1/100:kimartham idam ucyate |
2/100:yuṣmadasmaccheṣavacanam niyamārtham |*
3/100:niyamārthaḥ ayam ārambhaḥ |
4/100:atha etasmin niyamārthe vijñāyamāne kim ayam upapadaniyamaḥ yuṣmadi madhyamaḥ eva asmadi uttamaḥ eva āhosvit puruṣaniyamaḥ yuṣmadi eva madhyamaḥ asmadi eva uttamaḥ iti |
5/100:kim ca ataḥ |
6/100:yadi puruṣaniyamaḥ śeṣagrahaṇam kartavyam śeṣe prathamaḥ iti |
7/100:kim kāraṇam |
8/100:madhyamottamau niyatau yuṣmadasmadī aniyate |
9/100:tatra prathamaḥ api prāpnoti |
10/100:tatra śeṣagrahaṇam kartavyam prathamaniyamārtham |
11/100:śeṣe eva prathamaḥ bhavati na anyatra iti |
12/100:atha api upapadaniyamaḥ evam api śeṣagrahaṇam kartavyam śeṣe prathamaḥ iti |
13/100:yuṣmadasmadī niyate madhyamottamau aniyatau tau śeṣe api prāpnutaḥ |
14/100:tatra śeṣagrahaṇam kartavyam śeṣaniyamārtham |
15/100:śeṣe prathamaḥ eva bhavati na anyaḥ iti |
16/100:upapadaniyame śeṣagrahaṇam śakyam akartum |
17/100:katham |
18/100:yuṣmadasmadī niyate madhyamottamau aniyatau tau śeṣe api prāpnutaḥ |
19/100:tataḥ vakṣyāmi prathamaḥ bhavati iti |
20/100:tat niyamārtham bhaviṣyati |
21/100:yatra prathamaḥ ca anyaḥ ca prāpnoti tatra prathamaḥ bhavati iti |
22/100:tatra yuṣmadasmadanyeṣu prathamapratiṣedhaḥ śeṣatvāt |*
23/100:tatra yuṣmadasmadanyeṣu prathamasya pratiṣedhaḥ vaktavyaḥ |
24/100:tvam ca devadattaḥ ca pacathaḥ |
25/100:aham ca devadattaḥ ca pacāvaḥ |
26/100:kim kāraṇam |
27/100:śeṣatvāt |
28/100:śeṣe prathamaḥ iti prathamaḥ prāpnoti |
29/100:siddham tu yuṣmadasmadoḥ pratiṣedhāt |*
30/100:siddham etat |
31/100:katham |
32/100:yuṣmadasmadoḥ pratiṣedhāt |
33/100:śeṣe prathamḥ yuṣmadasmadoḥ na iti vaktavyam |
34/100:yuṣmadi madhyamāt asmadi uttamaḥ pratiṣedhena |*
35/100:yuṣmadi madhyamāt asmadi uttamaḥ iti etat bhavati vipratiṣedhena |
36/100:yuṣmadi madhyamaḥ iti asya avakāśaḥ tvam pacasi |
37/100:asmadi uttamaḥ iti asya avakāśaḥ aham pacāmi |
38/100:iha ubhayam prāpnoti tvam ca aham ca pacāvaḥ |
39/100:asmadi uttamaḥ iti etat bhavati virpratiṣedhena |
40/100:saḥ tarhi vipratiṣedhaḥ vaktvayaḥ |
41/100:na vaktavyaḥ |
42/100:tyadādīnām yat yat param tat tat śiṣyate iti evam asmadaḥ śeṣaḥ bhaviṣyati |
43/100:tatra asmadi uttamaḥ iti eva siddham |
44/100:anekaśeṣabhāvārtham tu | anekaśeṣabhāvārtham tu saḥ vipratiṣedhaḥ vaktavyaḥ |*
45/100:yadā ca ekaśeṣaḥ na |
46/100:kadā ca ekaśeṣaḥ na |
47/100:sahavivakṣāyām ekaśeṣaḥ |
48/100:yadā na sahavivakṣā tada ekaśeṣaḥ na asti |
49/100:na vā yuṣmadasmadoḥ anekaśeṣabhāvāt tadadhikaraṇānām api anekaśeṣabhāvāt avipratiṣedhaḥ |*
