1/25:tamagrahaṇam kimartham na sādhakam karaṇam iti eva ucyeta ṣādhakam karaṇam iti iyati ucyamāne sarveṣām kārakāṇām karaṇasañjñā prasajyeta |
2/25:sarvāṇi hi kārakāṇi sādhakāni |
3/25:tamagrahaṇe punaḥ kriyamāṇe na doṣaḥ bhavati |
4/25:na etat asti prayojanam |
5/25:pūrvāḥ tāvat sañjñāḥ apavādatvāt bādhikāḥ bhaviṣyanti parāḥ paratvāt ca anavakāśatvāt ca |
6/25:iha tarhi dhanuṣā vidhyati apāyayuktatvāt ca apādānasañjñā sādhakatvāt ca karaṇasañjñā prāpnoti |
7/25:tamagrahaṇe punaḥ kriyamāṇe na doṣaḥ bhavati |
8/25:evam tarhi lokataḥ etat siddham |
9/25:tat yathā |
10/25:loke abhirūpāya udakamāneyam abhirūpāya kanyā deyā iti na ca anabhirūpe pravṛttiḥ asti |
11/25:tatra abhirūpatamāya iti gamyate |
12/25:evam iha api sādhakam karaṇam iti ucyate sarvāṇi ca kārakāṇi sādhakāni na ca asādhake pravṛttiḥ asti |
13/25:tatra sādhakatamam iti vijñāsyate |
14/25:evam tarhi siddhe sati yat tamagrahaṇam karoti tat jñāpayati ācāryaḥ kārakasañjñāyām taratamayogaḥ na bhavati iti |
15/25:kim etasya jñāpane prayojanam |
16/25:apādānam ācāryaḥ kim nyāyyam manyate |
17/25:yatra samprāpya nivṛttiḥ |
18/25:tena iha eva syāt grāmāt āgacchati nagarāt āgacchati iti |
19/25:sāṅkāśyakebhyaḥ pāṭaliputrakāḥ abhirūpatarāḥ iti atra na syāt |
20/25:kārakasañjñāyām taratamayogaḥ na bhavati iti atra api siddham bhavati |
21/25:tathā ādhāram ācāryaḥ kim nyāyyam manyate |
22/25:yatra kṛtsnaḥ ādhārātmā vyāptaḥ bhavati |
23/25:tena iha eva syāt tileṣu tailam dadhni sarpiḥ iti |
24/25:gaṅgāyām gāvaḥ kūpe gargarkulam iti atra na syāt |
25/25:kārakasañjñāyām taratamayogaḥ na bhavati iti atra api siddham bhavati |

kriyāsiddhau yat prakṛṣṭopakārakaṃ vivakṣitam tat sādhakatamaṃ kārakam karaṇasaṃjñaṃ bhavati. dātreṇa lunāti. paraśunā chinatti. tamabgrahanam kim? gaṅgāyāṃ ghoṣaḥ. kūpe gargakulam. karaṇapradeśāḥ kartṛkaraṇayos tṛtīyā 2-3-18 ityevam ādayaḥ.

sādhakatamaṃ karaṇam 1.4.42 kriyāsiddhau yat prakṛṣṭopakārakaṃ vivakṣitam tat sādhakatamaṃ kārakam karaṇasaṃjñaṃ bhavati. dātreṇa lunāti. paraśunā chinatti. tamabgrahanam kim? gaṅgāyāṃ ghoṣaḥ. kūpe gargakulam. karaṇapradeśāḥ kartṛkaraṇayos tṛtīyā 2.3.18 ityevam ādayaḥ.

sādhakatamaṃ karaṇam. , 1.4.42 nanu ca sāmagryadhīnā hi kriyāsiddharekasyāpyabhāvena na bhavati. tat kasyātra prakarṣo yatparigrahāya sādhakatamaśabdasya grahamamita yaścodayet, taṃ pratyāha-- "kriyāsiddhau" ityādi. prakṛṣṭam = atyantamupakārakam. atha vā -- prakarṣaḥ prakṛṣṭam "nupaṃsake bhāve ktaḥ" 3.3.114. prakṛṣṭena prakarṣeṇopakārakaṃ prakṛṣṭopakārakaṃ yat kriyāyasiddhiviṣaye prakarṣeṇopakārakaṃ vivakṣitaṃ tat sādhakatamam. vivakṣitagrahaṇaṃ yadā prakṛṣṭopakārakatvena vivakṣyate, tadā sādhakatamavyavahāro vijñāyate, nānyedita jñāpanārtham. tathāhi-- vivakṣāvaśād yadeva kadācit karaṇambhavati-- dhanuṣā vidhyatīti, tadeva kadācit svātantryavivakṣāyāṃ karttṛtvamanubhavati-- ṭadhanurvidhyatīti. "lunāti" iti. "pvādīnāṃ hyasvaḥ" 7.3.80. "tamabgrahaṇaṃ kim? gaṅgāyāṃ ghoṣaḥ" iti. yadi tamabgrahaṇaṃ na kriyeta, tato'trādhikaraṇasaṃjñā na syāt. iha hi dvivadha ādhāraḥ- gauṇaḥ,mukhyaśca. tatra mukhyo ya ādheyena vyāpyate, yathā-- tileṣu tailamasti;atra tailenādheyenādhārabhūtāstilā vyāptāḥ. avyāpto gauṇo yathā-- gaṅgāyāṃ ghoṣa iti. atra hi sāmīpyād gaṅgāyāṃ ādhāratvamupacaritam, na mukhyam; vyāptyabhāvāt. tatrāsati tamabgrahaṇe "gauṇamukhyayormukhye kāryasaṃmpratyayaḥ" (vyā.pa.4) iti mukhyasyaivādhikaraṇasaṃjñā syāt, netarasya; tamabgrahaṇāt tasyāpi bhavati; tathapīha tamabgrahaṇaṃ na katrtavyam,katham? vināpi tena prakarṣāvagateḥ. yathaiva hranabhirūpāya kanyādānasya pravṛttirnāstītyabhirūpāya kanyā deyetyukte vināpi prakarṣapratyayenābhirūpatamāyeti gamyate; tathehāpi kārakādhikārādasādhake saṃjñāyāḥ pravṛttirnastīti "sādhakaṃ karaṇam" ityukte'ntareṇāpi tamabgrahaṇaṃ sādhakatamamiti gamyate, ta()tka tamabgrahaṇena? tadetat tamabgrahaṇaṃ jñāpanārthaṃ kṛtam. etadanena jñāpyate-- "iha kārakādhikāre itaḥ sūtrādanyatra vinā tamabgrahaṇena prakarṣo nāśrīyate" iti. tena "ādhāro'dhikaraṇam" 1.4.45 ityanena "gaṅgāyāṃ ghoṣaḥ" ityādāvamukhyasyāpi gaṅgāderādhārasyādhikaraṇasaṃjñā siddhā bhavati॥

sādhakatamaṃ karaṇaṃ. kriyāsiddhāviti. kriyotpattāvityarthaḥ. kārakādhikāralabhyamidam. prakṛṣṭopakārakamiti. katrrā kriyāyāṃ janayitavyāyāṃ yatsahāyabhūtaṃ tadupakārakamityucyate. `sādhakatama'mityasya vyākhyānametat. sādhakaśabdādatiśāyane tamabiti tamap. atiśayitaṃ sādhakaṃ sādhakatamamiti bhāvaḥ. yadvyāpārānantaraṃ kriyāniṣpattistat prakṛṣṭam. kartṛvyāpārādhīnayadvyāpārā'vyavahitā kriyāniṣpattistattasyāṃ karaṇamiti yāvat. tamabgrahaṇaṃ kimiti. sādhakamityevocyatām, kārakādhikārādeva siddhe punaḥ sādhakagrahaṇādeva prakṛṣṭaṃ sādhakamiti vijñāyata iti praśnaḥ. gaṅgāyāṃ ghoṣa iti. ayamāśayaḥ, –kārakaprakaraṇe gauṇamukhyānyāya etatsūtrādanyatra na pravartate iti jñāpanārthaṃ tamabgrahaṇam. anyathā `ādhāro'dhikaraṇa'mityatra anvarthamahāsaṃjñābalādevādhāralābhe punastadgrahaṇasāmathryātruāāvavayavavyāptyā ya ādhāraḥ so'dhikaraṇamityarthaḥ syāt. evaṃ ca `tileṣu tailaṃ', `dadhni sarpi'rityādāveva syāt. `gaṅgāyāṃ ghoṣaḥ', kūpe gargakula'mityādau na syāt. atastamabgrahaṇamiti bhāṣye spaṣṭam. atra yadvaktavyaṃ tat `ādhāro'dhikaraṇaṃ' `saptamyadhikaraṇe ca' ityatra vakṣyate.

