1/23:kim ṣaṣṭhīnirdiṣṭam ajgrahaṇam anuvartate utāho na |
2/23:kim ca ataḥ |
3/23:yadi anuvartate halsvaraprāptau vyañjanam avidyamānavat iti paribhāṣā na prakalpate |
4/23:katham halaḥ nāma svaraprāptiḥ syāt |
5/23:evam tarhi nivṛttam |
6/23:bahūni etasyāḥ paribhāṣāyāḥ prayojanāni |
7/23:atha prathamānirdiṣṭam ajgrahaṇam anuvartate utāho na |
8/23:kim ca arthaḥ anuvṛttyā |
9/23:bāḍham arthaḥ yadi ete vyañjanasya api guṇāḥ lakṣyante |
10/23:nanu ca pratyakṣam upalabhyante : iṣe tvā ūrje tvā |
11/23:na ete vyañjanasya guṇāḥ |
12/23:acaḥ ete guṇāḥ |
13/23:tatsāmīpyāt tu vyañjanam api tadguṇam upalabhyate |
14/23:tat yathā |
15/23:dvayoḥ raktayoḥ vastrayoḥ madhye śuklam vastram tadguṇam upalabhyate badarapiṭake riktakaḥ lohakaṃsaḥ tadguṇaḥ upalabhyate |
16/23:kutaḥ nu khalu etat acaḥ ete guṇāḥ |
17/23:tatsāmīpyāt tu vyañjanam api tadguṇam upalabhyate iti |
18/23:na punaḥ vyañjanasya ete guṇāḥ syuḥ |
19/23:tatsāmīpyāt tu ac api tadguṇaḥ upalabhyate iti |
20/23:antareṇa api vyañjanam acaḥ eva ete guṇāḥ lakṣyante |
21/23:na punaḥ antareṇa acam vyañjanasya uccāraṇam api bhavati |
22/23:anvartham khalu api nirvacanam : svayam rājante svarāḥ |
23/23:anvak bhavati vyañjanam iti |

1/28:uccanīcasya anavasthitatvāt sañjñāprasiddhiḥ |*
2/28:idam uccanīcam anavasthitapadarthakam |
3/28:tat eva hi kam cit prati uccaiḥ bhavati kam cit prati nīcaiḥ |
4/28:evam kam cit kaḥ cit adhīyānam āha : kim uccaiḥ rorūyase |
5/28:atha nīcaiḥ vartatām iti |
6/28:tam eva tathā adhīyānam aparaḥ āha : kim antardantakena adhīṣe |
7/28:uccaiḥ vartatām iti |
8/28:evam uccanīcam anavasthitapadarthakam |
9/28:tasya anavasthānāt sañjñāyāḥ aprasiddhiḥ |
10/28:evam tarhi lakṣaṇam kariṣyate : āyāmaḥ dāruṇyam aṇutā khasya iti uccaiḥkarāṇi śabdasya |
11/28:āyāmaḥ gātrāṇām nigrahaḥ |
12/28:dāruṇyam svarasya dāruṇatā rūkṣatā |
13/28:aṇutā khasya kaṇṭhasya saṃvṛtatā |
14/28:uccaiḥkarāṇi śabdasya |
15/28:atha nīcaiḥkarāṇi śabdasya |
16/28:anvavasargaḥ mārdavam urutā khasya iti nīcaiḥkarāṇi śabdasya |
17/28:anvavasargaḥ gātrāṇām śithilatā |
18/28:mārdavam svarasya mṛdutā snigdhatā |
19/28:urutā khasya mahattā kaṇṭhasya |
20/28:iti nīcaiḥkarāṇi śabdasya |
21/28:etat api anaikāntikam |
22/28:yat alpaprāṇasya sarvoccaiḥ tat mahāprāṇasya sarvanīcaiḥ |
23/28:siddham tu samānaprakramavacanāt |*
24/28:siddham etat |
25/28:katham |
26/28:samāne prakrame iti vaktavyam |
27/28:kaḥ punaḥ prakramaḥ |
28/28:uraḥ kaṇṭhaḥ śiraḥ iti |

