1/15:arthavat iti vyapadeśāya : varṇānām ca mā bhūt iti |
2/15:kim ca syāt |
3/15:vanam , dhanam iti nalopaḥ prātipadikāntasya iti nalopaḥ prasajyeta |
4/15:adhātuḥ iti kimartham |
5/15:ahan vṛtram iti |
6/15:adhātuḥ iti śakyam akartum |
7/15:kasmāt na bhavati ahan vṛtram iti |
8/15:ācāryapravṛttiḥ jñāpayati na dhātoḥ prātipadikasañjñā bhavati iti yat ayam supaḥ dhātuprātipadikayoḥ iti dhātugrahaṇam karoti |
9/15:na etat asti jñāpakam |
10/15:pratiṣiddhārtham etat syāt : api kākaḥ śyenāyate iti |
11/15:apratyayaḥ iti kimartham |
12/15:kāṇḍe kuḍye |
13/15:apratyayaḥ iti śakyam akartum |
14/15:kasmāt na bhavati kāṇḍe kuḍye* iti |
15/15:kṛttaddhitagrahaṇam niyamārtham bhaviṣyati : kṛttaddhitāntasya eva pratyayāntasya prātipadikasañjñā bhavati na anyasya iti |

1/66:arthavati anekapadaprasaṅgaḥ |*
2/66:arthavati prātipadikasañjñāyām anekasya api padasya prātipadikasañjñā prāpnoti : daśa dāḍimāni ṣaṭ apūpāḥ kuṇḍam ajājinam palalapiṇḍaḥ adhorukam etat kumāryāḥ sphaiyakṛtasya pitā pratiśīnaḥ iti |
3/66:samudāyaḥ anarthakaḥ |
4/66:samudāyaḥ anarthakaḥ iti cet avayavārthavattvāt samudāyārthavattvam yathā loke |*
5/66:samudāyaḥ anarthakaḥ iti cet avayavaiḥ arthavadbhiḥ samudāyāḥ api arthavantaḥ bhavanti yathā loke |
6/66:tat yathā loke āḍhyam idam nagaram , gomat idam nagaram iti ucyate na ca tatra sarve āḍhyāḥ bhavanti sarve vā gomantaḥ |
7/66:yathā loke iti ucyate loke ca avayavāḥ eva arthavantaḥ na samudāyaḥ |
8/66:ātaḥ ca avayavāḥ eva arthavantaḥ na samudāyaḥ |
9/66:yasya hi tat dravyam bhavati saḥ tena kāryam karoti yasya ca gāvaḥ santi saḥ tāsām kṣīram ghṛtam ca upabhuṅkte |
10/66:anyaiḥ etat draṣṭum api aśakyam |
11/66:kā tarhi iyam vācoyuktiḥ : āḍhyam idam nagaram , gomat idam iti |
12/66:eṣā eṣā vācoyuktiḥ : iha tāvat āḍhyam idam nagaram iti akāraḥ matvarthīyaḥ : āḍhyāḥ asmin santi iti tat idam āḍhyam iti |
13/66:gomat idam iti matvantāt matvarthīyaḥ lupyate |
14/66:evam api vākyapratiṣedhaḥ arthavattvāt |*
15/66:vākyasya prātipadikasñjñāyāḥ pratiṣedhaḥ vaktavyaḥ : devadatta gām abhyāja śuklām |
16/66:devadatta gām abhyāja kṛṣṇām iti |
17/66:kim kāraṇam |
18/66:arthavattvāt |
19/66:arthavat hi etat vākyam bhavati |
20/66:na vai padārthāt anyasya arthasya upalabdhiḥ bhavati vākye |
21/66:padārthāt anyasya anupalabdhiḥ iti cet padārthābhisambandhasya upalabdhiḥ |*
22/66:padārthāt anyasya anupalabdhiḥ iti cet evam ucyate : padārthābhisambandhasya upalabdhiḥ bhavati vākye |
23/66:iha devadatta iti ukte kartā nirdiṣṭaḥ karma kriyāguṇau ca anirdiṣṭau |
24/66:gām iti ukte karma nirdiṣṭam kartā kriyāguṇau ca anirdiṣṭau |
25/66:abhyāja iti ukte kriyā nirdiṣṭā kartṛkarmaṇī guṇaḥ ca anirdiṣṭaḥ |
26/66:śuklām iti ukte guṇaḥ nirdiṣṭaḥ kartṛkarmaṇī kriyā ca anirdiṣṭā |
27/66:iha idānīm devadatta gām abhyāja śuklām iti ukte sarvam nirdiṣṭam bhavati : devadattaḥ eva kartā na anyaḥ |
28/66:gauḥ eva karma na anyat |
29/66:abhyājiḥ eva kriyā na anyā |
30/66:śuklām eva na kṛṣṇām iti |
31/66:eteṣām padānām sāmānye vartamānānām yadviśeṣe avasthānam saḥ vākyārthaḥ |
32/66:tasmāt pratiṣedhaḥ |*
33/66:tasmāt pratiṣedhaḥ vaktavyaḥ |
34/66:na vaktavyaḥ |
35/66:arthavatsamudāyānām samāsagrahaṇam niyamārtham |*
36/66:arthavatsamudāyānām samāsagrahaṇam niyamārtham bhaviṣyati : samāsaḥ eva arthavatām samudāyāyānām prātipadikasañjñaḥ bhavati na anyaḥ iti |
37/66:yadi niyamaḥ kriyate prakṛtipratyayasamudāyasya prātipadikasañjñā na prāpnoti : bahupaṭavaḥ , uccakaiḥ iti |
38/66:kim punaḥ atra prātipadikasañjñayā prārthyate |
39/66:prātipadikāt iti svādyutpattiḥ yathā syāt |
40/66:na eṣaḥ doṣaḥ |
41/66:yathā eva atra aprātipadikatvāt svādyutpattiḥ na bhavati evam luk api na bhaviṣyati |
42/66:tatra yā eva antarvartinī vibhaktiḥ tasyāḥ eva śravaṇam bhaviṣyati |
43/66:na evam śakyam |
44/66:svare hi doṣaḥ syāt |
45/66:bahupaṭavaḥ iti evam svaraḥ prasajyeta bahupaṭavaḥ iti ca iṣyate |
46/66:paṭhiṣyati hi ācāryaḥ : citaḥ saprakṛteḥ bahvakajartham iti |
47/66:tasyām punaḥ luptāyam yā anyā vibhaktiḥ utpadyate tasyāḥ prakṛtyanekadeśatvāt antodāttatvam na bhaviṣyati |
48/66:evam tarhi ācāryapravṛttiḥ jñāpayati bhavati prakṛtipratyayasamudāyasya prātipadikasañjñā iti yat ayam aprayayaḥ iti pratiṣedham śāsti |
49/66:saḥ ca tadantapratiṣedhaḥ |
50/66:saḥ tarhi jñāpakārthaḥ pratyayapratiṣedhaḥ vaktavyaḥ |
