1/31:kimartham idam ucyate |
2/31:parasmaipadapratiṣedhāt kṛñādiṣu vidhānam |*
3/31:parasmaipadapratiṣedhāt kṛñādiṣu parasmaipadam vidhīyate |
4/31:pratiṣidhyate tatra parasmaipadam svaritañitaḥ kartrabhiprāye kriyāphale ātmanepadam bhavati iti |
5/31:asti prayojanam etat |
6/31:kim tarhi iti |
7/31:tatra ātmanepadapratiṣedhaḥ apratiṣiddhatvāt |*
8/31:tatra ātmanepadasya pratiṣedhaḥ vaktavyaḥ |
9/31:kim kāraṇam |
10/31:apratiṣiddhatvāt |
11/31:na hi ātmanepadam pratiṣidhyate |
12/31:kim tarhi |
13/31:parasmaipadam anena vidhīyate |
14/31:na vā dyutādibhyaḥ vāvacanāt |*
15/31:na vā eṣaḥ doṣaḥ |
16/31:kim kāraṇam |
17/31:dyutādibhyaḥ vāvacanāt |
18/31:yat ayam dyutādibhyaḥ vāvacanam karoti tat jñāpayati ācāryaḥ na parasmaipadaviṣaye ātmanepadam bhavati iti |
19/31:ātmanepadaniyame vā pratiṣedhaḥ |*
20/31:ātmanepadaniyame vā pratiṣedhaḥ vaktavyaḥ |
21/31:svaritañitaḥ kartrabhiprāye kriyāphale ātmanepadam bhavati kartari |
22/31:anuparābhyām kṛñaḥ na iti |
23/31:sidhyati |
24/31:sūtram tarhi bhidyate |
25/31:yathānyāsam eva astu |
26/31:nanu ca uktam tatra ātmanepadapratiṣedhaḥ apratiṣiddhatvāt iti |
27/31:parihṛtam etat na vā dyutādibhyaḥ vāvacanāt |
28/31:atha vā idam tāvat ayam praṣṭavyaḥ |
29/31:svaritañitaḥ kartrabhiprāye kriyāphale ātmanepadam bhavati iti parasmaipadam kasmāt na bhavati |
30/31:ātmanepadena bādhyate |
31/31:yathā eva tarhi ātmanepadena parasmaipadam bādhyate evam parasmaipadena ātmanepadam bādhiṣyate |

kartrabhiprāye kriyāphale gandhanādiṣu ca karoterātmanepadaṃ vihitam. tadapavādaḥ parasmaipadaṃ vidhīyate. anu parā ityevaṃ pūrvāt karoteḥ parasmaipadaṃ bhavati. anukaroti. parākaroti.

anuparābhyāṃ kṛñaḥ 1.3.79 kartrabhiprāye kriyāphale gandhanādiṣu ca karoterātmanepadaṃ vihitam. tadapavādaḥ parasmaipadaṃ vidhīyate. anu parā ityevaṃ pūrvāt karoteḥ parasmaipadaṃ bhavati. anukaroti. parākaroti.

anuparābhyāṃ kṛñaḥ 748, 1.3.79 kartṛge ca phale gandhanādau ca parasmaipadaṃ syāt. anukaroti. parākaroti॥

anuparābhyāṃ kṛñaḥ. `parasmaipadamiti śeṣaḥ. nanu `svaritañitaḥ' ityātmanepadasya kartagāmniyeva phale vidhānādakartṛgāmini phale `śeṣātkartarī'ti parasmaipadasya siddhatvāt kimartha midamityata āha– kartṛge'pīti. gandhanādāviti. gandhanāvakṣepaṇasevanasāhasikyapratiyatnaprakathanopayogeṣu ityarthaḥ. mā bhūditi. bhāve karmaṇi lakārasya kartṛge phaleparasmapaidanivṛttyarthaṃ kartarītyasyā'nuvṛttiriti bhāvaḥ. nanu kartarītyasyānuvṛttāvapi `anukriyate śabdaḥ svayameve'tyatra karmakartari parasmaipadaṃ durvāramityāśaṅkya pariharati– naceti. evamapi = kartarītyasyānuvṛttāvapi karmakartari ātmanepadasya prasaṅgo na śaṅkya ityarthaḥ. kuta ityata āha- - kāryātideśeti. tatra karmakartari `karmavatkarmaṇā tulyakriyaḥ' ityātmanepadena pareṇā'sya parasmaipadasya bādhādityanvayaḥ. nu karmaṇi yacchāstraṃ tat `karmavatkarmaṇe'ti karmakartaryatidiśyate, tathā cā'tra karmakartari `bhāvakarmaṇo'rityātmanepadaśāstramiha prāptam. tasya ca paratvā'bhāvāt `anuparābhyāṃ kṛñaḥ' ityanena kathaṃ bādhaḥ syādityata āha– kāryātideśapakṣasya mukhyatayeti. śāstrātideśasya kāryātideśārthatayā kāryātideśasya mukhyatvam. tataśca `karmavat karmaṇe'tyanena karmaṇi vihitamātmanepadaṃ karmakartari vidhīyate. tasya ca paratvāttenātmanepadena `anuparābhyāṭamiti parasmaipadaṃ karmakartari bādhamarhatīti bhāvaḥ. `karmavatkarmaṇe'tyatra śāstrātideśamabhyupagamyāaha—– śāstrātideśapakṣe tviti. `anuparābhyāṃ kṛñaḥ' ityatra `kartari karmavyatihāre' ityasmādekaṃ kartṛghaṇamanuvartate. tathā `śeṣātkartari parasmaipada'mityasmāddvitīyaṃ kartṛgrahaṇamanuvartate. tathā ca `svabhāvataḥ eva yaḥ kartā, natu vivakṣādhīnaḥ karmakartā tathāvidhakartaryeva anuparābhyāṃ kṛñaḥ parasmaipada'miti labhyate. evaṃ ca karmakartari nāsya pravṛttirityarthaḥ.

