Pāṇini 1.4.2

PrevNext

Grammatical Sūtra: विप्रतिषेधे परं कार्यम् vipratiṣedhe paraṃ kāryam Chantings of the aṣṭādhyāyī kindly with permision Sai Susarla.
Individual Word Components: vipratiṣedhe param kāryam
Sūtra with anuvṛtti words: vipratiṣedhe param kāryam ekā (1.4.1), saṃjñā (1.4.1)
Type of Rule: paribhāṣā
Preceding adhikāra rule:1.4.1 (1ā kaḍārād ekā saṃjñā)

Description:

Source:Laghusiddhānta kaumudī (Ballantyne)

When rules of equal force prohibit each other, then the last in the order herein given is to take effect. Source: Aṣṭādhyāyī 2.0

When there is incompatibility (vipratiṣedhé) [between two rules which can equally apply in a given domain] what is provided by the subsequent rule (páram) should operate (kāryàm). Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

Apply the rule which is subsequent in order when conflict among rules of equal strength obtains Source: Courtesy of Dr. Rama Nath Sharma ©

Vipratiṣedhaḥ = tulyabalavirodhaḥ, tasmin sati paraṃ kāryaṃ bhavati। Source: Sanskrit Documents

Source:Srisa Chandra Vasu's Aṣṭādhyāyī of Pāṇini

Mahābhāṣya: With kind permission: Dr. George Cardona

1/86:vipratiṣedhaḥ iti kaḥ ayam śabdaḥ |
2/86:vipratipūrvāt siddheḥ karmavyatihāre karmavyatihāre ghañ |
3/86:itaretarapratiṣedhaḥ vipratiṣedhaḥ |
4/86:anyonyapratiṣedhaḥ vipratiṣedhaḥ |
5/86:kaḥ punaḥ vipratiṣedhaḥ |
See More

