1/36:śadeḥ śitaḥ parasmaipadāśrayatvāt ātmanepadābhāvaḥ |*
2/36:śadeḥ śitaḥ parasmaipadāśrayatvāt ātmanepadasya abhāvaḥ |
3/36:śīyate śīyete śīyante |
4/36:kim ca bhoḥ śadeḥ śit parasmaipadeṣu iti ucyate |
5/36:na khalu parasmaipadeṣu iti ucyate parasmaipadeṣu tu vijñāyate |
6/36:katham anudāttaṅitaḥ ātmanepadam bhāvakarmaṇoḥ ātmanepadam iti etau dvau yogau uktvā śeṣāt kartari parasmaipadam ucyate |
7/36:evam na ca parasmaipadeṣu ucyate parasmaipadeṣu ca vijñāyate |
8/36:kaḥ punaḥ arhati etau dvau yogau uktvā śeṣāt kartari parasmaipadam vaktum |
9/36:kim tarhi |
10/36:aviśeṣeṇa sarvam ātmanepadaprakaraṇam anukramya śeṣāt kartari parasmaipadam iti ucyate |
11/36:evam api parasmaipadāśrayaḥ bhavati |
12/36:katham |
13/36:idam tāvad ayam praṣṭavyaḥ |
14/36:yadi idam na ucyeta kim iha syāt iti |
15/36:parasmaipadam iti āha |
16/36:parasmaipadam iti cet parasmaipadāśrayaḥ bhavati |
17/36:siddham tu laḍādīnām ātmanepadavacanam |*
18/36:siddham etat |
19/36:katham |
20/36:śadeḥ laḍādīnām ātmanepadam bhavati iti vaktavyam |
21/36:sidhyati |
22/36:sūtram tarhi bhidyate |
23/36:yathānyāsam eva astu |
24/36:nanu ca uktam śadeḥ śitaḥ parasmaipadāśrayatvāt ātmanepadābhāvaḥ iti |
25/36:na eṣaḥ doṣaḥ |
26/36:śitaḥ iti na eṣā pañcamī |
27/36:kā tarhi |
28/36:sambandhaṣaṣṭhī |
29/36:śitaḥ yaḥ śadiḥ |
30/36:kaḥ ca śitaḥ śadiḥ |
31/36:prakṛtiḥ |
32/36:śadeḥ śitprakṛteḥ iti |
33/36:atha vā āha ayam śadeḥ śitaḥ iti na ca śadiḥ śit asti |
34/36:te evam vijñāsyāmaḥ śadeḥ śidviṣayāt iti |
35/36:atha vā yadi api tāvat etat anyatra bhavati vikaraṇebhyaḥ niyamaḥ balīyān iti iha etat na asti |
36/36:vikaraṇaḥ hi iha āśrīyate śitaḥ iti |

1/67:upasargapūrvaniyame aḍvyavāye upasaṅkhyānam |*
2/67:upasargapūrvasya niyame aḍvyavāye upasaṅkhyānam kartavyam |
3/67:nyaviśata vyakrīṇīta |
4/67:kim punaḥ kāraṇāt na sidhyati |
5/67:aṭā vyavahitatvāt |
6/67:nanu ca ayam aṭ dhātubhaktaḥ dhātugrahaṇena grahīṣyate |
7/67:na sidhyati |
8/67:aṅgasya hi aṭ ucyate vikaraṇāntam ca aṅgam |
9/67:saḥ asau saṅghātabhaktaḥ na śakyaḥ dhātugrahaṇena grahītum |
10/67:evam tarhi idam iha sampradhāryam : aṭ kriyatām vikaraṇaḥ iti |
11/67:kim atra kartavyam |
12/67:paratvāt aṭ āgamaḥ |
13/67:nityāḥ vikaraṇāḥ |
14/67:kṛte api aṭi prāpnuvanti akṛte api prāpnuvanti |
15/67:aṭ api nityaḥ |
16/67:kṛteṣu api vikaraṇeṣu prāpnoti akṛteṣu api prāpnoti |
17/67:anityaḥ aṭ |
18/67:anyasya kṛteṣu vikaraṇeṣu prāpnoti anyasya akṛteṣu |
19/67:śabdāntarasya ca prāpnuvan vidhiḥ anityaḥ bhavati |
20/67:evam tarhi idam iha sampradhāryam |
