1/6:tamagrahaṇam kimartham |
2/6:kartuḥ īpsitam karma iti iyati ucyamāne iha: agneḥ māṇavakam vārayati iti māṇavake apādānasañjñā prasajyeta |
3/6:na eṣaḥ doṣaḥ |
4/6:karmasañjñā tatra bādhikā bhaviṣyati |
5/6:agnau api tarhi bādhikā syāt |
6/6:iha punaḥ tamagrahaṇe kriyamāṇe tat upapannam bhavati yat uktam vāraṇārtheṣu karmagrahaṇānarthakyam kartuḥ īpsitatamam karma iti vacanāt iti |

1/20:iha ucyate odanam pacati iti |
2/20:yadi odanaḥ pacyeta dravyāntarama bhinirvarteta |
3/20:na eṣaḥ doṣaḥ |
4/20:tādarthyāt tācchabdyam bhaviṣyati |
5/20:odanārthāḥ taṇḍulāḥ odanaḥ iti |
6/20:atha iha katham bhavitavyam taṇḍulān odanam pacati iti āhosvit taṇḍulānām odanam pacati iti |
7/20:ubhyathā api bhavitavyam |
8/20:katham |
9/20:iha hi taṇḍulān odanam pacati iti dvyarthaḥ paciḥ |
10/20:taṇḍulān pacan odanam nirvartayati iti |
11/20:iha idanīm taṇḍulānām odanam pacati iti dvyarthaḥ ca eva paciḥ vikārayoge ca ṣaṣṭhī |
12/20:taṇḍulavikāram odanam nirvartayati iti |
13/20:iha kaḥ cit kam cidāmantrayate siddham bhujyatām iti |
14/20:saḥ āmantrayamāṇaḥ āha prabhūtam bhuktam asmābhiḥ iti |
15/20:āmantrayamāṇaḥ āha dadhi khalu bhaviṣyati payaḥ khalu bhaviṣyati |
16/20:āmantryamāṇaḥ āha dadhnā khalu bhuñjīya payasā khalu bhuñjīya iti |
17/20:atra karmasañjñā prāpnoti |
18/20:tat hi tasya īpsitatamam bhavati |
19/20:tasya api odanaḥ eva eva īpsitatamaḥ na tu guṇeṣu asya anurodhaḥ |
20/20:tat yathā bhuñjīya aham odanam yadi mṛduviśadaḥ syāt iti evam iha api dadhiguṇam odanam bhuñjīya payoguṇamodanam bhuñjīya iti |

1/16:īpsitasya karmasañjñāyām nirvṛttasya kārakatve karmasañjñāprasaṅgaḥ kriyepsitatvāt |*
2/16:īpsitasya karmasañjñāyām nirvṛttasya kārakatve karmasañjñā na prāpnoti |
3/16:guḍam bhakṣayati iti |
4/16:kim kāraṇam |
5/16:kriyepsitatvāt |
6/16:kriyā tasya īpsitā |
7/16:na vā ubhayepsitatvāt |*
8/16:na vā eṣaḥ doṣaḥ |
9/16:kim kāraṇam |
10/16:ubhayepsitatvāt |
11/16:ubhayam tasya īpsitam |
12/16:ātaḥ ca ubhayam yasya hi guḍabhakṣaṇe buddhiḥ prasaktā bhavati na asau loṣṭam bhakṣayitvā kṛtī bhavati |
13/16:yadi api tāvat atra etat śakyate vaktum ye tu ete rājakarmiṇaḥ manuṣyāḥ teṣām kaḥ cit kam cit āha kaṭam kuru iti |
14/16:sa āha na aham kaṭam kariṣyāmi ghaṭaḥ mayā āhṛtaḥ iti |
15/16:tasya kriyāmātram īpsitam |
16/16:yadi api tasya kriyāmātram īpsitam yaḥ tu asau preṣayati tasya ubhayam īpsitam iti |

kartuḥ kriyayā yadāptum iṣṭatamaṃ tat kārakaṃ karmasaṃjñaṃ bhavati. kaṭaṃ karoti. grāmaṃ gacchati. kartuḥ iti kim? māṣeṣvaśvaṃ badhnāti. karmaṇa īpsitā māṣāḥ, na kartuḥ. tam abgrahaṇaṃ kim? payasā odanaṃ bhuṅkte. karma ityanuvartamāne punaḥ karmagrahaṇam ādhāranivṛttyartham. itarathā ādhārasya eva hi syāt gehaṃ praviśati iti. odanaṃ pacati, saktūn pibati ityādiṣu na syāt. punaḥ karmagrahaṇāt sarvatra siddha bhavati. karmapradeśāḥ karmaṇi dvitīyā 2-3-2 ityevam ādayaḥ.

