1/24:tasyagrahaṇam kimartham |
2/24:itsañjñakaḥ pratinirdiśyate |
3/24:na etat asti prayojanam |
4/24:prakṛtam it iti vartate |
5/24:kva prakṛtam |
6/24:upadeśe ac anunāsikaḥ it iti |
7/24:tat vai prathamānirdiṣṭam ṣaṣṭhīnirdiṣṭena ca iha arthaḥ |
8/24:arthāt vibhaktivipariṇāmaḥ bhaviṣyati |
9/24:tat yathā |
10/24:uccāni devadattasya gṛhāṇi |
11/24:āmantrayasva enam |
12/24:devadattam iti gamyate |
13/24:devadattasya gāvaḥ aśvāḥ hiraṇyam iti |
14/24:āḍhyaḥ vaidhaveyaḥ |
15/24:devadattaḥ iti gamyate |
16/24:purastāt ṣaṣṭhīnirdiṣṭam sat arthāt dvitīyānirdiṣṭam prathamānirdiṣṭam ca bhavati |
17/24:evam iha api purastāt prathamānirdiṣṭam sat arthāt ṣaṣṭhīnirdiṣṭam bhaviṣyati |
18/24:idam tarhi prayojanam |
19/24:ye anekālaḥ itsañjñāḥ teṣām lopaḥ sarvādeśaḥ yathā syāt |
20/24:atha kriyamāṇe api ca tasyagrahaṇe katham iva lopaḥ sarvādeśaḥ labhyaḥ |
21/24:labhyaḥ iti āha |
22/24:kutaḥ |
23/24:vacanaprāmāṇyāt |
24/24:tasyagrahaṇasāmarthyāt |

1/40:itaḥ lope ṇalktvāniṣṭhāsu upasaṅkhyānam itpratiṣedhāt |*
2/40:itaḥ lope ṇalktvāniṣṭhāsu upasaṅkhyānam kartavyam |
3/40:ṇal |
4/40:aham papaca |
5/40:ktvā |
6/40:devitvā sevitvā |
7/40:niṣṭhā |
8/40:śayitaḥ śayitavān |
9/40:kim punaḥ kāraṇam na sidhyati |
10/40:itpratiṣedhāt |
11/40:pratiṣidhyate atra itsañjñā |
12/40:ṇal uttamaḥ ṇit vā bhavati |
13/40:ktvā seṭ na kit bhavati |
14/40:niṣṭhā seṭ na kit bhavati iti |
15/40:siddham tu ṇalādīnām grahaṇapratiṣedhāt | siddham etat |*
16/40:katham |
17/40:ṇalādīnām grahaṇāni pratiṣidhante |
18/40:ṇal uttamaḥ vā ṇidgrahaṇena gṛhyate |
19/40:ktvā seṭ na kidgrahaṇena gṛhyate |
20/40:niṣṭhā seṭ na kidgrahaṇena gṛhyate iti |
21/40:nirdiṣṭalopāt vā |*
22/40:nirdiṣṭalopāt vā siddham eva |
23/40:atha vā nirdiṣṭasya ayam lopaḥ kriyate |
24/40:tasmāt siddham etat |
25/40:tatra tusmānām pratiṣedhaḥ |*
26/40:tatra tusmānām pratiṣedhaḥ vaktavyaḥ |
27/40:tasmāt tasmin yasmāt yasmin vṛkṣāḥ plakṣāḥ acinavam asunavam akaravam |
28/40:na vā uccāraṇasāmarthyāt |*
29/40:na vā vaktavyaḥ |
30/40:kim kāraṇam |
31/40:uccāraṇasāmarthyāt atra lopaḥ na bhaviṣyati |
32/40:anubandhalope bhāvābhāvayoḥ vipratiṣedhāt aprasiddhiḥ | anubandhalope bhāvābhāvayoḥ virodhāt aprasiddhiḥ |*
33/40:na jñāyate kena abhiprāyeṇa prasajati kena nivṛttim karoti iti |
34/40:siddham tu apavādanyāyena |*
35/40:siddham etat |
36/40:katham |
37/40:apavādanyāyena |
38/40:kim punaḥ iha tathā yathā utsargāpavādau |
39/40:bhāvaḥ hi kāryāṛthaḥ nanyārthaḥ lopaḥ |*
40/40:kāryam kariṣyāmi iti anubandhaḥ āsajyate kāryād anyan mā bhūt iti lopaḥ |

