1/23:kṛñgrahaṇam kimartham |
2/23:iha mā bhūt |
3/23:īhāmāsa īhāmāsatuḥ īhāmāsuḥ |
4/23:katham ca atra asteḥ anuprayogaḥ bhavati |
5/23:pratyāhāragrahaṇam tatra vijñāyate |
6/23:katham punaḥ jñāyate tatra pratyāhāragrahaṇam iti |
7/23:iha kṛñgrahaṇāt |
8/23:iha kasmāt pratyāhāragrahaṇam na bhavati |
9/23:iha eva kṛñgrahaṇāt |
10/23:atha iha kasmāt na bhavati |
11/23:udumbhām cakāra udubjām cakāra |
12/23:nanu ca āmpratyayavat iti ucyate na ca atra āmpratyayāt ātmanepadam paśyāmaḥ |
13/23:na brūmaḥ anena iti |
14/23:kim tarhi |
15/23:svaritañitaḥ kartrabhiprāye kriyāphale ātmanepadam bhavati iti |
16/23:na eṣaḥ doṣaḥ |
17/23:iha niyamārtham bhaviṣyati |
18/23:āmpratyayavat eva iti |
19/23:yadi niyamārtham vidhiḥ na prakalpate |
20/23:īhām cakre ūhām cakre iti |
21/23:vidhiḥ ca prakḷptaḥ |
22/23:katham pūrvavat iti vartate |
23/23:āmpratyayavat pūrvavat ca iti |

akartrabhiprāyārtho 'yamārambhaḥ. āmpratyayo yasmāt so 'yamāmpratyayaḥ. āmpratyayasya iva dhātoḥ kṛño 'nuprayogasya ātmanepadaṃ bhavati. īkṣāñcakre. īhāñcakre. yadi vidhyartham etat, tarhi udubjāñcakāra, udumbhāñcakāra iti kartrabhiprāye kriyāphale atmanepadaṃ prāpnoti. na eṣa doṣaḥ. ubhayam anena kriyate, vidhiḥ niyamaśca. katham? pūrvavatiti vartate. sa dvitīyo yatno niyamārtho bhaviṣyati. kṛñaḥ iti kim? īkṣāmāsa. īkṣāmbabhūva. kathaṃ punarasya anuprayogaḥ yāvatā kṛñ ca anuprayujyate liti 3-1-40 ityucyate? kṛñiti pratyāhāragrahaṇaṃ tatra vijñāyate. kva saṃniviṣṭānāṃ pratyāhāraḥ? abhūtatadbhāve kṛbhvastiyoge sampadyakartari cviḥ 5-4-50 iti kṛśabdādārabhya yāvat kṛño dvitīyatṛtīyaśambabījāt kṛṣau 5-4-58 iti ñakaram.

āmpratyayavat kṛño 'nuprayogasya 1.3.63 akartrabhiprāyārtho 'yamārambhaḥ. āmpratyayo yasmāt so 'yamāmpratyayaḥ. āmpratyayasya iva dhātoḥ kṛño 'nuprayogasya ātmanepadaṃ bhavati. īkṣāñcakre. īhāñcakre. yadi vidhyartham etat, tarhi udubjāñcakāra, udumbhāñcakāra iti kartrabhiprāye kriyāphale atmanepadaṃ prāpnoti. na eṣa doṣaḥ. ubhayam anena kriyate, vidhiḥ niyamaśca. katham? pūrvavatiti vartate. sa dvitīyo yatno niyamārtho bhaviṣyati. kṛñaḥ iti kim? īkṣāmāsa. īkṣāmbabhūva. kathaṃ punarasya anuprayogaḥ yāvatā kṛñ ca anuprayujyate liti 3.1.40 ityucyate? kṛñiti pratyāhāragrahaṇaṃ tatra vijñāyate. kva saṃniviṣṭānāṃ pratyāhāraḥ? abhūtatadbhāve kṛbhvastiyoge sampadyakartari cviḥ 5.4.50 iti kṛśabdādārabhya yāvat kṛño dvitīyatṛtīyaśambabījāt kṛṣau 5.4.58 iti ñakaram.

