lohitādiḍājbhyaḥ kyaṣ 3-1-13 iti vakṣyati. tadantād dhātor vā parasmaipadaṃ bhavati. lohitāyati, lohitāyate. paṭapaṭāyati, paṭapaṭāyate. atha atra prasmaipadena mukte katham ātmanepadaṃ labhyate, yāvatā anudāttaṅita ātmanepadam 1-3-12 ityevam ādinā prakarṇena tan niyatam? evaṃ tarhi ātmanepadam eva atra vikalpitaṃ vidhīyate, tac ca anantaraṃ parasmaipadapratiṣedhena sanidhāpitam iha sambadhyate. tena mukte, śeṣāt kartari parasmaipadam bhavati.

vā kyaṣaḥ 1.3.90 lohitādiḍājbhyaḥ kyaṣ 3.1.13 iti vakṣyati. tadantād dhātor vā parasmaipadaṃ bhavati. lohitāyati, lohitāyate. paṭapaṭāyati, paṭapaṭāyate. atha atra prasmaipadena mukte katham ātmanepadaṃ labhyate, yāvatā anudāttaṅita ātmanepadam 1.3.12 ityevam ādinā prakarṇena tan niyatam? evaṃ tarhi ātmanepadam eva atra vikalpitaṃ vidhīyate, tac ca anantaraṃ parasmaipadapratiṣedhena sanidhāpitam iha sambadhyate. tena mukte, śeṣāt kartari parasmaipadam bhavati.

vā kyaṣaḥ. , 1.3.90 "lohitāyati" iti. alohito lohito bhavatītyatrārthe "lohitādiḍājbhyaḥ kyaṣ" 3.1.13iti kyaṣ. "akṛtsārvadhātukayoḥ" 7.4.25 iti dīrghaḥ. "paṭapaṭāyati" iti. paṭacchabdasya ḍāci viṣayabhūte "ḍāci bahulaṃ dve" (vā.888) ityupasaṃkhyānād()dvirvacanam, "avyaktānukaraṇāt" 5.4.57 ityādinā ḍāc, "nityamāmreḍite ḍāci"6.1.96 iti paṭaśabdasya yo'ntyastakāraḥ, yaśca tasmātparaḥ pakāraḥ-tayoḥ "katham" iti. na kathañcidityarthaḥ. kiṃ kāraṇaṃ na labhyata āha-- "yāvatā" ityādi. ātmanepadaṃ hi "anudāttaṅitaḥ" 1.3.12 ityādi niyatam, ato na śakyate kyaṣantādvijñātumiti. "evaṃ tarhi" ityādinā pariharati. "vikalpitam" iti vibhāṣitam, pākṣikamityarthaḥ. nanu cātmanepadaṃ parasmaipadena vyavacchinnam, ato'sannihitvānna śakyate vijñātumityāha-- "tacca"ityādi. katrrabhiprāye kriyāphale vivakṣita ātmanepadaṃ prāpte tadapavādena "amāvakarmakāt" 1.3.88 ityādinā yogadvayena parasmaipadaṃ vihitam. tasyāpavādasyānantarasūtreṇa yaḥ pratiṣedho vihitaḥ, tenāpavādena parasmaipadamapanayatātmanepadaṃ sannidhāpitam. apavāde hrapanīte niyogata evotsargeṇa bhavitavyam. tadevaṃ pratiṣedhena sannidhāpitamihātmanepadaṃ sambadhyate. yadi tahrranena kartaryātmanepadameva vikalpena vidhīyate, pakṣe parasmaipadaṃ kathaṃ labhyata ityāha-- "tena" ityādi॥

vā kyaṣaḥ. parasmaipadamiti. `śeṣātkartarī'tyastadanuvṛtteriti bhāvaḥ. lohitāyatīti. alohito lohito bhavatītyarthaḥ. atreti. `lohitādī'ti sūtre ityarthaḥ. tacceti. abhūtatadbhāviṣayatvamityarthaḥ. asaṃbhavāditi. avyaktānukaraṇaḍḍāco vihitatvena tasya abhūtatadbhāvaviṣayatve anukaraṇatvasya bhaṅgāpatteriti bhāvaḥ. nāpyādiśabdagrāhrāṇāmiti. `śyāmādiśabdānā'miti śeṣaḥ. tasyeti. ādigrahaṇasyetyarthaḥ. ādigarhaṇaprakhyāne pramāṇaṃ darśayati– tathā ceti. ādigrahaṇamapanīya lohitaśabdāḍḍājantebhyaśca kyaṣvacanaṃ kartavyam. itarāṇi = lohitādigaṇapaṭhitāni śyāmādīni pratipadikāni bhṛśādiṣveva paṭhanīyānītyarthaḥ. evaṃ ca śyāmādiśabdebhyaḥ kyaṅi ātmanepadameveti phalitam. tasyāpīti. ādigrahaṇasyeva kyaṣaḥ kakārasyāpi vivakṣite sati `ḍāci vivakṣite dve bahula'miti dvitve nityamāmreḍite `ḍācī'ti pūrvakhaṇḍāntasya takārasya , uttarakhaṇḍādeḥ pakārasyaca pararūpe ekasmin pakāre, ḍittvāṭṭilope, paṭapaṭāśabdāḍḍājantāt kyaṣi tadantāllaḍādīti bhāvaḥ. `abhūtatadbhāve' iti tu nātra saṃbadhyate ityuktam. na hrapaṭacchabdaḥ paṭacchabdo bhavatīti yujyate. nanu kṛbhvastiyogā'bhāvādiha kathaṃ ḍājityata āha– kṛbhvastiyogaṃ vināpīti. bhavatyarthasattāmātreṇetyarthaḥ. kuta ityata āha– ḍājantāditi. tadbhāṣyeti. `bhṛśādiṣvitarāṇī'tyuktavārtikatadbhāṣyaviruddhamityarthaḥ. tasmāditi. uktavārtikabhāṣyavirodhāttebhyaḥ śyāmādibhyo bhṛśāditvalakṣaṇaḥ kyaṅeva natu kyaṣityarthaḥ. tataśca `vā kyaṣaḥ' ityasyā'pravṛtterṅittvādātmanepadameveti matvā''ha– śyāmāyate iti. śyāmo bhavatītyarthaḥ. nanu devadattaḥ sukhāyate iti katham?, devadattasya sukhatvā'bhāvādityata āha– sukhādaya iti. śyāmādiṣu ye sukhaduḥkhādiśabdā guṇavanacāste sukhādiguṇavati vatrtante ityarthaḥ. evaṃca `sukhāyate' ityas sukhavān bhavatītyarthaḥ. evaṃ `dukhāyate' ityādāvapi. nanu lohitaśabdādvihitaḥ kyaṣ kathaṃ lohinīśabdātsyādityata āha— liṅgaviśiṣṭeti.

