1/30:svaritañitaḥ iti kimartham |
2/30:yāti vāti drāti psāti |
3/30:svaritañitaḥ iti śakyam akartum |
4/30:kasmāt na bhavati yāti vāti drāti psāti iti |
5/30:kartrabhiprāye kriyāphale iti ucyate sarveṣām ca kartrabhiprāyam kriyāphalam asti |
6/30:te evam vijñāsyāmaḥ |
7/30:yeṣām kartrabhiprāyam akartrabhiprayam ca kriyāphalam asti tebhyaḥ ātmanepadam bhavati iti |
8/30:na ca eteṣām kartrabhiprāyam akartrabhiprayam ca kriyāphalam asti |
9/30:tathājātīyakāḥ khalu ācāryeṇa svaritañitaḥ paṭhitāḥ yeṣām kartrabhiprāyam akartrabhiprayam ca kriyāphalam asti |
10/30:atha abhiprāyagrahaṇam kimartham |
11/30:svaritañitaḥ kartrāye kriyāphale iti iyati ucyamāne yam eva samprati eti kriyāphalam tatra eva syāt |
12/30:lūñ lunīte pūñ punīte |
13/30:iha na syāt |
14/30:yaj yajate vap vapate |
15/30:abhiprayagrahaṇe punaḥ kriyamāṇe na doṣaḥ bhavati |
16/30:abhiḥ ābhimukhye vartate pra ādikarmaṇi |
17/30:tena yam ca abhipraiti yam ca abhipraiṣyati yam ca abhiprāgāt tatra sarvatra ābhimukhyamātre siddham bhavati |
18/30:kartrabhiprāye kriyāphale iti kimartham |
19/30:pacanti bhaktakārāḥ |
20/30:kurvanti karmakārāḥ |
21/30:yajanti yājakāḥ |
22/30:kartrabhiprāye kriyāphale iti ucyamāne api atra prāpnoti |
23/30:atra api hi kriyāphalam kartāram abhipraiti |
24/30:yājakāḥ yajanti gāḥ lapsyāmahe iti |
25/30:karmakarāḥ kurvanti pādikam ahaḥ lapsyāmahe iti |
26/30:evam tarhi kartrabhipraye kriyāphale iti ucyate sarvatra ca kartāram kriyāphalam abhipraiti |
27/30:tatra prakarṣagatiḥ vijñāsyate |
28/30:sādhīyaḥ yatra kartāram kriyāphalam abhipraiti iti |
29/30:na ca antareṇa yajim yajiphalam vapim va vapiphalam labhante |
30/30:yājakāḥ punaḥ antareṇa api yajim gāḥ labhante bhṛtakāḥ ca pādikam iti |

ṇeḥ iti nivṛttam. śeṣāt kartari parasmaipade prapte svariteto ye dhātavo ñitaśca tebhyaḥ ātmanepadaṃ bhavati, kartāraṃ cet kriyāphalam abhipraiti. kriyāyāḥ phalaṃ kriyāphalaṃ pradhānabhūtam, yadartham asau kriyā ārabhyate tac cet kartur lakāravācyasya bhavati. yajate. pacate. ñitaḥ khalvapi sunute. kurute. svargādi pradhānaphalam iha kartāram abhipraiti. kartrabhiprāye iti kim? yajanti yājakāḥ. pacanti pācakāḥ. kurvanti karmakarāḥ. yadyapi dakṣiṇā bhṛtiśca kartuḥ phalmihāsti tathā api na tadarthaḥ kriyārambhaḥ.

svaritañitaḥ kartrabhiprāye kriyāphale 1.3.72 ṇeḥ iti nivṛttam. śeṣāt kartari parasmaipade prapte svariteto ye dhātavo ñitaśca tebhyaḥ ātmanepadaṃ bhavati, kartāraṃ cet kriyāphalam abhipraiti. kriyāyāḥ phalaṃ kriyāphalaṃ pradhānabhūtam, yadartham asau kriyā ārabhyate tac cet kartur lakāravācyasya bhavati. yajate. pacate. ñitaḥ khalvapi sunute. kurute. svargādi pradhānaphalam iha kartāram abhipraiti. kartrabhiprāye iti kim? yajanti yājakāḥ. pacanti pācakāḥ. kurvanti karmakarāḥ. yadyapi dakṣiṇā bhṛtiśca kartuḥ phalmihāsti tathā api na tadarthaḥ kriyārambhaḥ.