kartrurīpsitatamaṃ karma 1.4.49 kartuḥ kriyayā yadāptum iṣṭatamaṃ tat kārakaṃ karmasaṃjñaṃ bhavati. kaṭaṃ karoti. grāmaṃ gacchati. kartuḥ iti kim? māṣeṣvaśvaṃ badhnāti. karmaṇa īpsitā māṣāḥ, na kartuḥ. tam abgrahaṇaṃ kim? payasā odanaṃ bhuṅkte. karma ityanuvartamāne punaḥ karmagrahaṇam ādhāranivṛttyartham. itarathā ādhārasya eva hi syāt gehaṃ praviśati iti. odanaṃ pacati, saktūn pibati ityādiṣu na syāt. punaḥ karmagrahaṇāt sarvatra siddha bhavati. karmapradeśāḥ karmaṇi dvitīyā 2.3.2 ityevam ādayaḥ.

kartturīpsitatamaṃ karma. , 1.4.49 "karttuḥ kriyayā" iti. etena kartturiti nepsitatamāpekṣayā "ktasya ca vartamāne" 2.3.67 ityaneneyaṃ ṣaṣṭhī, api tu kriyāpekṣayā śeṣalakṣaṇaiveti darśayati. nanu ca neha kriyopāttā, tatkathaṃ tadapekṣayā ṣaṣṭhī prayujyate? yadyapi nopāttā, tathāpi karttuḥ kriyāpekṣatvāt karttṛśabdo'yaṃ sambandhiśabda iti karttṛsambandhinīṃ kriyāmupasthāpayatītyadoṣaḥ. īpsitaśabdo hrasti rūḍhiśabdaḥ-- īpsito'bhipreta iti, asti ca kriyāśabdaḥ-āptamiṣṭa īpsita iti ; tatraha kriyāśabdo gṛhrate, netaraḥ; na hi rūḍhiśabdasya kriyayā karttṛsādhyayā sambandha upapadyate. "īpsita" iti. "āplṛ vyāptau" (dhā.pā.1260) san, dvirvanacam, "āpjñapyṛdhāmīt" 7.4.55 itīttvam. "atra lopo'bhyāsasya" 7.4.58 ityabhyāsalopaḥ. īpsa iti sthite, ktapratyaye kṛte, iṭi ca "ato lopaḥ" 6.4.48 ityakāralope cepsitaśabdaḥ sampadyate. tenārthadvayamihopāttam-- prakṛtyarthaḥ, pratyayārthaśca. tatrāptumityanena prakṛtyarthaṃ darśayati,iṣṭatamamityanena pratyayārtham. "karmaṇaḥ" ita. a()āsya. atra bandhakriyayā āptamiṣṭatamatvāt karmatvam. sa hi bhakṣaṇakriyayā māṣānāptumicchati. "payasaudanaṃ bhaṅkte" iti. asati hi tamabgrahaṇe payaso'pi syāt. tadapi karttṛrbhujikriyayā vyāptumiṣṭaṃ bhavati. tamabgrahaṇe tu sati na bhavatyatiprasaṅgaḥ; prādhānyādaudanasyaivepsitatamatvāt. prādhānyaṃ tvodanasya saṃskāryatvāt, payasastvaprādhānyaṃ saṃskārakatvāt. "karmetyanuvatrtamāne" iti. "adhiśīṅasthāsāṃ karma" 1.4.46 ityataḥ. "punaḥ"ityādi. pūrva karmagrahaṇamādhāreṇa sambaddham; atastadanuvṛttau tasyānuvṛttiḥ syādata ādhāranivṛttyarthaṃ punaḥ karmagrahaṇaṃ kriyate. yadi punarādhāro'nuvatrtate, tataḥ kiṃ syādityatrāha-- "ādhārasyaiva hi syāt" iti. "hi" śabdo yasmādarthe. yasmāsyādityāha-- "geham" ityādi. ādhārānuvṛttau tu yatra na bhavati