Pāṇini 1.1.56

Grammatical Sūtra: स्थानिवदादेशोऽनल्विधौ sthānivadādeśo'nalvidhau Chantings of the aṣṭādhyāyī kindly with permision Sai Susarla.
Individual Word Components: sthānivat ādeśaḥ analvidhau
Sūtra with anuvṛtti words: sthānivat ādeśaḥ analvidhau
Compounds²: alvidhau ityatra arthānurodhāt caturvidhaḥ samāsaḥ। (1) alaḥ (5।1) parasya vidhiḥ alvidhiḥ, pañcamītatpuruṣaḥ। (2) alaḥ (6।1) sthāne vidhiḥ alvidhiḥ, ṣaṣṭhītatpuruṣaḥ। (3) ali vidhiḥ alvidhiḥ, saptamītatpuruśaḥ। (4) alā vidhiḥ alvidhiḥ, tṛtīyātatpuruṣaḥ। na alvidhiḥ analvidhiḥ, tasmin analvidhau, nañtatpuruṣaḥ॥
Type of Rule: paribhāṣā

Description:

Source:Laghusiddhānta kaumudī (Ballantyne)

A substitute (âdeśa) is like the former occupant (sthânû) but not in the case of a rule the occasion for the operation of which is furnished by the letters of the original term. Source: Aṣṭādhyāyī 2.0

A replacement (ādeśá = X) for a substituend (sthānín- = Y) is treated like the substituend (sthānivát) except (án-°) with regard to an operation (vidhí) which would thereby apply and would be at the same time dependent on the original phoneme (aL). Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

ādeśaḥ sthānivat bhavati, alvidhiṃ varjayitvā। tatra ādeśāḥ aṣṭadhā bhavanti - dhātu-aṅga-kṛta-taddhita-avyaya-sup-tiṅ-padādeśāḥ॥ Source: Sanskrit Documents

Source:Srisa Chandra Vasu's Aṣṭādhyāyī of Pāṇini

Mahābhāṣya: With kind permission: Dr. George Cardona

1/26:vatkaraṇam kimartham |
2/26:sthānī ādeśaḥ analvidhau iti iyati ucyamāne sañjñādhikaraḥ ayam tatra sthānī ādeśasya sañjñā syāt |
3/26:tatra kaḥ doṣaḥ |
4/26:āṅaḥ yamahanaḥ ātmanepadam bhavati iti vadheḥ eva syāt |
5/26:hanteḥ na syāt |
See More

1/26:vatkaraṇam kimartham |
2/26:sthānī ādeśaḥ analvidhau iti iyati ucyamāne sañjñādhikaraḥ ayam tatra sthānī ādeśasya sañjñā syāt |
3/26:tatra kaḥ doṣaḥ |
4/26:āṅaḥ yamahanaḥ ātmanepadam bhavati iti vadheḥ eva syāt |
5/26:hanteḥ na syāt |
6/26:vatkaraṇe punaḥ kriyamāṇe na doṣaḥ bhavati |
7/26:sthānikāryam ādeśe atidiśyate guruvat guruputraḥ iti yathā |
8/26:atha ādeśagrahaṇam kimartham |
9/26:sthānivat analvidhau iti iyati ucyamāne kaḥ idānīm sthānivat syāt |
10/26:yaḥ sthāne bhavati |
11/26:kaḥ ca sthāne bhavati |
12/26:ādeśaḥ |
13/26:idam tarhi prayojanam ādeśamātram sthānivat yathā syāt |
14/26:ekadeśavikṛtasya upasaṅkhyānam codayiṣyati |
15/26:tat na vaktavyam bhavati |
16/26:atha vidhigrahaṇam kimartham| sarvavibhaktyantaḥ samāsaḥ yathā vijñāyeta : alaḥ parasya vidhiḥ alvidhiḥ , alaḥ vidhiḥ alvidhiḥ , ali vidhiḥ alvidhiḥ , alā vidhiḥ alvidhiḥ iti |
17/26:na etat asti prayojanam |
18/26:prātipadikarnirdeśaḥ ayam |
19/26:prātipadikarnirdeśāḥ ca arthatantrāḥ bhavanti |
20/26:na kāṃ cit prādhānyena vibhaktim āśrayanti |
21/26:tatra prātipadikārthe nirdiṣṭe yām yām vibhaktim āśrayitum buddhiḥ upajāyate sā sā āśrayitavyā |
22/26:idam tarhi prayojanam : uttarapadalopaḥ yathā vijñāyeta : alam āśrayate alāśṛayaḥ , alāśrayaḥ vidhiḥ alvidhiḥ iti |
23/26:yatra prādhānyena al āśrīyate tatra eva pratiṣedhaḥ syāt |
24/26:yatra viśeṣaṇatvena al āśrīyate tatra pratiṣedhaḥ na syāt |
25/26:kim prayojanam |
26/26:pradīvya prasīvya iti valādilakṣaṇaḥ iṭ mā bhūt iti |