anuparābhyāṃ kṛñaḥ 570, 1.3.79 anuparābhyāṃ kṛñaḥ. "parasmaipadamiti śeṣaḥ. nanu "svaritañitaḥ" ityātmanepadasya kartagāmniyeva phale vidhānādakartṛgāmini phale "śeṣātkartarī"ti parasmaipadasya siddhatvāt kimartha midamityata āha-- kartṛge'pīti. gandhanādāviti. gandhanāvakṣepaṇasevanasāhasikyapratiyatnaprakathanopayogeṣu ityarthaḥ. mā bhūditi. bhāve karmaṇi lakārasya kartṛge phaleparasmapaidanivṛttyarthaṃ kartarītyasyā'nuvṛttiriti bhāvaḥ. nanu kartarītyasyānuvṛttāvapi "anukriyate śabdaḥ svayameve"tyatra karmakartari parasmaipadaṃ durvāramityāśaṅkya pariharati-- naceti. evamapi = kartarītyasyānuvṛttāvapi karmakartari ātmanepadasya prasaṅgo na śaṅkya ityarthaḥ. kuta ityata āha-- kāryātideśeti. tatra karmakartari "karmavatkarmaṇā tulyakriyaḥ" ityātmanepadena pareṇā'sya parasmaipadasya bādhādityanvayaḥ. nu karmaṇi yacchāstraṃ tat "karmavatkarmaṇe"ti karmakartaryatidiśyate, tathā cā'tra karmakartari "bhāvakarmaṇo"rityātmanepadaśāstramiha prāptam. tasya ca paratvā'bhāvāt "anuparābhyāṃ kṛñaḥ" ityanena kathaṃ bādhaḥ syādityata āha-- kāryātideśapakṣasya mukhyatayeti. śāstrātideśasya kāryātideśārthatayā kāryātideśasya mukhyatvam. tataśca "karmavat karmaṇe"tyanena karmaṇi vihitamātmanepadaṃ karmakartari vidhīyate. tasya ca paratvāttenātmanepadena "anuparābhyāṭamiti parasmaipadaṃ karmakartari bādhamarhatīti bhāvaḥ. "karmavatkarmaṇe"tyatra śāstrātideśamabhyupagamyāaha----- śāstrātideśapakṣe tviti. "anuparābhyāṃ kṛñaḥ" ityatra "kartari karmavyatihāre" ityasmādekaṃ kartṛghaṇamanuvartate. tathā "śeṣātkartari parasmaipada"mityasmāddvitīyaṃ kartṛgrahaṇamanuvartate. tathā ca "svabhāvataḥ eva yaḥ kartā, natu vivakṣādhīnaḥ karmakartā tathāvidhakartaryeva anuparābhyāṃ kṛñaḥ parasmaipada"miti labhyate. evaṃ ca karmakartari nāsya pravṛttirityarthaḥ.

asya bādhāditi. `anuparābhyā'mityasyetyarthaḥ. ata eva `karmavatkarmaṇe'ti sūtre kāryātideśo'yamiti vakṣyati. śāstrātideśapakṣe `karmavatkarmaṇe' tyanenātmanepadaṃ na vidhīyate, kiṃ tu tadvidhāyakaṃ `bhāvakarmaṇo'riti śāstramatidiśyate, tasya ca pūrvatvātpareṇa `anuparābhyā'mityanena bādhamāśaṅkyāha– śāstrātideśa ityādi. svaritediti. tathā ca kartṛgāmini kriyāphale'pi parasmaipadārthaḥ sūtrārambha iti bhāvaḥ.

anuparābhyāṃ kṛñaḥ 471, 1.3.79 asya bādhāditi. "anuparābhyā"mityasyetyarthaḥ. ata eva "karmavatkarmaṇe"ti sūtre kāryātideśo'yamiti vakṣyati. śāstrātideśapakṣe "karmavatkarmaṇe" tyanenātmanepadaṃ na vidhīyate, kiṃ tu tadvidhāyakaṃ "bhāvakarmaṇo"riti śāstramatidiśyate, tasya ca pūrvatvātpareṇa "anuparābhyā"mityanena bādhamāśaṅkyāha-- śāstrātideśa ityādi. svaritediti. tathā ca kartṛgāmini kriyāphale'pi parasmaipadārthaḥ sūtrārambha iti bhāvaḥ.