1/21:kim idam algrahaṇam antyaviśeṣaṇam |
2/21:evam bhavitum arhati |
3/21:upadhāsañjñāyām algrahaṇam antyanirdeśaḥ cet saṅghātapratiṣedhaḥ |*
4/21:upadhāsañjñāyām algrahaṇam antyanirdeśaḥ cet saṅghātasya pratiṣedhaḥ vaktavyaḥ |
5/21:saṅghātasya upadhāsañjñā prāpnoti |
6/21:tatra kaḥ doṣaḥ |
7/21:śāsaḥ it aṅhaloḥ : śiṣṭvā śiṣṭaḥ : saṅghātasya ittvam prāpnoti |
8/21:yadi punaḥ al antyāt iti ucyeta |
9/21:evam api antyaḥ aviśeṣitaḥ bhavati |
10/21:tatra kaḥ doṣaḥ |
11/21:saṅghātāt api pūrvasya upadhāsañjñā prasajyeta |
12/21:tatra kaḥ doṣaḥ |
13/21:śāsaḥ it aṅhaloḥ : śiṣṭaḥ , śiṣṭavān : śakārasya ittvam prasajyeta |
14/21:sūtram ca bhidyate |
15/21:yathānyāsam eva astu |
16/21:nanu ca uktam upadhāsañjñāyām algrahaṇam antyanirdeśaḥ cet saṅghātapratiṣedhaḥ iti |
17/21:na eṣaḥ doṣaḥ |
18/21:antyavijñānāt siddham |
19/21:siddham etat |
20/21:katham |
21/21:alaḥ antyasya vidhayaḥ bhavanti iti antyasya bhaviṣyati |

1/62:antyavijñānāt siddham iti cet na anarthake alontyavidhiḥ anabhyāsavikāre |*
2/62:antyavijñānāt siddham iti cet tat na |
3/62:kim kāraṇam |
4/62:na anarthake alontyavidhiḥ anabhyāsavikāre |
5/62:anarthake alontyavidhiḥ na iti eṣā paribhāṣā kartavyā |
6/62:kim aviśeṣeṇa |
7/62:na iti āha |
8/62:anabhyāsavikāre |
9/62:abhyāsavikārān varjayitvā |
10/62:bhṛñām it , artipipartyoḥ ca iti |
11/62:kāni etasyāḥ paribhāṣāyāḥ prayojanāni |
12/62:prayojanam avyaktānukaraṇasya ataḥ itau |*
13/62:antyasya prāpnoti |
14/62:anarthake alontyavidhiḥ na bhavati iti na doṣaḥ bhavati |
15/62:na etat asti prayojanam |
16/62:ācāryapravṛttiḥ jñāpayati na antyasya pararūpam bhavati iti yat ayam na āmreḍitasya antyasya tu vā iti āha |
17/62:ghvasoḥ et hau abhyāsalopaḥ ca |*
18/62:ghvasoḥ et hau abhyāsalopaḥ ca iti antyasya prāpnoti |
19/62:anarthake alontyavidhiḥ na bhavati iti na doṣaḥ bhavati |
20/62:etat api na asti prayojanam |
21/62:punarlopavacanasāmarthyāt sarvasya bhaviṣyati |
22/62:atha vā śit lopaḥ kariṣyate |
23/62:saḥ śit sarvasya iti sarvādeśaḥ bhaviṣyati |
24/62:saḥ tarhi śakāraḥ kartavyaḥ |
25/62:na kartavyaḥ |
26/62:kriyate nyāse eva |
27/62:dviśakārakaḥ nirdeśaḥ : ghvasoḥ et hau abhyāsalopaśśca iti |
28/62:āpi lopaḥ akaḥ anaci |*
29/62:tiṣṭhati sūtram |
30/62:anyathā vyākhyāyate : āpi hali lopaḥ iti antyasya prāpnoti |
31/62:anarthake alontyavidhiḥ na bhavati iti na doṣaḥ bhavati |
32/62:etat api na asti prayojanam |
33/62:anaḥ eva lopam vakṣyāmi |
34/62:tat anaḥ grahaṇam kartavyam |
35/62:na kartavyam |
36/62:prakṛtam anuvartate |
37/62:kva prakṛtam |
38/62:an āpi akaḥ iti |
39/62:tat vai prathamānirdiṣṭam |
40/62:ṣaṣṭhīnirdiṣtena ca iha arthaḥ |
41/62:hali iti eṣā saptamī an iti prathamāyāḥ ṣaṣṭhīm prakalpayiṣyati : tasmin iti nirdiṣṭe pūrvasya iti |
42/62:atra lopaḥ abhyāsasya |*
43/62:atra lopaḥ abhyāsasya iti antyasya prāpnoti |
44/62:anarthake alontyavidhiḥ na bhavati iti na doṣaḥ bhavati |
45/62:etat api na asti prayojanam |
46/62:atragrahaṇasāmarthyāt sarvasya bhaviṣyati |
47/62:asti anyat atragrahaṇasya prayojanam |
48/62:kim |
49/62:sanadhikāraḥ apekṣyate , iha mā bhūt : dadhau dadau |
50/62:antareṇa api atragrahaṇam sanadhikāram apekṣiṣyāmahe |
51/62:san tarhi sakārādiḥ apekṣyate sani sakārādau iti , iha mā bhūt : jijñāpayiṣati |
52/62:antareṇa api atragrahaṇam sanam sakārādim apekṣiṣyāmahe |
53/62:prakṛtayaḥ tarhi apekṣyante |
54/62:etāsām prakṛtīnām lopaḥ yathā syāt , iha mā bhūt : pipakṣati yiyakṣati |
55/62:antareṇa api atragrahaṇam etāḥ prakṛtīḥ apekṣiṣyāmahe |
56/62:viṣayaḥ tarhi apekṣyate |
57/62:mucaḥ akarmakasya guṇaḥ vā iti iha mā bhūt : mumukṣati gām iti |
58/62:antareṇa api atragrahaṇam viṣayam apekṣiṣyāmahe |
59/62:katham |
60/62:akarmakasya iti ucyate |
61/62:tena yatra eva ayam muciḥ akarmakaḥ tatra eva bhaviṣyati |
62/62:tasmāt na arthaḥ anayā paribhāṣayā |

