1/20:lumati pratiṣedhe ekapadasvarasya upasaṅkhyānam |*
2/20:lumati pratiṣedhe ekapadasvarasya upasaṅkhyānam kartavyam| ekapadasvare ca lumatā lupte pratyayalakṣaṇam na bhavati iti vaktavyam |
3/20:kim aviśeṣeṇa |
4/20:na iti āha |
5/20:sarvāmantritasijluksvaravarjam |*
6/20:sarvasvaram āmantritasvaravam sijluksvaram ca varjayitvā |
7/20:sarvasvara : sarvastomaḥ , sarvapṛṣṭhaḥ : sarvasya supi iti ādyudāttatvam yathā syāt |
8/20:āmantritasvara : sarpiḥ āgaccha , sapta āgacchata : āmantritasya ca iti ādyudāttatvam yathā syāt |
9/20:sijluksvara : ma hi datām , ma hi dhatām : ādiḥ sicaḥ anyatarasyām iti eṣaḥ svaraḥ yathā syāt |
10/20:kim prayojanam |
11/20:prayojanam ñinikilluki svarāḥ |*
12/20:ñinikitsvarāḥ luki prayojayanti |
13/20:gargaḥ , vatsaḥ , bidaḥ , urvaḥ , uṣṭragrīvaḥ , vāmarajjuḥ : ñniti iti ādyudāttatvam mā bhūt iti |
14/20:iha ca : atrayaḥ : kitaḥ iti antodāttatvam mā bhūt iti |
15/20:pathimathoḥ sarvanāmasthāne |*
16/20:pathimathoḥ sarvanāmasthāne luki prayojanam |
17/20:pathipriyaḥ , mathipriyaḥ : pathimathoḥ sarvanāmasthāne iti eṣaḥ svaraḥ mā bhūt iti |
18/20:ahnaḥ ravidhau |*
19/20:ahnaḥ ravidhau lumatā lupte pratyayalakṣaṇam na bhavati iti vaktavyam |
20/20:ahaḥ dadati , ahaḥ bhuṅkte : raḥ asupi iti pratyayalakṣaṇena pratiṣedhaḥ mā bhūt iti |

1/75:uttarapadatve ca apadādividhau | uttarapadatve ca apadādividhau lumatā lupte pratyayalakṣaṇam na bhavati iti vaktavyam |*
2/75:paramavācā paramavāce paramagoduhā paramagoduhe paramaśvalihā paramaśvalihe : padasya iti pratyayalakṣaṇena kutvādīni mā bhūvan iti |
3/75:apadādividhau iti kimartham |
4/75:dadhisecau dadhisecaḥ : sātpadādyoḥ iti pratiṣedhaḥ yathā syāt |
5/75:yadi apadādividhau iti ucyate uttarapadādhikāraḥ na prakalpeta |
6/75:tatra kaḥ doṣaḥ |
7/75:karṇaḥ varṇalakṣaṇāt iti evamādiḥ vidhiḥ na sidhyati |
8/75:yadi punaḥ nalopādividhau plutyante lumatā lupte pratyayalakṣaṇam na bhavati iti ucyeta |
9/75:na evam śakyam |
10/75:iha hi : rājakumāryau rājakumāryaḥ iti śākalam prasajyeta |
11/75:na eṣaḥ doṣaḥ |
12/75:yat etat siti śākalam na iti etat pratyaye śākalam na iti vakṣyāmi |
13/75:yadi pratyaye śākalam na iti ucyate dadhi adhunā madhu adhunā : atra api na prasajyeta |
14/75:pratyaye śākalam na bhavati |
15/75:kasmin |
16/75:yasmāt yaḥ pratyayaḥ vihitaḥ iti |
17/75:iha tarhi paramadivā paramadive : diva ut iti uttvam prāpnoti iti| astu tarhi aviśeṣeṇa |