51/66:nanu ca ayam prāptyarthaḥ api vaktavyaḥ |
52/66:na arthaḥ prāptyarthena |
53/66:kṛttaddhitagrahaṇam niyamārtham bhaviṣyati : kṛttaddhitāntasya eva pratyayāntasya prātipadikasañjñā bhaviṣyati na anyasya pratyayāntasya iti |
54/66:saḥ eṣaḥ ananyārthaḥ pratyayapratiṣedhaḥ vaktavyaḥ prakṛtipratyayasamudāyasya vā prātipadikasañjñā vaktavyā |
55/66:ubhayam na vaktavyam |
56/66:tulyajātīyasya niyamaḥ |
57/66:kaḥ ca tulyajātīyaḥ |
58/66:yathājātīyakānām samāsaḥ |
59/66:kathañjātīyakānām samāsaḥ |
60/66:subantānām |
61/66:suptiṅsamudāyasya tarhi prātipadikasañjñā prāpnoti |
62/66:suptiṅsamudāyasya prātipadikasañjñā ārabhyate : jahi karmaṇā bahulam ābhīkṣṇye kartāram ca abhidadhāti iti |
63/66:tat niyamārtham bhaviṣyati : etasya eva suptiṅsamudāyasya prātipadikasañjñā bhavati na anyasya iti |
64/66:tiṅsamudāyasya tarhi prātipadikasañjñā prāpnoti |
65/66:tiṅsamudāyasya api prātipadikasañjñā ārabhyate : ākhyātam ākhyātena kriyāsātatye iti |
66/66:tat niyamārtham bhaviṣyati : etasya eva tiṅsamudāyasya prātipadikasañjñā bhavati na anyasya iti |

1/40:arthavattā na upapadyate kevalena avacanāt |*
2/40:arthavattā na upapadyate vṛkṣaśabdasya |
3/40:kim kāraṇam |
4/40:kevalena avacanāt |
5/40:na kevalena vṛkṣaśabdena arthaḥ gamyate |
6/40:kena tarhi |
7/40:sapratyayakena |
8/40:na vā pratyayena nityasambandhāt kevalasya aprayogaḥ |*
9/40:na vā eṣaḥ doṣaḥ |
10/40:kim kāraṇam |
11/40:pratyayena nityasambandhāt |
12/40:nityasambandhau etau arthau prakṛtiḥ pratyayaḥ iti |
13/40:pratyayena nityasambandhāt kevalasya aprayogaḥ na bhaviṣyati |
14/40:anyat bhavān pṛṣṭaḥ anyat ācaṣṭe |
15/40:āmrān pṛṣṭaḥ kovidārān ācaṣṭe |
16/40:arthavattā na upapadyate kevalena avacanāt iti bhavān asmābhiḥ coditaḥ kevalasya aprayoge hetum āha |
17/40:evam ca kila nāma kṛtvā codyate : samudāyasya arthe prayogāt avayavānām aprasiddhiḥ iti |
18/40:siddham tu anvayavyatirekābhyām |*
19/40:siddham etat |
20/40:katham |
21/40:anvayāt vyatirekāt ca |
22/40:kaḥ asau anvayaḥ vyatirekaḥ vā |
23/40:iha vṛkṣaḥ iti ukte kaḥ cit śabdaḥ śrūyate : vṛkṣaśabdaḥ akārāntaḥ sakārāntaḥ ca pratyayaḥ |
24/40:arthaḥ api kaḥ cit gamyate : mūlaskandhaphalapalāśavān ekatvam ca |
25/40:vṛkṣau iti ukte kaḥ cit śabdaḥ hīyate kaḥ cit upajāyate kaḥ cit anvayī : sakāraḥ hīyate , aukāraḥ upajāyate vṛkṣaśabdaḥ akārāntaḥ anvayī |
26/40:arthaḥ api kaḥ cit hīyate kaḥ cit upajāyate kaḥ cit anvayī : ekatvam hīyate dvitvam upajāyate mūlaskandhaphalapalāśavān anvayī |
27/40:te manyāmahe : yaḥ śabdaḥ hīyate tasya asau arthaḥ yaḥ arthaḥ hīyate |
28/40:yaḥ śabdaḥ upajāyate tasya asau arthaḥ yaḥ arthaḥ upajāyate |
29/40:yaḥ śabdaḥ anvayī tasya asau arthaḥ yaḥ arthaḥ anvayī| viṣamaḥ upanyāsaḥ |
30/40:bahavaḥ hi śabdāḥ ekārthāḥ bhavanti |
31/40:tat yathā : indraḥ śakraḥ puruhūtaḥ purandaraḥ , kanduḥ koṣṭhaḥ kuśūlaḥ iti |
32/40:ekaḥ ca śabdaḥ bahvarthaḥ |
33/40:tat yathā : akṣāḥ pādāḥ māṣāḥ iti |
34/40:ataḥ kim na sādhīyaḥ arthavattā siddhā bhavati |
35/40:na brūmaḥ arthavattā na sidhyati iti |varṇitā arthavattā anvayavyatirekābhyām eva |
36/40:tatra kutaḥ etat : ayam prakṛtyarthaḥ ayam pratyayārthaḥ iti na punaḥ prakṛtiḥ eva ubhau arthau brūyāt pratyayaḥ eva vā |
37/40:sāmānyaśabdāḥ ete evam syuḥ |
38/40:sāmānyaśabdāḥ ca na antareṇa viśeṣam prakaraṇam vā viśeṣeṣu avatiṣṭhante |
39/40:yataḥ tu niyogataḥ vṛkṣaḥ iti ukte svabhāvataḥ kasmin cid arthe pratītiḥ upajāyate ataḥ manyāmahe na ime sāmānyaśabdāḥ iti |
40/40:na cet sāmānyaśabdāḥ prakṛtiḥ prakṛtyarthe vartate pratyayaḥ pratyayārthe |

1/23:kim punaḥ ime varṇāḥ arthavantaḥ āhosvit anarthakāḥ |
2/23:varṇasya arthavadanarthakatve uktam |*
3/23:kim uktam |
4/23:arthavantaḥ varṇāḥ dhātuprātipadikapratyayanipātānām ekavarṇānām arthadarśanāt |
5/23:varṇavyatyaye ca arthāntaragamanāt |
6/23:varṇānupalabdhau ca anarthagateḥ |
7/23:saṅghātārthavattvāt ca |
8/23:saṅghātasya aikārthyāt subabhāvaḥ varṇāt |
9/23:anarthakāḥ tu prativarṇam arthānupalabdheḥ |
10/23:varṇavyatyayāpāyopajanavikāreṣu arthadarśanāt iti |
11/23:tatra idam aparihṛtam : saṅghātārthavattvāt ca iti |
12/23:tasya parihāraḥ |
13/23:saṅghātārthavattvāt ca iti cet dṛṣṭaḥ hiatadarthena guṇena guṇinaḥ arthabhāvaḥ |*
14/23:saṅghātārthavattvāt ca iti cet dṛśyate hi punaḥ atadarthena guṇena guṇinaḥ arthabhāvaḥ |
15/23:tat yathā |