taddarśanayitumāha-- "odanaṃ pacati" ityādi. ādiśabdenaudanaṃ bhaṅktaṃ ityevamādegrrahaṇam. atha nadī kūlaṃ karṣatītyādau kathaṃ karmasaṃjñā? kathañca na syāt? nadyāderacetanatvāt, acetanānāmīpsāyā asambhavāt, naitadasti; atra nadīti padāntarasambandādīpsāyā abhāvo'cetanasyāpi bhāvaḥ pratīyate. na ca padasaṃskāre padānatarasambandhagamyo'rtha upayujyate, tena kūlaṃ karṣatītyādāvicchāmātramāśritā vyāptiḥ, karma ca saṃskriyate. yadyapi paścānnadyā saha sambandhādacetanatvamicchāyā abhāvaśca pratīyate, tathāpi ca tadbahiraṅgatvādantaraṅgasaṃjñākārya na śaknoti nivartayitum. anenaiva nyāyena yatra vyāptirnāsti,icchāmātraṃ ca kevalam, tatrāpi karmasaṃjñā bhavati, yathā- grāmaṃ ganatumicchāmi na ca me gamanaśaktirastīti. tacca karma trividham-- nirvatryam, vikāryam, prāpyañca. tatra nirvarttyaṃ yadasakadevotpādyate, yasya janma kriyate, tannirvarttyam , yathā-- kaṭaṃ karoti, kaṭo hrasanneva kriyate. vikāryaṃ yallabdhasattākamavasthāntaramāpādyate kevalaṃ bhasmākhyāmavasthāmāpādyante. prāpyaṃ yatra vyāptivyitarekeṇa kriyākṛtā viśeṣā na vibhāvyante, yathā-- ādityaṃ paśyatīti. na hi dṛśikriyayā vyāpyamānasya savituḥ kriyākṛtaviśeṣa upalabhyata iti prāpyametat karma॥

karturīpsitatamaṃ karma 893, 1.4.49 kartuḥ kriyayā āptumiṣṭatamaṃ kārakaṃ karmasaṃjñaṃ syāt॥

kārake ityadhikṛtyeti. `saṃjñā vakṣyante' iti śeṣaḥ. `kriyājanakaṃ kārakaṃ, karoti kriyāṃ nirvartayatī'ti bhāṣye vyutpattidarśanāt. `brāāhṛṇasya putraṃ paśyatī'tyatra brāāhṛṇasyā'nyathāsiddhatvānna kārakatvam. karturīpsita. `kārake' ityanuvṛttaṃ prathamayā vipariṇamyate. āptumiṣyamāṇam-īpsitam. `āplṛ vyāptau', asmātsannantā`nmatibuddhipūjārthebhyaśce'ti vartamāne ktaḥ. matiricchā, buddheḥ pṛthaggrahaṇāt. `ktasya ca vartamāne' iti kartari ṣaṣṭhī. atiśayenepsitamīpsitatamam. dhātūpāttavyāvyāpārāśrayaḥ kartā. kenā''ptumityākāṅkṣāyāṃ kartṛviśeṣaṇībhūtavyāpāreṇetyarthāllabhyate. tatphalitamāha–kartuḥ kriyayetyādinā. ktapratyayopāttaṃ vartamānatvaṃ tu na vivakṣitam. tena kaṭaṃ karoti kṛtavān ityādau nāvyāptiḥ. āptiḥ=saṃbandhaḥ. evaṃ ca katrrā svaniṣṭhavyāpārapyojyaphalena saṃbanddhumiṣyamāṇamityarthaḥ. yatā `taṇḍulānpacatī'tyatra viklittyanukūlavyāpāraḥ pacerarthaḥ. taptodakaprasvedanakṛtapraśithilāvayavakatvātmakaṃ mṛduviśadatvaṃ viklittiḥ, tadanukūlavyāpāro'dhiśrayaṇodakāsecanaidho'pakarṣaṇaprajvalanādirūpa iti `kārake' ityādisūtrabhāṣye spaṣṭam. ata eva `phalavyāpārayordhātu'riti siddhāntaḥ. tathāca taṇḍulānadhiśrayaṇādivyāpāreṇa vikledayatītyarthaḥ. adhiśrayaṇādirūpakartṛvyāpāraprayojya viklittirūpaphalāśrayatvāttaṇḍulānāṃ karmatvam. nanu kartṛgrahaṇaṃ vyartham. naca vyāpāralābhāya taditi vācyaṃ, kenā ptumityākāṅkṣāyāṃ kārakādhikārādeva tallābhāditi pṛcchati–karttuḥ kimiti. māṣeṣva\ufffdāṃ vadhnātīti. māṣeṣu bhakṣaṇāya pravṛttyunmukhamudaravyathābhayāttadbhakṣaṇānnivartayitumanyatra badhnātītyarthaḥ. atra māṣāṇāṃ karmatvanivṛttyarthaṃ kartṛgrahaṇamiti bhāvaḥ. kartṛ grahaṇe kṛte tunoktadoṣa ityāha–karmaṇa #iti. bandhanakarmībhūtasyā\ufffdāsyaivātra māṣā īpsitā natu bandhanakartuḥ, a\ufffdārakṣaṇasyaiva tadapekṣi tatvādityarthaḥ. tamabgrahaṇaṃ kimiti. tamabandhamīpsitatamamityetatkimarthaṃ kartṛriddeśyaṃ karme'tyevāstviti praśnaḥ. payasā odanaṃ bhuṅkte iti. payasā miśramityarthaḥ. yadyapyatra bhokturodana eva payasā miśra uddeśyo, natu kevalaṃ payo, nāpi kevala odanaḥ, nahrasau kevalapayaḥpānena tuṣyati, nāpi kevalaudanena. tathāpi yadā bhuktavānena payolipsayā punarodanabhojane pravartate tadedaṃ pratyudāharaṇam. tatra yadyapi paya eva uddeśyaṃ bhujikriyāṃ prati, tathāpi bhujikriyākarmībhūtamodanaṃ prati miśramasādhanatayā gumatvenaiva taduddeśyaṃ, natu bhojyatvena. atastatra payaso guṇatvena odanasya tatsaṃskāryatayā uddeśyatvādodanasyaiva īpsitatamatvam, natu payaso'pi. tasyāpyodana eva īpsitatamaḥ, guṇeṣvasya nānurodha iti bhāvaḥ. naca tamabgrahaṇaṃ kimartham, `karturīpsitaṃ karma' ityebāstviti vācyam, `agnermāṇavakaṃ vārayatī'tyatra māmavakasya `vāraṇārthānāmīpsitaḥ' ityapādānatvanivṛttyarthatvāditi prakṛtasūtrabhāṣye sthitam. tadetadvāraṇārthānāmiti sūtravyākhyāvasare sphuṭībhaviṣyati. pracīnaistu kaiścit,– `tamabgrahaṇaṃ kim, payasā odanaṃ bhuṅkte' iti granthaḥ kevalatamabgrahaṇaprayojanaparatayā vyākhyātaḥ. te bhāṣyaviruddhatvādupekṣyāḥ. nanu `adhiśīṅ?sthāsāṃ karme'tyato'nuvṛtteriha karmagrahaṇaṃ vyarthamityata āha–karmagrahaṇamādhāreti. adhiśīṅityatra hi ādhāra ityanuvartate. ihāpi tadanuvṛttirmābhūditi karmagrahaṇamityarthaḥ. nanu `hariṃ bhajatī'tyādāvasaṃbhavādeva tadanuvṛttirna bhaviṣyatītyata āha–anyathetyādi. hariṃ bhajatītyādau na syādityevakārārthaḥ.