aciti vartate. udāttā'diśabdāḥ svare varṇadharme lokavedayoḥ prasiddhā eva. te iha tadguṇe 'ci paribhāṣyante. uccairupalabhyamāno yo 'c sa udāttasaṃjño bhavati. uccaiḥ iti ca śrutiprakarṣo na gṛhyate, uccair bhāṣate, ucaiḥ paṭhati iti. kiṃ tarhi? sthānakṛtam uccatvaṃ saṃjñino viśeṣaṇam. tālvādiṣu hi bhāgavatsu sthāneṣu varṇā niṣpadyante. tatra yaḥ samāne sthāne ūrdhvabhaganiṣpanno 'c sa udāttasaṃjño bhavati. yasminnucāryamāṇe gātrāṇāmāyāmo nigraho bhavati, rūkṣatā asnigdhatā svarasya, saṃvṛtatā kṇṭhavivarasya. ye. te. ke. udāttapradeśāḥādyudāttaśca 3-1-3 ityevam ādayaḥ.

uccairudāttaḥ 1.2.29 aciti vartate. udāttā'diśabdāḥ svare varṇadharme lokavedayoḥ prasiddhā eva. te iha tadguṇe 'ci paribhāṣyante. uccairupalabhyamāno yo 'c sa udāttasaṃjño bhavati. uccaiḥ iti ca śrutiprakarṣo na gṛhyate, uccair bhāṣate, ucaiḥ paṭhati iti. kiṃ tarhi? sthānakṛtam uccatvaṃ saṃjñino viśeṣaṇam. tālvādiṣu hi bhāgavatsu sthāneṣu varṇā niṣpadyante. tatra yaḥ samāne sthāne ūrdhvabhaganiṣpanno 'c sa udāttasaṃjño bhavati. yasminnucāryamāṇe gātrāṇāmāyāmo nigraho bhavati, rūkṣatā asnigdhatā svarasya, saṃvṛtatā kṇṭhavivarasya. ye. te. ke. udāttapradeśāḥādyudāttaśca 3.1.3 ityevam ādayaḥ.

uccairūdāttaḥ. , 1.2.29 udāttādayo lokavedayoḥ prasiddhāḥ. tat kiṃ saṃjñākaraṇeneti yaścodayet taṃ pratyāha-- "udāttādiśabdāḥ" ityādi. ādiśabdenānudāttasvaritayoḥ parigrahaḥ. evakāro bhinnakramo varṇadharme ityasyānantaraṃ draṣṭavyaḥ. lokavedayorudāttādayaḥ śabdā varṇanāṃ yo dharmaḥ = guṇastatraiva prasiddhāḥ, na tu tadvityaci. tasmādiha vyākaraṇa udāttādayo dharmā yasyācastadguṇe'ci saṃjñāpyante = paribhāṣyante; anyathā pradeśeṣūdāttādiśabdaśravaṇādvarṇadharma eva gṛhreta, na tadvānajityabhiprāyaḥ. uccairiti śrutiprakarṣe'sti-- śrutiprakarṣavatyuccairbhāṣate uccaḥ paṭhatīti. asti ca pramāṇādhikaraṇavācī uccaiḥ sthito devadatta iti, uccairnāma pramāṇam, tasya tadadhikaraṇaṃ tadihoccaiḥ śabdenocyate. tadiha dvitīyasyoccaiḥ śabdasyārtho gṛhrate, netarasyeti darśayitumāha-- "uccaiḥ" iti. uccairbhāṣate ityevamādau tu vākye prayuktasyoccaiḥ śabdasya yo'rthaḥ śrutiprakarṣaḥ sa uccairityatra na gṛhrate. yadi gṛhreta, upāṃśuprayoga udāttādisaṃjñā na syāt; prakarṣābhāvāt, prakarṣasthitatvādudāttādayo na viśiṣyeran. ya eva hi kañcit pratyuccairbhavati, sa eva hi kañcitpratati nīcairbhavati. evañca sarvamudāttaṃ syāt, anudāttatamo'pi ceṣyata ityabhiprāya. "sthānakṛtam" ityādi. ucyatā nāma pramāṇaviśeṣaḥ, tadadhikaraṇabhūtasthānamuccairbhavati. evañca sarvanamudāttaṃ na syāt. anudāttamuccairucyata ityarthaḥ. "bhāgavatsu" iti. bhāgā avayavā yeṣāṃ tāni bhāgavanti. te bhāgāstālvādiṣu sthāneṣvauttarādharyeṇa vyavasthitāḥ. sthānamuccaiḥ śabdenocyate, tat kutaḥ saṃjñina uccaistvaviśeṣaṇam? uccaisthānaniṣpannatvāt. tatra samāne sthāna uccairūdhrvabhāge yo niṣpannaḥ sa udāttasaṃjño bhavati. yadi sthāne ya ūdhrvabhāganiṣpanno'c sa udāttasaṃjño bhavatītyetāvaducyate, evañca sa evānavasthitadoṣaḥ. tathā hi- alpaśarīreṣu ya eva tālvādibhāga uccairbhavati, sa eva mahāśarīreṣu tālvādibhāgāpekṣayā nīcairbhavati. ataḥ "samāna" ityetat sthānaviśeṣaṇamuktam. etacc laghvarthatvāt saṃjñākaraṇasyaikākṣarāyāṃ saṃjñāyāṃ kartavyāyāmanekākṣarasaṃjñākaraṇāllabhyate. granthādhikyādarthādhikyaṃ bhavatīti. nanu ca granthādhikyādatra kaścidācāryasyādhiko'rtho'bhipreta ityetāvanmātraṃ pratīyate, samānatvamityeṣo'rtha viśeṣaḥ kuto labhyate? avicchinnādupadeśapāramparyāt. tat punaḥ samānatvaṃ vaktrabhinnatvādveditavyam; na tu tālvādisthānasyābhinnatvāt; anyathā tālavyamevāpekṣyodāttaḥ syāt, na tu kaṇṭhādīn. vakturabhedāt tad()dvāreṇa bhinnānāmapi tālvādīnāṃ samānatve'pi vijñāyamāna eṣa doṣo na bhavati. kiṃlakṣaṇaḥ punarasāvuccabhāganiṣpanno'jityāha-- "yasmin" ityādi. "āyāmaḥ" ityasya vivaraṇaṃ "nigrahaḥ" iti. nigrahaḥ = stabdhatā. saṃvṛtakaṇṭhatā = kaṇṭhavivarasya saṃvṛtatā. ata eva śanairniṣkrāman vāyurgalāvayavāñśoṣayati. rūkṣatā bhavatyasnigdhatā. "ye te ke" iti. yatta()tkaśabdebhyastyadādyatvam, "ato guṇe" 6.1.94 pararūpatvam,"jasaḥ śī" 7.1.17, "ādguṇaḥ" 6.1.84. atra prātipadikasvareṇa prakṛtirūdāttā. "anudāttau suppitau" 3.1.4 iti vibhaktisvaraḥ. ekādeśastu "ekādeśa udāttenodāttaḥ" 8.1.5 iti॥