50/100:na vā arthaḥ vipratiṣedhena |
51/100:kim kāraṇam |
52/100:yuṣmadasmadoḥ anekaśeṣabhāvāt tadadhikaraṇānām api yuṣmadasmadadhikaraṇānām api ekaśeṣena na bhavitavyam |
53/100:tvam ca aham ca pacasi pacāmi ca iti |
54/100:kriyāpṛthaktve ca dravyapṛthaktvadarśanam anumānam uttaratra anekaśeṣabhāvasya |*
55/100:kriyāpṛthaktve ca dravyapṛthaktvam dṛśyate |
56/100:tat yathā pacasi pacāmi ca tvam ca aham ca iti |
57/100:tat anumānam uttarayoḥ api kriyayoḥ ekaśeṣaḥ na bhavati iti |
58/100:evam ca kṛtvā saḥ pi adoṣaḥ bhavati yat uktam tatra yuṣmadasmadanyeṣu prathamapratiṣedhaḥ śeṣatvāt iti |
59/100:tatra api hi evam bhavitavyam tvam ca devadattaḥ ca pacasi pacati ca |
60/100:aham ca devadattaḥ ca pacāmi pacati ca iti |
61/100:yat tāvat ucyate na vā yuṣmadasmadoḥ anekaśeṣabhāvāt tadadhikaraṇānām api anekaśeṣabhāvāt avipratiṣedhaḥ iti |
62/100:dṛśyate hi yuṣmadasmadoḥ cānekaśeṣaḥ tadadhikaraṇānām ca ekaśeṣaḥ |
63/100:tat yathā tvam ca aham ca vṛttrahan ubhau samprayujyāvahai iti |
64/100:yat api ucyate kriyāpṛthaktve ca dravyapṛthaktvadarśanam anumānam uttaratra anekaśeṣabhāvasya iti |
65/100:kriyāpṛthaktve khalu api dravyaikaśeṣaḥ bhavati iti dṛśyate |
66/100:tat yathā akṣāḥ bhajyantām bhakṣyantām dīvyantām iti |
67/100:evam ca kṛtvā saḥ api doṣo bhavati yat uktam tatra yuṣmadasmadanyeṣu prathamapratiṣedhaḥ śeṣatvāt iti |
68/100:na eṣaḥ doṣaḥ |
69/100:parihṛtam etat siddham tu yuṣmadasmadoḥ pratiṣedhāt iti |
70/100:saḥ tarhi pratiṣedhaḥ vaktavyaḥ |
71/100:na vaktavyaḥ |
72/100:śeṣe prathamaḥ vidhīyate |
73/100:na hi śeṣaḥ ca anyaḥ ca śeṣagrahaṇena gṛhyate |
74/100:bhavet prathamaḥ na syān |
75/100:madhyamottamau api na prāpnutaḥ |
76/100:kim kāraṇam |
77/100:yuṣmadasmadoḥ upapadayoḥ madhyamottamau ucyete |
78/100:na ca yuṣmadasmadī anyaḥ ca yuṣmadasmadgrahaṇena gṛhyate |
79/100:yat atra yuṣmat yat ca asmat tattadāśrayau madhyamottamau bhaviṣyataḥ |
80/100:yathā eva tarhi yat atra yuṣmat yat ca smat tadāśrayau madhyamottamau bhavataḥ evam yaḥ atra śeṣaḥ tadāśrayaḥ prathamaḥ prāpnoti |
81/100:evam tarhi śeṣe upapade prathamaḥ vidhīyate |
82/100:upoccāri padam upapadam |
83/100:yat ca atra upoccāri na saḥ śeṣaḥ yaḥ ca śeṣaḥ na tat upoccāri |
84/100:bhavet prathamaḥ na syāt |
85/100:madhyamottamau api na prāpnutaḥ |
86/100:kim kāraṇam |
87/100:yuṣmadasmadoḥ upapadayoḥ madhyamottamau ucyete |
88/100:upoccāri padam upapadam |
89/100:yat ca atra upoccāri na te yuṣmadasmadī ye ca yuṣmadasmadī na tat upoccāri |
90/100:evam tarhi śeṣeṇa sāmānādhikaraṇye prathamaḥ vidhīyate |