18/75:nanu ca uktam uttarapadādhikāraḥ na prakalpeta iti |
19/75:vacanāt uttarapadādhikāraḥ bhaviṣyati |
20/75:tat tarhi vaktavyam |
21/75:na vaktavyam |
22/75:anuvṛttiḥ kariṣyate |
23/75:idam asti : yasmāt pratayayavidhiḥ tadādi pratyaye aṅgam , suptiṅantam padam |
24/75:yasmāt suptiṅvidhiḥ tadādi subantam ca |
25/75:naḥ kye |
26/75:nāntam kye padasañjñam bhavati yasmāt kyavidhiḥ subantam ca |
27/75:siti ca |
28/75:siti ca pūrvam padasañjñam bhavati yasmāt sidvidhiḥ tadādi subantam ca |
29/75:svādiṣu asarvanāmasthāne |
30/75:svādiṣu asarvanāmasthāne pūrvam padasañjñam bhavati yasmāt svādividhiḥ tadādi subantam ca |
31/75:yaci bham |
32/75:yajādipratyaye pūrvam padasañjñam bhavati yasmāt yajādividhiḥ tadādi subantam ca |
33/75:iha tarhi : paramavāk : asarvanāmasthāne iti pratiṣedhaḥ prāpnoti |
34/75:astu tasyāḥ pratiṣedhaḥ yā svādau padam iti padasañjñā yā tu subantam padam iti padasañjñā sā bhaviṣyati |
35/75:sati etatpratyaye āsīt anayā bhaviṣyati anayā na bhaviṣyati iti |
36/75:lupte idānīm pratyaye yāvataḥ eva avadheḥ svādau padam iti padasañjñā tāvataḥ eva avadheḥ subantam padam iti |
37/75:asti ca pratyayalakṣaṇena sarvanāmasthānaparatā iti kṛtvā pratiṣedhāḥ ca balīyāṃsaḥ bhavanti iti pratiṣedhaḥ prāpnoti |
38/75:na apratiṣedhāt |
39/75:na ayam prasajyapratiṣedhaḥ : sarvanāmasthāne na iti |
40/75:kim tarhi |
41/75:paryudāsaḥ ayam : yat anyat sarvanāmasthānāt iti |
42/75:sarvanāmasthāne avyāpāraḥ |
43/75:yadi kena cit prāpnoti tena bhaviṣyati |
44/75:pūrveṇa ca prāpnoti |
45/75:aprāpteḥ vā |
46/75:atha vā anantarā ya prāptiḥ sā pratiṣidhyate |
47/75:kutaḥ etat |
48/75:anantarasya vidhiḥ vā bhavati pratiṣedhaḥ vā iti |
49/75:pūrvā prāptiḥ apratiṣiddhā tayā bhaviṣyati |
50/75:nanu ca iyam prāptiḥ pūrvām prāptim bādhate |
51/75:na utsahate pratiṣiddhā satī bādhitum |
52/75:yadi evam paramavācau paramavācaḥ iti suptiṅantam padam iti padasañjñā prāpnoti |
53/75:evam tarhi yogavibhāgaḥ kariṣyate |
54/75:svādiṣu pūrvam padasañjñam bhavati |
55/75:tataḥ sarvanāmasthāne ayaci pūrvam padasañjñam bhavati |
56/75:tataḥ bham |
57/75:bhasañjñam bhavati yajādau asarvanāmasthane iti |
58/75:yadi tarhi sau api padam bhavati , ecaḥ plutādhikāre padāntagrahaṇam codayiṣyati iha mā bhūt : bhadram karoṣi gauḥ iti , tasmin kriyamāṇe api bhaviṣyati |
59/75:vākyapadayoḥ antyasya iti evam tat |