sādhakatamaṃ karaṇam 552, 1.4.42 sādhakatamaṃ karaṇaṃ. kriyāsiddhāviti. kriyotpattāvityarthaḥ. kārakādhikāralabhyamidam. prakṛṣṭopakārakamiti. katrrā kriyāyāṃ janayitavyāyāṃ yatsahāyabhūtaṃ tadupakārakamityucyate. "sādhakatama"mityasya vyākhyānametat. sādhakaśabdādatiśāyane tamabiti tamap. atiśayitaṃ sādhakaṃ sādhakatamamiti bhāvaḥ. yadvyāpārānantaraṃ kriyāniṣpattistat prakṛṣṭam. kartṛvyāpārādhīnayadvyāpārā'vyavahitā kriyāniṣpattistattasyāṃ karaṇamiti yāvat. tamabgrahaṇaṃ kimiti. sādhakamityevocyatām, kārakādhikārādeva siddhe punaḥ sādhakagrahaṇādeva prakṛṣṭaṃ sādhakamiti vijñāyata iti praśnaḥ. gaṅgāyāṃ ghoṣa iti. ayamāśayaḥ, --kārakaprakaraṇe gauṇamukhyānyāya etatsūtrādanyatra na pravartate iti jñāpanārthaṃ tamabgrahaṇam. anyathā "ādhāro'dhikaraṇa"mityatra anvarthamahāsaṃjñābalādevādhāralābhe punastadgrahaṇasāmathryātruāāvavayavavyāptyā ya ādhāraḥ so'dhikaraṇamityarthaḥ syāt. evaṃ ca "tileṣu tailaṃ", "dadhni sarpi"rityādāveva syāt. "gaṅgāyāṃ ghoṣaḥ", kūpe gargakula"mityādau na syāt. atastamabgrahaṇamiti bhāṣye spaṣṭam. atra yadvaktavyaṃ tat "ādhāro'dhikaraṇaṃ" "saptamyadhikaraṇe ca" ityatra vakṣyate.

sādhakatamaṃ karaṇam. prakṛṣṭeti. yaddyāpārānantaraṃ phalaniṣpattistatparrakṛṣṭam. uktañca—-`kriyāyāḥ phalaniṣpattiryaddyāpārādanantaram. vivakṣyate yadā yatra karaṇaṃ tattadā smṛtam'iti. `vivakṣyate'ityanena sthālyādīnāmapi karaṇatvamastīti sūcitam. āha ca–`vastutastadanirdeśyaṃ na hi vastu vyavasthitam. sthālyā pacyata ityeṣā vivakṣā dṛśyate yataḥ'iti. ayaṃ bhāvaḥ–kārakatvaṃ taddyapyakartṛtvādiṣaṭkaṃ ca vastuviśeṣe viśeṣaṇaviśeṣyabhāvavanna niyataṃ, kintu vaivakṣikam. na hi `gauḥ sarvaṃ prati gaurave, na tu kañcitpratyagauḥ' iti vadviśeṣaṇaṃ sarvaṃ prati viśeṣaṇameveti vaktuṃ śakyam. tathāca kayā dhātuvyaktyā upasthāpite'rthe kiṃ katrrādikamiti praśne `prakṛtadhātuvyaktyupāttavyāpārāśrayatayā vivakṣitaḥ kartā, vyāpāravyadhikaraṇaphalāśrayaḥ karma, kartṛkarmadvārakasambandhena vyāpārasya phalasya vā āśrayo'dhikaraṇa'miti sthitam. pacyartho vyāpāra ścā'nekadhā. evañca paceradhiśrayaṇataṇḍulāvapanaidhopakarṣaṇāditātparyakatve tadāśrayo devadattaḥ kartā, jvalanātātparyakatve edhāḥ katrtāraḥ, taṇḍuladhāraṇādiparatve sthālī katrīṃ, avayavavibhāgādiparatve taṇḍulāḥ kartāraḥ. `sthālyā pacatī'tyatra tṛtīyopāttavyāpārāśrayā'pi sthālī karaṇameva, natu katrrī, devadattādivyāpārāsyaiva taddhātīpāttatvāt, tathā ādikhādibhyāmupātte'rthe prayojyaḥ kartā, tasminnevārthe bhakṣayatinopātte prayojyaḥ karma. adhipūrvaiḥ śīhādibhirupātte'rthe ādhāraḥ karma, kevalairupātte adhikaraṇāmityādi jñeyam. etena jñānasya svaprakāśatve kartṛkarmavirodha iti keṣāñciduktiḥ parāstā. yaddhātūpāttakriyāyāṃ yadā yasta svātantryaṃ vivakṣyate tadā tatkriyāyāṃ sa kartā, yadupāttayā kartuṛ kriyāyā yadā āptumiṣṭatamatvena yadvivakṣyate tadā tatkārakaṃ tatkriyāyāṃ karmetyeva śabdaviśeṣapādhikasya kartṛtvādeḥ pratyakṣe uktisambhavā'bhāvāt. yattuta kecitparasamavetakriyājanyaphalaśālitvaṃ karmatvaṃ cet `vṛkṣātparṇaṃ patatī'tyādau svasamavetakriyājanyavibhāgādiphalaśālini kartaryativyāptyabhāve'pyāpādāne'tivyāptiḥ syādeva. ataśca dhātvarthatāvcchedakaphalaśālitvaṃ karmatvamityevābhyupagantavyam. evañca sati `grāmaṃ gacchatī'tyādisakarmakeṣu gamanajanyasaṃyogādāviṣṭā'nurodhene dhātvarthatāvacchadakatve'bhyupagate'pi, `vṛkṣātpatatī'tyādyakarmakeṣu patanāda#ijanyavibhāgādau tadavacchedakatvā'kalpanānnāpādāne'tivyāptiḥ, navā` grāmaṃ gacchatī'tyādau kartaryativyāptiḥ,saṃyogādiphalajanakībhūtadhātvarthasya parasamavetatvaviśeṣaṇātkarmatvenābhimataṃ yattadbhinnasya paraśabdenā'tra vivakṣitatvādityāhuḥ. tadapyetena pratyuktam. `grāmaṃ gamayati devadatta'mityādau gantaryavyāpteḥ. ṇijarthapreraṇājanyaprayojyavyāpāre gamanādau dhātvarthatāvacchedakatvā'bhāvāt. tattvābhyupagame tu `devadattena pācayatī'tyādau prayojyakartaryativyāpteḥ. `gatibuddhī'tyādiśāstrābhyupagamaṃ vinā kvacitprayojyakartari kramatvaṃ, kvacittu kartṛtvamiti nirdhārayitumaśakyatvāt. `hmakroranyatarasyā'miti śāstramantareṇa `hārayati kārayati vā kaṭaṃ bhṛtyena bhṛtya'mityatra vaikalpikakarmatvasya durupapādatvācca. etādṛśeṣi vaiyākaraṇoktyaiva nirvāha iti cet, tarhi `ākaḍārādekā sañjñā, yā parā'navakāśā ce'tyaktvānniravakāśayā apādānasaṃjñayā sāvakāśāyāḥ karmasañjñāyā bādhānnoktātivyāptiriti kimanena `dhātvarthatāvacchedake'tyādi pariśrameṇa?. syādetat–`ātmānamātmanā vetsi sṛjasyātmānamātmane'tyādiprayogaḥ kathaṃ saṅgacchate, ekasyaiva vastuno yugapadekakriyānirūpitakartṛtvakarmatvāderasambhavāt, parayā kartṛsañjñayā karmakaraṇādisañjñāyā bādhāt. naiṣa doṣaḥ. ahaṅkārādyupadhibhedenātmano'pi bedamāśritya `ātmānamātmanā hanti'ityādiprayogasyākare samarthitatvāt. nanu `sādhakaṃ karaṇa'mityevāstu, kārakādhikārādiha kārakamiti vartate, sādhakaṃ kārakaṃ hi paryāyaḥ, tathā cobhayopādānena prakarṣo labhyata ityāśayena pṛcchati—tamabgrahaṇaṃ kimiti. itarastu kārakaprakaraṇe gauṇamukyanyāya etatsūtrādanyatra na pravartata iti jñāpanāya tamabgrahaṇamityāśayena jñāpanaphalamudāharati—gaṅgāyāṃ ghoṣa iti. uktajñāpanā'naṅgīkāre tvihādhikaraṇasañjñā na syāt. tileṣu tailaṃ, dadhani sarpirityādau mukhyādhāre tasyāścaritārthatvāditi bhāvaḥ. atra vyācakhyuḥ–yadā ca tīradharma ādhāratvaṃ sāmīpyātpravāhe upacaryate tadedaṃ prayojanam, yadā tu gaṅgāśabda eva tīre vartate tadā tu na prayojanam, tīrasya mukhyādhāratvāt. tatrā dyapakṣe vibhaktirlākṣaṇikī,dvitīye tu prakṛtirlākṣaṇikītyādi.