1/86:vipratiṣedhaḥ iti kaḥ ayam śabdaḥ |
2/86:vipratipūrvāt siddheḥ karmavyatihāre karmavyatihāre ghañ |
3/86:itaretarapratiṣedhaḥ vipratiṣedhaḥ |
4/86:anyonyapratiṣedhaḥ vipratiṣedhaḥ |
5/86:kaḥ punaḥ vipratiṣedhaḥ |
6/86:dvau prasaṅgau anyārthau ekasmin saḥ vipratiṣedhaḥ |*
7/86:dvau prasaṇgau yadā anyārthau bhavataḥ ekasmin ca yugapat prāptnutaḥ saḥ vipratiṣedhaḥ |
8/86:kva punaḥ anyārthau kva ca ekasmin yugapat prāpnutaḥ |
9/86:vṛkṣābhyām , vṛkṣeṣu iti anyārthau vṛkṣebhyaḥ iti atra yugapat prāpnutaḥ |
10/86:kim ca syāt |
11/86:ekasmin yugapadasambhavāt pūrvaparaprāpteḥ ubhayaprasaṅgaḥ |*
12/86:ekasmin yugapadasambhavātpūrvasyāḥ ca parasyāḥ ca prāpteḥ ubhayaprasaṅgaḥ |
13/86:idam vipratiṣiddham yat ucyate ekasmin yugapadasambhavātpūrvaparaprāpteḥ ubhayaprasaṅgaḥ iti |
14/86:katham hi ekasmin ca nāma yugapadasambhavaḥ syāt pūrvasyāḥ ca parasyāḥca prāpteḥ ubhayaprasaṅgaḥ ca syāt |
15/86:na etat vipratiṣiddham |
16/86:yat ucyate ekasmin yugapadasambhavāt iti kāryayoḥ yugapadasambhavaḥ śāstrayoḥ ubhayaprasaṅgaḥ |
17/86:tṛjādibhiḥ tulyam | tṛjādibhiḥ tulyam paryāyaḥ prāpnoti |*
18/86:tat yathā tṛjādayaḥ paryāyeṇa bhavanti |
19/86:kim punaḥ kāraṇam tṛjādayaḥ paryāyeṇa bhavanti |
20/86:anavayaprasaṅgāt pratipadam vidheḥ ca |*
21/86:anavayavena prasajyante pratipadam ca vidhīyante |
22/86:apratipattiḥ vā ubhayoḥ tulyabalatvāt |*
23/86:apratipattiḥ vā punaḥ ubhayoḥ śāstrayoḥ syāt |
24/86:kim kāraṇam |
25/86:tulyabalatvāt |
26/86:tulyabale hi ubhe śāstre |
27/86:tat yathā |
28/86:dvayoḥ tulyabalayoḥ ekaḥ preṣyaḥ bhavati |
29/86:saḥ tayoḥ paryāyeṇa kāryam karoti |
30/86:yadā tam ubhau yugapat preṣayataḥ nānādikṣu ca kārye bhavataḥ tadā yadi asau avirodhārthī bhavati tataḥ ubhayoḥ na karoti |
31/86:kim punaḥ kāraṇam ubhayoḥ na karoti |
32/86:yaugapadyāsambhavāt |
33/86:na asti yaugapadyena sambhavaḥ |
34/86:tatra pratipattyartham vacanam |*
35/86:tatra pratipattyartham idam vaktavyam |
36/86:tavyadādīnām tu aprasiddhiḥ |*
37/86:tavyadādīnām tu kāryasya aprasiddhiḥ |
38/86:na hi kim cit tavyadādiṣu niyamakāri śāstram ārabhyate yena tavyadādayaḥ syuḥ |
39/86:yaḥ ca bhavatā hetuḥ vyapadiṣṭaḥ apratipattiḥ vā ubhayoḥ tulyabalatvāt iti tulyaḥ sa tavyadādiṣu |
40/86:na eṣaḥ doṣaḥ |
41/86:anavakāśāḥ tavyadādayaḥ ucyante ca |
42/86:te vacanāt bhaviṣyanti |
43/86:yaḥ ca bhavatā hetuḥ vyapadiṣṭaḥ tṛjādibhiḥ tulyam paryāyaḥ prāpnoti iti tulyaḥ sa tavyadādiṣu |
44/86:etāvat iha sūtram vipratiṣedhe param iti |
45/86:paṭhiṣyati hi ācāryaḥ sakṛdgatau virpratiṣedhe yat bādhitam tat bādhitam eva iti |
46/86:punaḥ ca paṭhiṣyati punaḥ prasaṅgavijñānāt siddham iti |
47/86:kim punaḥ iyatā sūtreṇa ubhayam labhyam |
48/86:labhyam iti āha |
49/86:katham |
50/86:iha bhavatā dvau hetū vyapadiṣṭau |
51/86:tṛjādibhiḥ tulyam paryāyaḥ prāpnoti iti ca apratipattiḥ vā ubhayoḥ tulyabalatvāt iti ca |
52/86:tat yadā tāvat eṣaḥ hetuḥ tṛjādibhiḥ tulyam paryāyaḥ prāpnoti iti tadā vipratiṣeḍhe param iti anena kim kriyate |
53/86:niyamaḥ |
54/86:vipratiṣedhe param eva bhavati iti |
55/86:tadā etat upapannam bhavati sakṛdgatau vipratiṣedhe yat bādhitam tat bādhitam eva iti |
56/86:yadā tu eṣaḥ hetuḥ apratipattiḥ vā ubhayoḥ tulyabalatvāt iti tadā vipratiṣedhe param iti anena kim kriyate |
57/86:dvāram |
58/86:vipratiṣedhe param tāvat bhavati tasmin krṭe yadi pūrvam api prāpnoti tat api bhavati |
59/86:tadā etat upapannam bhavati punaḥprasaṅgavijñānāt siddham iti |
60/86:vipratiṣedhe param iti uktvā aṅgādhikāre pūrvam iti vaktavyam |
61/86:kim kṛtam bhavati |
62/86:pūrvavipratiṣedhāḥ na paṭhitavyāḥ bhavanti |
63/86:guṇavṛddhyautvatṛjvadbhāvebhyaḥ num pūrvavipratiṣiddham |
64/86:numaciratṛjvadbhāvebhyaḥ nuṭ iti |
65/86:katham ye paravipratiṣedhāḥ |
66/86:ittvottvābhyām guṇavṛddhī bhavataḥ vipratiṣedhena iti |
67/86:sūtram ca bhidyate |
68/86:yathānyāsam eva astu |
69/86:katham ye pūrvavipratiṣedhāḥ |
70/86:vipratiṣedhe param iti eva siddham |
71/86:katham |
72/86:paraśabdaḥ ayam bahvarthaḥ |
73/86:asti eva vyavasthāyām vartate |
74/86:tat yathā pūrvaḥ paraḥ iti |
75/86:asti anyārthe vartate |
76/86:paraputraḥ parabhāryā |
77/86:anyaputraḥ anyabhāryā iti gamyate |
78/86:asti prādhānye vartate |
79/86:tat yathā param iyaṃ brāhmāṇī asmin kuṭumbe |
80/86:pradhānam iti gamyate |
81/86:asti iṣṭavācī paraśabdaḥ |
82/86:tat yathā |
83/86:param dhāma gataḥ iti |
84/86:iṣṭam dhāma iti gamyate |
85/86:tat yaḥ iṣṭavācī paraśabdaḥ tasya idam grahaṇam |
86/86:vipratiṣedhe param yat iṣṭam tat bhavati |

