1/8:tṛtīyāyuktāt iti kimartham |
2/8:ubhau lokau cañcarasi imam ca amum ca devala |
3/8:tṛtīyāyuktāt iti ucyamāne api atra prāpnoti |
4/8:atra api hi tṛtīyayā yogaḥ |
5/8:evam tarhi tṛtīyāyuktāt iti ucyate sarvatra ca tṛtīyayā yogaḥ |
6/8:tatra prakarṣagatiḥ vijñāsyate : sādhīyaḥ yatra tṛtīyayā yogaḥ iti |
7/8:kva ca sādhīyaḥ |
8/8:yatra tṛtīyayā yogaḥ śrūyate |

sampūrvāc carates tṛtīyāyuktādātmanepadaṃ bhavati. tṛtīyā iti tṛtīyāvibhaktir gṛhyate, tayā caraterarthadvārako yogaḥ. aśvena sañcarate. tṛtīyāyuktātiti kim? ubhau lokau sañcarasi imaṃ ca amuṃ ca devala. yadyapyatra tadarthayogaḥ sambhavati, tṛtīyā tu na śrūyate, iti pratyudāharaṇaṃ bhavati.

saṃs tṛtīyāyuktāt 1.3.54 sampūrvāc carates tṛtīyāyuktādātmanepadaṃ bhavati. tṛtīyā iti tṛtīyāvibhaktir gṛhyate, tayā caraterarthadvārako yogaḥ. aśvena sañcarate. tṛtīyāyuktātiti kim? ubhau lokau sañcarasi imaṃ ca amuṃ ca devala. yadyapyatra tadarthayogaḥ sambhavati, tṛtīyā tu na śrūyate, iti pratyudāharaṇaṃ bhavati.

samastṛtīyāyuktāt. , 1.3.54 yadyatra tṛtīyeti gṛhrate, tadehāpi syāt-- ubhau lokau sañcarati imāñcāmutra devaleti. atrāpi tṛtīyārtho gamyata eva. tapasā śrutena vā vidyata evetyetaccetasi kṛtvāha-- "tṛtīyā" iti. " tṛtīyāvibhaktirgṛhrate" iti. yadyevaṃ tayā saha dhātoḥ sambandho nopapadyate. na hi tṛtīya dhātuvācyetyāha-- "tayā" ityādi. artho dvāraṃ mukhamupāyo yasya sa tathoktaḥ. tṛtīyārthena dhātvarthasya yuktavādaupacāriko dhātostṛtīyīrthena yoga iti darśayati. "yatrapyatra tadarthena yogaḥ sambhavati" iti. vinā karaṇena kriyāniṣpatterabhāvāt, tathāpi na bhavati. "tṛtīya tu" ityādi. tṛtīyāyapuktagrahaṇaṃ hrevamarthaṃ kriyate-- śrūyamāṇatṛtīyayuktādyathā syāditi, anyathā sama ityevaṃ vaktavyaṃ syāt? anukte'pi siddhvatāt tṛtīyāprayogasya. na hi tena vinā kriyāniṣpattirupapadyate. tasmādyatra tṛtīyā śrūyate tanmūlodāharaṇam, yatra tu na śrūyate tatpratyudāharaṇam॥

samastṛtīyā. sakarmakāditi nivṛttam. saṃpūrvāttṛtīyāntasamabhivyāhmatāccarerātmanepadamityarthaḥ. tṛtīyāyuktāditi kim ?. rathikāḥ saṃcaranti. atra yadyapi rathenetyarthādgamyate, tathāpi tṛtīyāntaśravaṇā'bhāvānnātmanepadam. etadarthameva yogagrahaṇam. anyathā `tṛtīyaye'tyevāvakṣyat. sakarmakādapyetadātmanepadaṃ bhavati, aviśeṣāt, ata eva`tṛtīyāyuktāditi kim ?. ubhau lokau saṃcarasībhaṃ cāmuṃ ca loka'miti bhāṣyaṃ saṅgacchate.

samastṛtīyāyuktāt 551, 1.3.54 samastṛtīyā. sakarmakāditi nivṛttam. saṃpūrvāttṛtīyāntasamabhivyāhmatāccarerātmanepadamityarthaḥ. tṛtīyāyuktāditi kim?. rathikāḥ saṃcaranti. atra yadyapi rathenetyarthādgamyate, tathāpi tṛtīyāntaśravaṇā'bhāvānnātmanepadam. etadarthameva yogagrahaṇam. anyathā "tṛtīyaye"tyevāvakṣyat. sakarmakādapyetadātmanepadaṃ bhavati, aviśeṣāt, ata eva"tṛtīyāyuktāditi kim?. ubhau lokau saṃcarasībhaṃ cāmuṃ ca loka"miti bhāṣyaṃ saṅgacchate.