karturīpsitatamaṃ karma 527, 1.4.49 kārake ityadhikṛtyeti. "saṃjñā vakṣyante" iti śeṣaḥ. "kriyājanakaṃ kārakaṃ, karoti kriyāṃ nirvartayatī"ti bhāṣye vyutpattidarśanāt. "brāāhṛṇasya putraṃ paśyatī"tyatra brāāhṛṇasyā'nyathāsiddhatvānna kārakatvam. karturīpsita. "kārake" ityanuvṛttaṃ prathamayā vipariṇamyate. āptumiṣyamāṇam-īpsitam. "āplṛ vyāptau", asmātsannantā"nmatibuddhipūjārthebhyaśce"ti vartamāne ktaḥ. matiricchā, buddheḥ pṛthaggrahaṇāt. "ktasya ca vartamāne" iti kartari ṣaṣṭhī. atiśayenepsitamīpsitatamam. dhātūpāttavyāvyāpārāśrayaḥ kartā. kenā'‌'ptumityākāṅkṣāyāṃ kartṛviśeṣaṇībhūtavyāpāreṇetyarthāllabhyate. tatphalitamāha--kartuḥ kriyayetyādinā. ktapratyayopāttaṃ vartamānatvaṃ tu na vivakṣitam. tena kaṭaṃ karoti kṛtavān ityādau nāvyāptiḥ. āptiḥ=saṃbandhaḥ. evaṃ ca katrrā svaniṣṭhavyāpārapyojyaphalena saṃbanddhumiṣyamāṇamityarthaḥ. yatā "taṇḍulānpacatī"tyatra viklittyanukūlavyāpāraḥ pacerarthaḥ. taptodakaprasvedanakṛtapraśithilāvayavakatvātmakaṃ mṛduviśadatvaṃ viklittiḥ, tadanukūlavyāpāro'dhiśrayaṇodakāsecanaidho'pakarṣaṇaprajvalanādirūpa iti "kārake" ityādisūtrabhāṣye spaṣṭam. ata eva "phalavyāpārayordhātu"riti siddhāntaḥ. tathāca taṇḍulānadhiśrayaṇādivyāpāreṇa vikledayatītyarthaḥ. adhiśrayaṇādirūpakartṛvyāpāraprayojya viklittirūpaphalāśrayatvāttaṇḍulānāṃ karmatvam. nanu kartṛgrahaṇaṃ vyartham. naca vyāpāralābhāya taditi vācyaṃ, kenā ptumityākāṅkṣāyāṃ kārakādhikārādeva tallābhāditi pṛcchati--karttuḥ kimiti. māṣeṣva()āṃ vadhnātīti. māṣeṣu bhakṣaṇāya pravṛttyunmukhamudaravyathābhayāttadbhakṣaṇānnivartayitumanyatra badhnātītyarthaḥ. atra māṣāṇāṃ karmatvanivṛttyarthaṃ kartṛgrahaṇamiti bhāvaḥ. kartṛ grahaṇe kṛte tunoktadoṣa ityāha--karmaṇa #iti. bandhanakarmībhūtasyā()āsyaivātra māṣā īpsitā natu bandhanakartuḥ, a()ārakṣaṇasyaiva tadapekṣi tatvādityarthaḥ. tamabgrahaṇaṃ kimiti. tamabandhamīpsitatamamityetatkimarthaṃ kartṛriddeśyaṃ karme"tyevāstviti praśnaḥ. payasā odanaṃ bhuṅkte iti. payasā miśramityarthaḥ. yadyapyatra bhokturodana eva payasā miśra uddeśyo, natu kevalaṃ payo, nāpi kevala odanaḥ, nahrasau kevalapayaḥpānena tuṣyati, nāpi kevalaudanena. tathāpi yadā bhuktavānena payolipsayā punarodanabhojane pravartate tadedaṃ pratyudāharaṇam. tatra yadyapi paya eva uddeśyaṃ bhujikriyāṃ prati, tathāpi bhujikriyākarmībhūtamodanaṃ prati miśramasādhanatayā gumatvenaiva taduddeśyaṃ, natu bhojyatvena. atastatra payaso guṇatvena odanasya tatsaṃskāryatayā uddeśyatvādodanasyaiva īpsitatamatvam, natu payaso'pi. tasyāpyodana eva īpsitatamaḥ, guṇeṣvasya nānurodha iti bhāvaḥ. naca tamabgrahaṇaṃ kimartham, "karturīpsitaṃ karma" ityebāstviti vācyam, "agnermāṇavakaṃ vārayatī"tyatra māmavakasya "vāraṇārthānāmīpsitaḥ" ityapādānatvanivṛttyarthatvāditi prakṛtasūtrabhāṣye sthitam. tadetadvāraṇārthānāmiti sūtravyākhyāvasare sphuṭībhaviṣyati. pracīnaistu kaiścit,--"tamabgrahaṇaṃ kim, payasā odanaṃ bhuṅkte" iti granthaḥ kevalatamabgrahaṇaprayojanaparatayā vyākhyātaḥ. te bhāṣyaviruddhatvādupekṣyāḥ. nanu "adhiśīṅ()sthāsāṃ karme"tyato'nuvṛtteriha karmagrahaṇaṃ vyarthamityata āha--karmagrahaṇamādhāreti. adhiśīṅityatra hi ādhāra ityanuvartate. ihāpi tadanuvṛttirmābhūditi karmagrahaṇamityarthaḥ. nanu "hariṃ bhajatī"tyādāvasaṃbhavādeva tadanuvṛttirna bhaviṣyatītyata āha--anyathetyādi. hariṃ bhajatītyādau na syādityevakārārthaḥ.

karturīpsitataṃ karma. karturiti `ktasya ca vartamāne'iti kartari ṣaṣṭhī. āpnoteḥ san. dvitvam. āp?jñapyṛdhāmīt', `atra lopo'bhyāsasye'tyabhyāsalopaḥ. `matibuddhipūjārthebhyaśca'iti vartamāne ktaḥ. matirihecchā, natu buddhiḥ, punarbuddhigrahaṇāt. tataḥ `atiśāyane'`tamabiṣṭhanau'ityatiśaye tamap. evaṃ ca katrrā āptumiṣyamāṇatamaṃ karmetyarthaḥ. kartā ca dhātīpāttavyāpārāśrayaḥ. sa ca kenā''ptumicchatīti viśeṣaṇībhūtena vyāpāreṇetyerthāllabhyate, tadāha—kriyayeti. ktapratyayenopasthitaṃ vartamānatvaṃ ceha na vivakṣitam. tena kaṭaṃ kṛtavānkariṣyatītyādi siddham. kārakamiti. etacca `kārake' ityadhikārallabhyate. tatra hi vyatyayena prathamārthe saptamī. pratisūtraṃ vākyaṃ bhittvā kārakasañjñā'nena vidhīyate. tadyathā apāye dhruvaṃ kārakasañjñaṃ syāt. tato `'pādānam'. uktaṃ kārakamapādānaṃ syāt. punaḥ kārakaśabdānuvṛttisāmathryādviśeṣasañjñābhiḥ saha samāveśasiddhiḥ. tena `stamberama'ityatrādhikaraṇatvātsaptamī. kārakakvādgatikopapadātkṛditi kṛduttarapadaprakṛtisvaraśca sidhyati. anyathā `tatpuruṣe tulyārthe'tyādinā pūrvapadaprakṛtisvaraḥ syāt. nacā'tropapadasvareṇānyathāsiddhiḥ śaṅkyā, `stambakarṇayoḥ'iti nirdeśāt prātipadikasyopapadatve'pi saptamyantasyā'tathātvāt. yadyapīha thāthādisvareṇaivā'ntodāttatvaṃ sidhyati, tathāpiyappratyayasāhacaryeṇa eraca eva tatropādānānnāsti thāthādisvareṇa tatsiddhirityāhuḥ. anvarthā ceyaṃ sañjñā–karotīti kārakamiti. tena `brāāhṛṇasya putraṃ panthānaṃ pṛcchatī'tyatra kriyā'nanvayino na bhavati. brāāhṛṇo hratra putraviśeṣaṇaṃ, na tu kriyānvayīti. payaseti. bhujikriyāṃ prati payasaḥ prakṛṣṭopakārakatve'pi odana evā'traiipsitatamaḥ, payastu saṃskāratvātkaraṇam. nahrasau kevalapayasaḥ pānena santuṣyati , kiṃ tu tatsaṃskṛtenaudanena. yadā tu paya eva īpsitatamamasya bhavati, tadā karmatvaṃ bhavatyeva–payaḥ pibatīti. karmetyanuvṛttāviti. `adhiśīṅsthāsāṃ karme'ti sūtrāt.