1/60:yadi santi prayojanāni iti eṣā paribhāṣā kriyate nanu ca iyam api kartavyā asiddham bahiraṅgalakṣaṇam antaraṅgalakṣaṇe iti |
2/60:kim prayojanam |
3/60:pacāvedam pacāmedam |
4/60:asiddhatvāt bahiraṅgalakṣaṇasya guṇasya antaraṇgalakṣaṇam aitvam mā bhūt iti |
5/60:ubhe tarhi kartavye |
6/60:na iti āha |
7/60:anayā eva siddham |
8/60:iha api syonaḥ syonā iti asiddhatvāt bahiraṅgalakṣaṇasya guṇasya antaraṅgalakṣaṇaḥ yaṇādeśo bhaviṣyati |
9/60:yadi asiddham bahiraṅgalakṣaṇam antaraṅgalakṣaṇe iti ucyate akṣadyūḥ hiraṇyadyūḥ asiddhatvāt asiddhatvāt bahiraṅgalakṣaṇasya ūṭhaḥ antaraṅgalakṣaṇaḥ yaṇādeśaḥ na prāpnoti |
10/60:na eṣaḥ doṣaḥ |
11/60:asiddham bahiraṅgalakṣaṇam antaraṅgalakṣaṇe iti uktvā tataḥ vakṣyāmi na ajānantarye bahiṣṭvaprakḷptiḥ iti |
12/60:sā tarhi eṣā paribhāṣā kartavyā |
13/60:na kartavyā |
14/60:ācāryapravṛttiḥ jñāpayati bhavati eṣā paribhāṣā iti yat ayam ṣatvatukoḥ asiddhaḥ iti āha |
15/60:iyam tarhi paribhāṣā kartavyā asiddham bahiraṅgalakṣaṇamantaraṅgalakṣaṇe iti |
16/60:eṣā ca na kartavyā |
17/60:ācāryapravṛttiḥ jñāpayati bhavati eṣā paribhāṣā iti yat ayam vāhaḥ ūṭh iti ūṭham śāsti |
18/60:tasya doṣaḥ pūrvapadottarapadayoḥ vṛddhisvarau ekādeśāt |*
19/60:tasya etasya lakṣaṇasya doṣaḥ pūrvapadottarapadayoḥ vṛddhisvarau ekādeśāt antaraṅgataḥ abhinirvṛttāt na prāpnutaḥ |
20/60:pūrvaiṣukāmaśamaḥ aparaiṣukāmaśamaḥ guḍodakam tilodakam |
21/60:udake akevale iti pūrvottarapadayoḥ vyapavargābhāvāt na syāt |
22/60:na eṣaḥ doṣaḥ |
23/60:ācāryapravṛttiḥ jñāpayati pūrvottarapadayoḥ tāvat kāryam bhavati na ekādeśaḥ iti yat ayam na indrasya parasya iti pratiṣedham śāsti |
24/60:katham kṛtvā jñāpakam |
25/60:indre dvau acau |
26/60:tatra ekaḥ yasya īti ca iti lopena hriyate aparaḥ ekādeśena |
27/60:tataḥ anackaḥ indraḥ sampannaḥ |
28/60:tatra kaḥ prasaṅgaḥ vṛddheḥ |
29/60:paśyati tu ācāryaḥ pūrvapadottarapadyoḥ tāvatkāryam bhavati na ekādeśaḥ iti tataḥ na indrasya parasya iti pratiṣedham śāsti |
30/60:yaṇādeśāt iyuvau | yaṇādeśāt iyuvau antaraṅgataḥ abhinirvṛttāt na prāpnutaḥ |*
31/60:vaiyākaraṇaḥ sauvaśvaḥ iti |
32/60:lakṣaṇam hi bhavati yvoḥ vṛddhiprasaṅge iyuvau bhavataḥ iti |
33/60:na eṣaḥ doṣaḥ |
34/60:anavakāśau iyuvau |
35/60:aci iti ucyate |
36/60:kim punaḥ kāraṇam aci ti ucyate |
37/60:iha mā bhūtām |
38/60:aitikāyanaḥ aupagavaḥ iti |
39/60:stām atra iyuvau lopaḥ vyoḥ vali iti lopaḥ bhaviṣyati |
40/60:yatra tarhi lopaḥ na asti |
41/60:praiyamedhaḥ praiyamgavaḥ iti |
42/60:usi pararūpāt ca |*
43/60:usi pararūpāt ca antaraṅgataḥ abhinirvṛttāt iyādeśaḥ na prāpnoti |
44/60:paceyuḥ yajeyuḥ |
45/60:na eṣaḥ doṣaḥ |
46/60:na evam vijñāyate yā iti etasya iy bhavati iti |
47/60:katham tarhi |
48/60:yās iti etasya iy bhavati iti |
49/60:luk lopayaṇayavāyāvekādeśebhyaḥ |*
50/60:lopayaṇayavāyāvekādeśebhyaḥ luk balīyān iti vaktavyam |
51/60:lopāt |
52/60:gomān priyaḥ asya gomatpriyaḥ yavamatpriyaḥ |
53/60:gomān iva ācarati gomatyate yavamatyate |
54/60:yaṇādeśāt |
55/60:grāmaṇyaḥ kulam grāmaṇikulam senānyaḥ kulam senānikulam |
56/60:ayavāyāvekādeśebhyaḥ |
57/60:gave hitam gohitam rāyaḥ kulam raikulam nāvaḥ kulam naukulam vṛkādbhayam vṛkabhayam |
58/60:luk ca prāpnoti ete ca vidhayaḥ |
59/60:paratvāt ete vidhayaḥ syuḥ |
60/60:luk balīyān iti vaktavyam luk yathā syāt |

