ṇeḥ iti vartate. akartrabhiprāyārtho 'yamārambhaḥ. vibheteḥ smayateśca ṇyantādātmanepadaṃ bhavati hetubhaye. hetuḥ prayojakaḥ kartā lakāravācyaḥ, tataśced bhayaṃ bhavati. bhayagrahaṇam upalakṣaṇārtham, vismayo 'pi tata eva? jaṭilo bhīṣayate. muṇḍo bhīṣayate. jaṭilo vismāpayate. muṇḍo vismāpayate. hetubhaye iti kim? kuñcikayainaṃ bhāyayati. rūpeṇa vismāyayati. atra kuñcikā bhayasya karaṇam, na hetuḥ.

bhīsmyor hetubhaye 1.3.68 ṇeḥ iti vartate. akartrabhiprāyārtho 'yamārambhaḥ. vibheteḥ smayateśca ṇyantādātmanepadaṃ bhavati hetubhaye. hetuḥ prayojakaḥ kartā lakāravācyaḥ, tataśced bhayaṃ bhavati. bhayagrahaṇam upalakṣaṇārtham, vismayo 'pi tata eva? jaṭilo bhīṣayate. muṇḍo bhīṣayate. jaṭilo vismāpayate. muṇḍo vismāpayate. hetubhaye iti kim? kuñcikayainaṃ bhāyayati. rūpeṇa vismāyayati. atra kuñcikā bhayasya karaṇam, na hetuḥ.

bhīsmyorhetubhaye. , 1.3.68 "hetubhaye"iti. hetorbhayaṃ hetubhayamiti. "pañcamī bhayena" 2.1.36 iti samāsaḥ. bhītirbhayam = trāsaḥ, aniṣṭāpātāśaṅkā. "tataścadbhayaṃ bhavati" iti. yadi tato hetusaṃjñakāt prayojakādbhayaṃ bhavatyevamātmanepadaṃ bhavati, nānyatheti. yadyevam,smayatyartho na viśeṣitaḥ syāt; yasmādbhayaṃ bibheterevārtho na smarateḥ, tataśca rūpeṇa vismāyayatītyavamādāvapyātmanepadaṃ syāt. muṇḍo vismāpayata ityādau na syādityata āha-- "bhayagrahaṇam" ityādi. bhayagrahaṇaṃ hi dhātvarthopalakṣaṇārtham. dhātvarthaścet prayojakādbhavatītyayamartho vivakṣitaḥ.tena vismayo'pi yadi tata eva hetorbhavati yadyeṣo'rtho labhyata iti smayatyartho'pi viśeṣita eva. vismayaḥ = āścaryam. "muṇḍaḥ" iti. muṇḍaguṇopetatvānmuṇḍaḥ. "bhīṣayate" iti. "ñibhī bhaye" (dhā.pā.1084),"vibhāṣā līyateḥ" 6.1.50 ityato vibhāṣāgrahaṇānuvṛtteḥ "bibheterhetubhaye" 6.1.55 iti pakṣa āttvam. "bhiyo hetubhaye ṣuk" 7.3.40 iti ṣuk. "vismāpayate" iti. "{ṣmiṅa"-dhātupāṭhaḥ} smiṅa īṣaddhasane" (dhā.pā.948). "nityaṃ smayateḥ" 6.1.56 ityāttvam;rtihyī" 7.3.36 ityādinā puk. "kuñcikayainaṃ bhāyayati" iti. karaṇādatra bhayam, na hetoḥ prayojakāt. tenātmanepadaṃ na bhavati. ṣugapyatra na bhavati, sa hīkārāntasyaiveṣyate, "bhiyo hetubhaye ṣuk" 7.3.40 ityatra bhī ī-- itīkārapraśleṣanirddeśāt. "rūpeṇa vismāyayati" iti. atra karaṇādeva vismayaḥ;na hetoḥ॥

bhīsmyorhetubhaye. `anudāttaṅitaḥ'ityata ātmanepadamiti, `ṇeraṇau' ityato ṇeriti cānuvartate. hetuḥ- prayojakaḥ. tadāha - ābhyāṃ ṇyantābhyāmityādi akatrrabhiprāyārthamidam. nanu hetoścedbhayasmayāvityanuvapapannaṃ, sūtre smayagrahaṇā'bhāvādityata āha–sūtre bhayeti. sūtre bhayagrahaṇaṃ smiṅghātvarthasya smayasyāpyulakṣaṇamityarthaḥ. muṇḍo bhāpayate iti. atra āttvaṃ puk, ātmanepadaṃ ca. bhiya āttvā'bhāvapakṣe viśeṣamāha–

bhīsmyorhetubhaye 422, 1.3.68 bhīsmyorhetubhaye. "anudāttaṅitaḥ"ityata ātmanepadamiti, "ṇeraṇau" ityato ṇeriti cānuvartate. hetuḥ- prayojakaḥ. tadāha - ābhyāṃ ṇyantābhyāmityādi akatrrabhiprāyārthamidam. nanu hetoścedbhayasmayāvityanuvapapannaṃ, sūtre smayagrahaṇā'bhāvādityata āha--sūtre bhayeti. sūtre bhayagrahaṇaṃ smiṅghātvarthasya smayasyāpyulakṣaṇamityarthaḥ. muṇḍo bhāpayate iti. atra āttvaṃ puk, ātmanepadaṃ ca. bhiya āttvā'bhāvapakṣe viśeṣamāha--

bhīsmyoḥ. vyatyayena ṣaṣṭhītyāha— ābhyāmiti. `ṇeraṇau' ityato ṇerityanuvṛtteṇryantābhyāmeva vidhirakatrrabhiprāyārthaḥ.

bhīsmyorhetubhaye 370, 1.3.68 bhīsmyoḥ. vyatyayena ṣaṣṭhītyāha--- ābhyāmiti. "ṇeraṇau" ityato ṇerityanuvṛtteṇryantābhyāmeva vidhirakatrrabhiprāyārthaḥ.