1/17:karmagrahaṇam kimartham |
2/17:yam abhipraiti saḥ sampradānam iti iyati ucyamāne karmaṇaḥ eva sampradānasañjñā prasajyeta |
3/17:karmagrahaṇe punaḥ kriyamāṇe na doṣaḥ bhavati |
4/17:karma nimittatvena āśrīyate |
5/17:atha yamsagrahaṇam kimartham |
6/17:karmaṇā abhipraiti sampradānam iti iyati ucyamāne abhiprayataḥ eva sampradānasañjñā prasajyeta |
7/17:yamsagrahaṇe punaḥ kriyamāṇe na doṣaḥ bhavati |
8/17:yamsagrahaṇāt abhiprayataḥ sampradānasañjñā nirbhajyate |
9/17:atha abhipragrahaṇam kimartham |
10/17:karmaṇā yam eti sa sampradānam iti iyati ucyamāne yam eva sampratyeti tatra eva syāt |
11/17:upādhyāyāya gām dadāti iti |
12/17:iha na syāt |
13/17:upādhyāyāya gām adāt |
14/17:upādhyāyāya gām dāsyati iti |
15/17:abhipragrahaṇe punaḥ kriyamāṇe na doṣaḥ bhavati |
16/17:abhiḥ ābhimukhye vartate praśabdaḥ ādikarmaṇi |
17/17:tena yam ca abhipraiti yam ca abhipraiṣyati yam ca abhiprāgād ābhimukhyamātre sarvatra siddham bhavati |

1/25:kriyāgrahaṇam api kartavyam |
2/25:iha api yathā syāt |
3/25:śrāddhāya nigarhate |
4/25:yuddhāya sannahyate |
5/25:patye śete iti |
6/25:tat tarhi vaktavyam |
7/25:na vaktavyam |
8/25:katham |
9/25:kriyām hi loke karma iti upacaranti |
10/25:kām kriyām kariṣyasi |
11/25:kim karma kariṣyasi iti |
12/25:evam api kartavyam |
13/25:kṛtrimākṛtrimayoḥ kṛtrime sampratyayaḥ bhavati |
14/25:kriyā api kṛtrimam karma |
15/25:na sidhyati |
16/25:kartuḥ īpsitatamam karma iti ucyate katham ca nāma kriyayā kriyā īpsitatamā syāt |
17/25:kriyā api kriyayā īpsitatamā bhavati |
18/25:kayā kriyayā |
19/25:sandarśanakriyayā vā prārthayatikriyayā vā adhyavasyatikriyayā vā |
20/25:iha yaḥ eṣaḥ manuṣyaḥ prekṣāpūrvakārī bhavati saḥ buddhyā tāvat kamcidartham sampaśyati sandṛṣṭe prārthanā prārthanāyām adhavasāyaḥ adhyavasāye ārambhaḥ ārambhe nirvṛttiḥ nirvṛttau phalāvāptiḥ |
21/25:evam kriyā api kṛtrimam karma |
22/25:evam api karmaṇaḥ karaṇasañjñā vaktavyā sampradānasya ca karmasañjñā |
23/25:paśunā rudram yajate |
24/25:paśum rudrāya dadāti iti arthaḥ |
25/25:agnau kila paśuḥ prakṣipyate tat rudrāya pahriyate iti |

karmaṇā karaṇabhūtena kartā yam abhipraiti tat kārakaṃ sampradānasaṃjñaṃ bhavati. anvarthasaṃjñāvijñānād dadātikarmaṇā iti vijñāyate. upādhyāyāya gāṃ dadāti. māṇavakāya bhikṣāṃ dadāti. kriyāgrahaṇam api kartavyam. kriyayā 'pi yam abhipraiti sa sampradānam. śrāddhāya nigarhate. yuddhāya sannahyate. patye śete. sampradānapradeśāḥ caturthī sampradāne 2-3-13 ityevam ādayaḥ. karmaṇaḥ karaṇasaṃjñā vaktavyā sampradānasya ca karmasaṃjñā. paśunā rudraṃ yajate. paśuṃ rudrāya dadāti ityarthaḥ.