1/32:kimartham punaḥ idam ucyate |
2/32:sthānyādeśapṛthaktvāt ādeśe sthānivadanudeśaḥ guruvat guruputre iti yathā |*
3/32:anyaḥ sthānī anyaḥ ādeśaḥ |
4/32:sthānyādeśapṛthaktvāt etasmāt kāraṇāt sthānikāryam ādeśe na prāpnoti |
5/32:tatra kaḥ doṣaḥ |
6/32:āṅaḥ yamahanaḥ ātmanepadam bhavati iti hanteḥ eva syāt vadheḥ na syāt |
7/32:iṣyate ca vadheḥ api syāt iti |
8/32:tat ca antareṇa yatnam na sidhyati |
9/32:tasmāt |
10/32:sthānivadanudeśaḥ |
11/32:evamartham idam ucyate |
12/32:guruvat guruputraḥ iti yathā |
13/32:tat yathā guruvat asmin guruputre vartitavyam iti gurau yat kāryam tat guruputre atidiśyate , evam iha api sthānikāryam ādeśe atidiśyate |
14/32:na etat asti prayojanam |
15/32:lokataḥ etat siddham |
16/32:tat yathā loke yaḥ yasya prasaṅge bhavati labhate asau tatkāryāṇi |
17/32:tat yathā upādhyāyasya śiṣyaḥ yājyakulāni gatvā agrāsanādīni labhate |
18/32:yadi api tāvat loke eṣaḥ dṛṣṭāntaḥ dṛṣṭāntasya api tu puruṣārambhaḥ nivartakaḥ bhavati |
19/32:asti ca iha kaḥ cit puruṣārambhaḥ |
20/32:asti iti āha |
21/32:kaḥ |
22/32:svarūpavidhiḥ |
23/32:hanteḥ ātmanepadam ucyamānam hanteḥ eva syāt vadheḥ na syāt |
24/32:evam tarhi ācāryapravṛttiḥ jñāpayati sthānivat ādeśaḥ bhavati iti yat ayam yuṣmadasmadoḥ anādeśe iti ādeśapratiṣedham śāsti |
25/32:katham kṛtvā jñāpakam |
26/32:yuṣmadasmadoḥ vibhaktau kāryam ucyamānam kaḥ prasaṅgaḥ yat ādeśe syāt |
27/32:paśyati tu ācāryaḥ sthānivat ādeśaḥ bhavati iti |
28/32:ataḥ ādeśe pratiṣedham śāsti |
29/32:idam tarhi prayojanam : analvidhau iti pratiṣedham vakṣyāmi iti , iha mā bhūt : dyauḥ , panthāḥ , saḥ iti |
30/32:etat api na asti prayojanam |
31/32:ācāryapravṛttiḥ jñāpayati alvidhau sthānivadbhāvaḥ na bhavati iti yat ayam adaḥ jagdhiḥ lyap ti kiti iti ti kiti iti eva siddhe lyabgrahaṇam karoti |
32/32:tasmāt na arthaḥ anena yogena |