āmpratyayavatkṛño'nuprayogasya. , 1.3.63 "āmpratyayavatiti. "tatra tasyeva" 5.1.115 iti ṣaṣṭhīsamarthādvatiḥ. "kṛño'nuprayogasya" iti samānādhikaraṇe ṣaṣṭhyau. "īkṣāñcakre" ityādi. "īkṣa darśane" (dhā.pā.610), "īha ceṣṭāyām" (dhā.pā.632), "ūha vitarke" (dhā.pā.648) liṭ, "ijādeḥ" 3.1.36 ityādi'‌'nām, "āmaḥ" 2.4.81 iti lerluk; prātipadikatvāt supa prāptaḥ; suḥ, svarāditvādavyayatvāt subluk, "kṛñca" 3.1.40 ityādinā kṛño liṭparasyānuprayogaḥ. "akatrrabhiprāyāyartho'yamārambhaḥ" iti brāuvatā vidhyarthametadityuktaṃ bhavati. tatrāsminvidhyarthe yo doṣastamudbhāvayitumāha-- "yadi" ityādi. "udubjāñcakāra" iti. "ubja ārjave"(dhā.pā. 1303), utpūrvālliṭ, pūrvavadām. "parasmaipadānām" 3.4.82 ityādinā tipo ṇal. "udumbhāñcakāra" iti. "ubha umbha pūraṇe" (dhā.1319, 1320) "ubhayam" ityādinā parihāraḥ. "kathamiti? ekena prayatnenāśakyametadubhayaṃ karttumityata āha-- "pūrvavat" ityādi. naivātreko yatnaḥ, kiṃ tarhi? dvau-- "āmpratyayavat" ityeko yatnaḥ,pūrvavadgrahaṇamanuvatrtamānaṃ dvitīyaḥ. tatra pūvaṇa yatnena vidhiḥ kriyate, itareṇa niyamaḥ. yadyanuprayogasya kṛña ātmanepadaṃ bhavati, pūrvavadeva; nānyathā. tenodubjāñcakāretyenamādau na bhavati. na hrubjādīnāmātmanepadaṃ sambhavati, parasmaipaditvāt. "īkṣāmāsa" iti. ām, asteranuprayogaḥ. "īkṣāmbabhūva" iti. "bhavetaraḥ" 7.4.73 "kṛñca" 3.1.40 ityatra karotereva grahaṇamityabhiprāyeṇāha-- "kathaṃ punaḥ" ityādi. "kṛñiti pratyāhāragrahaṇam" ityādi. tatra pratyāhare.ḍastibhavatyorapi sannideśaḥ.?tastayorapyanuprayogo bhavatīti bhāvaḥ. yadyavam, sampado'pyanuprayogaḥ prāpnoti,tasyāpi tatra sanniveśostyeva; "abhividhau sampadā ca" 5.4.53 iti vacanāt. satyapi sanniveśe nāsau pratyāhāragrahaṇana gṛhrata ityadoṣaḥ. yathā tasyāgrahaṇaṃ tatottaratra prastāvāntare pratipadāyiṣyāmaḥ. athāmpratyayavaditi kim? asati hi tasminnanuprayogamātrasyātmanepadaṃ syāt-- devadattaḥ karotīti? atrāpi pūrvavadityanuvatrtate. tathāpīha syāt-- īhate, karotīti? "āmpratyayam" ityucyamāne pratyāsatterāma evānuprayogasyeti gamyate, nānuprayogamātre, tenātiprasaṅgo na bhavati॥

āmpratyayo yasmādityatadguṇasaṃvijñāno bahuvrīhiḥ. āmprakṛtyā tulyamanuprayujyamānāt kṛño'pyātmanepadam..

āmpratyayavatkṛño'nuprayogasya 514, 1.3.63 āmpratyayo yasmādityatadguṇasaṃvijñāno bahuvrīhiḥ. āmprakṛtyā tulyamanuprayujyamānāt kṛño'pyātmanepadam॥