60/75:iha tarhi : dadhisecau dadhisecaḥ : sātpadādyoḥ iti padādilakṣaṇaḥ pratiṣedhaḥ na prāpnoti |
61/75:mā bhūt evam : padasya ādiḥ padādiḥ , padādeḥ na iti |
62/75:katham tarhi |
63/75:padāt ādiḥ padādiḥ , padādeḥ na iti evam bhaviṣyati |
64/75:na evam śakyam |
65/75:iha api prasajyeta : ṛkṣu vākṣu tvakṣu kumārīṣu kiśorīṣu iti |
66/75:sātpratiṣedhaḥ jñāpakaḥ svādiṣu padatvena yeṣām padasañjñā na tebhyaḥ pratiṣedhaḥ bhavati iti |
67/75:iha tarhi : bahusecau , bahusecaḥ : bahuc ayam pratyayaḥ |
68/75:atra padāt ādiḥ padādiḥ , padādeḥ na iti ucyamāne api na sidhyati |
69/75:evam tarhi uttarapadatve ca padādividhau lumatā lupte pratyayalakṣaṇam bhavati iti vakṣyāmi |
70/75:tat niyamārtham bhaviṣyati : padādividhau eva na padāntavidhau iti |
71/75:katham bahusecau bahusecaḥ |
72/75:bahucpūrvasya ca padādividhau na padāntavidhau iti |
73/75:dvandve antyasya |*
74/75:dvandve antyasyalumatā lupte pratyayalakṣaṇam na bhavati iti vaktavyam |
75/75:vāksraktvacam |

1/33:iha abhūvan iti pratyayalakṣaṇena jusbhāvaḥ prāpnoti |
2/33:sicaḥ usaḥ aprasaṅgaḥ ākāraprakaraṇāt |*
3/33:sicaḥ usaḥ aprasaṅgaḥ |
4/33:kim kāraṇam |
5/33:ākāraprakaraṇāt |
6/33:ātaḥ iti etat niyamārtham bhaviṣyati : ātaḥ eva sijlugantāt na anyasmāt sijlugantāt iti |
7/33:iha : iti yuṣmatputraḥ dadāti , iti asmatputraḥ dadāti iti atra yuṣmadasmadoḥ ṣaṣṭhīcaturthīdvitīyāsthayoḥ vāmnāvau iti vāmnāvādayaḥ prāpnuvanti |
8/33:yuṣmadasmadoḥ sthagrahaṇāt |*
9/33:sthagrahaṇam tatra kriyate |
10/33:tat śrūyamāṇavibhaktiviśeṣaṇam vijñāsyate |
11/33:asti anyat sthagrahaṇasya prayojanam |
12/33:kim |
13/33:savibhaktikasya vāmnāvādayaḥ yathā syuḥ iti |
14/33:na etat asti prayojanam |
15/33:padasya iti vartate vibhaktyantam ca padam |
16/33:tatra antareṇa api sthagrahaṇam savibhaktikasya eva grahaṇam bhaviṣyati |
17/33:bhavet siddham yatra vibhaktyantam padam |
18/33:yatra tu khalu vibhaktau padam tatra na sidhyati : grāmaḥ vām dīyate , grāmaḥ nau dīyate janapadaḥ vām dīyate , janapadaḥ nau dīyate |
19/33:sarvagrahaṇam api prakṛtam anuvartate |
20/33:tena savibhaktikasya eva bhaviṣyati |
21/33:iha : cakṣuṣkāmam yājayām cakāra iti tiṅ atiṅaḥ iti |
22/33:tasya ca nighātaḥ tasmāt ca anighātaḥ prāpnoti |
23/33:āmi lilopāt tasya ca anighātaḥ tasmāt ca nighātaḥ |*
24/33:āmi lilopāt tasya ca anighātaḥ tasmāt ca nighātaḥ siddhaḥ bhaviṣyati |
25/33:aṅgādhikāre iṭaḥ vidhipratiṣedhau |*