16/23:ekaḥ tantuḥ tvaktrāṇe asamarthaḥ tatsamudāyaḥ ca kambalaḥ samarthaḥ |
17/23:ekaḥ taṇḍulaḥ kṣutpratighāte asamarthaḥ tatsamudāyaḥ ca vardhatikam samarthaḥ |
18/23:ekaḥ ca balvajaḥ bandhane asamarthaḥ tatsamudāyaḥ ca rajjuḥ samarthā bhavati |
19/23:viṣamaḥ upanyāsaḥ |
20/23:bhavati hi tatra yā ca yāvatī ca arthamātrā |
21/23:bhavati hi kim cit prati ekaḥ tantuḥ tvaktrāṇe samarthaḥ ekaḥ ca taṇḍulaḥ kṣutpratighāte samarthaḥ ekaḥ ca balvajaḥ bandhane samarthaḥ |
22/23:ime punaḥ varṇāḥ atyantāya eva anarthakāḥ |
23/23:yathā tarhi rathāṅgāni vihṛtāni pratyekam vrajikriyām prati asamarthāni bhavanti tatsamudāyaḥ ca rathaḥ samarthaḥ evam eṣām varṇānām samudāyāḥ arthavantaḥ avayavāḥ anarthakāḥ iti |

1/21:nipātasya anarthakasya prātipadikatvam |*
2/21:nipātasya anarthakasya prātipadikasañjñā vaktavyā |
3/21:khañjati nikhañjati lambate pralambate |
4/21:kim punaḥ atra prātipadikasañjñayā prārthyate |
5/21:prātipadikāt iti svādyutpattiḥ , subantam padam iti padasañjñā , padasya padāt iti nighātaḥ yathā syāt |
6/21:na etat asti prayojanam |
7/21:satyām api prātipadikasañjñāyām svādyutpattiḥ na prāpnoti |
8/21:kim kāraṇam |
9/21:na hi prātipadikasañjñāyām eva svādyutpattiḥ pratibaddhā |
10/21:kim tarhi |
11/21:ekatvādiṣu artheṣu svādayaḥ vidhīyante na ca eṣām ekatvādayaḥ santi |
12/21:na eṣaḥ doṣaḥ |
13/21:aviśeṣeṇa utpadyante |
14/21:utpannānām niyamaḥ kriyate |
15/21:atha vā prakṛtārthān apekṣya niyamaḥ |
16/21:ke ca prakṛtāḥ |
17/21:ekatvādayaḥ |
18/21:ekasmin eva arthe ekavacanam na dvayoḥ na bahuṣu |
19/21:dvayoḥ eva dvivacanam na ekasmin na bahuṣu |
20/21:bahuṣu eva artheṣu bahuvacanam na ekasmin na dvayoḥ iti |
21/21:atha vā ācāryapravṛttiḥ jñāpayati anarthakānām api eteṣām bhavati arthavatkṛtam iti yat ayam adhiparī* anarthakau iti anarthakayoḥ gatyupasargasañjābādhikām karmapravacanīyasañjñām śāsti

1/34:kim punaḥ ayam paryudāsaḥ : yat anyat pratyayāt āhosvit prasajya ayam pratiṣedhaḥ : pratyayaḥ na iti |
2/34:kaḥ ca atra viśeṣaḥ |
3/34:apratyayaḥ iti cet tibekādeśe pratiṣedhaḥ antavattvāt |*
4/34:apratyayaḥ iti cet tibekādeśe pratiṣedhaḥ vaktavyaḥ : kāṇḍe kuḍye |
5/34:kim kāraṇam |
6/34:antavattvāt |
7/34:tibatipoḥ ekādeśaḥ atipaḥ antavat syāt |
8/34:asti anyat tipaḥ iti kṛtvā prātipadikasañjñā prāpnoti |
9/34:astu tarhi prasajyapratiṣedhaḥ : pratyayaḥ na iti |
10/34:na pratyayaḥ iti cet ūṅekādeśe pratiṣedhaḥ ādivattvāt |*
11/34:na pratyayaḥ iti cet ūṅekādeśe pratiṣedhaḥ prāpnoti : brahmabandhūḥ |
12/34:kim kāraṇam |
13/34:ādivattvāt |
14/34:pratyayāpratyayayoḥ pratyayasya ādivat syāt |
15/34:tatra pratyayaḥ na iti pratiṣedhaḥ prāpnoti |
16/34:na eṣaḥ doṣaḥ |
17/34:ācāryapravṛttiḥ jñāpayati utpadyante ūṅantāt svādayaḥ iti yat ayam na ūṅdhātvoḥ iti vibhaktisvarasya pratiṣedham śāśti |
18/34:atha vā dve hi atra prātipadikasañjñe : avayavasya api samudāyasya api |
19/34:tatra avayavasya yā prātipadikasañjñā tayā antavadbhāvāt svādyutpattiḥ bhaviṣyati |
20/34:sublope ca pratyayalakṣaṇatvāt |*
21/34:sublope ca pratyayalakṣaṇena pratiṣedhaḥ prāpnoti : rājā takṣā |
22/34:pratyayalakṣaṇena pratyayaḥ na iti pratiṣedhaḥ prāpnoti |
23/34:na eṣaḥ doṣaḥ |
24/34:ācāryapravṛttiḥ jñāpayati na pratyayalakṣaṇena pratiṣedhaḥ bhavati iti yat ayam na ṅisambuddhyoḥ iti pratiṣedham śāsti |
25/34:atha vā punaḥ astu paryudāsaḥ |
26/34:nanu ca uktam : apratyayaḥ iti cet tibekādeśe pratiṣedhaḥ antavattvāt iti |
27/34:prasajyapratiṣedhe api eṣaḥ doṣaḥ |
28/34:dve hi atra prātipadikasañjñe : avayavasya api samudāyasya api |
29/34:gṛhyate ca prātipadikāprātipadikayoḥ ekādeśaḥ prātipadikagrahaṇena |
30/34:tasmāt ubhābhyām api vaktavyam syāt : hrasvaḥ napuṃsake yat tasya iti |
31/34:kim ca napuṃsake |
32/34:napuṃsakam yasya guṇaḥ |
33/34:kasya ca napuṃsakam guṇaḥ |
34/34:prātipadikasya |

abhidheyavacano 'rthaśabdaḥ. arthavacchabdarūpaṃ prātipadikasaṃjñaṃ bhavati dhātupratyayau varjayitvā. ḍitthaḥ. kapitthaḥ. kuṇḍam. pīṭham. arthavatiti kim? vanam, dhanam iti na antasya avadher mā bhūt. nalopo hi syāt. adhātuḥ iti kim? hanter laṅ. ahan. alopaḥ syat. apratyayaḥ iti kim? kāṇḍe. kuḍye. hrasvo napuṃsake prātipadikasya 1-2-47 iti hrasvaḥ syāt. anarthakasya api nipātasya prātipadikasaṃjñā iṣyate. adhyāgacchati. pralambate. prātipadikapradeśāḥ hrasvo napuṃsake prātipadikasya 1-2-47 ityevam ādyaḥ.

arthavadadhāturapratyayaḥ prātipadikam 1.2.45 abhidheyavacano 'rthaśabdaḥ. arthavacchabdarūpaṃ prātipadikasaṃjñaṃ bhavati dhātupratyayau varjayitvā. ḍitthaḥ. kapitthaḥ. kuṇḍam. pīṭham. arthavatiti kim? vanam, dhanam iti na antasya avadher mā bhūt. nalopo hi syāt. adhātuḥ iti kim? hanter laṅ. ahan. alopaḥ syat. apratyayaḥ iti kim? kāṇḍe. kuḍye. hrasvo napuṃsake prātipadikasya 1.2.47 iti hrasvaḥ syāt. anarthakasya api nipātasya prātipadikasaṃjñā iṣyate. adhyāgacchati. pralambate. prātipadikapradeśāḥ hrasvo napuṃsake prātipadikasya 1.2.47 ityevam ādyaḥ.

arthavadagadhāturapratyayaḥ prātipadikam. , 1.2.45 "abhidheyavacano'yamarthaśabdaḥ" iti. etena prayojanādivacanādvayavacchinatti. arthaśabdo hi prayojanavacano'pyasti, yathā-- anenārthanāgataḥ, anena prayojaneneti gamyate. nivṛttivacano'pyassi, yathā-- maśakārartho dhūma iti, maśakanivṛttyartha iti gamyate. dhanavacano'pyasti,yathā--arthavān devadatta iti, dhanavāniti gamyate. abhidheyavacano'pyasti, yathā-- asya vacanasyāyamartha iti, idamasyābhidheyamiti gamyate. iha tvabhidheyavacanasyaiva grahaṇam. tat punarabhidheyaṃ jātiguṇakriyādravyabhedena caturvidham.ata eva catuṣṭayī śabdānāṃ pravṛttirbhavati. tatra jātiśabdānāṃ jātirabhidheyā-- gauriti. yadyarthavataḥ prātipadikasaṃjñā vidhīyate tadā'bhāvavacanaśaśaviṣāṇādiśabdānāṃ prātipadikasaṃjñā nopapadyate, arthābhāvāt, naitadasti; "arthaśabdo'bhidheyavacanaḥ" (kā.1.2.45) ityuktam, abhāvo'pyabhidheyo bhavatyeva. anyathā hrarthābhāvāditīdaṃ vacanamanuccāraṇīyaṃ syāt, anarthakatvāt, na hranarthakaṃ vacanaṃ prayogarhati. tasmādabāvavacanānāmapi prātipadikasaṃjñā bhavatyeva. "nāntasyādhermā bhūt" iti. nanu cādhāturiti pratiṣedho bhaviṣyati, tathā hi "vana sambhkatau" (dhā.pā.463), "dhana dhānye" (dhā.pā.1104) ityetayoḥ dharātvorete rūpe, naitadasti; avyutpannāvapi vanadhanaśabdau staḥ, tayorevāyaṃ prayogaḥ. atra yadi nāntasyāvadheḥ prātipadikasaṃjñā syāt tadā subutpattiḥ syāt, tataśca padasaṃjñāyāṃ satyāṃ nalopaḥ syāt. nanu ca "adhātuḥ" "apratyayaḥ"-- naitadasti; anarthakasyāpi dhātorvidyamānatvāt yathā-- "iṅa adhyayane" (dhā.pā.1046), "ik smaraṇe" (dhā.pā.1047) iti-- etayoradhipūrvayorevārthavattvam, na kevalayoḥ. yastu gaṇapāṭhe'nayorarthanirdeśaḥ, sa samudāyārthamavayave'dhyāropya kṛta iti veditavyam. adhyāropitārthayorapi tayorgaṇapāṭhasāmathryāddhātusaṃjñā bhavatyeva. evaṃ pratyayo'pyanarthako'pyasti. yathā-- "yāvādibhyaḥ kan" 5.4.29, yāva eva yāvaka iti. na hratra pratyayasyānvayavyatirekābhyāṃ śakyate'rthavattvaṃ pratyetum. vināpi tena kanpratyayena yāvaśabdādeva tadarthaḥ pratīyayate. tasmādarthavaditi yuktamuktam. "ahan" iti. adāditvācchapo luk, tipo halṅyādinā 6.1.66 lopaḥ, aṭ. sa ca hantigrahaṇena gṛhrata iti kṛte'pi tasmin hantirdātureva. atra vinā dhātugrahaṇena prāgeva pratyayotpatteḥ prātipadikasaṃjñā syāt. nalopastu pratyayotpattau padatve satyuttarakālam. atha vā-- prātipadikasaṃjñā'pi pratyayotpatteruttarakālameva syāt, tasmāddhātugrahaṇaṃ kartavyam. nanu cātra pratyayalakṣaṇena "apratyayaḥ" iti pratiṣedhena bhavitavyam,tat kimadhātugrahaṇena? naitadasti; prātipadikasaṃjñāyāṃ nalopaḥ kāryaḥ, nalope ca "na ṅisambuddhayoḥ" 8.2.8 iti pratiṣedho jñāpakaḥ- pratyayalakṣaṇena "apratyayaḥ" iti pratiṣedho na pravartata iti. yadi hrapratyaya iti pratyayalakṣaṇena he rājannityevamādiṣu prātipadikasaṃjñāyāḥ pratiṣedhaḥ syāt, "na ṅisambuddhayoḥ" 8.2.8 iti pratiṣedho anarthakaḥ syāt; prāptyabhāvāt. atha bhid-chid-lūḥ- pūrityevamādīnāṃ kathaṃ prātipadikasaṃjñā, yāvatā kvibantā dhātutvaṃ na jahatīti dhātava evaita iti, atrādhāturiti pratiṣedhena bhavitavyam? naiṣa doṣaḥ; mā bhūdanena, kṛdantatvāduttara sūtreṇa bhaviṣyati. na cottarasyāḥ prāpterayaṃ bādhakaḥ; vākyāntarasthatvāt. "madhye'pavādāḥ pūrvān vidhīn bādhante nottarān" (vyā.pa.10) iti vā. "kāṇḍe, kuḍa()e" iti. prathamādvivacanānte ete rūpe. "napuṃsakācca" 7.1.19 iti śībhāvaḥ. atra ca "pratyayagrahaṇe yasmāt sa vihitastadādestadantasya" (bhā.pa.sū.7) iti tadantasya pratiṣedho bhaviṣyati, na pratyayamātrasya. nanu ca "suptiṅantaṃ padam" 1.4.14 ityatrāntagrahaṇena "anyatra saṃjñāvidhau pratyayagrahaṇe tadantavidhirnāsti" iti jñāpitatvāt "apratyayaḥ" iti pratyayāntasya pratiṣedho na labhyate, naiṣa doṣaḥ; saṃjñāvidhau sa pratiṣedhaḥ, na cāyaṃ saṃjñāvidhiḥ, kiṃ tarhi? pratiṣedhavidhiḥ. atha kimarthamapratyaya ita pratiṣedha ucyate, yāvatottarasūtre kṛttaddhitagrahaṇaṃ niyamārthaṃ bhaviṣyati-- "kṛttaddhitāntasyaiva prātipadikasaṃjñā, nānyapratyayāntasya-- kāṇḍe,kuḍa()e ityevamādeḥ"iti? naitadasti, asatyasmin pratiṣedhe'nyatra"saṃjñāvidhau pratyayagrahaṇe tadantavidhirnāsti" iti kṛttaddhitayoreva prātipadikasaṃjñā syānna tadantasya; tadantasya caiveṣyate-- bhicchillūḥpūrityevamādīnāṃ prātipadikasaṃjñārtham. satyapratyaya ityetasmin pratiṣedhe prāpte yathā kṛttaddhitāntasya prātipadikasaṃjñā labhyate tathottarasūtre pratipādayiṣyāmaḥ. nanu ca "kāṇḍe" "kuḍye"-- ityetayoḥ pūrvameva prakṛteḥ prātipadikasaṃjñā pravṛttā, vibhaktyā ca sahaikādeśe kṛte'ntādivadbhāvādastyeva prātipadikatvamiti satyapyapratyayagrahaṇe hyasvatvaṃ prāpnotyeva, naitadasti; apratyayagrahaṇasāmathryānna bhaviṣyati,anyathā hrapratyayagrahaṇamanarthakaṃ syāt(). "adhāturapratyayaḥ" iti dviṣpratiṣedhaḥ ṣaṣṭhītatpuruṣāśaṅkānirāsārthaḥ "adhātupratyayaḥ" ityucyamāne ṣaṣṭhī tatpuruṣo'pyāśaṅkyeta-- dhātoryaḥ pratyayasya na bhavatīti॥

dhātuṃ pratyayaṃ pratyayāntaṃ ca varjayitvā arthavacchabdasvarūpaṃ prātipadikasaṃjñaṃ syāt..

