1/22:kim idam pūrvagrahaṇam sanapekṣam |
2/22:prāk sanaḥ yebhyaḥ ātmanepadm uktam tebhyaḥ sanantebhyaḥ api bhavati iti |
3/22:āhosvit yogāpekṣam |
4/22:prāk etasmāt yogāt yebhyaḥ ātmanepadam uktam tebhyaḥ sanantebhyaḥ ātmanepadam bhavati iti |
5/22:kim ca ataḥ |
6/22:yadi sanapekṣam nimittam aviśeṣitam bhavati |
7/22:pūrvavat sanaḥ na jñāyate kimantāt bhavitavyam |
8/22:atha yogāpekṣam uttaratra vidhiḥ na prakalpate |
9/22:bubhukṣate upayuyukṣate iti |
10/22:yathā icchasi tathā astu |
11/22:astu tāvat sanapekṣam |
12/22:nanu ca uktam nimittam aviśeṣitam bhavati |
13/22:nimittam ca viśeṣitam |
14/22:katham |
15/22:sanam eva atra nimittatvena apekṣiṣyāmahe |
16/22:pūrvavat sanaḥ ātmanepadam bhavati |
17/22:kutaḥ sanaḥ iti |
18/22:atha vā punaḥ astu yogāpekṣam |
19/22:nanu ca uktam uttaratra vidhiḥ na prakalpate |
20/22:vidhiḥ ca prakḷptaḥ |
21/22:katham |
22/22:uttaratra api pūrvavat sanaḥ iti eva anuvartiṣyate |

1/50:kimartham punaḥ idam ucyate |
2/50:pūrvavat sanaḥ iti śadimriyatyartham |*
3/50:śadimriyatyarthaḥ ayam ārambhaḥ |
4/50:śadimriyatibhyām sanantābhyām ātmanepadam mā bhūt iti |
5/50:itarathā hi tābhyām sanantābhyām ātmanepadapratiṣedhaḥ |*
6/50:itarathā hi anucyamāne asmin tābhyām sanantābhyām ātmanepadasya pratiṣedhaḥ vaktavyaḥ syāt |
7/50:śiśitsati mumūrṣati |
8/50:katham punaḥ pūrvavat sanaḥ iti anena śadimriyatibhyām sanantābhyām ātmanepadasya pratiṣedhaḥ śakyaḥ vijñātum |
9/50:vatinirdeśaḥ ayam kāmacāraḥ ca vatinirdeśe vākyaśeṣam samarthayitum |
10/50:tat yathā : uśīnaravat madreṣu yavāḥ |
11/50:santi na santi iti |
12/50:mātṛvat asyāḥ kalāḥ |
13/50:santi na santi |
14/50:evam iha api pūrvavat bhavati na bhavati iti |
15/50:na bhavati iti vākyaśeṣam samarthayiṣyāmahe |
16/50:yathā pūrvayogayoḥ sanantābhyām ātmanepadam na bhavati evam iha api śadimriyatibhyām sanantābhyām ātmanepadam na bhavati iti |
17/50:yadi tarhi śadimriyatyarthaḥ ayam ārambhaḥ vidhiḥ na prakalpate |
18/50:āsisiṣate śiśayiṣate |
19/50:atha vidhyarthaḥ śadimriyatibhyām sanantābhyām ātmanepadam prāpnoti |
20/50:yathā icchasi tathā astu |
21/50:astu tāvat pratiṣedhārthaḥ |
22/50:nanu ca uktam vidhiḥ na prakalpate iti |
23/50:vidhiḥ ca prakḷptaḥ |
24/50:katham |
25/50:etat eva jñāpayati sanantāt ātmanepadam bhavati iti yat ayam śadimriyatibhyām sanantābhyām ātmanepadasya pratiṣedham śāsti |
26/50:atha vā punaḥ astu vidhyarthaḥ |
27/50:nanu ca uktam śadimriyatibhyām sanantābhyām ātmanepadam prāpnoti iti |
28/50:na eṣaḥ doṣaḥ |
29/50:prakṛtam sanaḥ na iti anuvartiṣyate |
30/50:kva prakṛtam |
31/50:jñāśrusmṛdṛśām sanaḥ na anoḥ jñaḥ |
32/50:sakarmakāt sanaḥ na |
33/50:pratyāṅbhyām śruvaḥ sanaḥ na |
34/50:śadeḥ śitaḥ sanaḥ na |
35/50:mriyateḥ luṅliṅoḥ ca sanaḥ na iti |
36/50:iha idānīm pūrvavat sanaḥ iti sanaḥ iti vartate na iti nivṛttam |
37/50:evam ca kṛtvā saḥ api adoṣaḥ bhavati yat uktam nimittam aviśeṣitam bhavati iti |
38/50:na eva vā punaḥ atra śadimriyatibhyām sanantābhyām ātmanepadam prāpnoti |
39/50:kim kāraṇam |
40/50:śadeḥ śitaḥ iti ucyate na ca śadiḥ eva ātmanepadasya nimittam |
41/50:kim tarhi |
42/50:śit api nimittam |
43/50:atha api śadiḥ eva śitparaḥ tu nimittam |
44/50:na ca ayam sanparaḥ śitparaḥ bhavati |
45/50:yatra tarhi śit na āśrīyate mriyateḥ luṅliṅoḥ ca iti |
46/50:atra api na mriyatiḥ eva ātmanepadasya nimittam |
47/50:kim tarhi |
48/50:luṅliṅau api nimittam |
49/50:atha api mriyatiḥ eva luṅliṅparaḥ tu nimittam |
50/50:na ca ayam sanparaḥ luṅliṅparaḥ bhavati |