26/33:aṅgādhikāre iṭaḥ vidhipratiṣedhau na sidhyataḥ : jigamiṣa saṃvivṛtsa |
27/33:aṅgasya iti iṭaḥ vidhipratiṣedhau na prāpnutaḥ |
28/33:krameḥ dīrghatvam ca |*
29/33:kim ca |
30/33:iṭaḥ ca vidhipratiṣedhau |
31/33:na iti āha |
32/33:adeśe ayam caḥ paṭhitaḥ |
33/33:krameḥ ca dīrghatvam : utkrāma saṅkrāma iti |

1/30:iha kim cit aṅgādhikāre lumatā lupte pratyayalakṣaṇena bhavati kim cit ca anyatra na bhavati |
2/30:yadi punaḥ na lumatā tasmin iti ucyeta |
3/30:atha na lumatā tasmin iti ucyamāne kim siddham etat bhavati iṭaḥ vidhipratiṣedhau krameḥ dīrghatvam ca |
4/30:bāḍham siddham |
5/30:na iṭaḥ ividhipratiṣedhau parasmaipadeṣu iti ucyate |
6/30:katham tarhi |
7/30:sakārādau iti |
8/30:tadviśeṣaṇam parasmaipadagrahaṇam |
9/30:na khalu api krameḥ dīrghatvam parasmaipadeṣu iti ucyate |
10/30:katham tarhi |
11/30:śiti iti |
12/30:tadviśeṣaṇam parasmaipadagrahaṇam |
13/30:na lumatā tasmin iti cet haniṇiṅādeśāḥ talope |*
14/30:na lumatā tasmin iti cet haniṇiṅādeśāḥ talope na sidhyanti : avadhi bhavatā dasyuḥ , agāyi bhavatā grāmaḥ , adhyagāyi bhavatā anuvākaḥ |
15/30:talope kṛte luṅi iti haniṇiṅādeśāḥ na prāpnuvanti |
16/30:na eṣaḥ doṣaḥ |
17/30:na luṅi iti haniṇiṅādeśāḥ ucyante |
18/30:kim tarhi |
19/30:ārdhadhātuke iti |
20/30:tadviśeṣaṇam luṅgrahaṇam |
21/30:iha ca : sarvastomaḥ , sarvapṛṣṭhaḥ sarvasya supi iti ādyudāttatvam na prāpnoti |
22/30:tat ca api vaktavyam |
23/30:na vaktavyam |
24/30:na lumatā aṅgasya iti eva siddham |
25/30:katham |
26/30:na lumatā lupte aṅgādhikāraḥ pratinirdiśyate |
27/30:kim tarhi |
28/30:yaḥ asau lumatā lupyate tasmin yat aṅgam tasya yat kāryam tat na bhavati |
29/30:evam api sarvasvaraḥ na sidhyati |
30/30:kartavyaḥ atra yatnaḥ |

pūrveṇa atiprasaktaṃ pratyayalakṣaṇam iti viśeṣe pratiṣedhaḥ ucyate. lumatā śabdena lupte pratyaye yadaṅgaṃ, tasya pratyayalakṣaṇaṃ kāryaṃ na bhavati. gargāḥ. mṛṣṭaḥ. juhutaḥ. yañśapor lumatā luptayoraṅgasya vṛddhiguṇau na bhavataḥ. lumatā iti kim? kāryate. hāryate. aṅgasya iti kim? pañca. sapta payaḥ. sāma.

na lumatā 'ṅgasya 1.1.63 pūrveṇa atiprasaktaṃ pratyayalakṣaṇam iti viśeṣe pratiṣedhaḥ ucyate. lumatā śabdena lupte pratyaye yadaṅgaṃ, tasya pratyayalakṣaṇaṃ kāryaṃ na bhavati. gargāḥ. mṛṣṭaḥ. juhutaḥ. yañśapor lumatā luptayoraṅgasya vṛddhiguṇau na bhavataḥ. lumatā iti kim? kāryate. hāryate. aṅgasya iti kim? pañca. sapta payaḥ. sāma.