1/8:alaḥ antyāt pūrvaḥ al upadhā iti vā |*
2/8:atha vā vyaktam eva pathitavyam alaḥ antyāt pūrvaḥ al upadhāsañjñaḥ bhavati iti |
3/8:tat tarhi vaktavyam |
4/8:na vaktavyam |
5/8:avacanāt lokavijñānāt siddham |*
6/8:antareṇa api vacanam lokavijñānāt siddham etat |
7/8:katham |
8/8:loke amīṣām brāhmaṇānām antyāt pūrvaḥ ānīyatām iti ukte yathājātīyakaḥ antyaḥ tathājātīyakaḥ antyāt pūrvaḥ ānīyate |

dhātvādau varṇasamudāye 'ntyādalaḥ pūrvo yo varṇaḥ so 'leva upadhāsaṃjñao bhavati. pac, paṭhakaraḥ. bhid, chidikāraḥ. budh, yudhukāraḥ. vṛt, vṛdhṛkāraḥ. alaḥ iti kim? śiṣṭaḥ, śiṣṭavān. samudāyāt pūrvasya mā bhūt. upadhāpradeśāḥata upadhāyāḥ 7-2-115 ityevam ādayaḥ.

alo 'ntyāt pūrva upadhā 1.1.65 dhātvādau varṇasamudāye 'ntyādalaḥ pūrvo yo varṇaḥ so 'leva upadhāsaṃjñao bhavati. pac, paṭhakaraḥ. bhid, chidikāraḥ. budh, yudhukāraḥ. vṛt, vṛdhṛkāraḥ. alaḥ iti kim? śiṣṭaḥ, śiṣṭavān. samudāyāt pūrvasya mā bhūt. upadhāpradeśāḥata upadhāyāḥ 7.2.115 ityevam ādayaḥ.