arthavadadhāturapratyayaḥ prātipadikam 116, 1.2.45 dhātuṃ pratyayaṃ pratyayāntaṃ ca varjayitvā arthavacchabdasvarūpaṃ prātipadikasaṃjñaṃ syāt॥

atha svaujasamauḍityādinā svādipratyayānvakṣyati. tatra ṅyāpprātipadikādityadhikṛtam. kiṃ tatprātipadikamiti jijñāsāyāmāha– arthavadadhātuḥ. artho'syāstītyarthavat. napuṃsakaliṅganusārāt-`śabdasvarūpa'miti viśeṣya madhyāhāryam. adhāturiti, apratyaya iti ca tadviśeṣaṇam. na dhāturadhāturiti nañ?tatpuruṣaḥ. `paravalliṅgaṃ dvandvatatpuruṣayoḥ' iti puṃstvam. `apratyaya' ityāvartate. pratyayabhinnaṃ pratyayāntabhinnaṃ ca vivakṣitam. pūrvavatpuṃstvam. `saṃjñāvidhā'viti niṣedhastuṃ pratyayasya yatra saṃjñā tadviṣaya iti bhāvaḥ. tadāha–dhātu pratyayamityādinā. avyutpannā ḍitthādiśabdā ihodāharaṇāni. arthavaditi kim ?. danaṃ vanamityādau prativarṇaṃ prātipadikasaṃjñā mā bhūt. satyāṃ hi prātipadikasaṃjñāyāṃ prativarṇaṃ suvutpattiḥ syāt, saṅkhyākārakābhāve'pi prathamaikavacanasya sordurvāratvātprathamāvibhakteḥ kārakānapekṣatvāttadekavacanasya saṅkhyānavagame.ñapi pravṛtterbhāṣye siddhāntitatvācca. naca halṅyādinā sulopātprativarṇaṃ sorutpattāvapi na kṣatiriti vācyam, evamapi nalopasya durvāratvādakārātso rutvavisargāpatteścetyalam. adhāturiti kim ?. hanadhātorlaṅi, tipi, śapi luki, itaścetīkāralope, aḍāgame, halṅyādilope'hanniti rūpam. atra dhātoḥ prātipadikasaṃjñāyāṃ subapabāde tiṅi utpanne lupte tasmin prātipadikasaṃjñāyāḥ prāgutpannāyā anapagamānnalopaḥ syāt. naca pratyayalakṣaṇamāśritya pratyayāntaparyudāsādeva na prātipadikatvamiti vācyam. evamapi prāk?pravṛttaprātipadikatvasyānapagamāt. nacaivamapi kāryakālapakṣe nalopārthaṃ prātipadikasaṃjñāyāṃ kriyamāṇāyāṃ pratyalakṣaṇena pratyayāntasya prātipadikasaṃjñā na syāditi vācyam. tarhi he rājannityatrāpi pratyayalakṣaṇena pratyayāntatvātprātipadikatvābhāve sati nalopasyā'prasaktau `na ṅisaṃbuddhyoḥ' iti tanniṣedhavaiyathryaprasaṅgāt. naca rājanśabdasyauṇādikakaninpratyayāntasya kṛttaddhiteti prātipadikatvānnalopaprasaktau `na ṅisaṃbuddhayoḥ' iti niṣedho.ñarthavāniti vācyam, uṇādīnāmavyutpattipakṣe kṛttaddhitetyasyā'pravṛtteḥ. evaṃ cāsmādeva niṣedhātpratyayalakṣaṇamāśrityā'pratyayānta iti paryudāso na pravartata iti vijñāyate. evaṃ ca aha nnityatrāpyapratyayāntatvātprātipadikatvaprāptau tannivṛttyarthamadhātugrahaṇam. apratyaya iti kim ?. hariṣu karoṣītyatra supsiporarthavattvādapratyayāntatvācca prātipadikatve prāpte tannivṛttyarthamapratyaya iti pratyayaparyudāsaḥ. nacātra supsipovryapadeśivadbhāvena pratyayāntatvātpratyayāntaparyudāsenaiva prātipadikatvanivṛttisaṃbhavā\ufffdtka pratyayaparyudāseneti vācyam, pratyayagrahaṇe yasmātsa vihitastadādestadantasya grahaṇamiti paribhāṣayā prakṛtipratyayasamudāyasyaiva pratyayāntatayā kevalapratyayayoḥ supsipoḥ paryudāsā'lābhāt. apratyayānta iti kim ?.hariṣu karoṣi atra praka- tipratyayasamudāyayoḥ pratyayabhinnatvādarthavattvācca prātipadikatvaṃ mā bhūt.

