1/29:śeṣavacanam pañcamyā cet arthe pratiṣedhaḥ |*
2/29:śeṣavacanam pañcamyā cet arthe pratiṣedhaḥ vaktavyaḥ |
3/29:bhidyate kuśūlaḥ svayam eva |
4/29:chidyate rajjuḥ svayam eva |
5/29:evam tarhi śeṣe iti vakṣyāmi |
6/29:saptamyā cet prakṛteḥ | saptamyā cet prakṛteḥ pratiṣedhaḥ vaktavyaḥ |*
7/29:āste śete cyavante plavante |
8/29:siddham tu ubhayanirdeśāt |*
9/29:siddham etat |
10/29:katham |
11/29:ubhayanirdeśaḥ kartavyaḥ |
12/29:śeṣāt śeṣe iti vaktavyam |
13/29:kartṛgrahaṇam idānīm kimartham syāt |
14/29:kartṛgrahaṇam anuparādyartham |*
15/29:anuparādyartham etat syāt |
16/29:iha mā bhūt |
17/29:anukriyate svayam eva |
18/29:parākriyate svayam eva iti |
19/29:sidhyati |
20/29:sutram tarhi bhidyate |
21/29:yathānyāsam eva astu |
22/29:nanu ca uktam śeṣavacanam pañcamyā cet arthe pratiṣedhaḥ iti |
23/29:na eṣaḥ doṣaḥ |
24/29:kartari karmavyatihāre iti atra kartṛgrahaṇam pratyākhyāyate |
25/29:tat prakṛtam iha anuvartiṣyate |
26/29:śeṣāt kartari kartari iti |
27/29:kim idam kartari kartari iti |
28/29:kartā eva yaḥ kartā tatra yathā syāt |
29/29:kartā ca anyaḥ ca yaḥ kartā tatra mā bhūt iti |

pūrveṇa prakaraṇena ātmanepadaniyamaḥ kṛtaḥ, na prasmaipadaniyamaḥ. tat sarvataḥ prāpnoti, tadartham idam ucyate. yebhyo dhātubhyo yena viśeṣaṇena ātmanepadam uktaṃ tato yadanyat sa śeṣaḥ. śeṣāt kartari parasmaipadaṃ bhavati. śeṣādeva na anyasmāt. anudāttaṅita ātmanepadam uktam aste. śete. tato 'nyatra parasmaipadam bhavati yāti. vāti. nerviśaḥ ātmanepadam uktam niviśate. tato 'nyatra parasmaipadam āviśati. praviśati. kartari iti kim? pacyate. gamyate. karmakartari kasmāt parasmaipadaṃ na bhavati, pacyate odanaḥ svayam eva? kartari karmavyatihāre 1-3-14 iti dvitīyaṃ kartṛgrahaṇam anuvartate, tena kartāeva yaḥ kartā tatra prasmaipadam bhavati, karmakartari na bhavati.

śeṣāt kartari parasmaipadam 1.3.78 pūrveṇa prakaraṇena ātmanepadaniyamaḥ kṛtaḥ, na prasmaipadaniyamaḥ. tat sarvataḥ prāpnoti, tadartham idam ucyate. yebhyo dhātubhyo yena viśeṣaṇena ātmanepadam uktaṃ tato yadanyat sa śeṣaḥ. śeṣāt kartari parasmaipadaṃ bhavati. śeṣādeva na anyasmāt. anudāttaṅita ātmanepadam uktam aste. śete. tato 'nyatra parasmaipadam bhavati yāti. vāti. nerviśaḥ ātmanepadam uktam niviśate. tato 'nyatra parasmaipadam āviśati. praviśati. kartari iti kim? pacyate. gamyate. karmakartari kasmāt parasmaipadaṃ na bhavati, pacyate odanaḥ svayam eva? kartari karmavyatihāre 1.3.14 iti dvitīyaṃ kartṛgrahaṇam anuvartate, tena kartāeva yaḥ kartā tatra prasmaipadam bhavati, karmakartari na bhavati.