1/36:ārabhyamāṇe api etasmin yoge alvidhau pratiṣedhe aviśeṣaṇe aprāptiḥ tasya adarśanāt |*
2/36:alvidhau pratiṣedhe asati api viśeṣaṇe samāśrīyamaṇe asati tasmin viśeṣaṇe aprāptiḥ vidheḥ : pradīvya prasīvya |
3/36:kim kāraṇam |
4/36:tasya adarśanāt |
5/36:valādeḥ iti ucyate na ca atra valādim paśyāmaḥ |
6/36:nanu ca evamarthaḥ eva ayam yatnaḥ kriyate : anyasya kāryam ucyamānam anyasya yathā syāt iti |
7/36:satyam evamarthaḥ na tu prāpnoti |
8/36:kim kāraṇam |
9/36:sāmānyātideśe viśeṣānatideśaḥ | sāmanye hi atidiśyamāne viśeṣaḥ na atidiṣṭaḥ bhavati |*
10/36:tat yathā : brahmaṇavat asmin kṣatriye vartitavyam iti sāmānyam yat brāhmaṇakāryam tat kṣatriye atidiśyate |
11/36:yat viśiṣṭam māṭhare kauṇḍinye vā na tat atidiśyate |
12/36:evam iha api sāmānyam yat pratyayakāryam tat atidiśyate yat viśiṣṭam valādeḥ iti na tat atidiśyate |
13/36:yadi evam agrahīt iti iṭaḥ īṭi iti sicaḥ lopaḥ na prāpnoti |
14/36:analvidhau iti punaḥ ucyamāne iha api pratiṣedhaḥ bhaviṣyati : pradīvya prasīvya iti |
15/36:viśiṣṭam hi eṣaḥ alam āśrayate valam nāma |
16/36:iha ca pratiṣedhaḥ na bhaviṣyati : agrahīt iti |
17/36:viśiṣṭam hi eṣaḥ analam āśrayati iṭam nāma |
18/36:yadi tarhi sāmānyam api atidiśyate viśeṣaḥ ca sati āśraye vidhiḥ iṣṭaḥ |*
19/36:sati ca valāditve iṭā bhavitavyam : aruditām aruditam arudita |
20/36:kim ataḥ yat sati bhavitavyam |
21/36:pratiṣedhaḥ tu prāpnoti alvidhitvāt |*
22/36:pratiṣedhaḥ tu prāpnoti |
23/36:kim kāraṇam |
24/36:alvidhitvāt |
25/36:alvidhiḥ ayam bhavati |
26/36:tatra analvidhau iti pratiṣedhaḥ prāpnoti |
27/36:na vā ānudeśikasya pratiṣedhāt itareṇa bhāvaḥ |*
28/36:na vā eṣaḥ doṣaḥ |
29/36:kim kāraṇam |
30/36:ānudeśikasya pratiṣedhāt |
31/36:astu atra ānudeśikasya valāditvasya pratiṣedhaḥ |
32/36:svāśrayam atra valāditvam bhaviṣyati |
33/36:na etat vivadāmahe valādiḥ na valādiḥ iti |
34/36:kim tarhi |
35/36:sthānivadbhāvāt sārvadhātukatvam eṣitavyam |
36/36:tatra analvidhau iti pratiṣedhaḥ prāpnoti |

1/37:kim punaḥ ādeśini ali āśrīyamāṇe pratiṣedhaḥ bhavati āhosvit aviśeṣeṇa ādeśe ādeśini ca |
2/37:kaḥ ca atra viśeṣaḥ |
3/37:ādeśyalvidhipratiṣedhe kuruvadhapibām guṇavṛddhipratiṣedhaḥ |*
4/37:ādeśyalvidhipratiṣedhe kuruvadhapibām guṇavṛddhipratiṣedhaḥ vaktavyaḥ |
5/37:kuru iti atra sthānivadbhāvāt aṅgasañjñā śvāśrayam ca laghūpadhatvam |
6/37:tatra laghūpadhaguṇaḥ prāpnoti |
7/37:vadhakam iti atra sthānivadbhāvāt aṅgasañjñā śvāśrayam ca adupadhatvam |
8/37:tatra vṛddhiḥ prāpnoti |
9/37:piba iti atra sthānivadbhāvāt aṅgasañjñā śvāśrayam ca laghūpadhatvam |
10/37:tatra guṇaḥ prāpnoti |
11/37:astu tarhi aviśeṣeṇa ādeśe ādeśini ca |
12/37:ādeśyādeśe iti cet suptiṅkṛdatidiṣṭeṣu upasaṅkhyānam |*
13/37:ādeśyādeśe iti cet suptiṅkṛdatidiṣṭeṣu upasaṅkhyānam kartavyam |
14/37:sup : vṛkṣāya plakṣāya |
15/37:sthānivadbhāvāt supsañjñā svāśrayam ca yañāditvam |
16/37:tatra pratiṣedhaḥ prāpnoti |
17/37:sup |
18/37:tiṅ : aruditām aruditam arudita |
19/37:sthānivadbhāvāt sārvadhātukasañjñā svāśrayam ca valāditvam |
20/37:tatra pratiṣedhaḥ prāpnoti |
21/37:tiṅ |
22/37:kṛdatidiṣṭam : bhuvanam , suvanam , dhuvanam |
23/37:sthānivadbhāvāt pratyayasañjñā svāśrayam ca ajāditvam |
24/37:tatra pratiṣedhaḥ prāpnoti |
25/37:kim punaḥ atra jyāyaḥ |
26/37:ādeśini ali āśrīyamāṇe pratiṣedhaḥ iti jyāyaḥ |
27/37:kutaḥ etat |
28/37:tathā hi ayam viśiṣṭam sthānikāryam ādeśe atidiśati guruvat guruputre iti yathā |
29/37:tat yathā : guruvat guruputre vartitavyam anyatra ucchiṣṭabhojanāt pādopasaṅgrahaṇāc ca iti |
30/37:yadi ca guruputraḥ api guruḥ bhavati tat api kartavyam |
31/37:astu tarhi ādeśini ali āśrīyamāṇe pratiṣedhaḥ |
32/37:nanu ca uktam ādeśyalvidhipratiṣedhe kuruvadhapibām guṇavṛddhipratiṣedhaḥ iti |
33/37:na eṣaḥ doṣaḥ |
34/37:karotau taparakaraṇanirdeśāt siddham |
35/37:pibatiḥ adantaḥ |
36/37:vadhakam iti na ayam ṇvul |
37/37:anyaḥ ayam akaśabdaḥ kit auṇādikaḥ rucakaḥ iti yathā |

