Kāśikāvṛttī1: 
tiṅāṃ trikeṣu ekavacanādisaṃjñā vihitāḥ. samprati supām trikeṣu vidhīyante.
supa 
See More
tiṅāṃ trikeṣu ekavacanādisaṃjñā vihitāḥ. samprati supām trikeṣu vidhīyante.
supaśca trīṇi trīṇi padāni ekaśa ekavacanadvivacanabahuvacanasaṃjñāni bhavanti. su iti
ekavacanam. au iti dvivacanam. jasiti bahuvacanam. evam sarvatra.
Kāśikāvṛttī2: vibhaktiśca 1.4.104 vibhaktiśca .trīṇi trīṇi ityanuvartate. trīṇi trīṇi vibhakti See More
vibhaktiśca 1.4.104 vibhaktiśca .trīṇi trīṇi ityanuvartate. trīṇi trīṇi vibhaktisaṃjñāśca bhavanti supastiṅaśca. vibhaktipradeśāḥ aṣṭana ā vibhaktau 7.2.84 ityevam ādayaḥ.
Nyāsa2: vibhaktiśca. , 1.4.103 cakāraḥ puruṣādisaṃjñāsamāveśārthaḥ. vinā tenaikasaṃjñādh See More
vibhaktiśca. , 1.4.103 cakāraḥ puruṣādisaṃjñāsamāveśārthaḥ. vinā tenaikasaṃjñādhikāre vacanaprāmāṇyāt paryāyaḥ syāt. tiṅo vibhaktatve prayojanam "na vibhaktau tusmāḥ" (ra1.3.4) itītsaṃjñāpratiṣedhaḥ. supastvecca, anyacca tyadādyatvādi॥
Laghusiddhāntakaumudī1: supastrīṇi trīṇi vacanānyekaśa ekavacanadvivacanabahuvacanasaṃjñāni syuḥ.. Sū #122
Laghusiddhāntakaumudī2: vibhaktiśca 130, 1.4.103 suptiṅau vibhaktisaṃjñau staḥ॥
Bālamanoramā1: supaḥ. sup pratyāhāraḥ, ṣaṣṭha\ufffdekavacanam.
`tānyekavacanadvivacanabahuvaca Sū #184 See More
supaḥ. sup pratyāhāraḥ, ṣaṣṭha\ufffdekavacanam.
`tānyekavacanadvivacanabahuvacanānyekaśaḥ' iti sūtraṃ tānītivarjamanuvartate. ekaśa iti.
ekaikamityarthaḥ `saṅkhyaikavacanācca vīpsāyām' iti śaś. śasaiva vīpsāyā abidhānāt
`nityavīpsayoḥ' iti dvitvaṃ na. tacca `saṅkhyaikavacanācce'ti sūtravyākhyāvasare
prapañcayiṣyate. `tiṅastrīṇi trīṇī'tyataḥ `trīṇi trīṇi'tyanuvartate. tadāha–
supastrīṇītyādinā.
Bālamanoramā2: vibhaktiśca 183, 1.4.103 atha "na vibhakto tusmāḥ" ityādyupayoginī vib See More
vibhaktiśca 183, 1.4.103 atha "na vibhakto tusmāḥ" ityādyupayoginī vibhaktisaṃjñāmāha--vibhaktiśca. "supa" iti pūrvasūtrātsubgrahaṇam, "tiṅastrīṇī"tyatastiṅgrahaṇaṃ cānuvartate, ekadeśe svaritatvapratijñābalāt. tadāha--suptiṅāviti. cakāraḥ puruṣavacanasaṃjñābhiḥ samāveśārthaḥ. tena ekasaṃjñādhikārasthatve'pi na paryāyatvam. anyathā "rāmebhyaḥ" "bhavāma" ityādau vibhaktisaṃjñāviraheṇa "na vibhaktā"viti niṣedho na syāt. nanu prātipadikārthaliṅgaparimāṇavacanamātre prathamā, karmaṇi dvitīyā, kartṛkaraṇayostṛtīyā, caturthī sampradāne, apādāne pañcamī, ṣaṣṭhī śeṣe, sampatamyadhikaraṇe cetyādau kathaṃ prathamādivyavahāraḥ , sūtrakṛtā pāṇininā prathamādisaṃjñānāmanuktatvādityata āha--tatreti. teṣu svādipratyayeṣu madhya ityarthaḥ. ityādīnāmiti. ādinā--am--auṭ--śas--ityādīnāṃ grahaṇam. prācāmiti. pāṇineḥ pūrveṣāṃ sphoṭāyanādyācāryāṇāṃ śāstre prathamādyāḥ saptamyantāḥ saṃjñāḥ sthitā ityanvayaḥ. kiṃ tat ityata āha--tābhiriti. tābhiḥ=prathamādisaṃjñābhirihāpi=pāṇinīyaśāstre'pi vyavahāraḥ--sambhavatītyarthaḥ.
Tattvabodhinī1: supaḥ. atra `tiṅastrīṇi trīṇi'–iti sūtrāt `trīṇi trīṇī'ti padaṃ,
`tān Sū #153 See More
supaḥ. atra `tiṅastrīṇi trīṇi'–iti sūtrāt `trīṇi trīṇī'ti padaṃ,
`tānyekavacane'ti sūtraṃ ca `tānī'ti padaṃ vihāyānuvartata iti vyācaṣṭe–supastrīṇi
trīṇityādinā. ekaśa iti. ekaikamityarthaḥ. saṅkhyaikavacanācce'ti vīpsāyāṃ
prathamāntācchas.
Tattvabodhinī2: vibhaktiśca 152, 1.4.103 vibhaktiśca. "tiṅstrīṇi trīṇi--" ityatastiṅgr See More
vibhaktiśca 152, 1.4.103 vibhaktiśca. "tiṅstrīṇi trīṇi--" ityatastiṅgrahaṇaṃ vyavahitamapi svaritatvabalādanuvartate. "supaḥ" iti ca saṃnihitamityabhipretyāhu--suptiṅāviti. tiṅāṃ vibhaktisaṃjñāyāḥ prayojanaṃ "na vibhaktau tusmāḥ" iti. supāṃ tu tyadādyatvādikamapi. cakāraḥ puruṣavacanasaṃjñābhyāṃ saṃmāveśārthaḥ. anyathā ekasaṃjñādhikārādekavacanādisaṃjñābhiḥ saha vacanadvayaprāmāṇyātparyāyaḥ syāt. tataśca "rāmebhyo" "namāma" ityādau bahuvacanasaṃjñāpakṣe vibhaktitvā'bhāvātsasyetsaṃjñā syāt. ihāpīti. asminnapi tantre "prātipadikārthaliṅgaparimāṇe"tyādāvityarthaḥ.
1.Source: Arsha Vidya Gurukulam
2.Source: Sanskrit Documents
 1.4.103.jpg)