svaritañitaḥ katrrabhiprāye kriyāphale. , 1.3.72 "katrrabhiprāye" iti. katrtāramabhipraitīti "karmaṇyaṇ" 3.2.1. yadi sāmānyena yatra kriyāphalaṃ katrtāramabhipraiti tatrātmanepadam, tadehāpi syāt-- pacanti pācakāḥ, yajanti yājakā iti. tathā hratra kriyāphalaṃ dakṣiṇā yājakān karttṛnabhipraiti, bhṛtiśca pācakānityata āha-- "kriyāyāḥ phalam" ityādi. pradhānabhūtaṃ yatphalaṃ kriyāyāstadiha gṛhrate. na ca dakṣiṇādikaṃ kriyāphalaṃ pradhānabhūtam, tato na bhavatyatiprasaṅgaḥ. kiṃ punastatpradhānabhūtamityata āha- "yadayartham" ityādi. etena yaduddiśyāsau yāgādikriyārabhyate, na tu dakṣiṇādyartham. "yadartham" iti. svargādi, na tu dakṣiṇādi. tathā hi svargādyarthaṃ yāgādikriyārabhyate, na tu dakṣiṇādyartham. "yadartham" iti. kriyāviśeṣaṇametat. yacchabdena kriyāyāḥ pradhānabhūtaṃ phalaṃ nirdiśyate. yadarthaḥ prayojanaṃ yasya kriyārambhasya phalamātrasya grahamabhipretaṃ syāt, tadā phalagrahaṇamanarthakaṃ syāt; vyavacchedyābhāvat. nāstyeva hi sa viṣayo yatra kriyāphalaṃ katrtāraṃ nābhipraiti; tataśca katrrabhiprāye kriyāyā ityedaṃ brāuyāt. evamapyukte ṣaṣṭha()ā kriyāyāḥ sambandhini katrrabhiprāye pratyāyite sāmathryāt phamaleva kriya#āyāḥ katrrabhiprāyaṃ gamyate. na hi phalānyat kriyāsambandhi katrtāramabhipraiti. tasmāt phalagrahaṇasāmathryāt pradhānaṃ phalaṃ gṛhrate. atha vā-- pradhānatvādeva pradhānaṃ phalaṃ gṛhrate. tathā coktam-- pradhāne kāryasampratyayāt siddhamiti. asmin vyākhyāne phalagrahaṇaṃ spaṣṭārtham, kartaryātmanepadavidhānāt. pratyāsattaryastasya vācyaḥ katrtā yadi tasyaiva tat phalaṃ bhavatīti vijñāyata ityāha-- "tacca" ityādi. gatārtham. "svargādi" iti. ādiśabdenaudanādikamapi gṛhrate. "tathāpi" ityādinā dakṣiṇādeḥ phalasyāpradhānyaṃ darśayati. yadarthaṃ sā kriyārabhyate tatpradhānamihopāttaṃ phalam. svargādyarthaṃ ca yāgādikriyā'‌'rabhyate; na dakṣiṇādyartham. ato'prayojakatvāttadapradhām. tena yadyapi tat katrtāramabhipraiti tathāpyātmanepadaṃ na bhavati. athābhipragrahaṇaṃ kimartham? viprakṛṣṭe'pi phale yathā syāt dvividhaṃ hi kriyāphalam-- āsannam, viprakṛṣṭañca. tatrāsannam-- yasya vyāpārānantarameva niṣpattiḥ. viprakṛṣṭantu-- uparateṣu vyāpāreṣu yannimittāntaramapekṣya kālaviprakarṣakṛtaṃ saṃskāraparipākāccirādbhavati. tatrādyamāsannatvāt dṛṣṭatvādutpatiṃ()ta pratyavyabhicārācca pradhānamam. itarat punarviprakṛṣṭatvādanumeyatvāt sambhavavyabhicārāccotpatiṃ()ta prati vyabhicāraḥ. yadyapi taduddiśya kriyārambhāt tadapi pradhānam, tathāpyaviprakṛṣṭaphalāpekṣayā tasyāprādhānyamastyeva. tatra yadyabhipragrahaṇaṃ na kriyeta, tadā lunīta punīta ityādāveva syāt-- yatrāviprakṛṣṭaṃ kriyāphalam. yajate ityādau tu na syāt-- yatra viprakṛṣṭaṃ svargādikaṃ kriyāphalam, pradhāne kāryasampratyayāt. abhigrahaṇe tu na doṣaḥ; yasmādabhirābhimukhye vatrtate, praśabdasattvārambhe. tena prārambhamātrasyābhimukhye phalaniṣpattau buddhāvāśrīyamāṇāyāṃ sarvatra siddhaṃ bhavati. nanu cāsatyabhipragrahaṇe prakṛtīnāṃ yajiprabhṛtīnāmanubandhaviśeṣāsañjanādeva viprakṛṣṭe'pi phale bhaviṣyatica anyathā hi tasya vaiyathryaṃ syāt, na; abhicārādau yatrāviprakṛṣṭaṃ phalaṃ dṛṣṭamasti tatra tasya sārthakatvāt. tasmādviprakṛṣṭe'pyapradhāne phale syādityevamarthamipragrahaṇaṃ katrtavyameva॥