na lumatāṅgasya. , 1.1.62 "lumatā" iti. luśaboda yasminnisti sa lumān. kaḥ punarasau? lugityādisaṃjñāśabdaḥ. karaṇe ceyaṃ tṛtīyā, he tau va, itthambhūtalakṣaṇe vā. lumatā karaṇena lupte pratyaye, tena hetunā vā, tadupalakṣitena vetyarthaḥ. atha pratya ityetat kuto labhyate? pratyayādarśanasyaiva lugādisaṃjñāvidhānāt. "lumatāśabdena lupte pratyaye yadaṅgam" iti. tat punastameva pratyayaṃ nimittamāśritya yenāṅgasaṃjñā pratilabdhā tad veditavyam.tasya pratyayalakṣaṇaṃ kāryaṃ na bhavatītyaviśeṣābhidhāne'pi pratyāsatterya evāsau lumatā luptaḥ pratyayo'ṅgasaṃjñāyā nimittaṃ tallakṣaṇamiti gamyate. "gargāḥ" iti. "gargādibhyo yañ" 4.1.105 "yañañośca" 2.4.64 iti bahuṣu luk. atra "taddhiteṣvalacāmādeḥ" 7.2.117 iti vṛddhirna bhavati. "mṛṣṭaḥ" iti. mṛjestadas, adāditvācchapo luk, vraścādisūtreṇa ṣatvam, ṣṭutvam, "mṛjervṛddhiḥ" 7.2.114 iti vṛddhirna bhavati. "juhutaḥ" iti. tasi parato juhotyādibhyaḥ ślau kṛte sārvadhātukalakṣaṇo guṇo na bhavati. sarvatra yameva pratyayamāśrityāṅgasaṃjñā jātā sa eva vṛddhyādeḥ kāryasya nimittam. iha ca viśeṣasyānāśraṇānna kevalamaṅgādhikāravihitaṃ kāryaṃ pratiṣidhyate; api tvanaṅgā4dhikāravihitamapi. tena gargāḥ, bidāḥ, uṣṭragrīvā ityatra "ñnityādirnityam" 6.1.191 ityādyudāttatvamanaṅgādhikāravihitamapi na bhavati. iha ca -- atraya iti taddhitasya "kitaḥ" 6.1.159 ityantodāttatvam. gargāḥ, bidā iti yathākramaṃ gargādiyañ. "anṛṣyānnatarye vidadibhyo'ñ" 4.1.104 ityañ. "yañañośca" 2.4.64 iti luk. uṣṭragrīvā iti. "ive pratikṛtau5.3.96 iti vihitasya kano "devapathādibhyaśca" 5.3.100 iti lup. atraya iti atrerapatyārthe "itaścāniñaḥ" 4.1.122 iti vihitasya ḍhakaḥ "atribhṛgukutsavasiṣṭha" 2.4.65 ityādinā bahuṣu luk. "pañca, sapta" iti. "ṣa()ḍ- bhyo luk" 7.1.22 iti jaśśasorluk. "payaḥ sāma"iti. atrāpi "svamornapuṃsakāt" 7.3.23 iti. atra yadyapi lumatā luptaḥ pratyayaḥ, tannimittā cāṅgasaṃjñā, tathāpi pratyayalakṣaṇena "suptiṅgantaṃ padam" 1.4.14 iti padasaṃjñā bhavatyeva; yasmānnāsāva-ṅgasya kāryam, api tu savibhaktikasya samudāyasya pratyayasya hi pūrvabhāgo'ṅgam. na ceha tas lumatā yo luptaḥ pratyamāśrityāhgasaṃjñā bhavati tamevāśritya padasaṃjñā prāpnoti. padasaṃjñāyañceha satyāṃ paya ityatra "sasajuṣo ruḥ" 8.2.66 iti rutvam. kharavasaniyorvisarjanīyaśca padakāryaṃ bhavati. "pañca, sapta,sāma" iti. atrāpi "nalopaḥ prā- tipadikāntasya" 8.2.7 iti nalopaḥ padasaṃjñākāryam. "kāryate" iti. ṇyantāt karmaṇi lakāraḥ, "sārvadhātuke yak" (3.1.67) atra na lumatā pratyayo luptaḥ kiṃ tarhi? "ṇeraniṭi"6.4.51 iti; atra "āto lopaḥ" 6.4.64 ityasmāllopagrahaṇānuvṛtteḥ. tena pratyayalakṣaṇā vṛddhirbhavatyeva॥

lumatā śabdena lupte tannimittamaṅgakāryaṃ na syāt. kati 2. katibhiḥ. katibhyaḥ 2. katīnām. katiṣu. yuṣmadasmatṣaṭsaṃjñakāstriṣu sarūpāḥ.. triśabdo nityaṃ bahuvacanāntaḥ. trayaḥ. trīn. tribhiḥ. tribhyaḥ 2..