Kielhorn/Abhyankar (I,304.11-306.10) Rohatak (II,319-325)

*Kātyāyana's Vārttikas

Commentaries:

Kāśikāvṛttī¹: tulyabalavirodho vipratiṣedhaḥ. yatra dvau prasaṅgāvanyārthavekasmin yugapat prā See More

Kāśikāvṛttī²: vipratiṣedhe paraṃ kāryam 1.4.2 tulyabalavirodho vipratiṣedhaḥ. yatra dvau pras See More

Nyāsa²: vipratiṣedhe paraṃ kāryam. , 1.4.2 "virodho vipratiṣedhaḥ " ita. vipra See More

vipratiṣedhe paraṃ kāryam. , 1.4.2 "virodho vipratiṣedhaḥ " ita. vipratiṣedhaśabdasya loke virodhavācitvena prasiddhatvāt. tathā hi-- viruddhe'bhihite vaktāro vadanti-- "vipratiṣiddhamidamucyate" iti, viruddhamiti gamyate. tasya vipratiṣedhasya viṣayaṃ darśayitumāha-- "yatra" ityādi. prasajyete vidhīyete iti prasaṅgau = vidhī. "anyārthau" iti. anyatra viṣaye'rthaḥ prayojanaṃ yayostau tathoktau. anyatra viṣayāntare kṛtārthāvityarthaḥ. "ekasmin" iti. abhinne. yugapat = ekakalām. sa ityasya vipratiṣedha ityane sambandhaḥ. sa vipratiṣedho vipratiṣiddhaḥ, vipratiṣedhasya viṣaya ityarthaḥ. vipratiṣedhaviṣayatvādvipratiṣedaviṣayo hratra vipratiṣedhaśabdenokto viṣayiṇā viṣayaṃ darśayitum. yasmānna prasaṅgo vipratiṣedha upapadyate, nāpi tadādhāraḥ. "tulyabalavirodhaḥ" iti. tulyabalayorvirodho'sminniti bahuvrīhiḥ. idaṃ jātipakṣamāśritya vivaraṇaṃ kṛtam. dravyapadārthapakṣe tvayaṃ viśeṣaḥ-- anyaḥ= bhinno'rthaḥ = prayojanaṃ yatostāvanyārthāviti. śeṣaṃ samānam. "vipratiṣedhe" iti ca satī saptamīyam. "utsargāpavāda" ityādi. vipratiṣedho yatrāsti, so'ya yogasyāvakāśaḥ. vipratiṣedhañca tulyabalayoreva bhavatīti nātulyabalayoḥ. etattu "yatra hi prasaṅgāvanyārthau"ityādigranthena tasya viṣayaṃ darśayatā vyākhyātam. na cotsargāpavādādiṣu tulyabalatāstīti, tato nāsāvutsargāpavādādirasya yogasya viṣayaḥ. tena balavāneva tatra bhavati; tatra sāmānyenotsargaḥ pravatrtate; yathā--"ārdhadhātukasyeḍvalādeḥ" 7.2.35 iti, valādisāmānyasyeḍvidhānāt. viśeṣo'pavādaḥ, yathā-- neḍa vaśi kṛti" 7.2.8 itīṭpratiṣedhasya valādiviśeṣe vaśādau kṛti vidhānāt. yasya ca viśeṣe vidhiḥ, sa balavān bhavati; tathā hi-- brāāhṛṇebhyo dadhi dīyatām, takraṃ kauṇ()ḍinyāyeti viśeṣavihitaṃ takradānaṃ sāmānyavihitasya dadhidānasyaiva bādhakaṃ bhaviṣyati. tasmādvaśādau kṛti pare'pīḍāgamo na bhavati, pratiṣedha eva bhavati-- "stheśabhāsapisakaso varaca" 3.2.175 ī()āra iti. nityānityayornityaṃ balavat yathā- "bhisa ais" 7.1.9 ityaitvam. taddhi "bahuvacane jhalyet" 7.3.103 ityettve kṛte prāpnoti. akṛte'pi-- bhūtapūrvagatyāśrayaṇādakārāntādaṅgadbhisa ais vihita iti kṛtvā. yaśca kṛtākṛtapraśaṅgī vidhiḥ sa nitya iti. tathā ca tatra 7.1.9 vakṣyati-- ettvaṃ bhisi paratvāccedata ais kva bhaviṣyati. kṛte'pyettve bhautapūvryādaistu nityastathā sati॥ iti sa nityaḥ. aistve ettvaṃ na prāpnoti; nimittasya jhalādervihitatvāt. vṛkṣeṣvtayādādettvasyāvakāśaḥ, a()smaśca sati bhūtapūrvagatyāśrayaṇasyāyuktatvāt. tasmāt tadanityam. yaccānityaṃ tat parasya bhāvābhāvamapekṣata iti durbalam. viparyayāt tu nityaṃ balavat. tena vṛkṣairiti paramapyettvaṃ na bhavati. aisbhāva eva tu bhavati. antaraṅgabahiraṅgayorantaraṅgaṃ balavaditi lokata eva dṛṣṭatvāt. loko hi prātarutthāyāntaraṅgāṇi mukhaprakṣālanādīni kāryāṇi karoti, paścadbahiraṅgāṇi rājagṛhagamanādīni kāryāṇi karttumārabhate. śāstre'pyevaṃ veditavyam. divi kāmo'sya dyukāmaḥ, tasyāpatyam "ata iñ" 4.1.95 dyaukāmiḥ. yadyapi dyukāmaśabdādiñ vihitaḥ, tathāpi "akṛtavyūhāḥ pāṇinīyāḥ" (vyā.pa.84) kṛtamapi śāstraṃ nivatrtayantīti,pravibhjāyanvākhyāne div kāma iñiti sthite "div ut" 6.1.127 ityuttve kṛte yaṇādeśaḥ prāpnoti, "taddhiteṣvacāmādeḥ" (7.2.117) iti paratvāt vṛddhiḥ prāpnoti? antaraṅgatvādyaṇādeśaḥ pūrvo vidhiḥ kriyate, paścād()vṛddhirukārasya. antaraṅgatvantu yaṇādeśasya varṇāśrayatvāt. vṛddhestu bāhrataddhitāśrayādbahiraṅgatvam. "vārṇādāṅgaṃ balīyaḥ" (vyā.pa.39) ityetadiha na pravartate; vyāśrayatvāt. "apravṛttau" ityādi. yadā "ākṛtiḥ padārthaḥ"ityeṣa pakṣa, tadā'nyatra kṛtārthatvācchāstrayorvipratiṣedhe sati parasparapratibandhādapravṛttireva prāpnoti; yathā-- yadiha dvayostulyabalayorekaḥ preṣyo bhavati, tau ca yugapat preṣayataḥ, nānādikṣu tayoḥ kārye bhavataḥ. tato yadyasāvavirodhārthī bhavati tadobhayorapi kārye na pravartate. dravye padārthe tu prativyakti lakṣaṇaṃ pravatrta ityakṛtārthatvallakṣaṇayoḥ paryāyeṇa pravṛttiḥ prāpnoti, yathā-- brāāhṛṇakṣatriyādīnāmasahabhujāmekasmin bhājane bhujakriyāyāṃ paryāyaḥ syāt. tatra jātau padārthe kṛtārthatvād()vṛttau prāptayāṃ vidhyarthamidamārabhyate-- vipratiṣedhe sati paraṃ kāryaṃ bhavatīti. tatra kṛte yadi pūrvamapi prāpnoti, tadapi bhavatyeva. tatredamucyate-- punaḥ prasaṅgavijñānāt siddhamiti. vyaktau tu padārthe'kṛtārthatvāt śāstrayoḥ paryāyeṇa pravṛttau prāptayāṃ niyamārthamidam-- vipratiṣedhe parameva bhavati na pūrvamiti. tatredamucyate-- "sakṛd()gatau vipratiṣedhe yadbādhitaṃ tadbādhitameva" (vyā.pa.40) iti.

Laghusiddhāntakaumudī¹: tulyabalavirodhe paraṃ kāryaṃ syāt. iti lope prāpte. pūrvatrāsiddhamiti rorītya Sū #113 See More

Laghusiddhāntakaumudī²: vipratiṣedhe paraṃ kāryam 113, 1.4.2 tulyabalavirodhe paraṃ kāryaṃ syāt. iti lop See More

