1/24:kriyāvyatirhāre iti vaktavyam |
2/24:karmavyatirhāre iti ucyamāne iha prasajyeta devadattasya dhānyam vyatilunanti iti iha ca na syāt vyatilunate vyatipunate iti |
3/24:tat tarhi vaktavyam |
4/24:na vaktavyam |
5/24:kriyām hi loke karma iti upacaranti |
6/24:kām kriyām kariṣyasi |
7/24:kim karma kariṣyasi iti |
8/24:evam api kartavyam |
9/24:kṛtrimākṛtrimayoḥ kṛtrime sampratyayaḥ bhavati |
10/24:kriyā api kṛtrimam karma |
11/24:na sidhyati |
12/24:kartuḥ īpsitatamam karma iti ucyate |
13/24:katham ca kriyā nāma kriyepsitatamā syāt |
14/24:kriyā api kriyepsitatamā bhavati |
15/24:kayā kriyayā |
16/24:sampaśyatikriyayā prārthayatikriyayā adhyavasyatikriyayā vā |
17/24:iha yaḥ eṣaḥ manuṣyaḥ prekṣāpūrvakārī bhavati salḥ buddhyā tāvat kam cit artham sampaśyati |
18/24:sandṛṣṭe prārthanā prārthite adhyavasāyaḥ adhyavasāye ārambhaḥ ārambhe nirvṛttiḥ nirvṛttau phalāvaptiḥ |
19/24:evam kriyā api kṛtrimam karma |
20/24:evam api ubhayoḥ kṛtrimākṛtrimayoḥ ubhayagatiḥ prasajyeta |
21/24:tasmāt kriyāvyatihāre iti vaktavyam |
22/24:na vaktavyam |
23/24:iha kartari vyatihāre iti iyatā siddham |
24/24:saḥ ayam evam siddhe sati yat karmagrahaṇam karoti tasya etat prayojanam kriyāvyatihāre yathā syāt karmavyatihāre mā bhūt iti |

1/27:atha kartṛgrahaṇam kimartham |
2/27:karmavyatihārādiṣu kartṛgrahaṇam bhāvakarmanivṛttyartham |*
3/27:karmavyatihārādiṣu kartṛgrahaṇam kriyate bhāvakarmaṇoḥ anena ātmanepadam mā bhūt iti |
4/27:itarathā hi tatra pratiṣedhe bhāvakarmaṇoḥ pratiṣedhaḥ |*
5/27:akriyamāṇe kartṛgrahaṇe bhāvakarmaṇoḥ api ātmanepadam prasajyeta |
6/27:tatra kaḥ doṣaḥ |
7/27:tatra pratiṣedhe bhāvakarmaṇoḥ pratiṣedhaḥ |
8/27:tatra kaḥ doṣaḥ |
9/27:tatra pratiṣedhe bhāvakarmaṇoḥ api anena ātmanepadasya pratiṣedhaḥ prasajyeta |
10/27:vyatigamyante grāmāḥ vyatihanyante dasyavaḥ iti |
11/27:na vā anantarasya pratiṣedhāt |*
12/27:na vā eṣaḥ doṣaḥ |
13/27:kim kāraṇam |
14/27:anantarasya pratiṣedhāt |
15/27:anantaram yat ātmanepadavidhānam tasya pratiṣedhāt |
16/27:kutaḥ etat |
17/27:anantarasya vidhiḥ vā bhavati pratiṣedhaḥ vā iti |
18/27:pūrvā prāptiḥ apratiṣiddhā tayā bhaviṣyati |
19/27:nanu ca iyam prāptiḥ pūrvām prāptim bādhate |
20/27:na utsahate pratiṣiddhā satī bādhitum |
21/27:uttarārtham tarhi kartṛgrahaṇam kartavyam |
22/27:na kartavyam |
23/27:kriyate tatra eva śeṣāt kartari parasmaipadam iti |
24/27:dvitīyam kartṛgrahaṇam kartavyam |
25/27:kim prayojanam |
26/27:kartā eva yaḥ kartā tatra yathā syāt |
27/27:karta ca anyaḥ ca yaḥ kartā tatra mā bhūt iti |

karmaśabdaḥ kriyavācī. vyatihāro vinimayaḥ. yatrānyasambandhinīṃ kriyāmanyaḥ karoti, itarasambandhinīṃ cetaraḥ, sa karmavyatihāraḥ. taddhiśiṣṭakriyāvacanād dhātorātmanepadaṃ bhavati. vyatilunate. vyatipunate. karmavyatihāre iti kim? lunanti. kartṛgrahaṇam uttarārthaṃ śeṣāt kartari parasmaipadam 1-3-78 iti.