vā kyaṣaḥ 494, 1.3.90 vā kyaṣaḥ. parasmaipadamiti. "śeṣātkartarī"tyastadanuvṛtteriti bhāvaḥ. lohitāyatīti. alohito lohito bhavatītyarthaḥ. atreti. "lohitādī"ti sūtre ityarthaḥ. tacceti. abhūtatadbhāviṣayatvamityarthaḥ. asaṃbhavāditi. avyaktānukaraṇaḍḍāco vihitatvena tasya abhūtatadbhāvaviṣayatve anukaraṇatvasya bhaṅgāpatteriti bhāvaḥ. nāpyādiśabdagrāhrāṇāmiti. "śyāmādiśabdānā"miti śeṣaḥ. tasyeti. ādigrahaṇasyetyarthaḥ. ādigarhaṇaprakhyāne pramāṇaṃ darśayati-- tathā ceti. ādigrahaṇamapanīya lohitaśabdāḍḍājantebhyaśca kyaṣvacanaṃ kartavyam. itarāṇi = lohitādigaṇapaṭhitāni śyāmādīni pratipadikāni bhṛśādiṣveva paṭhanīyānītyarthaḥ. evaṃ ca śyāmādiśabdebhyaḥ kyaṅi ātmanepadameveti phalitam. tasyāpīti. ādigrahaṇasyeva kyaṣaḥ kakārasyāpi vivakṣite sati "ḍāci vivakṣite dve bahula"miti dvitve nityamāmreḍite "ḍācī"ti pūrvakhaṇḍāntasya takārasya , uttarakhaṇḍādeḥ pakārasyaca pararūpe ekasmin pakāre, ḍittvāṭṭilope, paṭapaṭāśabdāḍḍājantāt kyaṣi tadantāllaḍādīti bhāvaḥ. "abhūtatadbhāve" iti tu nātra saṃbadhyate ityuktam. na hrapaṭacchabdaḥ paṭacchabdo bhavatīti yujyate. nanu kṛbhvastiyogā'bhāvādiha kathaṃ ḍājityata āha-- kṛbhvastiyogaṃ vināpīti. bhavatyarthasattāmātreṇetyarthaḥ. kuta ityata āha--ḍājantāditi. tadbhāṣyeti. "bhṛśādiṣvitarāṇī"tyuktavārtikatadbhāṣyaviruddhamityarthaḥ. tasmāditi. uktavārtikabhāṣyavirodhāttebhyaḥ śyāmādibhyo bhṛśāditvalakṣaṇaḥ kyaṅeva natu kyaṣityarthaḥ. tataśca "vā kyaṣaḥ" ityasyā'pravṛtterṅittvādātmanepadameveti matvā'‌'ha-- śyāmāyate iti. śyāmo bhavatītyarthaḥ. nanu devadattaḥ sukhāyate iti katham(), devadattasya sukhatvā'bhāvādityata āha-- sukhādaya iti. śyāmādiṣu ye sukhaduḥkhādiśabdā guṇavanacāste sukhādiguṇavati vatrtante ityarthaḥ. evaṃca "sukhāyate" ityas sukhavān bhavatītyarthaḥ. evaṃ "dukhāyate" ityādāvapi. nanu lohitaśabdādvihitaḥ kyaṣ kathaṃ lohinīśabdātsyādityata āha--- liṅgaviśiṣṭeti.

tasyeti. ādiśabdasyetyarthaḥ. bhṛśādiṣvitarāṇi. tasyāpīti. kyaṣaḥ kakārasyetyarthaḥ. etena `naḥ kye' kyasya vibhāṣe'ti sūtradvaye kyaṣo'pi grahaṇaṃ vadantaḥ parāstāḥ. lohanīyatīti. kyaṅi sati taṅeva syāt, `kyaṅmāninośce'ti puṃvadbhāvaśceti bhāvaḥ.

vā kyaṣaḥ 423, 1.3.90 tasyeti. ādiśabdasyetyarthaḥ. * lohitaḍājbhyaḥ kyaṣvacanaṃ, bhṛśādiṣvitarāṇi. tasyāpīti. kyaṣaḥ kakārasyetyarthaḥ. etena "naḥ kye" kyasya vibhāṣe"ti sūtradvaye kyaṣo'pi grahaṇaṃ vadantaḥ parāstāḥ. lohanīyatīti. kyaṅi sati taṅeva syāt, "kyaṅmāninośce"ti puṃvadbhāvaśceti bhāvaḥ.