Bālamanoramā¹: nanu paratvādrephalopa eva syāditi śaṅkitumāha–vipratiṣedhe. vipratipūrvātsedha Sū #174 See More

nanu paratvādrephalopa eva syāditi śaṅkitumāha–vipratiṣedhe. vipratipūrvātsedhaterghañi upasargavaśātparasparavirodhe vipratiṣedhaśabdaḥ. virodhaśca tulyabalayoreva lokasiddhaḥ. nahi maśakasiṃhayorvirodha ityasti. tadāha–tulyabaleti. dvayoḥ śāstrayoḥ kvacillabdhāvakāśayorekatra lakṣye yugapatsambhavastulyabalavirodhaḥ. kāryasya paratvañca-parasāstravihitatvameva. iti lope ca prāpta iti. `haśi ce'tyasyāvakāśaḥ-śivo vandya iti. rephalopasyāvakāśaḥ-punā ramate iti. tatra hi rorityukārānubandhagrahaṇāddhasicetyaprasaktam. tataśca tayostulyabalayoḥ utvarephalopayormanoratha ityatra yugapatsambhavādanyatarasmin bādhanīye sati paratvādutvaṃ bādhitvā rephalope prāpte ityarthaḥ. pūrvatreti. atra rephalopasyāsiddhatvādityanuktvā ro rītyasyāsiddhatvāditi brāuvan pūrvatrāsiddhamitytara śāstrāsiddhatvamevābhyupaiti, natu kāryāsiddhatvam. tathā sati hi atideśasyāroparūpatvāda'siddhatvoropānniradhiṣṭhānāropā'sambhavena sūtrodāharaṇasampattyai paratvāllakṣye kāryapravṛtterāvaśyakatayā paratvāttraipādike kārye jāte tatrā'bhāvapratiyogitvārope'pi devadattasya na punarunmajjanamiti nyāyena sthānībūtarorabhāvāddhaśi cetyasya prāptirna syāt. śāstrā'siddhatve tu yadyatraipādikaṃ śāstraṃ pravṛttyunmukhaṃ tattccāstra evāsiddhatvāropātpūrvaśāstrapratibandhakasya paraśāstrasya ucchedabuddhau satyāṃ `vipratiṣedhe paraṃ kārya'miti na pravartate. taduktaṃ–`pūrvatrāsiddhe nāsti vipratiṣedho'bhāvāduttarasye'ti tataśca sthānino nivṛttyabhāvātpūrvaśāstrapravṛttirnirbādhā. etacca pūrvatrāsiddhamityatra, acaḥ parasminnityatra, ṣatvatukorasiddha ityatra ca bhāṣye spaṣṭam. na ca tau sadityādinirdeśāddevadattahantṛnyāyo na sārvatrika iti vācyaṃ, `hate sati devadatte taddhantari hate'pi devadattasya na punarunmeṣaḥ. hantṛhantari hatatvārope tu sutarāṃ nonmeṣaḥ. devadattaṃ hantumudyuktasya hanane tu devadattasya jīvanamastyeve'ti nyāyaśarīram. tāvityādau ca vṛddhihantuḥ pūrvasavarṇadīrghasya hananodyamasajātīyaṃ prasaṅgamātram. na tu hananasthānīyā lakṣye kāryapravṛttirāvaśyakī. tatasca pravṛttasya rephalopasyā'siddhatve'pi devadattahantṛhatanyāyena rorunmeṣā.ñabhāvādutvaṃ na bhavatīti śabdaratne prapañcitam. na ca utvakāryāsiddhatvapakṣe.ñapi manorathasiddhirastyeva, darśanā'bhāvarūparephalopasyābhāvarūpā.ñasiddhatva sati rorunmeṣāvaśyakatvāt, abhāvābhāvasya pratiyogirūpatvāditi vācyaṃ, evamapi kāryāsiddhatve amū amī ityādyasiddheḥ. yatā caitattathā adas?śabdanirūpaṇāvasare prapañcayiṣyate.

Bālamanoramā²: vipratiṣedhe paraṃ kāryam 174, 1.4.2 nanu paratvādrephalopa eva syāditi śaṅkitum See More

