1/30:upayoge iti kimartham |
2/30:naṭasya śṛṇoti |
3/30:granthikasya śṛṇoti |
4/30:upayoge iti ucyamāne api atra prāpnoti |
5/30:eṣaḥ api hi upayogaḥ |
6/30:ātaḥ ca upayogaḥ yat ārambhakāḥ raṅgam gacchanti naṭasya śroṣyāmaḥ , granthikasya śroṣyāmaḥ iti |
7/30:evam tarhi upayoge iti ucyate sarvaḥ ca upayogaḥ |
8/30:tatra prakarṣagatiḥ vijñāsyate : sādhīyaḥ yaḥ upayogaḥ iti |
9/30:kaḥ ca sādhīyaḥ |
10/30:yaḥ granthārthayoḥ |
11/30:atha vā upayogaḥ kaḥ bhavitum arhati |
12/30:yaḥ niyamapūrvakaḥ |
13/30:tat yathā upayuktāḥ māṇavakāḥ iti ucyante ye ete niyamapūrvakam adhītavantaḥ bhavanti |
14/30:kim punaḥ ākhyātā anupayoge kārakam āhosvit akārakam |
15/30:kaḥ ca atra viśeṣaḥ |
16/30:ākhyātā anupayoge kārakam iti cet akathitvāt karmasañjñāprasaṅgaḥ | ākhyātā anupayoge kārakam iti cet akathitvāt karmasañjñā prāpnoti |*
17/30:astu tarhi akārakam |
18/30:akārakam iti cet upayogavacanānarthakyam |*
19/30:yadi akārakam upayogavacanam anarthakam |
20/30:astu tarhi kārakam |
21/30:nanu ca uktam ākhyātā anupayoge kārakam iti cet akathitatvāt karmasañjñāprasaṅgaḥ iti |
22/30:na eṣaḥ doṣaḥ |
23/30:parigaṇanam tatra kriyate |
24/30:duhiyācirudhipracchibhikṣiciñām iti |
25/30:ayam api yogaḥ śakyaḥ avaktum |
26/30:katham upādhyāyāt adhīte iti |
27/30:apakrāmati tasmāt tadadhyayanam |
28/30:yadi apakrāmati kim na atyantāya apakrāmati |
29/30:sattatatvāt |
30/30:atha vā jyotirvat jñānāni bhavanti |

ākhyātā pratipādayitā. upayogaḥ niyamapūrvakaṃ vidhyāgrahaṇam. upayoge sādhye ya ākhyātā tat kārakam apādānasaṃjñaṃ bhavati. upādhyāyādadhīte. upādhyāyādāgamayati. upayoge iti kim? naṭasya śṛṇoti.

ākhyātāupayoge 1.4.29 ākhyātā pratipādayitā. upayogaḥ niyamapūrvakaṃ vidhyāgrahaṇam. upayoge sādhye ya ākhyātā tat kārakam apādānasaṃjñaṃ bhavati. upādhyāyādadhīte. upādhyāyādāgamayati. upayoge iti kim? naṭasya śṛṇoti.

ākhyātopayoge. , 1.4.29 "niyamapūrvakaṃ vidyāgrahaṇam" iti. vidyāgrahaṇārthaṃ śiṣyapravṛttiḥ = niyamaḥ. sa pūrvo yasya tat tathoktam. "śeṣādvibhāṣā" 5.4.154 iti kap. "naṭasya gāthāṃ śṛṇoti" iti. sambandhalakṣaṇā ṣaṣṭhī. niyamapūrvakamiha vidyāgrahaṇaṃ nāsti॥

ākhyātopayoge. ākhyātā-upayoge iti cchedaḥ. ākhyāteti tṛjantātprathamaikavacanam. upayogapadaṃ vyācaṣṭe-niyamapūrvaketi. bhāṣye tathokteriti bhāvaḥ. ākhyāteti tṛjantaṃ vyācaṣṭe-vakteti. adhyapayitetyarthaḥ. upādhyāyādadhīte iti. niyamaviśeṣapūrvakamupādhyāyasyoccāraṇamanūccarayatītyarthaḥ. ṣaṣṭha\ufffdpavādo'yam. bhāṣye tūpādhyāṃyānnargataṃ vedaṃ gṛhṇātītyarthamāśritya pratyākhyātamidam.

ākhyātopayoge 584, 1.4.29 ākhyātopayoge. ākhyātā-upayoge iti cchedaḥ. ākhyāteti tṛjantātprathamaikavacanam. upayogapadaṃ vyācaṣṭe-niyamapūrvaketi. bhāṣye tathokteriti bhāvaḥ. ākhyāteti tṛjantaṃ vyācaṣṭe-vakteti. adhyapayitetyarthaḥ. upādhyāyādadhīte iti. niyamaviśeṣapūrvakamupādhyāyasyoccāraṇamanūccarayatītyarthaḥ. ṣaṣṭha()pavādo'yam. bhāṣye tūpādhyāṃyānnargataṃ vedaṃ gṛhṇātītyarthamāśritya pratyākhyātamidam.

ākhyātopa. nayamapūrvaketi. tatraivopayogaśabdo rūḍha iti bhāvaḥ. ākhyātetyetattṛjantamityāha—vakteti. upādhyāyāditi. upetya asmādadhīyata iti upādhyāyaḥ, `iṅaśca'iti ghañ. adhyayanaṃ tu guruccāraṇottaroccaraṇaṃ niyamapūrvakam. naṭasyeti. gāthākarmakaṃ naṭasaṃbandhi śravaṇamityarthaḥ. naṭasya gāthā'nvaye tu kārakatvā'bhāvādevā'prāpterupayogagrahaṇam samarthitaṃ syāt.

ākhyātopayoge 524, 1.4.29 ākhyātopa. nayamapūrvaketi. tatraivopayogaśabdo rūḍha iti bhāvaḥ. ākhyātetyetattṛjantamityāha---vakteti. upādhyāyāditi. upetya asmādadhīyata iti upādhyāyaḥ, "iṅaśca"iti ghañ. adhyayanaṃ tu guruccāraṇottaroccaraṇaṃ niyamapūrvakam. naṭasyeti. gāthākarmakaṃ naṭasaṃbandhi śravaṇamityarthaḥ. naṭasya gāthā'nvaye tu kārakatvā'bhāvādevā'prāpterupayogagrahaṇam samarthitaṃ syāt.