91/100:na ca atra śeṣeṇa eva sāmānādhikaraṇyam |
92/100:bhavet prathamaḥ na syāt |
93/100:madhyamottamau api na prāpnutaḥ |
94/100:kim kāraṇam |
95/100:yuṣmadasmadbhyām sāmānādhikaraṇye madhyamottamau ucyete na ca atra yuṣmadasmadbhyām eva sāmānādhikaraṇyam |
96/100:evam tarhi tyadādīni sarvaiḥ nityam iti evam atra yuṣmadasmadoḥ śeṣaḥ bhaviṣyati |
97/100:tatra yuṣmadi madhyamaḥ asmadi uttamaḥ iti eva siddham |
98/100:na sidhyati |
99/100:sthānini api iti prathamaḥ prāpnoti |
100/100:tyadādīnām khalu api yat yat param tat tat śiṣyate iti yadā bhavataḥ śeṣaḥ tadā prathamaḥ prāpnoti

1/30:yuṣmadi madhyamaḥ asmadi uttamaḥ iti eva ucyate| tau iha na prāpnutaḥ : paramatvam pacasi |
2/30:paramāham pacāmi iti |
3/30:tadantavidhinā bhaviṣyati |
4/30:iha api tarhi tadantavidhinā prāpnutaḥ : atitvam pacati |
5/30:atyaham pacati iti |
6/30:ye ca api ete samānādhikaraṇavṛttayaḥ taddhitāḥ tatra ca madhyamottamau na prāpnutaḥ : tvattaraḥ pacasi mattaraḥ pacāmi iti |
7/30:tvadrūpaḥ pacasi madrūpaḥ pacāmi iti |
8/30:tvatkalpaḥ pacasi |
9/30:matkalpaḥ pacāmi iti| evam tarhi yuṣmadvati asmadvati iti evam bhaviṣyati |
10/30:iha api tarhi prāpnutaḥ : atitvam pacati |
11/30:atyaham pacati iti |
12/30:evam tarhi yuṣmadi sādhane asmadi sādhane iti evam bhaviṣyati |
13/30:evam ca kṛtvā saḥ api adoṣaḥ bhavati yat uktam tatra yuṣmadasmadanyeṣu prathamapratiṣedhaḥ śeṣatvāt iti |
14/30:atha vā prathamaḥ utsargaḥ kariṣyate |
15/30:tasya yuṣmadasmadoḥ upapadayoḥ madhyamottamau apavādau bhaviṣyataḥ |
16/30:tatra yuṣmadgandhaḥ ca asmadgandhaḥ ca asti iti kṛtvā madhyamottamau bhaviṣyataḥ |
17/30:atha iha katham bhavitavyam |
18/30:atvam tvam sampadyate tvadbhavati madbhavati iti |
19/30:āhosvit tvadbhavasi madbhavāmi iti |
20/30:tvadbhavati madbhavati iti evam bhavitavyam |
21/30:madhyamottamau kasmāt na bhavataḥ |
22/30:gauṇamukhyayoḥ mukhye sampratyayaḥ bhavati |
23/30:tat yathā |
24/30:gauḥ anubandhyaḥ ajaḥ agnīṣhomīyaḥ iti na bāhīkaḥ anubadhyate |
25/30:katham tarhi bāhīke vṛddhyāttve bhavataḥ |
26/30:gauḥ tiṣṭhati |
27/30:gām ānaya iti |
28/30:arthāśraye etat evam bhavati |
29/30:yat hi śabdāśrayam śabdamātre tat bhavati |
30/30:śabdāśraye ca vṛddhyāttve |

lasya 3-4-77 ityadhikṛtya sāmānyena tibādayo vihitāḥ. teṣām ayaṃ puruṣaniyamaḥ kriyate. yuṣmadyupapade sati vyavahite cāvyavahite sati samānādhikaraṇe samānābhidheye tulyakārake sthānini prayujyamāne 'pyaprayujyamāne 'pi madhyamapuruṣo bhavati. tvaṃ pacasi. yuvāṃ pacathaḥ. yūyaṃ pacatha. aprayujyamāne 'pi pacasi. pacathaḥ. pacatha.