vipratiṣedhe paraṃ kāryam 174, 1.4.2 nanu paratvādrephalopa eva syāditi śaṅkitumāha--vipratiṣedhe. vipratipūrvātsedhaterghañi upasargavaśātparasparavirodhe vipratiṣedhaśabdaḥ. virodhaśca tulyabalayoreva lokasiddhaḥ. nahi maśakasiṃhayorvirodha ityasti. tadāha--tulyabaleti. dvayoḥ śāstrayoḥ kvacillabdhāvakāśayorekatra lakṣye yugapatsambhavastulyabalavirodhaḥ. kāryasya paratvañca-parasāstravihitatvameva. iti lope ca prāpta iti. "haśi ce"tyasyāvakāśaḥ-śivo vandya iti. rephalopasyāvakāśaḥ-punā ramate iti. tatra hi rorityukārānubandhagrahaṇāddhasicetyaprasaktam. tataśca tayostulyabalayoḥ utvarephalopayormanoratha ityatra yugapatsambhavādanyatarasmin bādhanīye sati paratvādutvaṃ bādhitvā rephalope prāpte ityarthaḥ. tāmimāṃ rephalopaśaṅkāṃ pariharati-pūrvatreti. atra rephalopasyāsiddhatvādityanuktvā ro rītyasyāsiddhatvāditi brāuvan pūrvatrāsiddhamitytara śāstrāsiddhatvamevābhyupaiti, natu kāryāsiddhatvam. tathā sati hi atideśasyāroparūpatvāda'siddhatvoropānniradhiṣṭhānāropā'sambhavena sūtrodāharaṇasampattyai paratvāllakṣye kāryapravṛtterāvaśyakatayā paratvāttraipādike kārye jāte tatrā'bhāvapratiyogitvārope'pi devadattasya na punarunmajjanamiti nyāyena sthānībūtarorabhāvāddhaśi cetyasya prāptirna syāt. śāstrā'siddhatve tu yadyatraipādikaṃ śāstraṃ pravṛttyunmukhaṃ tattccāstra evāsiddhatvāropātpūrvaśāstrapratibandhakasya paraśāstrasya ucchedabuddhau satyāṃ "vipratiṣedhe paraṃ kārya"miti na pravartate. taduktaṃ--"pūrvatrāsiddhe nāsti vipratiṣedho'bhāvāduttarasye"ti tataśca sthānino nivṛttyabhāvātpūrvaśāstrapravṛttirnirbādhā. etacca pūrvatrāsiddhamityatra, acaḥ parasminnityatra, ṣatvatukorasiddha ityatra ca bhāṣye spaṣṭam. na ca tau sadityādinirdeśāddevadattahantṛnyāyo na sārvatrika iti vācyaṃ, "hate sati devadatte taddhantari hate'pi devadattasya na punarunmeṣaḥ. hantṛhantari hatatvārope tu sutarāṃ nonmeṣaḥ. devadattaṃ hantumudyuktasya hanane tu devadattasya jīvanamastyeve"ti nyāyaśarīram. tāvityādau ca vṛddhihantuḥ pūrvasavarṇadīrghasya hananodyamasajātīyaṃ prasaṅgamātram. na tu hananasthānīyā lakṣye kāryapravṛttirāvaśyakī. tatasca pravṛttasya rephalopasyā'siddhatve'pi devadattahantṛhatanyāyena rorunmeṣā.ñabhāvādutvaṃ na bhavatīti śabdaratne prapañcitam. na ca utvakāryāsiddhatvapakṣe.ñapi manorathasiddhirastyeva, darśanā'bhāvarūparephalopasyābhāvarūpā.ñasiddhatva sati rorunmeṣāvaśyakatvāt, abhāvābhāvasya pratiyogirūpatvāditi vācyaṃ, evamapi kāryāsiddhatve amū amī ityādyasiddheḥ. yatā caitattathā adas()śabdanirūpaṇāvasare prapañcayiṣyate.

Tattvabodhinī¹: vipratiṣedhe. vipratipūrvāt `ṣidhū śāstre māṅgalye ca'ṣidhaṃ gatyā'mi Sū #144 See More

vipratiṣedhe. vipratipūrvāt `ṣidhū śāstre māṅgalye ca'ṣidhaṃ gatyā'mityasmādvā dhātorghañ. `upasargātsunotī'ti ṣatvam. upasargavaśācca virodhārthakatvam. kāryamiti. `arhe kṛtyatṛcaśce'tyarhārthe kṛtyapratyayaḥ. tena tulyabalavirodha iti paryavasānādatulyabaleṣūtsargāpavādanityānityāntaraṅgabahiraṅgavidhiṣu nedaṃ pravartate. nahrapavādādīnāṃ saṃnidhāvutsargādīnāṃ kṛtyarhatvaṃ, tairbādhitatvāt. tatra nityamāvaśyakatvādbādhakam, antaraṅgaṃ tu lāghavāt, apavādastu vacanaprāmāṇyāt. tadbhinnastu prakṛtasūtrasya viṣayaḥ. ataeva `paranityāntaraṅgapavādānāmuttarottaraṃ balīyaḥ' ityuktam. yadyatulyabalepvapi parameva syāttannopapadyetā'to vyācaṣṭe- tulyabalavirodha iti. jātau padārthe vidhyarthamidaṃ sūtram. `vṛkṣeṣu' `vṛkṣābhyāṃ' mityatra hi labdhāvakāsayoretvadīrghatvaśāstrayorvṛkṣebhya ityatra yugapatprasaṅge vinigamakā'bhāvādapratipattireva syāt. taduktam-`apratipattirvā ubhayostulyabalatvā'diti. tatrāsmādvacanātparasmin kṛte yadi pūrvasyāpi nimittamasti tarhi tadapi bhavati, yathā `bhindhakī'tyatra paratvāddhibhāve kṛte'[pya]kac. taducyate-`punaḥ prasaṅgavijñānātsiddha'miti. byaktau tu padārthe tattavdyaktiviṣayayorlakṣaṇayoranyatra caritārthatvā'sambhavāttavyānīyarāmiva paryāyeṇa pravṛttau niyamārthamidaṃ sūtraṃ `vipratiṣedhe parameva syānna tu pūrva'miti. etallakṣaṇārambhācca tatra tatra pūrvasyānārambho'numīyate. tathāca `juhutāttva'mityatra paratvāttātaṅi kṛte sthānivadbhāvena `hujhalbhyaḥ'-iti dhitvaṃ na bhavati. taducyate-`sakṛdgatau vipratiṣedhe yadvādhitaṃ tadbādhitameve 'ti. lakṣyānurodhāvdyavasthāpyametaddūyamapi. tatra vidhipakṣe tūttve rephalope vā prāpte iti pāṭha\ufffdm. niyamārthamiti pakṣe `parameva kāryaṃ syā'dityevakāro'dhyāhartavyo vṛttau. utvameveti. siddhāsiddhayoratulyabalatvena `vipratiṣedhe para'mityasyā'pravṛttau niṣpratipakṣatvādutvameva bhavatītyarthaḥ. taduktam–`pūrvatrāsiddhe nāsti vipratiṣedho'bhāvāduttarasye'ti. etena vibhaktikāryaṃ prāk paścādutvamatve' iti vakṣyamāṇagrantho vyākhyāta.