śeṣātkartari parasmaipadam. , 1.3.78 "pūrveṇa" iti. "anudāttahitaḥ" 1.3.12 ityādinā. "sarvatra prāpnoti" iti. aśeṣebhyo'pi. "tadarthamidamucyate" iti. sarvatra parasmaipade prasakte tannivṛttyartham; arthaśabdasya nivṛttivacanatvāt. tathā-maśakārtho dhūma iti. tadenaitat niyamārthamityuktaṃ bhavati. "yebhyo dhātubhyaḥ" ityādinā śeṣatvaṃ darśayati. "yena viśeṣaṇena" iti. anubandhādinā. "yāti, vāti" ityanubandhaśeṣasyodāharaṇam. "āviśati, praviśati" ityupasargaśeṣasyārthaśeṣasyāpi. evaṃ gandhanādibhyo'nyatra karotītyevamādikamudāharaṇaṃ veditavyam. nanu ca śeṣādityanena pañcamyantena dhātusamānādhikaraṇena dhātureva viśiṣyate, nārthaḥ, tataścāśeṣeṣu gandhanādiṣvartheṣu parasmaipadaṃ prāpnoti, naitadasti; gandhanādayo hi prakṛterevārthāḥ, tatrāsau śeṣagrahaṇānnivatrtamānastānapi nivatrtayati. "pacyate, gamyate" iti. nanu ca yadyatra parasmaipadaṃ syāt, tadā "bhāvakarmaṇoḥ" 1.3.13 iti vacanamanarthakaṃ syāt, anavakāśatvāt, naitadasti; asti hi tasyāvakāśaḥ. kaḥ punarasau? yo na śeṣaḥ-- āsyate, śayyate, kriyata iti. anudāttetvaṃ ṅittvañcāśeṣaḥ. "śeṣāt kartari" 1.3.78 ityatra karttṛgrahaṇaṃ sāmānyamupāttamiti yo deśayet taṃ pratyāha--"karmakatrtari" ityādi. "katrtari karmavyatīhāre" 1.3.14 ityādinā pariharati. "karttaiva yaḥ katrtā" iti. śuddho yaḥ katrtā, karttṛvadbhāvarahito yaḥ karttaityarthaḥ॥

śeṣātkartari parasmaipadam 382, 1.3.78 ātmanepada nimitta hīnāddhātoḥ kartari parasmaipadaṃ syāt॥

śeṣātkartari. `anudāttaṅita' iti `svaritañita' iti coktādātmanepadaviṣayādanyaḥ śeṣaḥ. tadāha–ātmanepadanimittahīnāditi. anena bhūdhātoḥ kartari lasya parasmaipadaṃ siddham. tatra tibādinavake yugapatparyāyeṇa ekadvitrādikatipayarūpeṇa vā prāpte `yuṣmadyupapade samānādhikaraṇe sthāninyapi madhyamaḥ' `asmadyuttamaḥ' `śeṣe prathamaḥ' iti vyavasthāṃ vakṣyan prathamādisaṃjñāṃ tāvadāha–tiṅastrīṇi trīṇi.

śeṣātkartari parasmaipadam 9, 1.3.78 śeṣātkartari. "anudāttaṅita" iti "svaritañita" iti coktādātmanepadaviṣayādanyaḥ śeṣaḥ. tadāha--ātmanepadanimittahīnāditi. anena bhūdhātoḥ kartari lasya parasmaipadaṃ siddham. tatra tibādinavake yugapatparyāyeṇa ekadvitrādikatipayarūpeṇa vā prāpte "yuṣmadyupapade samānādhikaraṇe sthāninyapi madhyamaḥ" "asmadyuttamaḥ" "śeṣe prathamaḥ" iti vyavasthāṃ vakṣyan prathamādisaṃjñāṃ tāvadāha--tiṅastrīṇi trīṇi.