karmaṇā yam abhipraiti sa sampradānam 1.4.32 karmaṇā karaṇabhūtena kartā yam abhipraiti tat kārakaṃ sampradānasaṃjñaṃ bhavati. anvarthasaṃjñāvijñānād dadātikarmaṇā iti vijñāyate. upādhyāyāya gāṃ dadāti. māṇavakāya bhikṣāṃ dadāti. kriyāgrahaṇam api kartavyam. kriyayā 'pi yam abhipraiti sa sampradānam. śrāddhāya nigarhate. yuddhāya sannahyate. patye śete. sampradānapradeśāḥ caturthī sampradāne 2.3.13 ityevam ādayaḥ. karmaṇaḥ karaṇasaṃjñā vaktavyā sampradānasya ca karmasaṃjñā. paśunā rudraṃ yajate. paśuṃ rudrāya dadāti ityarthaḥ.

karmaṇā yamabhipraiti sa sampradānam. , 1.4.32 "karmaṇā karaṇabhūtena" iti. nanu ca kathaṃ karma karaṇaṃ bhavati? kriyābhedasambandhāt. tathā hi dadātikriyayā'‌'stumiṣṭatamatvāt tasyāḥ karmatvam, abhiprayāṇakriyāṃ pratitasya sādhakatamatvāt karaṇatvam. "abhipraiti" iti. abhisambadhnātītyarthaḥ. yadi karmaṇā yamabhipraiti sa sampradānasaṃjño bhavati, evamajāṃ nayati grāmamityajādibhirnayanakriyākarmabhiḥ sambadhyamānasya grāmasya sampradānasaṃjñā prasajyetetyata āha-- "anyarthasaṃjñāvijñānāt" ityādi. sampradānamiti. tena dadāteḥ karmaṇā yamabhipraiti tat sampradānamiti vijñāyate. nanvevamapi rajakasya vastraṃ dadāti, ghnataḥ pṛṣṭhaṃ dadātītyatatra prāpnoti, naitadasti; dānaṃ hi nāma pūjānugrahakāmyayā svakīyadravyaparityāgaḥ parasvatvāpattiḥ, tacceha nāsti, ato na bhaviṣyati. karmaṇeti kimartham? " yamabhipraiti sa sampradānam" ityucyamāne yamabhipraiti tasya karmaṇa eva sampradānasaṃjñatrā syāt. karmasaṃjñāyāstu dadātikarmaṇo'nyatrāvakāśaḥ syāt-- odanaṃ pacatīti. "yaṃ sa" grahaṇaṃ kimartham? "karmaṇābhipraiti sampradānam" ityucyamāne kayo'bhipraiti tasya sampradānasaṃjñā syāt. tataśca kartuḥ sampradānasaṃjñā syāt, kartasaṃjñāyāstu yatra karmasambandho nāsti, so'vakāśaḥ syāt--āste, śete iti. athābhipragrahaṇa kimartham? "karmaṇā yameti sa sampradānām" ityucyamāne kālaviśeṣavikṣā syāt, vartamāna eva syāt. tataścopādhyāyasya gāmadāt, upādhyāyāyaṃ gāṃ dāstītyatra na syāt, abhigrahaṇe tu sati bhavati. abhirābhimukhye vatrtate taccāpyatīte'pyasti. praśabda ādikarmaṇi, prārambhe. sa cāsannihitāyāṃ bhāvinyāmapi kriyāyāṃ sambhavatīti sarvatra saṃjñā siddhā bhavati. naitadabhipragrahasya prayojanamupapadyate. yathaiva karmaṇetyatraikatvasaṃkhyāyā vivakṣā na bhavati; yatā ca "yaṃ" "saḥ" ityatra liṅgasaṃkhyorvivakṣā na bhavati tathā kālasyāpi na bhaviṣyati. kiṃ kāraṇam? upalakṣaṇārthatvāt. yathā-- "so'rtho yo'nartha bādhate" ityukte yo'pi bādhitavān, yo'pi bādhiṣyate so'pyartha eva. evaṃ tarhi granthādhikyādarthādhikyaṃ yathā syādityavamarthamabhipragrahaṇam. etena kriyayāpi yamabhipraiti tasyāpi sampradānasaṃjñā siddhā bhavati; anyathā hi yadyapi kriyā prārthanādhyavasānābhyāṃ vyāptumiṣṭatamatvāt karma, tathāpi dadātikarmasambandhābhāvānna siddhyet. kathaṃ punaretadavasitam-- kriyayā yamabhipraitisa sampradāvamityayamartho'tra pratipādayitumiṣṭatam iti? abhipragrahaṇāt. asti hratrācāryasya kaścidartho'dhiko'bhimataḥ, yasyāvabhāsanāyādhikaṃ śabdāntaraṃ prayuktamiti gamyate, na tvarthaviśeṣaḥ. na hi tat tasya vācakam. yadyapyavācakaṃ syāt, tathāpi lakṣyadarśanavaśādavicchinnācāryapāramparyopadeśācca viśeṣāvagatirbhaviṣyatītyadveṣyametat. "kriyāgrahaṇamapi katrtavyam" iti. kriyayā grahaṇaṃ kriyāgrahaṇam. yena kriyā gṛhrate, tadvayākhyānaṃ katrtavyam. kiṃ punastadvyākhyānam? taccāsmābhirabhigrahaṇsaya prayojanaṃ varṇayadbhiḥ kṛtameva. kā punariha kriyā, yayābhipreyamāṇasya sampradānasaṃjñeṣyate? sā vivakṣitā. ata āha-- "kriyayāpi yamabhipraiti" ityādi. "nigalhate" iti. "garha galha kutsāyām" (dhā.pā.636,637) anudāttet. "yuddhāya sannahrate" iti. "naha bandhane" (dhā.pā.1166) divādau svaritet. sa ceha niścaye vatrtate, yuddhe niścayaṃ karotītyarthaḥ. "patye śete" iti. śīṅatropasarpaṇapūrvake śayana vatrtate. patimupasṛtya śete ityarthaḥ. "karmaṇaḥ karaṇasaṃjñā" ityādi. etat "paśunā rudraṃ yajate" ityetadviṣayameva veditavyam. yajiḥ svaritet. etacca "vyatyayo bahulam" (3.1.85) iti suvyatyayena siddhameveti na vaktavyam॥