svaritañitaḥ kartrabhiprāye kriyāphale 381, 1.3.72 svariteto ñitaśca dhātorātmanepadaṃ syātkartṛgāmini kriyāphale॥

svaritañitaḥ. svaritaśca ñ ca svaritañau, tau itau yasya tasmāditi bahuvrīhiḥ. icchabdaḥ pratyekaṃ sambadhyate. tadāha– svariteto ñitaśceti. dhātorityanantaraṃ `lasya sthāne'iti śeṣaḥ. kartāramabhipraiti gacchatīti `katrrabhiprāyam'. karmaṇyaṇ. tadāha– kartṛgāminīti. evaṃ ca `hotā yājyayā yajatī'tyādau yāgaphalasya svargasya yajamānagāmitvena hotṛgāmitvā'bhāvānnātmanepadam. tathā `vetanena yajñadattabhṛto devadattaḥ pacatī'tyatrāpi pākaphalasya bhojanasya paktṛgāmitvā'bhāvānnātmanepadam. dakṣiṇādilābhastu na phalam. lokato vedato vā yaduddeśena kriyāpravṛttistasyaivātra kriyāphalaśabdena. vivakṣitvāt. kartṛgāmiphalakakriyāvṛtterdhātorityarthaḥ. ātmanepadaṃ tu dhātvarthaphalasya kartṛgāmitvaṃ dyotayatītyalam.

svaritañitaḥ katrrabhiprāyekriyāphale 8, 1.3.72 svaritañitaḥ. svaritaśca ñ ca svaritañau, tau itau yasya tasmāditi bahuvrīhiḥ. icchabdaḥ pratyekaṃ sambadhyate. tadāha-- svariteto ñitaśceti. dhātorityanantaraṃ "lasya sthāne"iti śeṣaḥ. kartāramabhipraiti gacchatīti "katrrabhiprāyam". karmaṇyaṇ. tadāha--kartṛgāminīti. evaṃ ca "hotā yājyayā yajatī"tyādau yāgaphalasya svargasya yajamānagāmitvena hotṛgāmitvā'bhāvānnātmanepadam. tathā "vetanena yajñadattabhṛto devadattaḥ pacatī"tyatrāpi pākaphalasya bhojanasya paktṛgāmitvā'bhāvānnātmanepadam. dakṣiṇādilābhastu na phalam. lokato vedato vā yaduddeśena kriyāpravṛttistasyaivātra kriyāphalaśabdena. vivakṣitvāt. kartṛgāmiphalakakriyāvṛtterdhātorityarthaḥ. ātmanepadaṃ tu dhātvarthaphalasya kartṛgāmitvaṃ dyotayatītyalam.

pūrvavadicchabdaḥ pratyekaṃ saṃbadhyate. kartāramabhipraiti gacchatīti katrrabhiprāyam. `karmaṇyaṇ'. dhātoriti. dhātorlasyetyarthaḥ. lakāradhātvorākṣepaḥ pūrvavadbodhyaḥ.

svaritañitaḥ katrrabhiprāye kriyāphale 8, 1.3.72 pūrvavadicchabdaḥ pratyekaṃ saṃbadhyate. kartāramabhipraiti gacchatīti katrrabhiprāyam. "karmaṇyaṇ". dhātoriti. dhātorlasyetyarthaḥ. lakāradhātvorākṣepaḥ pūrvavadbodhyaḥ.