alo'ntyātpūrva upadhā. , 1.1.64 alo'ntyāditisamānādhikaraṇe pañcamyau. "dhātvādau varṇasamudāye"iti. nanu ca neha varṇasamudāya grahaṇamasti, nāpi tat prakṛtam. tat kathameṣo'rtho labhyate? antyagrahaṇāt, samudāyasyaivāntyo'l bhavati, na kevalaḥ. tasmādantyagrahaṇādeṣo'rtho labhyate. "aleva" iti.evakārakaraṇādevālsamudāyo vyavacchidyate. nanu ca neha dvitīya- malgrahaṇamasti, tadalsumudāyasyāpyeṣā saṃjñā kasamānna bhavati? lokataśca. loke hramīṣāṃ bāhṛṇānāmantyāt pūrva ānīyatāmityuktaeka evāntyāt pūrva ānīyate, na samudāyaḥ. evamapyala eva vyavahitasya kasmādeṣā saṃjñā na bhavati? vyahite'pi pūrvaśabdo vatrtata eva. ata eva laukikād dṛṣṭāntāt-- loke hrantyāt pūrvamānayetyukte na kaścid vyavahitamānayati, api tvananatarameva. yadi hrala evaiṣā saṃjñā, nālsamudāyasya, "ṛtaśca saṃyogāderguṇaḥ"7.4.10 ityatra yad vakṣyati-- "saṃyogādiguṇavidhāne saṃyogopadhagrahaṇaṃ katrtavyam" iti, tadvyāhanyate; na hrala evopadhāsaṃjñāyāmanekānantarahalsamudāyātmanaḥ saṃyogasyopadhātvamupapadyate. saṃyogāvayavasyopadhātvādavayavadharmeṇa samudāyasya tathā vyapadeśa ityavirodhaḥ. bhavati hravayavadharmeṇa samudāyasya tathā vyapadeśaḥ, yathā-- āḍha()midaṃ nagaramiti. atha vā- saṃyogasyālpūrvatvopalakṣaṇārthaṃ tatropadhāgrahaṇaṃ draṣṭavyam. akāra ityādīni rūpodāharaṇāni. kāryaṃ tvakārasyopadhāsaṃjñāyāṃ pācakaḥ, pāṭhaka ityatra "ata upadhāyāḥ" 7.2.116 iti vṛddhiḥ. ikāralṛkārayostu bhedakaḥ, chedakaḥ, vatrtakaḥ vadrdhaka iti. atra "pugantalaghūpadhasya" 7.3.86 iti guṇaḥ. "śiṣṭaḥ" iti. "śāsu anuśiṣṭau" (dhā.pā.1075), niṣṭhā, "śāsa idaṅa haloḥ" 6.4.34 iti upadhāyā ittvam. tatra hi "aniditām" 6.4.24 ityādeḥ sutrādupadhāgrahaṇamanuvatrtate. "śāsivasi" 8.3.60 ityādinā ṣatvam. "samudāyāt" ityādi. akārasakārasamudāyāt. pūrvasya śakārasyopadhāsaṃjñā mā bhūdityarthaḥ. yadi hi syāt,tasyaivettvaṃ syāt॥

sakhan-s iti sthite upadhākāryaṃ vakṣyannupadhāsaṃjñāmāha–alontyāt. `ala' iti pañcamī, `antyā'diti sāmānādhikaraṇyāt. alpratyāhāro varṇaparyāyaḥ. pūrvo'pyaleva gṛhrate, sājātyādityāha–antyādala ityādinā. alaḥ kim ?. `śiṣṭa' ityatra śāsdhātau āsiti saṃghātātpūrvaśakārasyopadhātvaṃ na bhavati. anyathā `śāsa idaṅhalo'riti śakārasyekāraprasaṅgaḥ. varṇagrahaṇaṃ kim ?. śāsdhātau `śā' iti samudāyasya upadhātvaṃ na bhavati. anyathā `śā' iti samudāyasya ikāraḥ syāt. na cālontyaparibhāṣayā ākārasyaiva ikāro bhavatīti vācyaṃ, `nānarthake'lontyavidhi'riti tanniṣedhāt.

