1/5:kimarthaḥ cakāraḥ |
2/5:syasanoḥ iti etat anukṛṣyate |
3/5:yadi tarhi na antareṇa cakāram anuṅrttiḥ bhavati dyudbhyaḥ luṅi iti atra api cakāraḥ kartavyaḥ vibhāṣā iti anukarṣaṇārthaḥ |
4/5:atha idānīm antareṇa api cakāram anuvṛttiḥ bhavati iha api na arthaḥ cakāreṇa |
5/5:evam sarve cakārāḥ pratyākhyāyante|

vṛtāditvādeva syasanor vikalpaḥ siddho luṭi vidhīyate. cakāras tarhi syasanoranukarṣaṇārtho na vaktavyaḥ, evaṃ tarhi iyaṃ prāptiḥ pūrvāṃ prāptiṃ bādheta, tasmāc cakaraḥ syasanoranukarṣaṇārthaḥ kriyate. luṭi ca syasanośca klṛpeḥ parasmaipadaṃ vā bhavati. kalptā, kalptārau, kalptāraḥ. kalpsyati. akalpsyat. cikḷpsati. kalpitā. kalpiśyate. akalpiśyata. cikalpiśate. iti śrījayādityaviracitāyāṃ kāśikāyāṃ vṛttau prathamādhyāyasya tṛtīyaḥ pādaḥ.

luṭi ca klupaḥ 1.3.93 vṛtāditvādeva syasanor vikalpaḥ siddho luṭi vidhīyate. cakāras tarhi syasanoranukarṣaṇārtho na vaktavyaḥ, evaṃ tarhi iyaṃ prāptiḥ pūrvāṃ prāptiṃ bādheta, tasmāc cakaraḥ syasanoranukarṣaṇārthaḥ kriyate. luṭi ca syasanośca klṛpeḥ parasmaipadaṃ vā bhavati. kalptā, kalptārau, kalptāraḥ. kalpsyati. akalpsyat. cikl̥psati. kalpitā. kalpiśyate. akalpiśyata. cikalpiśate. iti śrījayādityaviracitāyāṃ kāśikāyāṃ vṛttau prathamādhyāyasya tṛtīyaḥ pādaḥ.

luṭi ca klṛpaḥ. , 1.3.93 "cakārastarhi" ityādi. syasanorvṛtāditvādeva siddhe vikalpa ityabhiprāyaḥ. "evaṃ tarhi"ityādinā viśeṣavidhānaṃ sāmānyavidhānasya bādhakaṃ bhavatīti vijñāyate. nanu ca yadīyaṃ prāptiḥ kṛpeḥ prā()pta bādhate, dyutādiṣu pāṭhasya tasyānarthakyaṃ prasajyeta? naitadasti; aṅarthatvāt. nanu ca syasanoriti svaritatvamiṣyate, tena tasya bādhā na bhaviṣyatīti, satyametat; sūtrakārastu cakāraṃ vaicitryārthaṃ cakāra, na svaritatvārtham. "kalptā" iti. pūrvavadadhikāradvayānuvṛttau satyāṃ "tāsi ca klṛpaḥ" 7.2.60 itīṭpratiṣedhaḥ. "luṭaḥ prathamasya ḍāraurasaḥ" 2.4.85 iti ḍādeśaḥ. "kṛpo ro laḥ" 8.2.18 iti latvam "ciklṛpsati" iti. pūrvavat kitvād()guṇābhāvaḥ॥ iti śrobodhisattvadeśīyācāryajinendrabuddhipādaviracitāyāṃ kāśikāvivaraṇapañjikāyāṃ prathamādhyāyasya tṛtīyaḥ pādaḥ ----------------- atha prathamādhyāyasya caturthaḥ pādaḥ

luṭi ca klṛpaḥ. cakārāt `vṛdbhyaḥ sasyano'rityataḥ syasanorityanukṛṣyate, `śeṣātkartarī'tyataḥ parasmaipadamiti, `vā kyaṣaḥ' ityato veti ca. tadāha– luṭi syasanorityādinā.

luṭi ca klṛpaḥ 190, 1.3.93 luṭi ca klṛpaḥ. cakārāt "vṛdbhyaḥ sasyano"rityataḥ syasanorityanukṛṣyate, "śeṣātkartarī"tyataḥ parasmaipadamiti, "vā kyaṣaḥ" ityato veti ca. tadāha-- luṭi syasanorityādinā.