na lumatāṅgasya 191, 1.1.62 lumatā śabdena lupte tannimittamaṅgakāryaṃ na syāt. kati 2. katibhiḥ. katibhyaḥ 2. katīnām. katiṣu. yuṣmadasmatṣaṭsaṃjñakāstriṣu sarūpāḥ॥ triśabdo nityaṃ bahuvacanāntaḥ. trayaḥ. trīn. tribhiḥ. tribhyaḥ 2॥

na lumatāṅgasya. `pratyayalope pratyayalakṣaṇa'mityanuvartate. `lu'ityekadeśo'syāstīti lumān=lukśabdaḥ śluśabdo lupśabdaśca. tena śabdena pratyayalope vihite sati pratyayanimittakamaṅgakāryaṃ na syādityarthaḥ. tadāha– lukślu ityādinā. aṅgasyetyanuktau pañca saptetyādau `suptiṅanta'miti padasaṃjñā na syāt, jaśśasorlukā luptatvāt. tataśca `na lopaḥ prātipadikāntasye'ti nalopo na syāt. ato'ṅgasyetyuktam. evañca jasi lukā lupte `pratyayalakṣaṇā'bhāvājjasi ce'ti guṇo na bhavatītyabhipretyodāharati–katīti. prasaṅgādāha–asmaditi. triṣviti. puṃstrīnapuṃsakeṣvityarthaḥ. sarūpā iti. samānāni rūpāṇi yeṣāmiti vigrahaḥ. liṅgaviśeṣabodhakaṭābādyabhāvāditi bhāvaḥ. nacaivaṃ sati `alihge yuṣmadasmadī'iti `sāma āka'miti sūtrasthabhāṣyavirodha iti vācyaṃ, padāntarasaṃnidhānaṃ vinā liṅgaviśeṣo yuṣmadasmacchabdābhyāṃ na pratīyate iti hi tadarthaḥ. ata eva `na ṣaṭsvasrādibhyaḥ' iti pañcanādiṣaṭsaṃjñakebhyaṣṭābṅībniṣedhaḥ saṅgacchate. anyathā strītvā'bhāvādeva tadabhāve siddhe kiṃ tena ?. ata eva ca `ṅe prathamayo'riti sūtre bhāṣye yuṣmānityatra `tasmācchaso naḥ puṃsī'tyupanyāsaḥ saṅgacchate. ata eva ca `netarācchandasī'ti sūtre śiśīnumādibhiryuṣmadasmadādyādeśānāṃ vipratiṣedhaparaṃ vārtikaṃ tadbhāṣye ca saṅgacchate. iti dik. triśabde viśeṣamāha–triśabda iti. tri-āmiti sthite nuṭi dīrghe ṇatve trīṇāmiti prāpte ( 7-1-53 ).