1/63:atha yasya anubandhaḥ āsajyate kim saḥ tasya ekāntaḥ bhavati āhosvit anekāntaḥ |
2/63:ekāntaḥ tatra upalabdheḥ |*
3/63:ekāntaḥ iti āha |
4/63:kutaḥ |
5/63:tatra upalabdheḥ |
6/63:tatrasthaḥ hi asau upalabhyate |
7/63:tat yathā vṛkṣasthā śākhā vṛkṣaikāntā upalabhyate |
8/63:tatra asarūpasarvādeśadāppratiṣedhe pṛthaktvanirdeśaḥ anākārāntatvāt |*
9/63:tatra asarūpavidhau doṣaḥ bhavati |
10/63:karmaṇi aṇ ātaḥ anupasarge kaḥ iti |
11/63:kaṇviṣaye aṇ api prāpnoti |
12/63:sarvādeśe ca doṣaḥ bhavati |
13/63:divaḥ aut sarvādeśaḥ prāpnoti |
14/63:dāppratiṣedhe pṛthaktvanirdeśaḥ kartavyaḥ |
15/63:adābdaipau iti vaktavyam |
16/63:kim punaḥ kāraṇam na sidhyati |
17/63:anākārāntatvāt |
18/63:nanu ca āttve kṛte bhaviṣyati |
19/63:tat hi āttvam na prāpnoti |
20/63:kim kāraṇam |
21/63:anejantatvāt |
22/63:astu tarhi anekāntaḥ |
23/63:anekānte vṛttiviśeṣaḥ |*
24/63:yadi anekāntaḥ vṛttiviśeṣaḥ na sidhyati |
25/63:kiti ṇiti iti kāryāṇi na sidhyanti |
26/63:kim hi saḥ tasya it bhavati yena itkṛtam syāt |
27/63:evam tarhi anantaraḥ |
28/63:anantaraḥ iti cet pūrvaparayoḥ itkṛtaprasaṅgaḥ |*
29/63:anantaraḥ iti cet pūrvaparayoḥ itkṛtam prāpnoti |
30/63:vuñchaṇ |
31/63:siddham tu vyavasitapāṭhāt |*
32/63:siddham etat |
33/63:katham |
34/63:vyavasitapāṭhaḥ kartavyaḥ |
35/63:vuñ chaṇ |
36/63:saḥ ca avaśyam vyavasitapāṭhaḥ kartavyaḥ |
37/63:itarathā hi ekānte api sandehaḥ |*
38/63:akriyamāṇe vyavasitapāṭhe ekānte api sandehaḥ syāt |
39/63:tatra na jñāyate kim ayam pūrvasya bhavati āhosvit parasya iti |
40/63:sandehamātram etat bhavati |
41/63:sarvasandeheṣu ca idam upatiṣṭhate vyākhyānataḥ viśeṣapratipattiḥ na hi sandehāt alakṣaṇam iti |
42/63:pūrvasya iti vyākhyāsyamaḥ |
43/63:vṛttāt vā |*
44/63:vṛttāt vā punaḥ siddham etat |
45/63:vṛddhimantam ādyudāttam dṛṣṭvā ñit iti vyavaseyam |
46/63:antodāttam dṛṣṭvā kit iti |
47/63:yuktam punaḥ yat vṛttinimittakaḥ anubandhaḥ syāt na anubandhanimittakena nāma vṛttena bhavitavyam |
48/63:vṛttinimittakaḥ eva anubandhaḥ |
49/63:vṛttijñaḥ hi ācāryaḥ anubandhān āsajati |
50/63:ubhayam idam anubandheṣu uktam ekāntāḥ anekāntāḥ iti |
51/63:kim atra nyāyyam |
52/63:ekāntāḥ iti nyāyyam |
53/63:kutaḥ etat |
54/63:atra hi hetuḥ vyapadiṣṭaḥ |
55/63:yat ca nāma sahetukam tat nyāyyam |
56/63:nanu ca uktam tatra asarūpasarvādeśadāppratiṣedhe pṛthaktvanirdeśaḥ anākārāntatvāt iti |
57/63:asarūpavidhau tāvat na doṣaḥ |
58/63:ācāryapravṛttiḥ jñāpayati na anubandhakṛtam asārūpyam bhavati iti yat ayam dadātidadhātyoḥ vibhāṣā iti vibhāṣā śam śāsti |
59/63:yat api uktam sarvādeśe iti |
60/63:atra api ācāryapravṛttiḥ jñāpayati na anubandhakṛtam anekāltvam bhavati iti yat ayam śit sarvasya iti āha |
61/63:yat api uktam dāppratiṣedhe pṛthaktvanirdeśaḥ kartavyaḥ iti |
62/63:na kartavyaḥ |
63/63:ācāryapravṛttiḥ jñāpayati na anubandhakṛtam anejantatvam bhavati iti yat ayam udīcām māṅaḥ vyatīhāre iti meṅaḥ sānubandhakasya āttvabhūtasya grahaṇam karoti |