21/67:aṭ kriyatām lādeśaḥ iti |
22/67:kim atra kartavyam |
23/67:paratvāt aṭ āgamaḥ |
24/67:nityaḥ lādeśaḥ |
25/67:kṛte api aṭi prāpnoti akṛte api prāpnoti |
26/67:nityatvāt lādeśasya ātmanepade eva aḍāgamaḥ bhaviṣyati |
27/67:nityatvāt lādeśasya ātmanepade aṭ āgamaḥ iti cet aṭaḥ nityanimittatvāt ātmanepadābhāvaḥ |*
28/67:nityatvāt lādeśasya ātmanepade eva aḍāgamaḥ iti cet evam ucyate |
29/67:aṭ api nityanimittaḥ |
30/67:kṛte api ladeśe prāpnoti akṛte api prāpnoti |
31/67:aṭaḥ nityanimittatvāt ātmanepadābhāvaḥ |
32/67:tasmāt upasaṅkhyānam |*
33/67:tasmāt upasaṅkhyānam kartavyam |
34/67:na kartavyam |
35/67:antaraṅgaḥ tarhi lādeśaḥ |
36/67:na etat vivadāmahe antaraṅgaḥ na antaraṅgaḥ iti |
37/67:astu ayam nityaḥ antaraṅgaḥ ca |
38/67:atra khalu lādeśe kṛte trīṇi kāryāṇi yugapat prāpnuvanti : vikaraṇāḥ aṭ āgamaḥ niyamaḥ iti |
39/67:tat yadi sarvataḥ niyamaḥ labhyeta kṛtam syāt |
40/67:tat tu na labhyam |
41/67:atha api vikaraṇāt aṭ iti aṭ labhyeta evam api kṛtam syāt |
42/67:tat tu na labhyam |
43/67:kim kāraṇam |
44/67:āṅgāt pūrvam vikaraṇāḥ eṣitavyāḥ tarataḥ , taranti iti evamartham |
45/67:aḍāḍbhyām api anyat āṅgam pūrvam eṣitavyam upārcchati iti evamartham |
46/67:tatra hi āṭi kṛte sāṭkasya ṛcchibhāvaḥ prāpnoti |
47/67:nanu ca ṛcchibhāve kṛte śabdāntarasya akṛtaḥ āṭ iti kṛtvā punaḥ āṭ bhaviṣyati |
48/67:punaḥ ṛcchibhāvaḥ punaḥ āṭ iti cakrakam avyavasthā prāpnoti |
49/67:na eṣaḥ doṣaḥ |
50/67:yat tāvat ucyate āṅgāt pūrvam vikaraṇāḥ eṣitavyāḥ tarataḥ taranti iti evamartham iti |
51/67:bhavet siddham yatra vikaraṇāḥ nityāḥ āṅgam anityam tatra āṅgāt pūrvam vikaraṇāḥ syuḥ |
52/67:yatra tu khalu ubhayam nityam paratvāt tatra āṅgam tāvat bhavati |
53/67:yat api ucyate aḍāḍbhyām api anyat āṅgam pūrvam eṣitavyam upārcchati iti evamartham iti |
54/67:astu atra āṭ |
55/67:āṭi kṛte sāṭkasya ṛcchibhāve kṛte śabdāntarasya akṛtaḥ āṭ iti kṛtvā punaḥ āṭ bhaviṣyati |
56/67:nanu ca uktam punaḥ ṛcchibhāvaḥ punaḥ āṭ iti cakrakam avyavasthā prāpnoti |
57/67:na eṣaḥ doṣaḥ |
58/67:cakrakeṣu iṣṭataḥ vyavasthā |
59/67:atha vā neḥ iti na eṣā pañcamī |
60/67:kā tarhi |
61/67:viśeṣaṇaṣaṣṭhī |
62/67:neḥ yaḥ viśiḥ |
63/67:kaḥ ca neḥ viśiḥ |
64/67:viśeṣyaḥ |
65/67:vyavahitaḥ ca api śakyate viśeṣayitum |
66/67:atha vā niḥ api padam viśiḥ api padam |padavidhiḥ ca samarthāmām |
67/67:vyavahite api sāmarthyam bhavati |

śadlṛ śātane parasmaipadī, tasmādātmanepadaṃ vidhīyate. śadiryaḥ śit, śidbhāvī, śito vā sambandhī tasmādātmanepadaṃ bhavati. śīyate, śīyete, śīyante. śitaḥ iti kim? aśatsyat. śatsyati. śiśatsati.