Tattvabodhinī²: vipratiṣedhe paraṃ kāryam 144, 1.4.2 vipratiṣedhe. vipratipūrvāt ";ṣidhū śās See More

vipratiṣedhe paraṃ kāryam 144, 1.4.2 vipratiṣedhe. vipratipūrvāt "ṣidhū śāstre māṅgalye ca"ṣidhaṃ gatyā"mityasmādvā dhātorghañ. "upasargātsunotī"ti ṣatvam. upasargavaśācca virodhārthakatvam. kāryamiti. "arhe kṛtyatṛcaśce"tyarhārthe kṛtyapratyayaḥ. tena tulyabalavirodha iti paryavasānādatulyabaleṣūtsargāpavādanityānityāntaraṅgabahiraṅgavidhiṣu nedaṃ pravartate. nahrapavādādīnāṃ saṃnidhāvutsargādīnāṃ kṛtyarhatvaṃ, tairbādhitatvāt. tatra nityamāvaśyakatvādbādhakam, antaraṅgaṃ tu lāghavāt, apavādastu vacanaprāmāṇyāt. tadbhinnastu prakṛtasūtrasya viṣayaḥ. ataeva "paranityāntaraṅgapavādānāmuttarottaraṃ balīyaḥ" ityuktam. yadyatulyabalepvapi parameva syāttannopapadyetā'to vyācaṣṭe-tulyabalavirodha iti. jātau padārthe vidhyarthamidaṃ sūtram. "vṛkṣeṣu" "vṛkṣābhyāṃ" mityatra hi labdhāvakāsayoretvadīrghatvaśāstrayorvṛkṣebhya ityatra yugapatprasaṅge vinigamakā'bhāvādapratipattireva syāt. taduktam-"apratipattirvā ubhayostulyabalatvā"diti. tatrāsmādvacanātparasmin kṛte yadi pūrvasyāpi nimittamasti tarhi tadapi bhavati, yathā "bhindhakī"tyatra paratvāddhibhāve kṛte'[pya]kac. taducyate-"punaḥ prasaṅgavijñānātsiddha"miti. byaktau tu padārthe tattavdyaktiviṣayayorlakṣaṇayoranyatra caritārthatvā'sambhavāttavyānīyarāmiva paryāyeṇa pravṛttau niyamārthamidaṃ sūtraṃ "vipratiṣedhe parameva syānna tu pūrva"miti. etallakṣaṇārambhācca tatra tatra pūrvasyānārambho'numīyate. tathāca "juhutāttva"mityatra paratvāttātaṅi kṛte sthānivadbhāvena "hujhalbhyaḥ"-iti dhitvaṃ na bhavati. taducyate-"sakṛdgatau vipratiṣedhe yadvādhitaṃ tadbādhitameve "ti. lakṣyānurodhāvdyavasthāpyametaddūyamapi. tatra vidhipakṣe tūttve rephalope vā prāpte iti pāṭha()m. niyamārthamiti pakṣe "parameva kāryaṃ syā"dityevakāro'dhyāhartavyo vṛttau. utvameveti. siddhāsiddhayoratulyabalatvena "vipratiṣedhe para"mityasyā'pravṛttau niṣpratipakṣatvādutvameva bhavatītyarthaḥ. taduktam--"pūrvatrāsiddhe nāsti vipratiṣedho'bhāvāduttarasye"ti. etena vibhaktikāryaṃ prāk paścādutvamatve" iti vakṣyamāṇagrantho vyākhyāta.

1.Source: Arsha Vidya Gurukulam
2.Source: Sanskrit Documents

Examples²:

vṛkṣebhyaḥ, plakṣebhyaḥ।

Research Papers and Publications