prahāse ca manyaupapade manyateruttama ekavac ca 1.4.106 prahāsaḥ parihāsaḥ krīḍā. prahāse gamyamāne manyaupapade dhātor madhyamapuruṣo bhavati, manyateścauttamaḥ, sa ca ekavad bhavati. ehi manye odanam bhokṣyase iti, na hi bhokṣyase, bhuktaḥ so 'tithibhiḥ. ehi manye rathena yāsyasi, na hi yāsyasi, yātstena te pitā. madhyamauttamayoḥ prāptayoḥ uttamamadhyamau vidhīyete. prahāse iti kim? ehi manyase odanaṃ bhokṣye iti. suṣṭhu manyase. sādhu manyase.

prahāse ca manyopapade manyateruttama ekavacca , 1.4.105 "prahāse gamyamāne" iti. yatra bhūtārthābhāvādvañcanaiva kevalaṃ tatra vakturabhiprayāviṣkaraṇena prahāso gamyate. "manyopapade" iti.manyatirupapadamupoccāritaṃ padaṃ yasya sa tathoktaḥ. madhyamasya dhātorvidhānāt dhāturanyapādratho vijñāyata ityāha-- "dhātoḥṭa iti. "sa caikavat" iti. yatra dvau mantārau bahavo vā tatrāyamekavadbhāvo vidhīyate. anyatra tu manturekatvādevaikavacanaṃ siddham. "madhyamottamayoḥ" iti. yathākramaṃ yuṣmadasmadorupapadayoḥ samānādhikaraṇayoraprayujyamānayorapyarthasya vidyamānatvāt. yathā pratyudāharaṇe pūrvakamupapadagrahaṇaṃ yuṣmacchabdenābhisambaddhamihānuvatrteteti tanmanyatinā'śakyamabhisambandhṛmiti punarupapadagrahaṇaṃ kriyate. manyateriti śyanā nirdeśaḥ, ityasya tānādikasya grahaṇaṃ mā bhūdatyevamarthaḥ. tenenaha na bhavati-- ehi manuṣe rathena yāsyāmi na hi yāsyasi yātastena te piteti. evaṃ hi manoterbhavati॥

yuṣmadi. upoccāritaṃ padamupapadam. yuṣmadi samīpoccārite satītyarthaḥ. samānamekamadhikaraṇaṃ vācyaṃ yasyeti vigrahaḥ. sāmānādhikaraṇyaṃ ca yuṣmadastiṅaḥ sthānībhūtalakāreṇa vivakṣitam, `laḥ parasmaipada'mityatastadanuvṛtteḥ. tathā ca phalitamāha– tiṅvācyakārakavācini yuṣmadīti. sthānaṃ– prasaṅgo'syāstīti sthānī, tasmin. prasakte satītyarthaḥ. prasaṅgaśca tadarthāvagatau satyāṃ vakrā aprayoga eva bhavati. tathā ca `sthāninī'tyanena upapadabhūte yuṣmadi prayogaṃ vinā svārthaṃ bodhayati satītyarthaḥ paryavasyati. tadāha– aprayujyamāna iti. `sthāninī'tyanuktau yuṣmadyupapade prayujyamāna eva madhyamaḥ syāt. tataśca rāma pāhītyādāvavyāptiḥ syāt. apinā labdhamāha–prayujyamāne'pīti. `yuṣmadyupapade sthāninī'tyevoktau rāma tvaṃ pāhītyādau yuṣmatprayoge madhyamo na syādato'pigrahaṇamiti bhāvaḥ. atvaṃ tvaṃ saṃpadyata ityatra tu na madhyamapuruṣaḥ, tatra yuṣmacchabdasya gauṇatvāt. `bhavānāgacchatī'tyādau bhavacchabdayoge tu na madhyamapuruṣaḥ, yuṣmacchabdasya saṃbodhyaikaviṣayatvāt, bhavacchabdasya tu svabhāvena saṃbodhyā'saṃbodhyasādāraṇatvādityalam.