1/45:ekadeśavikṛtasya upasaṅkhyānam |*
2/45:ekadeśavikṛtasya upasaṅkhyānam kartavyam |
3/45:kim prayojanam |
4/45:pacatu pacantu |
5/45:tiṅgrahaṇena grahaṇam yathā syāt |
6/45:ekadeśavikṛtasya ananyatvāt siddham |*
7/45:ekadeśavikṛtam ananyavat bhavati iti tiṅgrahaṇena grahaṇam bhaviṣyati |
8/45:tat yatha : śvā karṇe vā pucche vā chinne śvā eva bhavati na aśvaḥ na gardabhaḥ iti |
9/45:anityatvavijñānam tu tasmāt upasaṅkhyanam |*
10/45:anityatvavijñānam tu bhavati |
11/45:nityāḥ śabdāḥ |
12/45:nityeṣu nāma śabdeṣu kūṭasthaiḥ avicālibhiḥ varṇaiḥ bhavitavyam anapāyopajanavikāribhiḥ |
13/45:tatra saḥ eva ayam vikṛtaḥ ca etat nityeṣu na upapadyate |
14/45:tasmāt upasaṅkhyanam kartavyam |
15/45:bhāradvājīyāḥ paṭhanti : ekadeśavikṛteṣu upasaṅkhyānam |*
16/45:ekadeśavikṛteṣu upasaṅkhyānam kartavyam |
17/45:kim prayojanam |
18/45:pacatu pacantu : tiṅgrahaṇena grahaṇam yathā syāt |
19/45:kim ca kāraṇam na syāt |
20/45:anādeśatvāt |*
21/45:ādeśaḥ sthānivat iti ucyate , na ca ime ādeśāḥ |
22/45:rūpānyatvāt ca |*
23/45:anyat khalu api rūpam pacati iti anyat pacatu iti |
24/45:ime api ādeśāḥ |
25/45:katham |
26/45:ādiśyate yaḥ saḥ ādeśaḥ |
27/45:ime ca api ādiśyante |
28/45:ādeśaḥ sthānivat iti cet na anāśritatvāt |*
29/45:ādeśaḥ sthānivat iti cet tat na |
30/45:kim kāraṇam |
31/45:anāśritatvāt |
32/45:yaḥ atra ādeśaḥ na asau āśrīyate yaḥ ca āśrīyate na asau ādeśaḥ |
33/45:na etat mantavyam : samudāye āśrīyamāṇe avayavaḥ na āśrīyate iti |
34/45:abhyantaraḥ hi samudāyasya avayavaḥ |
35/45:tat yathā : vṛkṣaḥ pracalan saha avayavaiḥ pracalati |
36/45:āśrayaḥ iti cet alvidhiprasaṅgaḥ | āśrayaḥ iti cet alvidhiḥ ayam bhavati |*
37/45:tatra analvidhau iti pratiṣedhaḥ prāpnoti |
38/45:na eṣaḥ doṣaḥ |
39/45:na evam sati kaḥ cit api analvidhiḥ syāt |
40/45:ucyate ca idam analvidhau iti |
41/45:tatra prakarṣagatiḥ vijñāsyate : sādhīyaḥ yaḥ alvidhiḥ iti |
42/45:kaḥ ca sādhīyaḥ alvidhiḥ |
43/45:yatra prādhānyena al āśrīyate |
44/45:yatra nāntarīyakaḥ al āśrīyate na asau alvidhiḥ |
45/45:atha vā uktam ādeśagrahaṇasya prayojanam : ādeśamātram sthānivat yathā syāt iti |