kartari karmavyatihāre 1.3.14 karmaśabdaḥ kriyavācī. vyatihāro vinimayaḥ. yatrānyasambandhinīṃ kriyāmanyaḥ karoti, itarasambandhinīṃ cetaraḥ, sa karmavyatihāraḥ. taddhiśiṣṭakriyāvacanād dhātorātmanepadaṃ bhavati. vyatilunate. vyatipunate. karmavyatihāre iti kim? lunanti. kartṛgrahaṇam uttarārthaṃ śeṣāt kartari parasmaipadam 1.3.78 iti.

katrtari karmavyatīhāre. , 1.3.14 "karmaśabdaḥ kriyāvācī" iti. etena laukikamiha karma kriyātmakaṃ gṛhrate, na pāribhāṣikamiti darśayati. kuta etallabhyate? pratyāsatteḥ. kriyā hi dhātoḥ pratyāsannā, tatra sākṣād()vṛtteḥ. sākṣād()vṛttistu dhātuvācyatvāt kriyāyāḥ. pāribhāṣike tu sādhanātmake karmaṇi dhātuḥ sākṣānna vatrtate;tasyādhātuvācyatvāt. tasmāddhātuṃ pratina tasya pratyāsattiriti na gṛhrate, tena sādhanakarmavyatīhāre na bhavatyātmanepadam-- devadattasya dhānyaṃ vyatilunantīti. lunātirupasaṃgarhārthe lavane vatrtate. devadattena yaddhānyaṃ saṅagṛhītaṃ purastāllavanenopasaṃgṛhṇantītyarthaḥ. tataścānyasambandhino dhānayasyānyena saṃgrahaṇādbhavati sādhanakarmavyatīhāraḥ. "anyasambandhinīm" iti. anyasya kartturabhīṣṭayā kriyemāṃ kriyāṃ kariṣyāmīti sehānyasambandhinyabhipretā, anyathā yadyanyena niṣpāditā yā kriyā sehānyasambandhinyabhipretā syāt tadā vyatihāro nopapadyeta, na hranyena niṣpāditāyāḥ punarniṣpādanamupapadyate. "vyatilunate" iti. "ātmanepadeṣvanataḥ" 7.1.5 ityadādeśaḥ, "śnābhyastayorātaḥ" 6.4.112 ityākāralopaḥ. atha kartṛgrahaṇaṃ kimartham? bhāvakarmanivṛttyarthamiti cet, na; abhīṣṭatvādbhāvakarmaṇorātmanepadam-- vyatibhūyate senayā, vyatigamyante grāmāḥ, vyatihanyante dasyava iti. "bhāvakarmaṇoḥ" 1.3.13 ityanenaiva yathā syāt, anena mā bhūdityevamarthamiti cet, na; viśeṣābhāvāt. na hi tenātmanepade satyanena vā kaścidviśeṣo'sti. yadyanena syāt tadā "na gatihiṃsārthebhyaḥ" 1.3.15 iti pratiṣedhaḥ syāt, tena cātmanepade vidhīyamāne na bhavatyeṣa doṣa iti cet, satyam; eṣo'stu viśeṣaḥ,tathāpi na karttṛgrahaṇaṃ katrtavyam; yasmāt "anantarasya vidhirvā bhavati pratiṣedho vā" (vyā.pa.19) ityanantarā yā prāptiḥ sā pratiṣidhyate, na pūrvā. tena bhāvakarmaṇorātmanepadaṃ bhaviṣyati. ata āha--"karttṛgrahaṇamuttarārtham" iti. kaḥ punarasāvuttaro yogo yatrāsya prayojanamityāha-- "śeṣāt" ityādi॥

kriyāvinimaye dyotye kartaryātmanepadam. vyatilunīte. anyasya yogyaṃ lavanaṃ karotītyarthaḥ..

kartari karmavyatihāre 734, 1.3.14 kriyāvinimaye dyotye kartaryātmanepadam. vyatilunīte. anyasya yogyaṃ lavanaṃ karotītyarthaḥ॥