na lumatāṅgasya 261, 1.1.62 na lumatāṅgasya. "pratyayalope pratyayalakṣaṇa"mityanuvartate. "lu"ityekadeśo'syāstīti lumān=lukśabdaḥ śluśabdo supśabdaśca. tena śabdena pratyayalope vihite sati pratyayanimittakamaṅgakāryaṃ na syādityarthaḥ. tadāha--lukślu ityādinā. aṅgasyetyanuktau pañca saptetyādau "suptiṅanta"miti padasaṃjñā na syāt, jaśśasorlukā luptatvāt. tataśca "na lopaḥ prātipadikāntasye"ti nalopo na syāt. ato'ṅgasyetyuktam. evañca jasi lukā lupte "pratyayalakṣaṇā'bhāvājjasi ce"ti guṇo na bhavatītyabhipretyodāharati--katīti. prasaṅgādāha--asmaditi. triṣviti. puṃstrīnapuṃsakeṣvityarthaḥ. sarūpā iti. samānāni rūpāṇi yeṣāmiti vigrahaḥ. liṅgaviśeṣabodhakaṭābādyabhāvāditi bhāvaḥ. nacaivaṃ sati "alihge yuṣmadasmadī"iti "sāma āka"miti sūtrasthabhāṣyavirodha iti vācyaṃ, padāntarasaṃnidhānaṃ vinā liṅgaviśeṣo yuṣmadasmacchabdābhyāṃ na pratīyate iti hi tadarthaḥ. ata eva "na ṣaṭsvaruāādibhyaḥ" iti pañcanādiṣaṭsaṃjñakebhyaṣṭābṅībniṣedhaḥ saṅgacchate. anyathā strītvā'bhāvādeva tadabhāve siddhe kiṃ tena?. ata eva ca "ṅe prathamayo"riti sūtre bhāṣye yuṣmānityatra "tasmācchaso naḥ puṃsī"tyupanyāsaḥ saṅgacchate. ata eva ca "netarācchandasī"ti sūtre śiśīnumādibhiryuṣmadasmadādyādeśānāṃ vipratiṣedhaparaṃ vārtikaṃ tadbhāṣye ca saṅgacchate. iti dik. triśabde viśeṣamāha--triśabda iti. tri-āmiti sthite nuṭi dīrghe ṇatve trīṇāmiti prāpte.

na lumatāṅgasya. lumateti kim? kāryate hāryate. atra `ṇepaniṭi'iti ṇilope'pi ṇijapakṣe vṛddhirbhavatyeva. aṅgasyeti kim?. `pañca'`sapta'`katī'tyādau pratyayāntakāryaṃ `suptiṅantām—'iti padasaṃjñā yathā syāt. asmaditi. prācā tvavyayāsmaditi paṭhitaṃ,tatra avyayetyupekṣitam, `sadṛśaṃ triṣu liṅgeṣu'iti śrutorliṅgatrayādyabhāvaparatvena avyayānāmaliṅgatvāt. avyayībhāvasya tu vacanātklībatve'pi liṅgāntarā'bhāvācca. triśabda iti. `tarateṅgriḥ'. ḍittvāṭṭilopaḥ.

na lumatāṅgasya 221, 1.1.62 na lumatāṅgasya. lumateti kim? kāryate hāryate. atra "ṇepaniṭi"iti ṇilope'pi ṇijapakṣe vṛddhirbhavatyeva. aṅgasyeti kim(). "pañca""sapta""katī"tyādau pratyayāntakāryaṃ "suptiṅantām---"iti padasaṃjñā yathā syāt. asmaditi. prācā tvavyayāsmaditi paṭhitaṃ,tatra avyayetyupekṣitam, "sadṛśaṃ triṣu liṅgeṣu"iti śrutorliṅgatrayādyabhāvaparatvena avyayānāmaliṅgatvāt. avyayībhāvasya tu vacanātklībatve'pi liṅgāntarā'bhāvācca. triśabda iti. "tarateṅgriḥ". ḍittvāṭṭilopaḥ.