1/40:anupapannam sthānyādeśatvam nityatvāt |*
2/40:sthānī ādeśaḥ iti etat nityeṣu śabdeṣu na upapadyate |
3/40:kim kāraṇam |
4/40:nityatvāt |
5/40:sthānī hi nām yaḥ bhūtvā na bhavati |
6/40:ādeśaḥ hi nāma yaḥ abhūtvā bhavati |
7/40:etat ca nityeṣu śabdeṣu na upapadyate yat sataḥ nāma vināśaḥ syāt asataḥ vā prādurbhāvaḥ iti |
8/40:siddham tu yathā laukikavaidikeṣu abhūtapūrve api sthānaśabdaprayogāt |*
9/40:siddham etat |
10/40:katham |
11/40:yathā laukikeṣu vaidikeṣu ca kṛtānteṣu abhūtapūrve api sthānaśabdaḥ vartate |
12/40:loke tāvat : upādhyāyasya sthāne śiṣyaḥ iti ucyate na ca tatra upādhyāyaḥ bhūtapūrvaḥ bhavati |
13/40:vede api : somasya sthāne pūtīkatṛṇāni abhiṣuṇuyāt iti ucyate na ca tatra somaḥ bhūtapūrvaḥ bhavati |
14/40:kāryavipariṇāmāt vā siddham |*
15/40:atha vā kāryavipariṇāmāt siddham etat |
16/40:kim idam kāryavipariṇāmāt iti |
17/40:kāryā buddhiḥ |
18/40:sā vipariṇamyate |
19/40:nanu ca kāryāvipariṇāmāt iti bhavitavyam |
20/40:santi ca eva hi auttarpadikāni hrasvatvāni |
21/40:api ca buddhiḥ sampratyayaḥ iti anarthāntaram |
22/40:kāryā buddhiḥ kāryaḥ sampratyayaḥ kāryasya sampratyayasya vipariṇāmaḥ kāryavipariṇāmaḥ kāryavipariṇāmāt iti |
23/40:parihārantaram eva idam matvā paṭhitam |
24/40:katham ca idam parihārāntaram syāt |
25/40:yadi bhūtapūrve sthānaśabdaḥ vartate |
26/40:bhūtapūrve ca api sthānaśabdaḥ vartate |
27/40:katham |
28/40:buddhyā |
29/40:tat yathā kaḥ cit kasmai cit upadiśati prācīnam grāmāt āmrāḥ iti |
30/40:tasya sarvatra āmrabuddhiḥ prasaktā |
31/40:tataḥ paścāt aha ye kṣīriṇaḥ avarohavantaḥ pṛthuparṇāḥ te nyagrodhāḥ iti| saḥ tatra āmrabuddhyāḥ nyagrodhabuddhim pratipadyate |
32/40:saḥ tataḥ paśyati buddhyā āmrān ca apakṛṣyamāṇān nyagrodhān ca ādhīyamānān |
33/40:nityāḥ eva ca svasmin viṣaye āmrāḥ nityāḥ ca nyagrodhāḥ |
34/40:buddhiḥ tu asya vipariṇamyate |
35/40:evam iha api astiḥ asmai aviśeṣeṇa upadiṣṭaḥ |
36/40:tasya sarvatra astibuddhiḥ prasaktā |
37/40:saḥ asteḥ bhūḥ iti astibuddhyāḥ bhavatibuddhim pratipadyate |
38/40:saḥ tataḥ paśyati buddhyā astim ca apakṛṣyamāṇam bhavatim ca ādhīyamānam |
39/40:nityaḥ eva svasmin viṣaye astiḥ nityaḥ bhavatiḥ |
40/40:buddhiḥ tu asya vipariṇamyate |