sādhakatamaṃ karaṇam 495, 1.4.42 sādhakatamaṃ karaṇam. prakṛṣṭeti. yaddyāpārānantaraṃ phalaniṣpattistatparrakṛṣṭam. uktañca----"kriyāyāḥ phalaniṣpattiryaddyāpārādanantaram. vivakṣyate yadā yatra karaṇaṃ tattadā smṛtamiti. "vivakṣyate"ityanena sthālyādīnāmapi karaṇatvamastīti sūcitam. āha ca--"vastutastadanirdeśyaṃ na hi vastu vyavasthitam. sthālyā pacyata ityeṣā vivakṣā dṛśyate yataḥ"iti. ayaṃ bhāvaḥ--kārakatvaṃ taddyapyakartṛtvādiṣaṭkaṃ ca vastuviśeṣe viśeṣaṇaviśeṣyabhāvavanna niyataṃ, kintu vaivakṣikam. na hi "gauḥ sarvaṃ prati gaurave, na tu kañcitpratyagauḥ" iti vadviśeṣaṇaṃ sarvaṃ prati viśeṣaṇameveti vaktuṃ śakyam. tathāca kayā dhātuvyaktyā upasthāpite'rthe kiṃ katrrādikamiti praśne "prakṛtadhātuvyaktyupāttavyāpārāśrayatayā vivakṣitaḥ kartā, vyāpāravyadhikaraṇaphalāśrayaḥ karma, kartṛkarmadvārakasambandhena vyāpārasya phalasya vā āśrayo'dhikaraṇa"miti sthitam. pacyartho vyāpāra ścā'nekadhā. evañca paceradhiśrayaṇataṇḍulāvapanaidhopakarṣaṇāditātparyakatve tadāśrayo devadattaḥ kartā, jvalanātātparyakatve edhāḥ katrtāraḥ, taṇḍuladhāraṇādiparatve sthālī katrīṃ, avayavavibhāgādiparatve taṇḍulāḥ kartāraḥ. "sthālyā pacatī"tyatra tṛtīyopāttavyāpārāśrayā'pi sthālī karaṇameva, natu katrrī, devadattādivyāpārāsyaiva taddhātīpāttatvāt, tathā ādikhādibhyāmupātte'rthe prayojyaḥ kartā, tasminnevārthe bhakṣayatinopātte prayojyaḥ karma. adhipūrvaiḥ śīhādibhirupātte'rthe ādhāraḥ karma, kevalairupātte adhikaraṇāmityādi jñeyam. etena jñānasya svaprakāśatve kartṛkarmavirodha iti keṣāñciduktiḥ parāstā. yaddhātūpāttakriyāyāṃ yadā yasta svātantryaṃ vivakṣyate tadā tatkriyāyāṃ sa kartā, yadupāttayā kartuṛ kriyāyā yadā āptumiṣṭatamatvena yadvivakṣyate tadā tatkārakaṃ tatkriyāyāṃ karmetyeva śabdaviśeṣapādhikasya kartṛtvādeḥ pratyakṣe uktisambhavā'bhāvāt. yattuta kecitparasamavetakriyājanyaphalaśālitvaṃ karmatvaṃ cet "vṛkṣātparṇaṃ patatī"tyādau svasamavetakriyājanyavibhāgādiphalaśālini kartaryativyāptyabhāve'pyāpādāne'tivyāptiḥ syādeva. ataśca dhātvarthatāvcchedakaphalaśālitvaṃ karmatvamityevābhyupagantavyam. evañca sati "grāmaṃ gacchatī"tyādisakarmakeṣu gamanajanyasaṃyogādāviṣṭā'nurodhene