karturīpsitatamaṃ karma 474, 1.4.49 karturīpsitataṃ karma. karturiti "ktasya ca vartamāne"iti kartari ṣaṣṭhī. āpnoteḥ san. dvitvam. āp()jñapyṛdhāmīt", "atra lopo'bhyāsasye"tyabhyāsalopaḥ. "matibuddhipūjārthebhyaśca"iti vartamāne ktaḥ. matirihecchā, natu buddhiḥ, punarbuddhigrahaṇāt. tataḥ "atiśāyane""tamabiṣṭhanau"ityatiśaye tamap. evaṃ ca katrrā āptumiṣyamāṇatamaṃ karmetyarthaḥ. kartā ca dhātīpāttavyāpārāśrayaḥ. sa ca kenā'‌'ptumicchatīti viśeṣaṇībhūtena vyāpāreṇetyerthāllabhyate, tadāha---kriyayeti. ktapratyayenopasthitaṃ vartamānatvaṃ ceha na vivakṣitam. tena kaṭaṃ kṛtavānkariṣyatītyādi siddham. kārakamiti. etacca "kārake" ityadhikārallabhyate. tatra hi vyatyayena prathamārthe saptamī. pratisūtraṃ vākyaṃ bhittvā kārakasañjñā'nena vidhīyate. tadyathā apāye dhruvaṃ kārakasañjñaṃ syāt. tato "'pādānam". uktaṃ kārakamapādānaṃ syāt. punaḥ kārakaśabdānuvṛttisāmathryādviśeṣasañjñābhiḥ saha samāveśasiddhiḥ. tena "stamberama"ityatrādhikaraṇatvātsaptamī. kārakakvādgatikopapadātkṛditi kṛduttarapadaprakṛtisvaraśca sidhyati. anyathā "tatpuruṣe tulyārthe"tyādinā pūrvapadaprakṛtisvaraḥ syāt. nacā'tropapadasvareṇānyathāsiddhiḥ śaṅkyā, "stambakarṇayoḥ"iti nirdeśāt prātipadikasyopapadatve'pi saptamyantasyā'tathātvāt. yadyapīha thāthādisvareṇaivā'ntodāttatvaṃ sidhyati, tathāpiyappratyayasāhacaryeṇa eraca eva tatropādānānnāsti thāthādisvareṇa tatsiddhirityāhuḥ. anvarthā ceyaṃ sañjñā--karotīti kārakamiti. tena "brāāhṛṇasya putraṃ panthānaṃ pṛcchatī"tyatra kriyā'nanvayino na bhavati. brāāhṛṇo hratra putraviśeṣaṇaṃ, na tu kriyānvayīti. payaseti. bhujikriyāṃ prati payasaḥ prakṛṣṭopakārakatve'pi odana evā'traiipsitatamaḥ, payastu saṃskāratvātkaraṇam. nahrasau kevalapayasaḥ pānena santuṣyati , kiṃ tu tatsaṃskṛtenaudanena. yadā tu paya eva īpsitatamamasya bhavati, tadā karmatvaṃ bhavatyeva--payaḥ pibatīti. karmetyanuvṛttāviti. "adhiśīṅsthāsāṃ karme"ti sūtrāt.