1/137:tasya doṣaḥ tayādeśe ubhayapratiṣedhaḥ | tasya etasya lakṣaṇasya doṣaḥ : tayādeśe ubhayapratiṣedhaḥ vaktavyaḥ : ubhaye devamanuṣyāḥ |*
2/137:tayapaḥ grahaṇena grahaṇāt jasi vibhāṣā prāpnoti |
3/137:na eṣaḥ doṣaḥ |
4/137:ayac pratyayāntaram |
5/137:yadi pratyayāntaram ubhayī iti īkāraḥ na prāpnoti |
6/137:mā bhūt evam |
7/137:mātracaḥ iti evam bhaviṣyati |
8/137:katham |
9/137:mātrac iti na idam pratyayagrahaṇam |
10/137:kim tarhi |
11/137:pratyāhāragrahaṇam |
12/137:kva sanniviṣṭānām pratyāhāraḥ |
13/137:mātraśabdāt prabhṛti ā āyacaḥ cakārāt |
14/137:yadi pratyāhāragrahaṇam kati tiṣṭhanti atra api prāpnoti |
15/137:ataḥ iti vartate |
16/137:evam api tailamātrā ghrtamātrā iti atra api prāpnoti |
17/137:sadṛśasya api asanniviṣṭasya na bhaviṣyati pratyāhāreṇa grahaṇam |
18/137:jātyakhyāyām vacanātideśe sthānivadbhāvapratiṣedhaḥ |*
19/137:jātyakhyāyām vacanātideśe sthānivadbhāvasya pratiṣedhaḥ vaktavyaḥ |
20/137:vrīhibhyaḥ āgataḥ iti atra gheḥ ṅiti it guṇaḥ prāpnoti |
21/137:na eṣaḥ doṣaḥ |
22/137:uktam etat : arthātideśāt siddham iti |
23/137:ṅyābgrahaṇe adīrghaḥ | ṅyābgrahaṇe adīrghaḥ ādeśaḥ na sthānivat iti vaktavyam |*
24/137:kim prayojanam |
25/137:niṣkauśāmbiḥ , atikhaṭvaḥ |
26/137:ṅyābgrahaṇena grahaṇāt sulopaḥ mā bhūt iti |
27/137:nanu ca dīrghāt iti ucyate |
28/137:tat na vaktavyam bhavati |
29/137:kim punaḥ atra jyāyaḥ |
30/137:sthānivatpratiṣedhaḥ eva jyāyān |
31/137:idam api siddham bhavati : atikhaṭvāya atimālāya |
32/137:yāṭ āpaḥ iti yāṭ na bhavati |
33/137:atha idānīm asati api sthānivadbhāve dīrghatve kṛte pit ca asau bhūtapūrvaḥ iti kṛtvā yāṭ āpaḥ iti yāṭ kasmāt na bhavati |
34/137:lakṣaṇapratipadoktayoḥ pratipadoktasya eva iti |
35/137:nanu ca idānīm sati api sthānivadbhāve etayā paribhāṣayā śakyam iha upasthātum |
36/137:na iti āha |
37/137:na hi idānīm kva cit api sthānivadbhāvaḥ syāt |
38/137:tat tarhi vaktavyam |
39/137:na vaktavyam| praśliṣṭanirdeśāt siddham |
40/137:praśliṣṭanirdeśaḥ ayam : ṅī* ī* īkārāntāt ā* āp ākārāntāt iti |
41/137:āhibhuvoḥ īṭpratiṣedhaḥ |*
42/137:āhibhuvoḥ īṭpratiṣedhaḥ vaktavyaḥ : āttha abhūt |
43/137:astibrūgrahaṇena grahaṇāt īṭ prāpnoti |
44/137:āheḥ tāvat na vaktavyaḥ |
45/137:ācāryapravṛttiḥ jñāpayati na āheḥ īṭ bhavati iti yat ayam āhaḥ thaḥ iti jhalādiprakaraṇe thatvam śāsti |
46/137:na etat asti prayojanam| asti hi anyat etasya vacane prayojanam |
47/137:kim |
48/137:bhūtapūrvagatiḥ yathā vijñāyeta : jhalādiḥ yaḥ bhūtapūrvaḥ iti |
49/137:yadi evam thavacanam anarthakam syāt |
50/137:āthim eva ayam uccārayet : bruvaḥ pañcānām āditaḥ āthaḥ bruvaḥ iti |
51/137:bhavateḥ ca api na vaktavyaḥ |
52/137:astisicaḥ apṛkte iti dvisakārakaḥ nirdeśaḥ : asteḥ sakārāntāt iti |
53/137:vadhyādeśe vṛddhitatvapratiṣedhaḥ |*
54/137:vadhyādeśe vṛddhitatvapratiṣedhaḥ vaktavyaḥ : vadhakam puṣkaram iti |
55/137:sthānivadbhāvāt vṛddhitatve prāpnutaḥ |
56/137:na eṣaḥ doṣaḥ |
57/137:uktam etat : na ayam ṇvul |
58/137:anyaḥ ayam akaśabdaḥ kit auṇādikaḥ rucakaḥ iti yathā |
59/137:iḍvidhiḥ ca |*
60/137:iḍvidheyaḥ : āvadhiṣīṣṭa |
61/137:ekācaḥ upadeśe anudāttāt iti pratiṣedhaḥ prāpnoti |
62/137:na eṣaḥ doṣaḥ |
63/137:ādyudāttanipātanam kariṣyate |
64/137:sa nipātanasvaraḥ prakṛtisvarasya bādhakaḥ bhaviṣyati |
65/137:evam api upadeśivadbhāvaḥ vaktavyaḥ |
66/137:yathā eva hi nipātanasvaraḥ prakṛtisvaram bādhate evam pratyayasvaram api bādheta : āvadhiṣīṣṭa iti |
67/137:na eṣaḥ doṣaḥ |
68/137:ārdhadhātukīyāḥ sāmānyena bhavanti anavasthiteṣu pratyayeṣu |
69/137:tatra ārdhadhātukasāmānye vadhibhāve kṛte sati śiṣṭatvāt pratyayasvaraḥ bhaviṣyati |