prahāse ca manyopapade manyateruttama ekavacca 13, 1.4.105 prahāse ca. vākyadvayamidaṃ sūtram. "prahāse ca manyopapade iti prathamaṃ vākyam. madhyama ityanuvartate. manadhātuḥ śyanvikaraṇa upapadaṃ yasyeti bahuvrīhiḥ. manyapadaśravaṇabalāddhātāviti viśeṣyaṃ labhyate. tadāha--manyadhāturityādinā. tasminprakṛtibhūte satīti. tasmāddhātorlasya sthāne ityarthaḥ. madhyamaḥ syāditi. "asmadyupapade" iti śeṣaḥ. asmadyuttamaṃ ityuttarasūtrāttadanuvṛtteḥ. evaṃ ca uttamapuruṣāpavādo'yaṃ madhyamavidhiḥ. "manyateruttama ekavacce"ti dvitīyaṃ vākyam. tadvyācaṣṭe-- manyatestūttamaḥ syāditi. "yuṣmadyupapade" iti śeṣaḥ. pūrvasūtrāttadanuvṛtteḥ. sa ceti. saḥ = manyetaruttamapuruṣaḥ,dvitvabahutvayorapi ekavacanaṃ labhata ityarthaḥ. madhyamottamayovryatyāsārthamidam. etatsarvamanupadamevodāharaṇe spaṣṭībhaviṣyati.

yuṣmadi. samānādhikaraṇe ityasya vyākhyānaṃ– tiṅvācyakārakavācinīti. bhinnapravṛttinimittānāṃ śabdānāmekasminnarthe vṛttiḥ– sāmānādhikaraṇam. sthāninītyasya vyākhyānam- aprayujyamāna iti. samānādhikaraṇe kim ?. tvaṃ paśyati, tvayā kriyate, tubhyaṃ dadāti॥

prahāse ca manyopapade manyateruttama ekavacca 12, 1.4.105 vākyadvayamidaṃ sūtram. "prahāse ca manyopapade" iti prathamaṃ vākyam. madhyama ityanuvartate. manadhātuḥ śyanvikaraṇa upapadaṃ yasyeti bahuvrīhiḥ. manyapadaśravaṇabalāddhātāviti viśeṣyaṃ labhyate. tadāha-- manyadhāturityādinā. tasminprakṛtibhūte satīti. tasmāddhātorlasya sthāne ityarthaḥ. madhyamaḥ syāditi. "asmadyupapade" iti śeṣaḥ. asmadyuttamaṃ ityuttarasūtrāttadanuvṛtteḥ. evaṃ ca uttamapuruṣāpavādo'yaṃ madhyamavidhiḥ. "manyateruttama ekavacce"ti dvitīyaṃ vākyam. tadvyācaṣṭe--- manyatestūttamaḥ syāditi. "yuṣmadyupapade" iti śeṣaḥ. pūrvasūtrāttadanuvṛtteḥ. sa ceti. saḥ = manyateruttamapuruṣaḥ, dvitvabahutvayorapi ekavacanaṃ labhata ityarthaḥ. madyamottamayovryatyāsārthamidam. etatsarvamanuvapadamevodāharaṇe spaṣṭībhaviṣyati.