1/27:kim punaḥ pūrvasya yat ātmanepadadarśanam tat sanantasya api atidiśyate |
2/27:evam bhavitum arhati |
3/27:pūrvasya ātmanepadadarśanāt sanantāt ātmanepadabhāvaḥ iti cet gupādiṣu aprasiddhiḥ |*
4/27:pūrvasya ātmanepadadarśanāt sanantāt ātmanepadabhāvaḥ iti cet gupādiṣu aprasiddhiḥ |
5/27:gupādīnām na prāpnoti |
6/27:jugupsate mīmāṃsate iti |
7/27:na hi etebhyaḥ prāk sanaḥ ātmanepadam na api parasmaipadam paśyāmaḥ |
8/27:siddham tu pūrvasya liṅgātideśāt |*
9/27:siddham etat |
10/27:katham |
11/27:pūrvasya yat ātmanepadaliṅgam tat sanantasya api atidiśyate |
12/27:kṛñādiṣu tu liṅgapratiṣedhaḥ |*
13/27:kṛñādiṣu tu liṅgapratiṣedhaḥ vaktavyaḥ |
14/27:anucikīrṣati parācikīrṣati iti |
15/27:astu tarhi prāk sanaḥ yebhyaḥ ātmanepadam dṛṣṭam tebhyaḥ sanantebhyaḥ api bahvati iti |
16/27:nanu ca uktam pūrvasya ātmanepadadarśanāt sanantāt ātmanepadabhāvaḥ iti cet gupādiṣu aprasiddhiḥ iti |
17/27:na eṣaḥ doṣaḥ |
18/27:anubandhakaraṇasāmarthyāt bhaviṣyati |
19/27:atha vā avayave kṛtam liṅgam samudāyasya viśeṣakam bhavati |
20/27:tat yathā goḥ sakthani karṇe vā kṛtam liṅgam samudāyasya viśeṣakam bhavati |
21/27:yadi avayave kṛtam liṅgam samudāyasya viśeṣakam bhavati jugupsayati mīmāṃsāyati iti atra api prāpnoti |
22/27:na eṣaḥ doṣaḥ |
23/27:avayave kṛtam liṅgam kasya samudāyasya viśeṣakam bhavati |
24/27:yam samudāyam yaḥ avayavaḥ na vyabhicarati |
25/27:sanam ca na vyabhicarati |
26/27:ṇicam punaḥ vyabhicarati |
27/27:tat yathā goḥ sakthani karṇe vā kṛtam liṅgam goḥ eva viśeṣakam bhavati na gomaṇḍalasya |