70/137:ākārāntāt nukṣukpratiṣedhaḥ |*
71/137:ākārāntāt nukṣukoḥ pratiṣedhaḥ vaktavyaḥ : vilāpayati bhāpayate |
72/137:lībhīgrahaṇena grahaṇāt nukṣukau prāpnutaḥ |
73/137:lībhiyoḥ praśliṣṭanirdeśāt siddham |
74/137:lībhiyoḥ praśliṣṭanirdeśaḥ ayam : lī* ī* īkārāntasya bhī* ī* īkārāntasya ca iti |
75/137:loḍādeśe śābhāvajabhāvadhitvahilopaittvapratiṣedhaḥ |*
76/137:loḍādeśe eṣām pratiṣedhaḥ vaktavyaḥ : śiṣṭāt , hatāt , bhintāt , kurutāt , stāt |
77/137:loḍādeśe kṛte śābhāvaḥ jabhāvaḥ dhitvam hilopaḥ ettvam iti ete vidhayaḥ prāpnuvanti |
78/137:na eṣaḥ doṣaḥ |
79/137:idam iha sampradhāryam : loḍādeśaḥ kriyatām ete vidhayaḥ iti kim atra kartavyam |
80/137:paratvāt loḍādeśaḥ |
81/137:atha idānīm loḍādeśe kṛte punaḥprasaṅgavijñānāt kasmāt ete vidhayaḥ na bhavanti |
82/137:sakṛdgatau vipratiṣedhe yat bādhitam tat bādhitam eva iti kṛtvā |
83/137:trayādeśe srantapratiṣedhaḥ |*
84/137:trayādeśe srantasya pratiṣedhaḥ vaktavyaḥ : tisṛṇām |
85/137:tisṛbhāve kṛte treḥ trayaḥ iti trayādeśaḥ prāpnoti |
86/137:na eṣaḥ doṣaḥ |
87/137:idam iha sampradhāryam : tisṛbhāvaḥ kriyatām trayādeśaḥ iti kim atra kartavyam |
88/137:paratvāt tisṛbhāvaḥ |
89/137:atha idānīm tisṛbhāve kṛte punaḥprasaṅgavijñānāt trayādeśaḥ kasmāt na bhavati |
90/137:sakṛdgatau vipratiṣedhe yat bādhitam tat bādhitam eva iti |
91/137:āmvidhau ca |*
92/137:āmvidhau ca srantasya pratiṣedhaḥ vaktavyaḥ : catasraḥ tiṣṭhanti |
93/137:catasṛbhāve kṛte caturanaḍuhoḥ ām udāttaḥ iti ām prāpnoti |
94/137:na eṣaḥ doṣaḥ |
95/137:idam iha sampradhāryam : catasṛbhāvaḥ kriyatām caturanaḍuhoḥ ām udāttaḥ iti ām iti kim atra kartavyam |
96/137:paratvāt catasṛbhāvaḥ |
97/137:atha idānīm catasṛbhāve kṛte punaḥprasaṅgavijñānāt ām kasmāt na bhavati |
98/137:sakṛdgatau vipratiṣedhe yat bādhitam tat bādhitam eva iti |
99/137:svare vasvādeśe |*
100/137:svare vasvādeśe pratiṣedhaḥ vaktavyaḥ : viduṣaḥ paśya |
101/137:śatuḥ anumaḥ nadyajādī antodāttāt iti eṣaḥ svaraḥ prāpnoti |
102/137:na eṣaḥ doṣaḥ |
103/137:anumaḥ iti pratiṣedhaḥ bhaviṣyati |
104/137:anumaḥ iti ucyate na ca atra numam paśyāmaḥ |
105/137:anumaḥ iti na idam āgamagrahaṇam |
106/137:kim tarhi |
107/137:pratyāhāragrahaṇam |
108/137:kva sanniviṣṭānām pratyāhāraḥ |
109/137:ukārāt prabhṛti ā numaḥ makārāt |
110/137:yadi pratyāhāragrahaṇam lunata punata atra api prāpnoti |
111/137:anumgrahaṇena na śatrantam viśeṣyate |
112/137:kim tarhi |
113/137:śatā eva viśeṣyate : śatā yaḥ anumkaḥ iti |
114/137:avaśyam ca etat evam vijñeyam |
115/137:āgamagrahaṇe hi sati iha prasajyeta : muñcatā muñcataḥ iti |
116/137:goḥ pūrvaṇittvātvasvareṣu |*
117/137:goḥ pūrvaṇittvātvasvareṣu pratiṣedhaḥ vaktavyaḥ : citragvagram , śabalagvagram |
118/137:sarvatra vibhāṣā goḥ iti vibhāṣā pūrvatvam prāpnoti |
119/137:na eṣaḥ doṣaḥ |
120/137:eṅaḥ iti vartate |
121/137:tatra analvidhau iti pratiṣedhaḥ bhaviṣyati |
122/137:evam api he citrago agram atra prāpnoti |
123/137:ṇittvam : citraguḥ , citragū citragavaḥ |
124/137:goto ṇit iti ṇittvam prāpnoti |
125/137:ātvam : citragum paśya śabalagum paśya |
126/137:ā otaḥ iti ātvam prāpnoti |
127/137:na eṣaḥ doṣaḥ |
128/137:taparakaraṇāt siddham |
129/137:taparakaraṇasāmārthyāt ṇittvātve na bhaviṣyataḥ |
130/137:svara : bahugumān |
131/137:na gośvansāvavarṇa iti pratiṣedhaḥ prāpnoti |
132/137:karotipibyoḥ pratiṣedhaḥ |*
133/137:karotipibyoḥ pratiṣedhaḥ vaktavyaḥ : kuru piba iti |
134/137:sthānivadbhāvāt laghūpadhaguṇaḥ prāpnoti |
135/137:uktam vā |*
136/137:kim uktam |
137/137:karotau taparakaraṇanirdeśāt siddham , pibatiḥ adantaḥ iti |