karmaṇā yamabhipraiti sa sampradānam 899, 1.4.32 dānasya karmaṇā yamabhipraiti sa sampradānasaṃjñaḥ syāt॥

atha caturthī. karmaṇā yamabhi. karmasaṃjkena gavādidravyeṇa yamabhipraiti śeṣitvena'dhyavasyati sa saṃpradānamityarthaḥ. śeṣitvaṃ-bhoktṛtvam. saṃpradīyate yasmai tatsaṃpradānamityanvarthasaṃjñaiṣā. tataśca kasyāḥ kriyāyāḥ karmaṇetyākāṅkṣāyāṃ dānasyeti gamyate. tadāha–dānasyetyādinā. deyadravyoddeśyaṃ saṃpradānamiti phalitam. dānasyeti kim ? payo nayati devadattasya. atra devadattasya payonayanoddeśyatve'pi na saṃpradānatvaṃ, payaso dānakarmatvā'bhāvāt.

karmaṇā yamabhipraiti sa saṃpradānam 561, 1.4.32 atha caturthī. karmaṇā yamabhi. karmasaṃjkena gavādidravyeṇa yamabhipraiti śeṣitvena'dhyavasyati sa saṃpradānamityarthaḥ. śeṣitvaṃ-bhoktṛtvam. saṃpradīyate yasmai tatsaṃpradānamityanvarthasaṃjñaiṣā. tataśca kasyāḥ kriyāyāḥ karmaṇetyākāṅkṣāyāṃ dānasyeti gamyate. tadāha--dānasyetyādinā. deyadravyoddeśyaṃ saṃpradānamiti phalitam. dānasyeti kim? payo nayati devadattasya. atra devadattasya payonayanoddeśyatve'pi na saṃpradānatvaṃ, payaso dānakarmatvā'bhāvāt.