1/21:pratyayagrahaṇam ṇijartham |*
2/21:pratyayasya grahaṇam kartavyam |
3/21:pūrvavat pratyayāt iti vaktavyam |
4/21:kim prayojanam |
5/21:ṇijartham |
6/21:ṇijantāt api yathā syāt iti |
7/21:ākusmayate vikusmayate hṛṇīyate mahīyate iti| tatra kaḥ doṣaḥ |
8/21:tatra hetumaṇṇicaḥ pratiṣedhaḥ |*
9/21:tatra hetumaṇṇicaḥ pratiṣedhaḥ vaktavyaḥ |
10/21:āsayati śāyayati |
11/21:sūtram ca bhidyate |
12/21:yathānyāsam eva astu |
13/21:katham ākusmayate vikusmayate hṛṇīyate mahīyate iti| anubandhakaraṇasāmarthyāt bhaviṣyati |
14/21:atha vā avayave kṛtam liṅgam samudāyasya viśeṣakam bhavati |
15/21:tat yathā goḥ sakthani karṇe vā kṛtam liṅgam samudāyasya viśeṣakam bhavati |
16/21:yadi avayave kṛtam liṅgam samudāyasya viśeṣakam bhavati hṛṇīyayati mahīyayati atra api prāpnoti |
17/21:avayave kṛtam liṅgam kasya samudāyasya viśeṣakam bhavati |
18/21:yam samudāyam yaḥ avayavaḥ na vyabhicarati |
19/21:yakam ca na vyabhicarati |
20/21:ṇicam tu vyabhicarati |
21/21:tat yathā goḥ sakthani karṇe vā kṛtam liṅgam goḥ eva viśeṣakam bhavati na gomaṇḍalasya |

sanaḥ pūrvo yo dhātuḥ ātmanepadī, tadvat sannantādātmanepadam bhavati. yena nimittena pūrvasmādātmanepadaṃ vidhīyate tena eva sannantādapi bhavati. anudāttaṅita ātmanepadam 1-3-12 āste, śete. sannantādapi tadeva nimittam āsisiṣate, śiśayiṣate. ner viśaḥ 1-3-17) niviśate, nivivikṣate. āṅa udgamne (*1,3.40 ākramate, ācikraṃsate. iha na bhavati, śiśatsati, mumūrṣati. na hi śadimriyatimātram ātmanepadanimittam. kiṃ tarhi? śidādyapi, tac ca iha na asti. yasya ca pūrvatra eva nimittabhāvaḥ pratiśidhyate, tat sannanteśvapyanimittam anucikīrṣati. parācikīrṣati. iha jugupsate, mīmāṃsate iti? anudāttaṅita ityeva siddham ātmanepdam. avayave kṛtaṃ liṅgaṃ samudāyasya viśeṣakaṃ bhavati iti.

pūrvavat sanaḥ 1.3.62 sanaḥ pūrvo yo dhātuḥ ātmanepadī, tadvat sannantādātmanepadam bhavati. yena nimittena pūrvasmādātmanepadaṃ vidhīyate tena eva sannantādapi bhavati. anudāttaṅita ātmanepadam 1.3.12 āste, śete. sannantādapi tadeva nimittam āsisiṣate, śiśayiṣate. ner viśaḥ 1.3.17 niviśate, nivivikṣate. āṅa udgamne 1.3.40 ākramate, ācikraṃsate. iha na bhavati, śiśatsati, mumūrṣati. na hi śadimriyatimātram ātmanepadanimittam. kiṃ tarhi? śidādyapi, tac ca iha na asti. yasya ca pūrvatra eva nimittabhāvaḥ pratiśidhyate, tat sannanteśvapyanimittam anucikīrṣati. parācikīrṣati. iha jugupsate, mīmāṃsate iti? anudāttaṅita ityeva siddham ātmanepdam. avayave kṛtaṃ liṅgaṃ samudāyasya viśeṣakaṃ bhavati iti.

