1/6:avād graḥ girateḥ |*
2/6:avād graḥ iti atra girateḥ iti vaktavyam |
3/6:gṛṇāteḥ mā bhūt |
4/6:tat tarhi vaktavyam |
5/6:na vaktavyam prayogābhāvāt |
6/6:avāt graḥ iti ucyate na ca āpūrvasya gṛṇāteḥ prayogaḥ asti |

gṛ\u0304 nigaraṇe iti tudādau paṭhyate, tasya idaṃ grahaṇam. na tu gṛ\u0304 śabde iti kryādipaṭhitasya. tasya hyavapūrvasya prayoga eva na asti. śeṣāt kartari parsmaipade prāpte avapūrvād giraterātmanepadaṃ bhavati. avagirate, avagirete, avagirante. avātiti kim? girati.

avād graḥ 1.3.51 gṝ nigaraṇe iti tudādau paṭhyate, tasya idaṃ grahaṇam. na tu gṝ śabde iti kryādipaṭhitasya. tasya hyavapūrvasya prayoga eva na asti. śeṣāt kartari parsmaipade prāpte avapūrvād giraterātmanepadaṃ bhavati. avagirate, avagirete, avagirante. avātiti kim? girati.

avādgraḥ. , 1.3.51 "avagirate" iti. "ṛta iddhātoḥ" 97.1.100) itīttvam, raparatvañca.

avādgraḥ. ātmanepada'miti śeṣaḥ. `gṛ?' ityasya `gra' iti pañcamī. `prakṛtivadanukaraṇa'mityasyā'nutyatvāt `ṛta iddhāto'riti na bhavati. tadanityatve idameva mānam. avagirata iti. śavikaraṇo'yam. `avagṛṇātī'tyatrāpyātmanepadamāśaṅkya āha- - gṛṇātistviti. evaṃ ca tudādereva grahaṇamiti bhāvaḥ.

avādgraḥ 548, 1.3.51 avādgraḥ. ātmanepada"miti śeṣaḥ. "gṛ()" ityasya "gra" iti pañcamī. "prakṛtivadanukaraṇa"mityasyā'nutyatvāt "ṛta iddhāto"riti na bhavati. tadanityatve idameva mānam. avagirata iti. śavikaraṇo'yam. "avagṛṇātī"tyatrāpyātmanepadamāśaṅkya āha-- gṛṇātistviti. evaṃ ca tudādereva grahaṇamiti bhāvaḥ.