karmaṇā. mahāsaṃjñākaraṇamanvarthasaṃjñāvidhānārtham. samyak pradīyate'smai tatsaṃpradānamiti. ata evāha—dānasyeti. dānakriyākarmaṇā kartā yamabhipraiti sambandhnāti, sambanddhumīpsati vā taskārakaṃ sampradānasaṃjñakamityarthaḥ. tena `ajāṃ nayati grāmaṃ' `hastaṃ nidadhāti vṛkṣe' ityādau nā'tiprasaṅgaḥ. dānaṃ cā'nupunagrrahaṇāya svasvatvinivṛttipūrvakaṃ parasvatvotpādanam. ataeva `rajakasya vastraṃ dadātī'tyādau na bhavati. tatra hi dadātirbhāktaḥ. etacca vṛttimatam. bhāṣyamate tu nā'nvarthatāyāmāgrahaḥ `khaṇḍikopādhyāyaḥ śiṣyāya capeṭāṃ dadāti' ityādiprayogāt. `rājakasya dadātī'ti prayogastu śeṣatvavivakṣāyāṃ bhaviṣyati. na caivamajāṃ nayati grāmamityādāvatiprasaṅgaḥ śaṅkyaḥ, ajāṃ prati grāmasya śeṣitvā'bhāvāt. `yamabhipraitī'tyuktyā hi yamiti nirdiṣṭasya śeṣitvaṃ, karmaṇaśca śeṣatvaṃ labhyate, gāṃ prati tu viprasya śeṣitvamastīti bhavati tasya saṃpradāmasaṃjñā. atra abhi pra etītyetatpadatrayaṃ, na tu samāsaḥ.' udāttavatā gātimatā ca tiṅā gateḥ samāso vaktavyaḥ' iti vārtikasya chandoviṣayatvāditi haradattaḥ. bhāṣāviṣayatve tu `yatprakurute' ityādau samāsatvātsora#utpattiḥ syāt. liṅgasarvanāma napuṃsakatāmabhyupetya `svamornapuṃsakāt' iti luki kṛte'pi `hyasvo napuṃsake—' iti hyasvaḥ syāt,`yatprakurvīra'nnityatra tu nalopaḥ syāt?, tasmāduktavārtikasya chandoviṣayatvaṃyuktameva. dānīya iti. bāhulakātsaṃpradāne anīyari. kriyayeti. kriyāyāḥ kṛtrimākarmatvā'bhāvāttayā abhipreyamāṇasya sūtreṇa saṃjñā na prāpnotīti vacanam. etacca `kriyārthopapadasya ca karmaṇi sthāninaḥ' ityanena siddham. `patye śete' ityādau patimanukūlayituṃ śete ityādyarthābhyupagame vādhakā'bhāvāt. bhāṣyakāramate tu `karmaṇā yamabhipraiti' iti sūtreṇaiva siddham, `saṃdarśanaprārthanā'dhyavasāyairāpyamāṇatvātkriyāpi kṛtiṃ?ramaṃ karma' iti tairuktatvāt. nacaivamapi dadātikarmatvā'bhāvāt `kriyayā yamabhipraiti' ityetadvacanaṃ kartavyameveti vācyam, bhāṣye'nvarthasaṃjñātbasvokārāt. nanvenaṃ kaṭaṃ karoti, odanaṃ pacatītyādāvapi saṃpradānatvaprasaṅgastathā ca vacanadvayabalātkarmasaṃpradānayoḥ paryāyatve `kaṭāya karotī'tyādyaniṣṭaprayogo'pi syāditi cet?. atrāhuḥ–`patye śete' ityakarmakasthale sāvakāśāyāḥ saṃpradānasaṃjñāyāḥ niravakāśayā karmasaṃjñayā bādhitatvānnaivā'niṣṭaprasaktiḥ. na caivaṃ `gatyarthakarmaṇi dvitīyācatuthryau—' iti sūtramāvaśyakameveti tatpratyākhyānaṃ bhāṣyasthaṃ na saṅgacchata iti vācyam. bhāṣye tatpratyākhyānasya prauḍhivādamātratvāditi dik. syādetat—dānasya tadarthatvāttādarthye caturthī siddhaiva kimanayā saṃpradānasaṃjñayā ?. maivam. dānakriyārthaṃ hi saṃpradānaṃ na tu dānakriyā tadarthā. kārakāṇāṃ kriyārthatvāt. karaṇasaṃjñetyādi. chandasametat. ata evedaṃ subvyatyatyena siddhatvāditi pratyākhyāyate.