pūrvavatsanaḥ. , 1.3.62 "pūrvavat" iti. "tena tulyaṃ kriyā cedvatiḥ" 5.1.114 iti vatiḥ.. pūrvaśabdaḥ sambandhiśabdatvādavadhimapekṣate. sa cāvadhiḥ śrutatvātsanneva vijñāyata ityāha-- "sanaḥ pūrvo yo dhātuḥ" iti. yadyevam, avadhibhāvopagama eva sangrahaṇasyopayuktatvātta sannantādātmanepadaṃ bhavatīti, na tatraitallabhyate; kutastarhi syāt? dhātumātrāt, naitadasti; evaṃ hrātmanepadaṃ parasmaipadānukramaṇamanarthakaṃ syāt. atha pratyayāntāt syāt? evamapi sangrahaṇamanarthakaṃ syāt, pūrvavat pratyayāditi vācyaṃ syāt. tasmāt patryāsannaṃ sanaṃ tyaktvā na yuktvā na yuktā'nyanyasyāśrutasya parikalpaneti sanntādeva bhavatīti vijñāyate. "yena" ityādinā vatyarthamācaṣṭe. "tadeva nimittam" iti. anudāttetvaṃ ṅittvañca dhātvantarāvasthāyāmapi sannantādvacanasāmathryānnimittaṃ bhavati. "asisiṣate" iti. iṭi kṛte "ajāderdvitīyasya" 6.1.2 iti siśabdasya dvirvacanam. "nivivikṣate" iti. "viśa praveśane" (dhā.pā.1424), pūrvavat kittvaṣatvakatvāni. "ācikraṃsate" iti. ātmanepadanimittatvāt "snukramoranātmanepadanimitte" 7.2.36 itīṇ na bhavati. "śiśatsati", mumūrṣati"iti. atra sano yaḥ pūrvo bhāgaḥ, tasyātmanepadanimittatvamasti; śīyate, mriyata ityātmanapadadarśanāt. tata ātmanepadena bhavitavyamiti kasyacidbhrāntiḥ syāt, atastāṃ nirākartumāha-- "iha na bhavati" ityādi. kiṃ kāraṇamityāha-- "na hi" ityādi. kiṃ tarhi? "śidādyapi"iti. śicchabdenātra śidbhāvitvaṃ śitsambandhitvañcoktam. ādiśabdena luṅaliṅogrrahaṇam, tacceha nāstīti na hratra sanaḥ pūrvabhāgasya śidbhāvitvaṃ śitsambandhitvaṃ vāsti; śitpratyayasyāsmin viṣaye'tyantāsambhavāt, nāpi mriyateḥ parau luṅaliṅau staḥ; tasmānneha śadimriyatyorātmanepadanimittatvamastīti na bhavatyātmanepadam. iha tarhi kasmānna bhavati-- anucikīrṣati, parācikīrṣatīti? karoterhi gandhanādiṣvartheṣvātmanepadaṃ vihitam, atastdavivakṣāyāṃ sanantādapi tena bhavitavyamityāha-- "yasya ca" ityādi. gandhanādiṣvartheṣu pūrvatrāsanantāvasthāyām "anuparābhyāṃ kṛñaḥ" 1.3.79 ityanena parasmaipadavidhānāt karoterātmanepadābhāvaḥ kriyate. tasmādābhyāṃ sanantādapyātmanepadanimittābhāvānna bhavati. "atha jugupsate, mīmāṃsata ityatra kathamātmanepadam, yāvatā "pūrvavatsanaḥ" 1.3.62 ityucyate, na ca gupādiṣu sanaḥ prāgevātmanepadaṃ bhavatīti; ataḥ pūrvavadityatideśābhāvānna bhavitavyamātmanegadenetyata āha-- "iha" ityādi. "jugupsate"iti. "guptijkidbhyaḥ san" 3.1.5 iti san. "mīmāṃsate" iti. "mānabadha" 3.1.6 ityādinā san, abhyāsasya "sanyataḥ" 7.4.79 itītve dīrghaḥ. kathaṃ punariha "anudāttaṅita ātmanepadam" 1.3.12, yāvatā gupādāvavayave'nudāttetvaṃ liṅgam, na jugupsādau samudāya ityata āha -- "avayave kṛtam" ityādi. yathā goḥ karṇādāvavayave kṛtaṃ liṅagaṃ samudāyasya viśeṣakaṃ bhavati, tathā gupādāvavayave kṛtamanudāttettvaṃ samudāyasya jugupsa ityevamāderviśeṣakraṃ bhavati. yadyevam, gopayati, tejayati, saṅketayatītyevamādāvapi prāpnoti, satyam; syādetat-- avayavekṛtaṃ liṅagaṃ tasya samudāyasya gorviśeṣakaṃ bhavati, yaṃ samudāyaṃ so'vayavo na vyabhicarati; sanantaṃ punarna vyabhicarati; ṇijantantu vyabhicaratītyato'trātmanepadena na bhavitavyam; vātrtametat, sanantamapi vyabhicaratīti vināpi tena gopayatītyādau sambhavāt. tasmāt samudāyaṃ yaṃ gupādirna vyabhicarati, tasyāsambhavāt sarvasya gupādāvayave kṛtamanudāttettvaṃ liṅgaṃ samudāyasya viśeṣakaṃ bhaviṣyati. tataśca gopayatiprabhṛtibhyo'pyātmanepadaṃ prāpnotītyeva. evaṃ tarhi "nigaraṇacalanārthebhyaśca" 1.3.87 ityatra cakāro'nuktasamudhcayārthaḥ kriyate. tena gupādibhyo ṇyantebhyaḥ parasmaipadātmanepadāpavādo bhaviṣyati॥