kartari karma. karmavyatihāraśabdaṃ vivṛṇvannāha– kriyāvinimaye dyotye iti. evaṃ ca karmaśabdaḥ kriyāparaḥ, vyatihāraśabdo vinimayapara ityuktaṃ bhavati. anyasyeti. śūdrādiyogyaṃ sasyādilavanaṃ brāāhṛṇaḥ karotītyarthaḥ. parasparakaraṇamapi karmavyatihāra iti kaiyaṭaḥ. saṃpraharante rājānaḥ. kartṛgrahaṇaṃ bhāvakarmaṇorityasyā'nuvṛttinivṛttyartham.anyathā vyatilunīta ityatra na syāt. vastutastu pṛthak sūtrārambhādeva siddhe kartṛgrahaṇamuttarārthamiti bhāṣye spaṣṭam. vyati as te iti sthite āha–śnasoriti. tapase ayogyaḥ śūdrastapasvī bhavatītyarthaḥ. iha `upasargaprādubhryā'miti na ṣaḥ, yacparakatvā'bhāvāditi bhāvaḥ. vyatiṣāte iti. iha acparakatvādupasargaprādubhryāmiti ṣaḥ. vyati s ?se iti sthite āha– tāsastyoriti. `upasargaprādubhryā'miti neha ṣtavam, astyavayavasya sakārasya luptatvāt. vyati s dhve iti sthite āha– dhi ceti. `salopa' iti śeṣaḥ. vyitas e iti sthite āha– ha etīti. sakārasya hakāra iti bhāvaḥ. vyatyasai iti. loḍuttamapuruṣaikavacanam. vyatyāsteti. laṅi rūpam. vyatiṣīteti. liṅi rūpam. vyatirāte iti. laṭi prathamapuruṣaikadvibahuvacaneṣu samānameva ra#ūpam. vyatibhāte iti. bhādhāto rūpam. vyatibabhe iti. liṭi rūpam.

kartari karmavyatihāre 505, 1.3.14 kartari karma. karmavyatihāraśabdaṃ vivṛṇvannāha-- kriyāvinimaye dyotye iti. evaṃ ca karmaśabdaḥ kriyāparaḥ, vyatihāraśabdo vinimayapara ityuktaṃ bhavati. anyasyeti. śūdrādiyogyaṃ sasyādilavanaṃ brāāhṛṇaḥ karotītyarthaḥ. parasparakaraṇamapi karmavyatihāra iti kaiyaṭaḥ. saṃpraharante rājānaḥ. kartṛgrahaṇaṃ bhāvakarmaṇorityasyā'nuvṛttinivṛttyartham.anyathā vyatilunīta ityatra na syāt. vastutastu pṛthak sūtrārambhādeva siddhe kartṛgrahaṇamuttarārthamiti bhāṣye spaṣṭam. vyati as te iti sthite āha--śnasoriti. tapase ayogyaḥ śūdrastapasvī bhavatītyarthaḥ. iha "upasargaprādubhryā"miti na ṣaḥ, yacparakatvā'bhāvāditi bhāvaḥ. vyatiṣāte iti. iha acparakatvādupasargaprādubhryāmiti ṣaḥ. vyati s?se iti sthite āha-- tāsastyoriti. "upasargaprādubhryā"miti neha ṣtavam, astyavayavasya sakārasya luptatvāt. vyati s dhve iti sthite āha-- dhi ceti. "salopa" iti śeṣaḥ. vyitas e iti sthite āha-- ha etīti. sakārasya hakāra iti bhāvaḥ. vyatyasai iti. loḍuttamapuruṣaikavacanam. vyatyāsteti. laṅi rūpam. vyatiṣīteti. liṅi rūpam. vyatirāte iti. laṭi prathamapuruṣaikadvibahuvacaneṣu samānameva ra#ūpam. vyatibhāte iti. bhādhāto rūpam. vyatibabhe iti. liṭi rūpam.

kartari karma. anyasyeti. śūdrasya yogyaṃ sasyādilavanaṃ brāāhṛṇaḥ karotītyarthaḥ. parasparakaraṇamapi karmavyatihāraḥ. saṃpraharante rājānaḥ. pṛthak?sūtrārambhādeva siddhe kartṛgrahaṇamuttarārtham. vyatiste iti. yacparatvā'bhāvānna ṣaḥ. vyatise iti. `upasargaprādubhryā'miti neha ṣatvam, sakārasyā'styavayavatvā'bhāvāt. `ādeśapratyayayo' riti ṣatvaṃ tu `sātpadādyo'riti niṣiddham, ekadeśavikṛtanyāyena pratyayamātrasya padatvāt.

kartari karmavyatihāre 433, 1.3.14 kartari karma. anyasyeti. śūdrasya yogyaṃ sasyādilavanaṃ brāāhṛṇaḥ karotītyarthaḥ. parasparakaraṇamapi karmavyatihāraḥ. saṃpraharante rājānaḥ. pṛthak()sūtrārambhādeva siddhe kartṛgrahaṇamuttarārtham. vyatiste iti. yacparatvā'bhāvānna ṣaḥ. vyatise iti. "upasargaprādubhryā"miti neha ṣatvam, sakārasyā'styavayavatvā'bhāvāt. "ādeśapratyayayo" riti ṣatvaṃ tu "sātpadādyo"riti niṣiddham, ekadeśavikṛtanyāyena pratyayamātrasya padatvāt.