karmaṇā yamabhipraiti sa saṃpradānam 506, 1.4.32 karmaṇā. mahāsaṃjñākaraṇamanvarthasaṃjñāvidhānārtham. samyak pradīyate'smai tatsaṃpradānamiti. ata evāha---dānasyeti. dānakriyākarmaṇā kartā yamabhipraiti sambandhnāti, sambanddhumīpsati vā taskārakaṃ sampradānasaṃjñakamityarthaḥ. tena "ajāṃ nayati grāmaṃ" "hastaṃ nidadhāti vṛkṣe" ityādau nā'tiprasaṅgaḥ. dānaṃ cā'nupunagrrahaṇāya svasvatvinivṛttipūrvakaṃ parasvatvotpādanam. ataeva "rajakasya vastraṃ dadātī"tyādau na bhavati. tatra hi dadātirbhāktaḥ. etacca vṛttimatam. bhāṣyamate tu nā'nvarthatāyāmāgrahaḥ "khaṇḍikopādhyāyaḥ śiṣyāya capeṭāṃ dadāti" ityādiprayogāt. "rājakasya dadātī"ti prayogastu śeṣatvavivakṣāyāṃ bhaviṣyati. na caivamajāṃ nayati grāmamityādāvatiprasaṅgaḥ śaṅkyaḥ, ajāṃ prati grāmasya śeṣitvā'bhāvāt. "yamabhipraitī"tyuktyā hi yamiti nirdiṣṭasya śeṣitvaṃ, karmaṇaśca śeṣatvaṃ labhyate, gāṃ prati tu viprasya śeṣitvamastīti bhavati tasya saṃpradāmasaṃjñā. atra abhi pra etītyetatpadatrayaṃ, na tu samāsaḥ." udāttavatā gātimatā ca tiṅā gateḥ samāso vaktavyaḥ" iti vārtikasya chandoviṣayatvāditi haradattaḥ. bhāṣāviṣayatve tu "yatprakurute" ityādau samāsatvātsora#utpattiḥ syāt. liṅgasarvanāma napuṃsakatāmabhyupetya "svamornapuṃsakāt" iti luki kṛte'pi "hyasvo napuṃsake---" iti hyasvaḥ syāt,"yatprakurvīra"nnityatra tu nalopaḥ syāt(), tasmāduktavārtikasya chandoviṣayatvaṃyuktameva. dānīya iti. bāhulakātsaṃpradāne anīyari. kriyayeti. kriyāyāḥ kṛtrimākarmatvā'bhāvāttayā abhipreyamāṇasya sūtreṇa saṃjñā na prāpnotīti vacanam. etacca "kriyārthopapadasya ca karmaṇi sthāninaḥ" ityanena siddham. "patye śete" ityādau patimanukūlayituṃ śete ityādyarthābhyupagame vādhakā'bhāvāt. bhāṣyakāramate tu "karmaṇā yamabhipraiti" iti sūtreṇaiva siddham, "saṃdarśanaprārthanā'dhyavasāyairāpyamāṇatvātkriyāpi kṛtiṃ()ramaṃ karma" iti tairuktatvāt. nacaivamapi dadātikarmatvā'bhāvāt "kriyayā yamabhipraiti" ityetadvacanaṃ kartavyameveti vācyam, bhāṣye'nvarthasaṃjñātbasvokārāt. nanvenaṃ kaṭaṃ karoti, odanaṃ pacatītyādāvapi saṃpradānatvaprasaṅgastathā ca vacanadvayabalātkarmasaṃpradānayoḥ paryāyatve "kaṭāya karotī"tyādyaniṣṭaprayogo'pi syāditi cet(). atrāhuḥ--"patye śete" ityakarmakasthale sāvakāśāyāḥ saṃpradānasaṃjñāyāḥ niravakāśayā karmasaṃjñayā bādhitatvānnaivā'niṣṭaprasaktiḥ. na caivaṃ "gatyarthakarmaṇi dvitīyācatuthryau---" iti sūtramāvaśyakameveti tatpratyākhyānaṃ bhāṣyasthaṃ na saṅgacchata iti vācyam. bhāṣye tatpratyākhyānasya prauḍhivādamātratvāditi dik. syādetat---dānasya tadarthatvāttādarthye caturthī siddhaiva kimanayā saṃpradānasaṃjñayā?. maivam. dānakriyārthaṃ hi saṃpradānaṃ na tu dānakriyā tadarthā. kārakāṇāṃ kriyārthatvāt.karmaṇaḥ karaṇasaṃjñā saṃpradānasya ca karmasaṃjñā. karmaṇaḥ karaṇasaṃjñetyādi. chandasametat. ata evedaṃ subvyatyatyena siddhatvāditi pratyākhyāyate.