1/16:anoḥ jñaḥ pratiṣedhe sakarmakavacanam |*
2/16:anoḥ jñaḥ pratiṣedhe sakarmakagrahaṇam kartavyam |
3/16:iha ma bhūt |
4/16:auṣadhasya anujijñāsate iti |
5/16:na vā akarmakasya uttareṇa vidhānāt |*
6/16:na vā kartavyam |
7/16:kim kāraṇam |
8/16:akarmakasya uttareṇa vidhānāt |
9/16:akarmakāt janāteḥ uttareṇa yogena ātmanepadam vidhīyate pūrvavat sanaḥ iti |
10/16:pratiṣedhaḥ pūrvasya ca |*
11/16:pūrvasya ca ayam pratiṣedhaḥ |
12/16:saḥ ca sakarmakārthaḥ ārambhaḥ |
13/16:katham punaḥ jñāyate pūrvaysa ayam pratiṣedhaḥ iti |
14/16:anantarasya vidhiḥ vā bhavati pratiṣedhaḥ vā iti |
15/16:katham punaḥ jñāyate sakarmakārthaḥ ārambhaḥ iti |
16/16:akarmakāt jānāteḥ sanaḥ ātmanepadavacane prayojanam na asti iti kṛtvā sakarmakārthaḥ vijñāyate |

pūrveṇa yogena prāptam ātmanepadam pratiṣidhyate. anupūrvāj jānāteḥ sannantādātmanepadaṃ na bhavati. tathā ca sati sakarmakasya eva ayaṃ pratiṣedhaḥ sampadyate. putram anujijñāsati. anoḥ iti kim? dharmaṃ jijñāsate.

na anor jñaḥ 1.3.58 pūrveṇa yogena prāptam ātmanepadam pratiṣidhyate. anupūrvāj jānāteḥ sannantādātmanepadaṃ na bhavati. tathā ca sati sakarmakasya eva ayaṃ pratiṣedhaḥ sampadyate. putram anujijñāsati. anoḥ iti kim? dharmaṃ jijñāsate.

nānorjñaḥ. , 1.3.58 "pūrveṇa" iti. anantarasūtraprāptaṃ yattatpratiṣidhyate-- "anantarasya vidhirvā bhavati pratiṣedho vā " (vyā.pa.19) iti kṛtvā. "tathā ca" ityādi. yasmādanantarasūtreṇāatmanepadaṃ #eyatprāpnoti, tasyāyaṃ pratiṣedhaḥ sampadyate. evaṃsati sakarmakasyaivāyaṃ pratiṣedhaḥ; anantarasūtreṇa sakarmakādātmanepadavidhānāt. akarmakāddhi "akarmakācca" 1.3.45 ityanena prāgevātmanepadaṃ vihitamityanantarātīto yogaḥ sakarmakārtho vijñāyate; yataścaivam, tenākarmakāt "pūrvavatsanaḥ" 1.3.62 ityātmanepadaṃ bhavatyeva-- auṣadhasyānujijñāsata iti॥

nānorjñaḥ. anupūrvājjñādhātoḥ sannantānnātmanepadamityarthaḥ. putramanujijñāsatīti. anujñātumicchatītyarthaḥ. nanu sarpiṣā pravartitumicchatītyarthe `sarpiṣo'nujijñāsate' ītyatrāpi `apahnave jñaḥ', `akarmakācce'tyātmanedasyāpyanena niṣedhe sati sannantātparasmaipadameva syādityata āha– pūrvasūtrastheveti. evaṃ ca `sarpiṣo'nujijñāsate' ityatra `akarmakācce'tyātmanepadaṃ nirbādhamiti bhāvaḥ. nanu `akarmakācce'ti jñādhātorātmanepade sannantātkathamamātmanepadalābha ityata āṅa– pūrvavaditi. kevalātsanvihīnājjñādhātorātmanepadavidhānātsannnatādapi tasmāt `pūrvavatsanaḥ' ityātmanepadamityarthaḥ.

nā'nārjñaḥ 556, 1.3.58 nānorjñaḥ. anupūrvājjñādhātoḥ sannantānnātmanepadamityarthaḥ. putramanujijñāsatīti. anujñātumicchatītyarthaḥ. nanu sarpiṣā pravartitumicchatītyarthe "sarpiṣo'nujijñāsate" ītyatrāpi "apahnave jñaḥ", "akarmakācce"tyātmanedasyāpyanena niṣedhe sati sannantātparasmaipadameva syādityata āha-- pūrvasūtrastheveti. evaṃ ca "sarpiṣo'nujijñāsate" ityatra "akarmakācce"tyātmanepadaṃ nirbādhamiti bhāvaḥ. nanu "akarmakācce"ti jñādhātorātmanepade sannantātkathamamātmanepadalābha ityata āṅa-- pūrvavaditi. kevalātsanvihīnājjñādhātorātmanepadavidhānātsannnatādapi tasmāt "pūrvavatsanaḥ" ityātmanepadamityarthaḥ.