śadeḥ śitaḥ 1.3.60 śadlṛ śātane parasmaipadī, tasmādātmanepadaṃ vidhīyate. śadiryaḥ śit, śidbhāvī, śito vā sambandhī tasmādātmanepadaṃ bhavati. śīyate, śīyete, śīyante. śitaḥ iti kim? aśatsyat. śatsyati. śiśatsati.

śadeḥ śitaḥ. , 1.3.60 yadi "śadeḥ śitaḥ" iti vyadhikaraṇe ete pañcamyāvityabhyupagamyaivaṃ vyākhyāyate-- śadeḥ paro yaḥ śit tasmādātmepadaṃ bhavatīti, tadā sārvadhātukāśrayatvācchitaḥ prāgeva tadutpatterdhātoḥ śeṣatvādasya lāvasthāyāṃ parasmaipadaṃ syāt, tatastannimittakaḥ vyācikhyāsurāha-- śadiryaḥ śiditi. etena "śadeḥ śitaḥ" iti samānādhikaraṇe ete pañcamyāviti darśayati. kathaṃ punaḥ śadiḥ śidbhavati, yāvatā vikaraṇasya śakāra itsaṃjñaka itsaṃjñāsambandhī, na tu śadeḥ? ityata āha-- "śadbhāvī" iti. bhāviśabdo'yam "bhaviṣyati gamyādayaḥ"3.3.3 iti bhaviṣyatkālaviṣayaḥ. śidbhāvīti yataḥ śidbhaviṣyati sa śidbhāvī.etaduktaṃ bhavati-- śinnimittatvādupacāreṇa śadiḥ śidityuktamiti. bhavati hi kāraṇe kāryopacārāt tathā vyapadeśaḥ, yathā-- naḍvalodakaṃ pakādaroga iti. śito vā sambandhī" iti. etena "śitaḥ" ityasya ṣaṣṭha()ntatāṃ darśayati. kaḥ śadeḥ śitsambnadhī? yastasya prakṛtiḥ. prāgapi śitaḥ śadestatprakṛtitvamastyeveti śitprakṛteḥ śaderātmanepadaṃ bhavati. "śīyate" iti. pāghrādisūtreṇa 7.3.78 śīyādeśaḥ॥

śidbhāvino'smāttaṅānau staḥ. śīyate. śīyatām. aśīyata. śīyeta. śaśāda. śattā. śatsyati. aśadat. aśatsyat.. kṝ vikṣepe.. 39..