alo'ntyātpūrva upadhā 247, 1.1.64 sakhan-s iti sthite upadhākāryaṃ vakṣyannupadhāsaṃjñāmāha--alontyāt. "ala" iti pañcamī, "antyā"diti sāmānādhikaraṇyāt. alpratyāhāro varṇaparyāyaḥ. pūrvo'pyaleva gṛhrate, sājātyādityāha--antyādala ityādinā. alaḥ kim?. "śiṣṭa" ityatra śāsdhātau āsiti saṃghātātpūrvaśakārasyopadhātvaṃ na bhavati. anyathā "śāsa idaṅhalo"riti śakārasyekāraprasaṅgaḥ. varṇagrahaṇaṃ kim?. śāsdhātau "śā" iti samudāyasya upadhātvaṃ na bhavati. anyathā "śā" iti samudāyasya ikāraḥ syāt. na cālontyaparibhāṣayā ākārasyaiva ikāro bhavatīti vācyaṃ, "nānarthake'lontyavidhi"riti tanniṣedhāt.

alo'ntyātpūrva. `ala'iti pañcamī `antyā' dityanena viśeṣyāta ityāha- antyādala iti. alaḥ kim?. `śiṣṭāḥ' `śiṣṭavā' nityādāvantyātsaṅghātātpūrvasya śakārasya mā bhūt. satyāṃ hi saṃjñāyāṃ `śāsa idaṅhaloḥ' iti śasyettvaṃ syāt. nanvevamapyantyādalaḥ pūrvasya saṅghātesyopadhāsaṃjñāyāṃ `śiṣṭa'ityādau śakāraviśiṣṭasyākārasya ittvaṃ syādityatiprasaṅgadoṣastadavastha eveti ceducyate–yathā hi loke `amīṣāṃ brāāhṛāṇānāmantyātpūrva ānīyitā'mityakte yathājātīyako'ntyastathājātīyako'ntyātpūrva ānīyate, tathā'trāpyantyo'lātmaka iti tatpūrvo'pyaleva gṛhrate. tadetadāha–pūrvo varṇa iti. atra`aco'ntyādi ṭī' tyatreva `ala' iti nirdhāraṇe ṣaṣṭhītyapi suvacamiti kecidāhuḥ, `alāṃ madhye yo'ntyastasmātpūrvo varṇa upadhāsaṃjñaḥ syā'diti vyākhyāyā api saṃbhavaduktikatvāt.

alo'ntyatpūrva upadhā 208, 1.1.64 alo'ntyātpūrva. "ala"iti pañcamī "antyā" dityanena viśeṣyāta ityāha-antyādala iti. alaḥ kim(). "śiṣṭāḥ" "śiṣṭavā" nityādāvantyātsaṅghātātpūrvasya śakārasya mā bhūt. satyāṃ hi saṃjñāyāṃ "śāsa idaṅhaloḥ" iti śasyettvaṃ syāt. nanvevamapyantyādalaḥ pūrvasya saṅghātesyopadhāsaṃjñāyāṃ "śiṣṭa"ityādau śakāraviśiṣṭasyākārasya ittvaṃ syādityatiprasaṅgadoṣastadavastha eveti ceducyate--yathā hi loke "amīṣāṃ brāāhṛāṇānāmantyātpūrva ānīyitā"mityakte yathājātīyako'ntyastathājātīyako'ntyātpūrva ānīyate, tathā'trāpyantyo'lātmaka iti tatpūrvo'pyaleva gṛhrate. tadetadāha--pūrvo varṇa iti. atra"aco'ntyādi ṭī" tyatreva "ala" iti nirdhāraṇe ṣaṣṭhītyapi suvacamiti kecidāhuḥ, "alāṃ madhye yo'ntyastasmātpūrvo varṇa upadhāsaṃjñaḥ syā"diti vyākhyāyā api saṃbhavaduktikatvāt.