āmpratyayava. `anudāttaṅita' ityata ātmanepadamityanuvartate. tatrāmpratyayasyātmanepadā'bhāvādāha– atadguṇasaṃvidhāno bahuvrīhiriti. tasya = anyapadārthasya, guṇāḥ = viśeṣamāni vartipadārtharūpāṇi,teṣāṃ saṃvijñānaṃ = kriyānvayo na tu citrāṇāṃ gavāmapi. tathā ca prakṛte āmpratyayavinirmukta āmpratyayaprakṛtibhūta edhādidhātureva āmpratyayavinirmukta āmpratyayaprakṛtibhūta edhādidhātureva āmpratyayaśabdena labhyata iti bhāvaḥ. `āmpratyava'diti tṛtīyāntādvatiḥ. anuprayujyata ityanuprayogaḥ. karmaṇi ghañ. pañcamyarthe ṣaṣṭhī. tadāha–āmprakṛtyetyādinā. āmprakṛterbhavituṃ yogyaṃ yadātmanepadaṃ tat anuprayujyamānātkṛño'pi syāditi yāvat. atra na pratyāhāragrahaṇam, `anuprayogasye'tyeva siddhe kṛñgrahaṇādiha na pratyāhāragrahaṇa'miti bhāṣyam. paragāminyapi kriyāphale kṛñdhātorātmanepadārtho'yamārambhaḥ. indaṃcakāretyādau tu paragāmini kriyāphale nā'nenātmanepadam, āmprakṛteḥ `idi paramai\ufffdārye' iti dhātorātmanepadā'bhāvāt, tasya parasmaipaditvāt. etadarthameva āmpratyayavadityupāttam. nanvindāṃcakāretyādau māstvamanena sūtreṇa paragāmini kriyāphale ātmanepadam. ātmagāmini tu kriyāphale `svaratañita' ityātmanepadaṃ durvāram. asya sūtrasya edhāñcakra ityādau paragāmini kriyāphale ātmanepadasyā'prāptasya vidhāna eva samarthatayā ātmagāmini kriyāphale `svaritañita' iti prāptasyātmanepadasya nivāraṇe sāmathryā'bhāvādityata āha– iheti. iha = `āmpratyayavatkṛño'nuprayogasye'ti sūtre `pūrvavatsanaḥ' iti pūrvasūtrātpūrvavadityanuvarttya `āmpratyayavatkṛño'nuprayogasye'tyekaṃ vākyaṃ, `pūrvavatkṛño'nuprayogasye'ti anyadvākyamati vākyadvayaṃ saṃpādyam. tatra pūrvavaditi tṛtīyāntādvatiḥ. pūrveṇa = pūrvaprayuktena edhādidhātunā, tulyamityartha-. tatra vākyadvayasya samānārthakatve vaiyathryāddvitīyaṃ vākyaṃ niyamārthaṃ saṃpadyate. `pūrvavadeva ātmanepadaṃ na tu tadviparīta' miti. evaṃ ca pūrvavākyena edhāñcakre ityādau kṛñaḥ paragāminyapi kriyāphale ātmanepadavidhiḥ, dvitīyavākyena tu indāñcakāretyādau kartṛgāmini kriyāphale `svaritañita' ityātmanepadasya nivṛttiḥ phalati. tadāha –teneti. dvitīyavākyenetyarthaḥ. na taṅiti. na ātmanepadamatyarthaḥ. evaṃ cā'nuprayujyamānātkṛño liṭastaṅi prathamapuruṣaikavacane tādeśe edhām kṛ ta iti sthite–.

