taṅiti pratyāhāro navānām vacanānām. ānaḥ iti śānackānacorgrahanam. pūrveṇa parasmaipadasaṃjñāyāṃ prāptāyāṃ taṅānayorātmanepadasaṃjñā vidhīyate. ta, ātām, jha. thās, āthām, dhvam. iṭ, vahi, mahiṅ. ānahḥ khalvapi śānackānacau. laḥ ityeva, katīha nighnānāḥ. ātmanepadapradeśāḥ anudattaṅita ātmanepadam 1-3-12 ityevam ādayaḥ.

tiṅas trīṇi trīṇi prathamamadhyamauttamāḥ 1.4.101 tiṅo 'ṣṭādaśa pratyayāḥ. nava parasmaipadasaṃjñakāḥ, navā'tmanepadasaṃjñakāḥ. tatra parasmaipradeṣu trayastrikāḥ yathākramaṃ prathamamadhyamauttamasaṃjñā bhavanti. tip, tas, jhi iti prathamaḥ. sip, thas, tha iti madyamaḥ. mip, vas, masiti uttamaḥ. ātmanepadeṣu ta, ātām, jha iti prathamaḥ. thās, āthām, dhvam iti madhyāmaḥ. iṭ, vahi, mahiṅiti uttamaḥ. prathamamadhyamauttamapradeśāḥ śeṣe prathamaḥ 1.4.107 ityevam ādayaḥ.

tiṅastrīṇi trīṇi prathamamadhyamottamāḥ 383, 1.4.100 tiṅa ubhayoḥ padayostrikāḥ kramādetatsaṃjñāḥ syuḥ॥

taṅānau. taṅ ca ānaśceti dvandvaḥ. pratyāhāra iti. `ta ātāmiti taśabdamārabhya mahiṅiti ṅakāreṇe'ti śeṣaḥ. tadāha– tādinavakamiti. iha pūrvasūtrālla ityanuvartate. tataśca ānagrahaṇena śānackānacāveva gṛhrate, na tu `tācchīlyavayovacanaśaktiṣu cāna'śiti vihitaścānaśapi, tasya lādeśatvā'bhāvāt. tena parasmaipadibhyo'pi cānaś sidhyati– nighnānā ityādau. tadāha–śānackānacau ceti. etatsaṃjñānīti. ātmanepadasaṃjñakānītyarthaḥ. pūrvasaṃjñeti. parasmaipadasaṃjñāpavāda ityarthaḥ. evaṃ ca tibādinavake parasmaipadasaṃjñā paryavasyati. atha kasmāddhātoḥ parasmaipadaṃ, kasmādātmanepadamityākāṅkṣāyāmāha– anudāttaṅitaḥ. anudāttaśca ṅca anudāttaṅau. tāvitau yasya saḥ— anudāttaṅit. tasmāt–anudāttaṅitaḥ. dvandvānte śrūyamāṇa icchabdaḥ pratyekaṃ sambadhyate. anudātteto ṅitaśceti. labhyate. `upadeśe'janunāsika i'dityasmānmaṇḍūkaplutyā upadeśa ityanuvṛttaṃ ṅita ityanena sambadhyate, natvanudātteta ityanena. upadeśādanyatra anudāttasyetsaṃjñāyā aprasaktatvenā'vyabhicārāt. `bhūvādayo dhātava' ityasmānmaṇḍūkaplutyā `dhātava' ityanuvṛttaṃ pañcamyā vipariṇatamanudāttetā ṅitā ca viśeṣyata#e. tatrānudāttedaṃśe tadantavidheḥ prayojanā'bhāvānṅidaṃśe tadantavidhiḥ. tadāha– anudātteta ityādinā. lasya sthāna iti. ātmanepadagrahaṇalabhyamidam, tiṅāṃ lādeśatvaniyamāt. upadeśe kim ?. cukuṭiṣati. atra `gāṅkuṭādibhya' iti sana ātideśikameva ṅittvam, natvaupadeśikam. dhātoḥ kim ?. adudruvat. atra `ṇiśrī'ti caṅantānnātmanepadam. ṅidaṃśe tadantavidhyabhāve tu `bobhūyate' ityādau `sanādyantā' iti dhātusaṃjñakādyaṅantādātmanepadaṃ na syāt. `ṅita' ityevoktau yaṅo ṅittve'pi tadvantasya dhātorṅittvā'bhāvādātmanepadaṃ na syāt.

tiṅastrīṇi trīṇi prathamamadhyamottamāḥ 10, 1.4.100 tiṅaḥ ṣaṭ trikāḥ,saṃjñāstu tiruā iti yathāsaṅkhyā'sambhavādekaikasya trikasya tisṛṣu saṃjñāsu prāptāsvāha-- tiṅa ubhayoḥ padayoriti. "laḥ parasmaipada"mityataḥ parasmaipadamiti, "taṅānāvātmanepada"mityata ātmanepadamiti cānuvṛttaṃ ṣaṣṭha()ntatayā vipariṇamyate. tataśca parasmaipadātmanepadayorubhayorapi pratyekaṃ trayastrikāḥ santīti yathāsaṅkhyaṃ prathamādisaṃjñāḥ pravartanta iti bhāvaḥ. prathamādiṣu puruṣasaṃjñā tu prācīnācāryaśāstrasiddheti bodhyam.

lasyetyasyānuvṛtterlādeśa evā''no gṛhrate ityāśayenāha– śānackānacau ceti. tena parasmaipadibhyo'pi `tācchīlyavayovacane'iti cānaśbhavatyeva. `katīha nighnānāḥ'॥

tiṅastrīṇi trīṇi prathamamadhyamottamāḥ 9, 1.4.100 tiṅa ṣaṭ trikāḥ, saṃjñāstu tiruā iti yathāsaṅkhyā'sambhavādekaikasya trikasya tisṛṣu saṃjñāsu ubhayoriti. parasmaipadamātmanepadamiti cānuvartate. tena padadvaye pratyekaṃ trayastrikā itiyathāsaṃṅkhyaṃ saṃjñāḥ pravartanta iti bhāvaḥ. nanu prathamaśc prathamaśca prathamau, madhyamaśca madhyamaśca madhyamāvityevaṃ kṛtaikaśeṣāṇāṃ prathamādīnāṃ, prathamau ca madhyamau ca uttamau ca prathamamadhyamottamā iti dvandve'bhyupagate trikadvayasya trakadvayasya yathāsaṅkhyaṃ prathamamadyamottamasaṃjñāḥ syurna tvekaikasyeti "ṇaluttamo ve"ti sūtraṃ viradhyeta, ṇala uttamasaṃjñakatvā'lābhāt, tataśca "prathamamadyamottamā" ityatra kṛtadvandvānāṃ prathamamadhyomottamāśca prathamamadyamottamāścetyekaśeṣa āśrīyatām, tathāhi sati sañjñā api ṣaḍiti parasmaipadātmanepadagrahaṇānuvṛttikleśaṃ vinaiveṣṭasiddhiriti cet. maivam. ekadeśāśrayaṇe gauravādvaiyathryācca tvayāpi parasmaipadātmanepadagrahaṇamanuvarttyameva. anyathā śatṛkvasvoḥ sāvakāśā parasmaipadasaṃjñā prathamādisaṃjñayā bādhyeta. tataśca krāmyati padānāmiti vihitasya ṇalo "ṇaluttamo ve"ti ṇittvavikalpavidhānājjñāpakātparasmaipadasaṃjñā prathamādisaṃjñayā na bādhyata iti brūṣe, tarhi sutarāṃ pratipattigauravam॥