śadeḥ śitaḥ 662, 1.3.60 śidbhāvino'smāttaṅānau staḥ. śīyate. śīyatām. aśīyata. śīyeta. śaśāda. śattā. śatsyati. aśadat. aśatsyat॥ kṝ vikṣepe॥ 39॥

śadeḥ śidaḥ. `anudāttaṅita' ityasmādātmanepadamityanuvartate. ś it yasya sa śit. śap vivakṣitaḥ.śiti vivakṣite satītyarthaḥ, tiṅutpatteḥ pūrvaṃ sārvadhātukāśrayasya śapo'saṃbhavāt. tadāha–śidbhāvina iti. śit bhāvī = bhaviṣyan yasmātsa śidbhāvī, tasmādityarthaḥ. śīyate iti. śapi śadeḥ śīyādeśaḥ. viśīryatītyarthaḥ. śīyete śīyante ityādi. `śidviṣayā' dityukterliṭi nātmanepadam. `itsaṃjñakaśakārādā'vityukterna' śīyādeśaḥ. viśīryatītyarthaḥ. tadāha- -śaśādeti. aniṭko'yam. krādiniyamaprāptasya iṭaḥ `upadeśe'tvataḥ' iti niyamātthali bhāradvājaniyamādveṭ. tadāha– śeditha śaśattheti ca. iṭpakṣe `thali ca seṭī' ityettvābhyāsalopāviti bhāvaḥ. śediva śedima. krādiniyamādiṭ. aśadaditi. lṛdittvādaṅiti bhāvaḥ. kruśadhāturaniṭkaḥ. cukrośitha. krādiniyamātthali nityamiṭ. ajantā'kāravattvā'bhāvānna bhāradvājaniyamaḥ. cukruśiva cukruśima. kroṣṭeti. vraścādinā śasya ṣaḥ. `ṣaḍho'riti ṣasya kaḥ, sasya ṣatvam. kittvānna guṇaḥ. kuca. `kuca śabde' iti paṭhitasya punariha pāṭhaḥ saṃparcanādāveva jvalādikāryaṇapratyayārthaḥ. arthanirdeśaḥ kvacitpāṇinīya iti bhūdhātau prapañcitam. budha iti. seṭko'yam, aniṭsu śyanvikaraṇasyaiva budhegrrahaṇāt. tadāha– bodhineti. abodhīt. ruhadhāturaniṭkaḥ. krādiniyamātthalyapi nityamiṭ. ajantā'kāravattvā'bhāvānna bhāradvājaniyamaḥ. roḍheti. luṭitāsiguṇe ḍhatvadhatvaṣṭutvaḍhalopāḥ. rokṣyatīti. lṛṭi sye ḍhakaṣāḥ. arukṣaditi. igupadhaśalantatvāt kse ḍhakaṣāḥ. kittvānna guṇaḥ. vṛditi. `jvalitikasantebhyaḥ' iti uttarā'vadherapi kasegrrahaṇādeva siddhervṛtkaraṇaṃ spaṣṭārthamityāhuḥ. iti jvalādayaḥ. gūhatyantā iti. `guhū saṃvaraṇe' ityetatparyantā ityarthaḥ. cate cade yācane. acīditi. edittvānna vṛddhiḥ. evamacadīt. budhir. `budha avagamane' iti kevalaparasmaipadī gataḥ. sa tu jvalādikāryārthaḥ. ayaṃ tu irit svaritet. aniṭsu śyanvikaraṇasyaiva pāṭhādayaṃ seṭ. abudhaditi. ira ittve'pi tadavayavasya ikārasya pratyekamittve'pi na num, `idito nu'mityatra karmadhārayamāśritya itsaṃjñakekārāntasyaiva numvadheḥ. pūrvottareti. jana- pūri- sāhacaryeṇetyarthaḥ. u bundirita. ādya ukāra it– `udito ve' ti ktvāyāmiḍvikalpārthaḥ. abudaditi. irittvādaṅi `aniditā' nalopaḥ, ira ikārasya pratyekamitsaṃjñāvirahāt, aniditāmityasya itsaṃjñakekārāntabhinnānāmityarthāśrayaṇācceti śabdenduśekhare sthitam. veṇṛ gatīti. vādyabhāṇḍasya vādanārthaṃ grahaṇaṃ vāditragrahaṇam. khanudāturudit– ktvāyāmiḍvikalpaḥ.