āmpratyayavatkṛño'nuprayogasya 86, 1.3.63 āmpratyayava. "anudāttaṅita" ityata ātmanepadamityanuvartate. tatrāmpratyayasyātmanepadā'bhāvādāha-- atadguṇasaṃvidhāno bahuvrīhiriti. tasya = anyapadārthasya, guṇāḥ = viśeṣamāni vartipadārtharūpāṇi,teṣāṃ saṃvijñānaṃ = kriyānvayo na tu citrāṇāṃ gavāmapi. tathā ca prakṛte āmpratyayavinirmukta āmpratyayaprakṛtibhūta edhādidhātureva āmpratyayavinirmukta āmpratyayaprakṛtibhūta edhādidhātureva āmpratyayaśabdena labhyata iti bhāvaḥ. "āmpratyava"diti tṛtīyāntādvatiḥ. anuprayujyata ityanuprayogaḥ. karmaṇi ghañ. pañcamyarthe ṣaṣṭhī. tadāha--āmprakṛtyetyādinā. āmprakṛterbhavituṃ yogyaṃ yadātmanepadaṃ tat anuprayujyamānātkṛño'pi syāditi yāvat. atra na pratyāhāragrahaṇam, "anuprayogasye"tyeva siddhe kṛñgrahaṇādiha na pratyāhāragrahaṇa"miti bhāṣyam. paragāminyapi kriyāphale kṛñdhātorātmanepadārtho'yamārambhaḥ. indaṃcakāretyādau tu paragāmini kriyāphale nā'nenātmanepadam, āmprakṛteḥ "idi paramai()ārye" iti dhātorātmanepadā'bhāvāt, tasya parasmaipaditvāt. etadarthameva āmpratyayavadityupāttam. nanvindāṃcakāretyādau māstvamanena sūtreṇa paragāmini kriyāphale ātmanepadam. ātmagāmini tu kriyāphale "svaratañita" ityātmanepadaṃ durvāram. asya sūtrasya edhāñcakra ityādau paragāmini kriyāphale ātmanepadasyā'prāptasya vidhāna eva samarthatayā ātmagāmini kriyāphale "svaritañita" iti prāptasyātmanepadasya nivāraṇe sāmathryā'bhāvādityata āha-- iheti. iha = "āmpratyayavatkṛño'nuprayogasye"ti sūtre "pūrvavatsanaḥ" iti pūrvasūtrātpūrvavadityanuvarttya "āmpratyayavatkṛño'nuprayogasye"tyekaṃ vākyaṃ, "pūrvavatkṛño'nuprayogasye"ti anyadvākyamati vākyadvayaṃ saṃpādyam. tatra pūrvavaditi tṛtīyāntādvatiḥ. pūrveṇa = pūrvaprayuktena edhādidhātunā, tulyamityartha-. tatra vākyadvayasya samānārthakatve vaiyathryāddvitīyaṃ vākyaṃ niyamārthaṃ saṃpadyate. "pūrvavadeva ātmanepadaṃ na tu tadviparīta" miti. evaṃ ca pūrvavākyena edhāñcakre ityādau kṛñaḥ paragāminyapi kriyāphale ātmanepadavidhiḥ, dvitīyavākyena tu indāñcakāretyādau kartṛgāmini kriyāphale "svaritañita" ityātmanepadasya nivṛttiḥ phalati. tadāha --teneti. dvitīyavākyenetyarthaḥ. na taṅiti. na ātmanepadamatyarthaḥ. evaṃ cā'nuprayujyamānātkṛño liṭastaṅi prathamapuruṣaikavacane tādeśe edhām kṛ ta iti sthite--.

āmpratyayavat. āmpratyayāntasyātmanepadā'bhāvādāha– atadguṇa iti. āmprakṛtyā tulyamanuprayujyamānāditi. tṛtīyāntādvatiḥ. anuprayogasyetyatra karmaṇi ghañiti bhāvaḥ. `anudāttaṅita' ityato'nuvartanādāha– ātmanepadaṃ syāditi. evamaprāptasya vidhāne'pi prāptasya nivāraṇamanenaiva sūtreṇa na saṃbhavatītyata āha- - vākyabhedeneti. atra ca pramāṇamāmpratyayavaditi vacanameva. anyatā pūrvavadityanuvṛttyaivānuprayogasya kṛña āmaḥ pūrveṇa tulyamityarthalabhādiṣṭasiddheḥ kiṃ tena `āmpratyayava'dityanena.

āmpratyayavatkṛño'nuprayogasya 67, 1.3.63 āmpratyayavat. āmpratyayāntasyātmanepadā'bhāvādāha-- atadguṇa iti. āmprakṛtyā tulyamanuprayujyamānāditi. tṛtīyāntādvatiḥ. anuprayogasyetyatra karmaṇi ghañiti bhāvaḥ. "anudāttaṅita" ityato'nuvartanādāha-- ātmanepadaṃ syāditi. evamaprāptasya vidhāne'pi prāptasya nivāraṇamanenaiva sūtreṇa na saṃbhavatītyata āha-- vākyabhedeneti. atra ca pramāṇamāmpratyayavaditi vacanameva. anyatā pūrvavadityanuvṛttyaivānuprayogasya kṛña āmaḥ pūrveṇa tulyamityarthalabhādiṣṭasiddheḥ kiṃ tena "āmpratyayava"dityanena.