pūrvavatsanaḥ. pūrveṇeva pūrvavat. `tena tulyaṭamiti tṛtīyāntadvatiḥ. pūrvaśabdena sanprakatirvivakṣitā. tadāha– sanaḥ pūrva ityādi. edidhiṣate iti. sanprakṛteredhadhātorātmanepaditvāttatprakṛtikasannantādātmanepadam. `nerviśaḥ' ityātmanepadavidhānāttatprakṛtakasannantādapi ātmanepadam. nanu `śadeḥ śitaḥ' `mriyaterluṅlaṅośce'tyasya grahaṇam. `śade'rityādisūtradvaye `pūrvavatsanaḥ' iti, `nānorjñaḥ' ityato neti cānuvarttya śadermriyateśca sannanatānnātmanepadamiti vyākhyeyamityarthaḥ. nanvevaṃ sati śīyate mriyate ityādāvātmanepadaṃ na labhyetetyata āha– vākyabhedeneti. `śadeḥ śitaḥ' mriyaterluṅliṅośce'tyekaṃ vākyam. śidbhāvinaḥ śaderātmanepadaṃ syāt, mṛṅo luṅliṅprakṛtibhūtāt, śitprakṛtabhūtāccātmanepadaṃ syānnānyatretyarthaḥ. tena śīyate mriyate mamāretyādi sidhyati. `sano ne'tyaparaṃ vākyam. śadeḥ, mriyateśca sannantānnātmanepadamityaparam. tena śiśatsati, mumūrṣati ityādau nātmanepadamityarthaḥ.

pūrvavatsanaḥ 558, 1.3.62 pūrvavatsanaḥ. pūrveṇeva pūrvavat. "tena tulyaṭamiti tṛtīyāntadvatiḥ. pūrvaśabdena sanprakatirvivakṣitā. tadāha-- sanaḥ pūrva ityādi. edidhiṣate iti. sanprakṛteredhadhātorātmanepaditvāttatprakṛtikasannantādātmanepadam. "nerviśaḥ" ityātmanepadavidhānāttatprakṛtakasannantādapi ātmanepadam. nanu "śadeḥ śitaḥ" "mriyaterluṅlaṅośce"tyasya grahaṇam. "śade"rityādisūtradvaye "pūrvavatsanaḥ" iti, "nānorjñaḥ" ityato neti cānuvarttya śadermriyateśca sannanatānnātmanepadamiti vyākhyeyamityarthaḥ. nanvevaṃ sati śīyate mriyate ityādāvātmanepadaṃ na labhyetetyata āha-- vākyabhedeneti. "śadeḥ śitaḥ" mriyaterluṅliṅośce"tyekaṃ vākyam. śidbhāvinaḥ śaderātmanepadaṃ syāt, mṛṅo luṅliṅprakṛtibhūtāt, śitprakṛtabhūtāccātmanepadaṃ syānnānyatretyarthaḥ. tena śīyate mriyate mamāretyādi sidhyati. "sano ne"tyaparaṃ vākyam. śadeḥ, mriyateśca sannantānnātmanepadamityaparam. tena śiśatsati, mumūrṣati ityādau nātmanepadamityarthaḥ.

nivivikṣata iti. `nerviśaḥ' ityātmanepadavidhānātsannantādapi ātmanepadam. sano netyanuvarttyeti. `nānorjñaḥ', `pūrvavatsanaḥ' iti sūtrābhyā'miti śeṣaḥ.

pūrvavatsanaḥ 463, 1.3.62 nivivikṣata iti. "nerviśaḥ" ityātmanepadavidhānātsannantādapi ātmanepadam. sano netyanuvarttyeti. "nānorjñaḥ", "pūrvavatsanaḥ" iti sūtrābhyā"miti śeṣaḥ.