dhātvarthatāvacchadakatve'bhyupagate'pi, "vṛkṣātpatatī"tyādyakarmakeṣu patanāda#ijanyavibhāgādau tadavacchedakatvā'kalpanānnāpādāne'tivyāptiḥ, navā" grāmaṃ gacchatī"tyādau kartaryativyāptiḥ,saṃyogādiphalajanakībhūtadhātvarthasya parasamavetatvaviśeṣaṇātkarmatvenābhimataṃ yattadbhinnasya paraśabdenā'tra vivakṣitatvādityāhuḥ. tadapyetena pratyuktam. "grāmaṃ gamayati devadatta"mityādau gantaryavyāpteḥ. ṇijarthapreraṇājanyaprayojyavyāpāre gamanādau dhātvarthatāvacchedakatvā'bhāvāt. tattvābhyupagame tu "devadattena pācayatī"tyādau prayojyakartaryativyāpteḥ. "gatibuddhī"tyādiśāstrābhyupagamaṃ vinā kvacitprayojyakartari kramatvaṃ, kvacittu kartṛtvamiti nirdhārayitumaśakyatvāt. "hmakroranyatarasyā"miti śāstramantareṇa "hārayati kārayati vā kaṭaṃ bhṛtyena bhṛtya"mityatra vaikalpikakarmatvasya durupapādatvācca. etādṛśeṣi vaiyākaraṇoktyaiva nirvāha iti cet, tarhi "ākaḍārādekā sañjñā, yā parā'navakāśā ce"tyaktvānniravakāśayā apādānasaṃjñayā sāvakāśāyāḥ karmasañjñāyā bādhānnoktātivyāptiriti kimanena "dhātvarthatāvacchedake"tyādi pariśrameṇa(). syādetat--"ātmānamātmanā vetsi sṛjasyātmānamātmane"tyādiprayogaḥ kathaṃ saṅgacchate, ekasyaiva vastuno yugapadekakriyānirūpitakartṛtvakarmatvāderasambhavāt, parayā kartṛsañjñayā karmakaraṇādisañjñāyā bādhāt. naiṣa doṣaḥ. ahaṅkārādyupadhibhedenātmano'pi bedamāśritya "ātmānamātmanā hanti"ityādiprayogasyākare samarthitatvāt. nanu "sādhakaṃ karaṇa"mityevāstu, kārakādhikārādiha kārakamiti vartate, sādhakaṃ kārakaṃ hi paryāyaḥ, tathā cobhayopādānena prakarṣo labhyata ityāśayena pṛcchati---tamabgrahaṇaṃ kimiti. itarastu kārakaprakaraṇe gauṇamukyanyāya etatsūtrādanyatra na pravartata iti jñāpanāya tamabgrahaṇamityāśayena jñāpanaphalamudāharati---gaṅgāyāṃ ghoṣa iti. uktajñāpanā'naṅgīkāre tvihādhikaraṇasañjñā na syāt. tileṣu tailaṃ, dadhani sarpirityādau mukhyādhāre tasyāścaritārthatvāditi bhāvaḥ. atra vyācakhyuḥ--yadā ca tīradharma ādhāratvaṃ sāmīpyātpravāhe upacaryate tadedaṃ prayojanam, yadā tu gaṅgāśabda eva tīre vartate tadā tu na prayojanam, tīrasya mukhyādhāratvāt. tatrā dyapakṣe vibhaktirlākṣaṇikī,dvitīye tu prakṛtirlākṣaṇikītyādi.