udāttasaṃjñāmāha–uccairudāttaḥ. nādadharmaviśeṣa uccaistvaṃ neha vivakṣitam, upāṃśūccāryamāṇe avyāpteḥ. kintūccaiśśabdo'dhikaraṇaśakti pradhāna ūdhrvabhāge ityarthe vartate. ūdhrvāvayavasya cāvayavyapekṣāyāṃ tālukaṇṭhādivarṇābhivyaktisthānānāmityarthāllabhyate. ukālo'jiti sūtrādajityanuvartate, tadetadāha-tālvādiṣvityādinā. sabhāgeṣviti. tālvādīnāṃ sāvayavatvakathanamūdhrvabhāge ityasyopapādanārtham, teṣām akhaṇḍatve `ūdhrvabhāge' ityanupapatteḥ. udāttamudāharati-ā ye iti. `āye mitrāvaruṇā' ityṛci ākāra ekāraśca udātta ityarthaḥ.

uccairudāttaḥ 7, 1.2.29 udāttasaṃjñāmāha--uccairudāttaḥ. nādadharmaviśeṣa uccaistvaṃ neha vivakṣitam, upāṃśūccāryamāṇe avyāpteḥ. kintūccaiśśabdo'dhikaraṇaśakti pradhāna ūdhrvabhāge ityarthe vartate. ūdhrvāvayavasya cāvayavyapekṣāyāṃ tālukaṇṭhādivarṇābhivyaktisthānānāmityarthāllabhyate. ukālo'jiti sūtrādajityanuvartate, tadetadāha-tālvādiṣvityādinā. sabhāgeṣviti. tālvādīnāṃ sāvayavatvakathanamūdhrvabhāge ityasyopapādanārtham, teṣām akhaṇḍatve "ūdhrvabhāge" ityanupapatteḥ. udāttamudāharati-ā ye iti. "āye mitrāvaruṇā" ityṛci ākāra ekāraśca udātta ityarthaḥ.