śadeḥ śitaḥ 199, 1.3.60 śadeḥ śidaḥ. "anudāttaṅita" ityasmādātmanepadamityanuvartate. ś it yasya sa śit. śap vivakṣitaḥ.śiti vivakṣite satītyarthaḥ, tiṅutpatteḥ pūrvaṃ sārvadhātukāśrayasya śapo'saṃbhavāt. tadāha--śidbhāvina iti. śit bhāvī = bhaviṣyan yasmātsa śidbhāvī, tasmādityarthaḥ. śīyate iti. śapi śadeḥ śīyādeśaḥ. viśīryatītyarthaḥ. śīyete śīyante ityādi. "śidviṣayā" dityukterliṭi nātmanepadam. "itsaṃjñakaśakārādā"vityukterna" śīyādeśaḥ. viśīryatītyarthaḥ. tadāha--śaśādeti. aniṭko'yam. krādiniyamaprāptasya iṭaḥ "upadeśe'tvataḥ" iti niyamātthali bhāradvājaniyamādveṭ. tadāha-- śeditha śaśattheti ca. iṭpakṣe "thali ca seṭī" ityettvābhyāsalopāviti bhāvaḥ. śediva śedima. krādiniyamādiṭ. aśadaditi. lṛdittvādaṅiti bhāvaḥ. kruśadhāturaniṭkaḥ. cukrośitha. krādiniyamātthali nityamiṭ. ajantā'kāravattvā'bhāvānna bhāradvājaniyamaḥ. cukruśiva cukruśima. kroṣṭeti. vraścādinā śasya ṣaḥ. "ṣaḍho"riti ṣasya kaḥ, sasya ṣatvam. kittvānna guṇaḥ. kuca. "kuca śabde" iti paṭhitasya punariha pāṭhaḥ saṃparcanādāveva jvalādikāryaṇapratyayārthaḥ. arthanirdeśaḥ kvacitpāṇinīya iti bhūdhātau prapañcitam. budha iti. seṭko'yam, aniṭsu śyanvikaraṇasyaiva budhegrrahaṇāt. tadāha-- bodhineti. abodhīt. ruhadhāturaniṭkaḥ. krādiniyamātthalyapi nityamiṭ. ajantā'kāravattvā'bhāvānna bhāradvājaniyamaḥ. roḍheti. luṭitāsiguṇe ḍhatvadhatvaṣṭutvaḍhalopāḥ. rokṣyatīti. lṛṭi sye ḍhakaṣāḥ. arukṣaditi. igupadhaśalantatvāt kse ḍhakaṣāḥ. kittvānna guṇaḥ. vṛditi. "jvalitikasantebhyaḥ" iti uttarā'vadherapi kasegrrahaṇādeva siddhervṛtkaraṇaṃ spaṣṭārthamityāhuḥ. iti jvalādayaḥ. gūhatyantā iti. "guhū saṃvaraṇe" ityetatparyantā ityarthaḥ. cate cade yācane. acīditi. edittvānna vṛddhiḥ. evamacadīt. budhir. "budha avagamane" iti kevalaparasmaipadī gataḥ. sa tu jvalādikāryārthaḥ. ayaṃ tu irit svaritet. aniṭsu śyanvikaraṇasyaiva pāṭhādayaṃ seṭ. abudhaditi. ira ittve'pi tadavayavasya ikārasya pratyekamittve'pi na num, "idito nu"mityatra karmadhārayamāśritya itsaṃjñakekārāntasyaiva numvadheḥ. pūrvottareti. jana- pūri- sāhacaryeṇetyarthaḥ. u bundirita. ādya ukāra it-- "udito ve" ti ktvāyāmiḍvikalpārthaḥ. abudaditi. irittvādaṅi "aniditā" nalopaḥ, ira ikārasya pratyekamitsaṃjñāvirahāt, aniditāmityasya itsaṃjñakekārāntabhinnānāmityarthāśrayaṇācceti śabdenduśekhare sthitam. veṇṛ gatīti. vādyabhāṇḍasya vādanārthaṃ grahaṇaṃ vāditragrahaṇam. khanudāturudit--ktvāyāmiḍvikalpaḥ.