arthavadadhātupratyayaḥ prātipadikam 177, 1.2.45 atha svaujasamauḍityādinā svādipratyayānvakṣyati. tatra ṅyāpprātipadikādityadhikṛtam. kiṃ tatprātipadikamiti jijñāsāyāmāha--arthavadadhātuḥ. artho'syāstītyarthavat. napuṃsakaliṅganusārāt-"śabdasvarūpa"miti viśeṣya madhyāhāryam. adhāturiti, apratyaya iti ca tadviśeṣaṇam. na dhāturadhāturiti nañ()tatpuruṣaḥ. "paravalliṅgaṃ dvandvatatpuruṣayoḥ" iti puṃstvam. "apratyaya" ityāvartate. pratyayabhinnaṃ pratyayāntabhinnaṃ ca vivakṣitam. pūrvavatpuṃstvam. "saṃjñāvidhā"viti niṣedhastuṃ pratyayasya yatra saṃjñā tadviṣaya iti bhāvaḥ. tadāha--dhātu pratyayamityādinā. avyutpannā ḍitthādiśabdā ihodāharaṇāni. arthavaditi kim?. danaṃ vanamityādau prativarṇaṃ prātipadikasaṃjñā mā bhūt. satyāṃ hi prātipadikasaṃjñāyāṃ prativarṇaṃ suvutpattiḥ syāt, saṅkhyākārakābhāve'pi prathamaikavacanasya sordurvāratvātprathamāvibhakteḥ kārakānapekṣatvāttadekavacanasya saṅkhyānavagame.ñapi pravṛtterbhāṣye siddhāntitatvācca. naca halṅyādinā sulopātprativarṇaṃ sorutpattāvapi na kṣatiriti vācyam, evamapi nalopasya durvāratvādakārātso rutvavisargāpatteścetyalam. adhāturiti kim?. hanadhātorlaṅi, tipi, śapi luki, itaścetīkāralope, aḍāgame, halṅyādilope'hanniti rūpam. atra dhātoḥ prātipadikasaṃjñāyāṃ subapabāde tiṅi utpanne lupte tasmin prātipadikasaṃjñāyāḥ prāgutpannāyā anapagamānnalopaḥ syāt. naca pratyayalakṣaṇamāśritya pratyayāntaparyudāsādeva na prātipadikatvamiti vācyam. evamapi prāk()pravṛttaprātipadikatvasyānapagamāt. nacaivamapi kāryakālapakṣe nalopārthaṃ prātipadikasaṃjñāyāṃ kriyamāṇāyāṃ pratyalakṣaṇena pratyayāntasya prātipadikasaṃjñā na syāditi vācyam. tarhi he rājannityatrāpi pratyayalakṣaṇena pratyayāntatvātprātipadikatvābhāve sati nalopasyā'prasaktau "na ṅisaṃbuddhyoḥ" iti tanniṣedhavaiyathryaprasaṅgāt. naca rājanśabdasyauṇādikakaninpratyayāntasya kṛttaddhiteti prātipadikatvānnalopaprasaktau "na ṅisaṃbuddhayoḥ" iti niṣedho.ñarthavāniti vācyam, uṇādīnāmavyutpattipakṣe kṛttaddhitetyasyā'pravṛtteḥ. evaṃ cāsmādeva niṣedhātpratyayalakṣaṇamāśrityā'pratyayānta iti paryudāso na pravartata iti vijñāyate. evaṃ ca aha nnityatrāpyapratyayāntatvātprātipadikatvaprāptau tannivṛttyarthamadhātugrahaṇam. apratyaya iti kim?. hariṣu karoṣītyatra supsiporarthavattvādapratyayāntatvācca prātipadikatve prāpte tannivṛttyarthamapratyaya iti pratyayaparyudāsaḥ. nacātra supsipovryapadeśivadbhāvena pratyayāntatvātpratyayāntaparyudāsenaiva prātipadikatvanivṛttisaṃbhavā()tka pratyayaparyudāseneti vācyam, pratyayagrahaṇe yasmātsa vihitastadādestadantasya grahaṇamiti paribhāṣayā prakṛtipratyayasamudāyasyaiva pratyayāntatayā kevalapratyayayoḥ supsipoḥ paryudāsā'lābhāt. apratyayānta iti kim?.hariṣu karoṣi atra praka-tipratyayasamudāyayoḥ pratyayabhinnatvādarthavattvācca prātipadikatvaṃ mā bhūt.

athājantapuṃliṅgaprakaraṇam. arthavadadhātu. pratyayaṃ pratyayāntaṃ ceti. sūtre tantrādinobhayaṃ vivakṣitamiti bhāvaḥ. arthava'diti napuṃsakanirdeśasyā'nuguṇaṃ viśeṣyamadhyāharati–śabdasvarūpamiti. `adhāturapratyaya' iti puṃliṅganirdeśastu `paravalliṅgaṃ dvandvatatpuruṣayoḥ' ityuttarapadaliṅgavattvādbodhya ityāhuḥ. yadi tu dhātubhinnamityarthaṃ parityajyāropito dhāturadhāturiti vyākhyāyate, tadā napuṃsakatvaprāpterāśaṅkaiva nāstīti jñeyam. arthavaditi kim ?. `dhanaṃ' `vana'mityādau prativarṇaṃ saṃjñā mā bhūt. tasyāṃ ca satyāṃ svādayaḥ syuḥ. nanu saṅkhyākarmāderabhāvānna bhaviṣyatīti cenna; `ekavacanamutsargataḥ kariṣyate' iti siddhāntāddhuṃphaḍādibhya iva sordurvāratvāt. na cārthavadgrahaṇaparibhāṣayā anarthake na syāditi vācyaṃ, tasyā viśiṣṭarūpopādānaviṣayatvāt. `prādūhoḍha'ityatra tu `ūḍha' iti viśiṣṭarūpamupāttamitiktavatvantaikadeśasyānarthakasyoḍhaśabdasya grahaṇaṃ netyuktam. na hratra tathā viśeṣarūpasyopādānamasti. yadyapyadhāturityādiparyudāsenārthavattvaṃ labhyate, tathāpyuttarārthamarthavahgrahaṇaṃ spaṣṭapratipattaye ihaiva kṛtam. na caikājdvirvacananyāyena samudāyasyaiva saṃjñā syānnāvayavānāmityarthavadgrahaṇamiha vyarthamiti śaṅkyaṃ ; samudāye dvirukte avayavā api dviruktā bhavanti. `vṛkṣaḥ pracalansahāvayavaiḥ pracalatī'ti nyāyāt. iha tu samudāye pravṛttayā prātipadikasaṃjñayā nāvayavānāṃ tatkāryasiddhiriti vaiṣamyāt. ataeva `yatra bahavo halaḥ saṃśliṣṭāstatra dvayorbāhūnāṃ cā'viśeṣeṇa saṃyogasaṃjñe'ti siddhāntaḥ saṅgacchate. anyathā tvadupanyastanyāyena samudāya eva saṃyogasaṃjñā pravarteta. atra kecit-`dhanaṃ' `vana'mityādau prativarṇaṃ satyāmapi saṃjñāyāṃ satsvapi svādiṣu na kṣatiḥ. `halṅyā'bityādinā sulopāt. na ca nalopo dhasya jaśtvaṃ ca syāditi śaṅkyam, dhātupāṭhe `dhana' `vane'tyuccāraṇasāmathryāttadapravṛtterityāhuḥ. tadasat. ?kārātsorutpattau rutvapravṛtteḥ. yadyapi samuditaprātipadikasyāvayavatvena supo luki rutvaṃ na bhavettathāpi `cikīrṣati' `vidma' ityādau rephadakārayoḥ padāntatve sati `kharavasānayo'riti visargasya `yaro'nunāsike' ityanunāsikasya ca prasaṅgāditi dik. adhātuḥ kim ?, ahan. dhātoḥ prātipadikasaṃjñāyāṃ satyāṃ tiṅāṃ svādyapavādatvādahannityatra hantestipi sipa#i vā kṛte `itaśce'tīkāralope halṅyādilope ca prākkṛtā prātipadikasaṃjñā nāpagateti `nalopaḥ prātipadikāntasye'ti nalopaḥ syāttanmā bhūt. `ahan' iti rutvaṃ `ro'supī'ti ratvaṃ ceha nāśaṅkyam, lākṣaṇikatvāt. na ca kāryakālapakṣe pratyayāntatvena paryudāsātprātipadikasaṃjñā'bhāvena nalopo na bhavediti vācyaṃ, pratyayalakṣaṇena uktaparyudāsā'pravṛtteḥ `na ṅisaṃbudhdyo'riti niṣedhena jñāpitatvāt. kathamanyathā `rāja'tyādau nalopaḥ syāt. yadyapi vyutpattipakṣe rājañśabdasya kaninpratyayāntatayā `kṛttaddhite'ti prātipadikasaṃjñāyāṃ rājetyādau nalopaḥsyāt , tathā ca `na ṅisabanadhdyo'riti niṣedho na jñāpaka iti kāryakālapakṣe'dhātugrahaṇaṃ vyarthaṃ, tathāpyavyutpattipakṣe jñāpaka eveti kāryakāle'pi tatsvīkartavyam, na ca `supo dhā'tviti sūtre prātipadikātpṛthagdhātugrahaṇāddhātorneyaṃ saṃjñeti vācyam, `putrīyatī'tyādau pratyayānte dhātugrahaṇasya caritārthatvāt. apratyayaḥ kim ?, hariṣu, karoṣi. atra supsipormā bhūt. apratyayāntaḥ kim ?. tatraiva vibhaktiviśiṣṭayormā bhūt. na cāntavadbhāvena `kāṇḍe' `kuḍa\ufffde'ityādau prātipada#ikatvaṃ syādeva. tathā ca `hyasvo napuṃsake-' iti hyasvaḥ sorutpattiśca syāditi vācyam, `saptamyadhikaraṇe ce'tyādinirdeśena vibhaktayekādeśasyāntavadbhāvānabhyupagamāditi dik. nanu pratyayaparyudāso na kartavyaḥ, pratyayāntaparyudāsenaiva gatārthatvāt. vyapadeśivadbhāvena tasyāpi pratyayāntatvāditi cenmaivaṃ, pratyayagrahaṇe yasmātsa vihitastadādegrrahaṇāt, kevalasya cā'tathātvāt. anyathā suptiṅorapi tadantatvātpadatvaṃ syāt. tathā ca `hariṣu' `karoṣī'-tyādau ṣatvaṃ na syāt, `sāptapadādyo'riti niṣedhāt. na ca ṣatvavidherniravakāśātā, `sarpiṣe' `eṣa' ityādau caritārthatvāt. anye tu vyācakṣate-`kṛttaddhite'tyatra hi tadantavidhirvakṣyate. tathā ca `taddhitagrahaṇasya taddhitāntānāmeva natvanyapratyayāntānāṃ saṃjñe'ti niyamārthatāmāśritya pratyayāntaparyudāso'tra na kartavyaḥ. athavā `sātpadādyo'riti sūtre sātigrahaṇātpratyayo na prātipadikamiti siddhe pratyayagrahaṇaṃ sāmathryāttadantaparam. uttarasūtre taddhitagrahaṇaṃ tu vidhyarthamevā'stu. yadvā sātigrahaṇātpratyayasya prātipadikatvā'bhāve taddhitagrahaṇasyoktarītyā niyamārthatve ca `arthavadadhātuḥ prātipadika'mityeva suvacamiti, teṣām `iko yaṇacī'ti sūtraṃ vyarthaṃ syāt. `tasmādityuttarasya' `vāyvṛtupitruṣasaḥ'- ityādinirdeśājjñāpakādiṣṭasiddheḥ. `nājjhalau' ityatrākārasahito'c ājityayaṃ mūlagrantho'pi virudhyeta, `kālasamayavelāsu'-ityādijñāpakādeva ḍhatvā'bhāvasiddhe. yadi jñāpakena pratyākhyānamayuktamiti, yadi cā''kārapraśleṣe eva talliṅgamityabhyupagame sūtrākṣaraireveṣṭaṃ sidhyatītyucyeta, tarhi `apratyaya' ityetadabhyupagamya pratyayaparyudāse `sāti'grahaṇaṃ liṅgaṃ, pratyayāntaparyudāse tu taddhitagrahaṇamityapratyayagrahaṇamevāvarttya vyākhyāyatāṃ, kimanayā kusṛṣṭayeti dik. `adhātupratyayā'viti siddhe nañdvayopādānamapratyaya ityasyāvṛttisokaryārtham. mahāsaṃjñākaraṇaṃ śrutyanurodhāt. tathā cātharvaṇe paṭa\ufffdte–`ko dhātuḥ, kiṃ prātipadikaṃ, kaḥ pratyayaḥ' iti. ḍitthādīnyavyutpannānīhodāharaṇam. avyutpattipakṣasya cedameva jñāpakamiti prāñcaḥ. vastutastu vyutpattipakṣe `bahupaṭava' ityādyarthaṃ sūtramiti navyāḥ. na caivaṃ `bahucpūrvaḥ prātipadika'mityeva sūtryatāmiti vācyam, `mūlakenopadaṃśa'mityādau kṛdantatvenātiprasaṅgāt, gatikārakapūrvasyāpi kṛdantatvāt. na ca samāsagrahaṇaṃ niyamārthamiti nistāraḥ, arthavatsūtrārambhaṃ vinā samāsagrahaṇasya niyamārthatvā'yogāt.