tasya itsaṃjñakasya lopo bhavati. tathā ca eva udāhṛtam. tasya grahaṇaṃ sarvalopārtham, alo 'ntyasya 1-1-52 mā bhūtādir ñiṭuḍavaḥ 1-3-5 iti.

tasya lopaḥ 1.3.9 tasya itsaṃjñakasya lopo bhavati. tathā ca eva udāhṛtam. tasya grahaṇaṃ sarvalopārtham, alo 'ntyasya 1.1.51 mā bhūtādir ñiṭuḍavaḥ 1.3.5 iti.

tasya lopaḥ. , 1.3.9 atha kimartham "tasya" ityucyate, yavātetsaṃjñāyāḥ prakṛtatvādyasyetsaṃjñā vihitā sāmathryāttasyaiva lopo bhaviṣyatīti āha-- "tasyagrahaṇam" ityādi. kaḥ punaritsaṃjñako yo'lontyasya nivṛttyarthaṃ tasyagrahaṇaṃ prayojanatītyāha-- "ādirñiṭuḍavaḥ" iti. asati tasyagrahaṇe, eṣāmapi ñiprabhṛtīnām "alo'ntyasya" 1.1.51 iti vacanādantyasya lopaḥ syāt. tasyagrahaṇena tu prakṛta itsaṃjñake sannidhāpite sarvasya lopo bhavati, nāntyasya; anyathā hi tasyagrahaṇamanarthakaṃ syāt. yadi tu "nānarthake'lo'ntyavidhiḥ" (vyā.pa.62) ityeṣā paribhāṣā'‌'śrīyate, tadā tasyagrahaṇamakartuṃ śakyate. tat kriyate vispaṣṭārtham.

eteṣvādeśeṣu yakāravakārayorhalantyamitītsaṃjñāyāṃ lopamāśaṅkitumāha–tasya lopaḥ. itsaṃjñāprakaraṇānte idaṃ sūtram. tatra tacchabdaḥ sannihitamitaṃ parāmṛśati. tadāha– tasyeti iti. ityanena sūtreṇa yavayorlopo na śaṅkanīya ityarthaḥ. kuta ityata āha– uccāraṇeti. yadyatra yavayorlopaḥ syāttarhi tayoḥ sūtre'nuccāraṇameva syāt, `prakṣālanāddhi paṅkasya dūrādasparśanaṃ vara'miti nyāyāditi bhāvaḥ. tarhi kimanayoritsaṃjñayetyata āha–evaṃceti. uktaprakāreṇa lopā'bhāve satītsaṃjñāpīha yakāre vakāre ca na bhavati, phalā'bhāvādityarthaḥ. krameṇodāhasti–haraya ityādinā. hare– e,viṣṇo-e, nai-akaḥ, pau-aka iti sthiteṣu ekārādīnāṃ kramādayādayaḥ.

tasya lopaḥ 63, 1.3.9 eteṣvādeśeṣu yakāravakārayorhalantyamitītsaṃjñāyāṃ lopamāśaṅkitumāha--tasya lopaḥ. itsaṃjñāprakaraṇānte idaṃ sūtram. tatra tacchabdaḥ sannihitamitaṃ parāmṛśati. tadāha--tasyeti iti. ityanena sūtreṇa yavayorlopo na śaṅkanīya ityarthaḥ. kuta ityata āha--uccāraṇeti. yadyatra yavayorlopaḥ syāttarhi tayoḥ sūtre'nuccāraṇameva syāt, "prakṣālanāddhi paṅkasya dūrādasparśanaṃ vara"miti nyāyāditi bhāvaḥ. tarhi kimanayoritsaṃjñayetyata āha--evaṃceti. uktaprakāreṇa lopā'bhāve satītsaṃjñāpīha yakāre vakāre ca na bhavati, phalā'bhāvādityarthaḥ. krameṇodāhasti--haraya ityādinā. hare--e,viṣṇo-e, nai-akaḥ, pau-aka iti sthiteṣu ekārādīnāṃ kramādayādayaḥ.