kuca saṃparcanādau. `kuca śabde tāre' iti racavargīyānteṣu paṭhitasya punariha pāṭhaḥ saṃparcanādāveva jvalāditvaprayukto ṇapratyayo yathā syāditi manoramādau sthitam. atra navyāḥ– anenaiva granthena pāṇinināpi kvacitkvacidarthanirdeśaḥ kṛta ityanumīyate, anyathā'tratyagranthasvārasyabhaṅgāpatterityāhuḥ॥ bodhiteti. budhyaterevā'niṭkārikāsu pāṭhitatvādayaṃ seḍiti bhāvaḥ. akāsīditi. halantalakṣaṇāyā vṛddheḥ `neṭī'ti niṣedhe'pi `ato halāde'riti vaikalpikī vṛddhiḥ. vṛditi. atra navyāḥ– `jvalitikasantebhyaḥ' iti nirdeśādvṛtkaraṇamihā'nārṣamityanumīyate. anyathā `jvalādībhyo ṇaḥ' ityeva sūtrayedityāhuḥ. añcu gatau. `aniditā'miti nalopaḥ. acyāt. `acī'tyekīyamate tu idittvāt – añcyāt. medhṛ saṅgame ca. cātpūrvokte'rtha. `prajāyai gṛhamethinā' mityatra gṛhairdārairmedhante = saṅgacchante iti vigrahaḥ. `supyajātau' iti ṇiniḥ. śṛdhu mṛdhu. kledanamiti. ādrrībhāva ityarthaḥ. udittvāktvāyāṃ veṭ. śardhitvā śrṛddhvā. ubundir. bunditvā. buttvā. niṣṭhāyāṃ– bunnam. niśāmanaṃ -cākṣuṣaṃ jñānam. veṇṛ. gatyādayaḥ pañcārthāḥ. vādyabhāṇḍasya vādanārthaṃ grahaṇaṃ vāditragrahaṇam. veṇiḥ veṇī veṇurityādirūpāṇyasyaiva dhātoḥ. nānto'pīti. `uta mātā mahiṣamanvavena' dityatra nāntadarśanāditi bhāvaḥ. khanu. khanitvā. khātvā. niṣṭhāyāṃ– khātaḥ.

śadeḥ śitaḥ 172, 1.3.60 kuca saṃparcanādau. "kuca śabde tāre" iti racavargīyānteṣu paṭhitasya punariha pāṭhaḥ saṃparcanādāveva jvalāditvaprayukto ṇapratyayo yathā syāditi manoramādau sthitam. atra navyāḥ-- anenaiva granthena pāṇinināpi kvacitkvacidarthanirdeśaḥ kṛta ityanumīyate, anyathā'tratyagranthasvārasyabhaṅgāpatterityāhuḥ॥ bodhiteti. budhyaterevā'niṭkārikāsu pāṭhitatvādayaṃ seḍiti bhāvaḥ. akāsīditi. halantalakṣaṇāyā vṛddheḥ "neṭī"ti niṣedhe'pi "ato halāde"riti vaikalpikī vṛddhiḥ. vṛditi. atra navyāḥ-- "jvalitikasantebhyaḥ" iti nirdeśādvṛtkaraṇamihā'nārṣamityanumīyate. anyathā "jvalādībhyo ṇaḥ" ityeva sūtrayedityāhuḥ. añcu gatau. "aniditā"miti nalopaḥ. acyāt. "acī"tyekīyamate tu idittvāt -- añcyāt. medhṛ saṅgame ca. cātpūrvokte'rtha. "prajāyai gṛhamethinā" mityatra gṛhairdārairmedhante = saṅgacchante iti vigrahaḥ. "supyajātau" iti ṇiniḥ. śṛdhu mṛdhu. kledanamiti. ādrrībhāva ityarthaḥ. udittvāktvāyāṃ veṭ. śardhitvā śrṛddhvā. ubundir. bunditvā. buttvā. niṣṭhāyāṃ-- bunnam. niśāmanaṃ -cākṣuṣaṃ jñānam. veṇṛ. gatyādayaḥ pañcārthāḥ. vādyabhāṇḍasya vādanārthaṃ grahaṇaṃ vāditragrahaṇam. veṇiḥ veṇī veṇurityādirūpāṇyasyaiva dhātoḥ. nānto'pīti. "uta mātā mahiṣamanvavena" dityatra nāntadarśanāditi bhāvaḥ. khanu. khanitvā. khātvā. niṣṭhāyāṃ-- khātaḥ.