arthavadadhāturapratyayaḥ prātipadikam 147, 1.2.45 athājantapuṃliṅgaprakaraṇam. arthavadadhātu. pratyayaṃ pratyayāntaṃ ceti. sūtre tantrādinobhayaṃ vivakṣitamiti bhāvaḥ. arthava"diti napuṃsakanirdeśasyā'nuguṇaṃ viśeṣyamadhyāharati--śabdasvarūpamiti. "adhāturapratyaya" iti puṃliṅganirdeśastu "paravalliṅgaṃ dvandvatatpuruṣayoḥ" ityuttarapadaliṅgavattvādbodhya ityāhuḥ. yadi tu dhātubhinnamityarthaṃ parityajyāropito dhāturadhāturiti vyākhyāyate, tadā napuṃsakatvaprāpterāśaṅkaiva nāstīti jñeyam. arthavaditi kim?. "dhanaṃ" "vana"mityādau prativarṇaṃ saṃjñā mā bhūt. tasyāṃ ca satyāṃ svādayaḥ syuḥ. nanu saṅkhyākarmāderabhāvānna bhaviṣyatīti cenna; "ekavacanamutsargataḥ kariṣyate" iti siddhāntāddhuṃphaḍādibhya iva sordurvāratvāt. na cārthavadgrahaṇaparibhāṣayā anarthake na syāditi vācyaṃ, tasyā viśiṣṭarūpopādānaviṣayatvāt. "prādūhoḍha"ityatra tu "ūḍha" iti viśiṣṭarūpamupāttamitiktavatvantaikadeśasyānarthakasyoḍhaśabdasya grahaṇaṃ netyuktam. na hratra tathā viśeṣarūpasyopādānamasti. yadyapyadhāturityādiparyudāsenārthavattvaṃ labhyate, tathāpyuttarārthamarthavahgrahaṇaṃ spaṣṭapratipattaye ihaiva kṛtam. na caikājdvirvacananyāyena samudāyasyaiva saṃjñā syānnāvayavānāmityarthavadgrahaṇamiha vyarthamiti śaṅkyaṃ ; samudāye dvirukte avayavā api dviruktā bhavanti. "vṛkṣaḥ pracalansahāvayavaiḥ pracalatī"ti nyāyāt. iha tu samudāye pravṛttayā prātipadikasaṃjñayā nāvayavānāṃ tatkāryasiddhiriti vaiṣamyāt. ataeva "yatra bahavo halaḥ saṃśliṣṭāstatra dvayorbāhūnāṃ cā'viśeṣeṇa saṃyogasaṃjñe"ti siddhāntaḥ saṅgacchate. anyathā tvadupanyastanyāyena samudāya eva saṃyogasaṃjñā pravarteta. atra kecit-"dhanaṃ" "vana"mityādau prativarṇaṃ satyāmapi saṃjñāyāṃ satsvapi svādiṣu na kṣatiḥ. "halṅyā"bityādinā sulopāt. na ca nalopo dhasya jaśtvaṃ ca syāditi śaṅkyam, dhātupāṭhe "dhana" "vane"tyuccāraṇasāmathryāttadapravṛtterityāhuḥ. tadasat.?kārātsorutpattau rutvapravṛtteḥ. yadyapi samuditaprātipadikasyāvayavatvena supo luki rutvaṃ na bhavettathāpi "cikīrṣati" "vidma" ityādau rephadakārayoḥ padāntatve sati "kharavasānayo"riti visargasya "yaro'nunāsike" ityanunāsikasya ca prasaṅgāditi dik. adhātuḥ kim?, ahan. dhātoḥ prātipadikasaṃjñāyāṃ satyāṃ tiṅāṃ svādyapavādatvādahannityatra hantestipi sipa#i vā kṛte "itaśce"tīkāralope halṅyādilope ca prākkṛtā prātipadikasaṃjñā nāpagateti "nalopaḥ prātipadikāntasye"ti nalopaḥ syāttanmā bhūt. "ahan" iti rutvaṃ "ro'supī"ti ratvaṃ ceha nāśaṅkyam, lākṣaṇikatvāt. na ca kāryakālapakṣe pratyayāntatvena paryudāsātprātipadikasaṃjñā'bhāvena nalopo na bhavediti vācyaṃ, pratyayalakṣaṇena uktaparyudāsā'pravṛtteḥ "na ṅisaṃbudhdyo"riti niṣedhena jñāpitatvāt. kathamanyathā "rāja"tyādau nalopaḥ syāt. yadyapi vyutpattipakṣe rājañśabdasya kaninpratyayāntatayā "kṛttaddhite"ti prātipadikasaṃjñāyāṃ rājetyādau nalopaḥsyāt , tathā ca "na ṅisabanadhdyo"riti niṣedho na jñāpaka iti kāryakālapakṣe'dhātugrahaṇaṃ vyarthaṃ, tathāpyavyutpattipakṣe jñāpaka eveti kāryakāle'pi tatsvīkartavyam, na ca "supo dhā"tviti sūtre prātipadikātpṛthagdhātugrahaṇāddhātorneyaṃ saṃjñeti vācyam, "putrīyatī"tyādau pratyayānte dhātugrahaṇasya caritārthatvāt. apratyayaḥ kim?, hariṣu, karoṣi. atra supsipormā bhūt. apratyayāntaḥ kim?. tatraiva vibhaktiviśiṣṭayormā bhūt. na cāntavadbhāvena "kāṇḍe" "kuḍa()e"ityādau prātipada#ikatvaṃ syādeva. tathā ca "hyasvo napuṃsake-" iti hyasvaḥ sorutpattiśca syāditi vācyam, "saptamyadhikaraṇe ce"tyādinirdeśena vibhaktayekādeśasyāntavadbhāvānabhyupagamāditi dik. nanu pratyayaparyudāso na kartavyaḥ, pratyayāntaparyudāsenaiva gatārthatvāt. vyapadeśivadbhāvena tasyāpi pratyayāntatvāditi cenmaivaṃ, pratyayagrahaṇe yasmātsa vihitastadādegrrahaṇāt, kevalasya cā'tathātvāt. anyathā suptiṅorapi tadantatvātpadatvaṃ syāt. tathā ca "hariṣu" "karoṣī"-tyādau ṣatvaṃ na syāt, "sāptapadādyo"riti niṣedhāt. na ca ṣatvavidherniravakāśātā, "sarpiṣe" "eṣa" ityādau caritārthatvāt. anye tu vyācakṣate-"kṛttaddhite"tyatra hi tadantavidhirvakṣyate. tathā ca "taddhitagrahaṇasya taddhitāntānāmeva natvanyapratyayāntānāṃ saṃjñe"ti niyamārthatāmāśritya pratyayāntaparyudāso'tra na kartavyaḥ. athavā "sātpadādyo"riti sūtre sātigrahaṇātpratyayo na prātipadikamiti siddhe pratyayagrahaṇaṃ sāmathryāttadantaparam. uttarasūtre taddhitagrahaṇaṃ tu vidhyarthamevā'stu. yadvā sātigrahaṇātpratyayasya prātipadikatvā'bhāve taddhitagrahaṇasyoktarītyā niyamārthatve ca "arthavadadhātuḥ prātipadika"mityeva suvacamiti, teṣām "iko yaṇacī"ti sūtraṃ vyarthaṃ syāt. "tasmādityuttarasya" "vāyvṛtupitruṣasaḥ"-ityādinirdeśājjñāpakādiṣṭasiddheḥ. "nājjhalau" ityatrākārasahito'c ājityayaṃ mūlagrantho'pi virudhyeta, "kālasamayavelāsu"-ityādijñāpakādeva ḍhatvā'bhāvasiddhe. yadi jñāpakena pratyākhyānamayuktamiti, yadi cā'‌'kārapraśleṣe eva talliṅgamityabhyupagame sūtrākṣaraireveṣṭaṃ sidhyatītyucyeta, tarhi "apratyaya" ityetadabhyupagamya pratyayaparyudāse "sāti"grahaṇaṃ liṅgaṃ, pratyayāntaparyudāse tu taddhitagrahaṇamityapratyayagrahaṇamevāvarttya vyākhyāyatāṃ, kimanayā kusṛṣṭayeti dik. "adhātupratyayā"viti siddhe nañdvayopādānamapratyaya ityasyāvṛttisokaryārtham. mahāsaṃjñākaraṇaṃ śrutyanurodhāt. tathā cātharvaṇe paṭa()te--"ko dhātuḥ, kiṃ prātipadikaṃ, kaḥ pratyayaḥ" iti. ḍitthādīnyavyutpannānīhodāharaṇam. avyutpattipakṣasya cedameva jñāpakamiti prāñcaḥ. vastutastu vyutpattipakṣe "bahupaṭava" ityādyarthaṃ sūtramiti navyāḥ. na caivaṃ "bahucpūrvaḥ prātipadika"mityeva sūtryatāmiti vācyam, "mūlakenopadaṃśa"mityādau kṛdantatvenātiprasaṅgāt, gatikārakapūrvasyāpi kṛdantatvāt. na ca samāsagrahaṇaṃ niyamārthamiti nistāraḥ, arthavatsūtrārambhaṃ vinā samāsagrahaṇasya niyamārthatvā'yogāt.