāmavivakṣā-- āste devadattaḥ, śete devadatta ityādau, tatra na syāditi yo deśayet taṃ pratyāha-- "aguṇabhūtaḥ" iti. evaṃ manyate-- pradhānenāguṇabhāva upalakṣyate. guṇabhāvo yatra nāsti sa katrteti. kārakāntarāvivakṣāyāmapyaguṇabhāvo'styeveti sarvatra bhavati. nanu ca sāmagryadhīnā hi kriyāsiddhiḥ, ekasyāpyabhāve na sidhyati, tat kasyātra prādhānyaṃ yatparigrahāya svatantragrahaṇaṃ kriyate? ityāha -- "yaḥ kriyāsiddhau" ityādi. yadyapi kriya#āsiddhau sarveṣāṃ vyāpāraḥ, tathāpi svātantryaṃ yasya vivakṣyate sa eva svatantra ityutyate, nānya iti. devadattaḥ pacatītyatra devadattaḥ karttṛsaṃjñakatvāt karttṛpratyayenocyate lakāreṇa॥

atha tṛtīyā. svatantraḥ kartā. kārakādhikārātkriyājanane svātantryamiha vivakṣitamityāha–kriyāyāmiti. svātantryamiha prādhānyamiti bhāṣye spaṣṭam. nanu sthālī pacatītyādau kathaṃ sthālyādīnāṃ kartṛtvaṃ, svātantryā'bhāvādityata āha- -vivakṣito'rtha iti. `vivakṣātaḥ kārakāṇi bhavantī'ti bhāṣyāditi bhāvaḥ. svātantryaṃ ca dhātvarthavyāpārāśrayatvam. phalānukūlavyāpāro dhātvarthaḥ. tatra pacatītyatra viklitrirūpaphalāśraye taṇḍule'tivyāptivāraṇāya vyāpāreti. uktaṃ ca hariṇā– `dhātunoktakriye nityaṃ kārake kartṛteṣyate.'iti. dhātūpāttavyāpāravatītyarthaḥ.

svatantraḥ kartā 551, 1.4.54 atha tṛtīyā. svatantraḥ kartā. kārakādhikārātkriyājanane svātantryamiha vivakṣitamityāha--kriyāyāmiti. svātantryamiha prādhānyamiti bhāṣye spaṣṭam. nanu sthālī pacatītyādau kathaṃ sthālyādīnāṃ kartṛtvaṃ, svātantryā'bhāvādityata āha--vivakṣito'rtha iti. "vivakṣātaḥ kārakāṇi bhavantī"ti bhāṣyāditi bhāvaḥ. svātantryaṃ ca dhātvarthavyāpārāśrayatvam. phalānukūlavyāpāro dhātvarthaḥ. tatra pacatītyatra viklitrirūpaphalāśraye taṇḍule'tivyāptivāraṇāya vyāpāreti. uktaṃ ca hariṇā--"dhātunoktakriye nityaṃ kārake kartṛteṣyate."iti. dhātūpāttavyāpāravatītyarthaḥ.

svatantraḥ kartā. pradhānabhūtadhātvarthāśrayatvaṃ svātantryam. āha ca– `dhātunoktakriye nityaṃ kārake kartṛteṣyate'iti. sthālyādīnāṃ vastutaḥ svātantryā'bhāve'pi `sthālī pacati kāṣṭhāni pacantī'tyādiprayogo'pi sādhureveti dhvanayati—vivakṣito'rtha iti.

svatantraḥ kartā 494, 1.4.54 svatantraḥ kartā. pradhānabhūtadhātvarthāśrayatvaṃ svātantryam. āha ca--"dhātunoktakriye nityaṃ kārake kartṛteṣyate"iti. sthālyādīnāṃ vastutaḥ svātantryā'bhāve'pi "sthālī pacati kāṣṭhāni pacantī"tyādiprayogo'pi sādhureveti dhvanayati---vivakṣito'rtha iti.