Kielhorn/Abhyankar (I,133.2-16) Rohatak (I,398-401)

*Kātyāyana's Vārttikas

Commentaries:

Kāśikāvṛttī¹: sthānyādeśayoḥ pṛthaktvāt sthānyāśrayaṃ kāryam ādeśe na prāpnoti ityayamatideśa See More

Kāśikāvṛttī²: sthānivadādeśo 'nalvidhau 1.1.56 sthānyādeśayoḥ pṛthaktvāt sthānyāśrayaṃ kāryam See More

Nyāsa²: sthānivadādeśo'nalvidhau. , 1.1.55 sthānaṃ prasaṅgaḥ, sa ca pūrvamuktasvarūpaḥ. See More

sthānivadādeśo'nalvidhau. , 1.1.55 sthānaṃ prasaṅgaḥ, sa ca pūrvamuktasvarūpaḥ. atideśo'nekaprakāraḥ- nimittāti- deśaḥ; vyapadeśātideśaḥ, śāstrātideśaḥ, rūpātideśaḥ, kāryātideśaśceti. tatra tāvannimittamaśakyamatideṣṭuma, na hi dhātvādidharmāḥ śabdapravṛttinimittabhūtā dhātvādivyaktyāśritā vastvantaramādeśaṃ prāpayitum, prāpayituṃ pāryante; yathā- brāāhṛṇavadasmin kṣatriye varttitavyamiti brāāhṛṇaśabdapravṛttinimittaṃ na śakyaṃ kṣatriye prāpayitum, tadvat tasmādaśakyatvāt neha nimittādeśa āśrīyate. nāpi vyapadaśātideśaḥ; saṃjñāsaṃjñisambandhādabhinnatvāt. saṃjñāsaṃjñisambandhe hi vatkaraṇa- syānarthakyaṃ syāt, vināpi tena tatsiddheḥ. apradhānatvācca nātra vyapadeśātideśo yukta āśrīyatum. ata eva śāstrātideśo'pi. apradhānatvaṃ tu tayorapi kāryaṃ pratyaṅgabhūtatvāt. rūpātideśasyāpyāśrayaṇamayuktam" niṣphalatvāt. yadi hrādeśasya sthāninorūpamatidiśyeta; ādeśasya vaiyathryaṃ syāt. "dvirvacane'ci" 1.1.58 ityatra rūpātideśe'pi na bhavatyādeśavaiyathryam, dvarvacanāduttarakālaṃ śravaṇārthatvāt. tasmādatideśāntarāśrayaṇasyāyuktatvāt kāryātideśa āśrīyate. "sthāninā tulyaṃ vartate" iti. tattulyakāryatvāt, "tena tulyam" 5.1.114. "sthānyāśrayeṣu" iti. sthānī āśraya eṣāmiti bahuvrīhiḥ. "analāśrayeṣu" iti. ala āśraya eṣāmiti bahuvrīhi kṛtvā na aḻāśrayāṇi analāśrayāṇīti nañsamāsaḥ. anantaroktamevārthaṃ vispaṣṭīkartṛmāha- "sthānyalāśrayāṇi" ityādi. sthānī al āśrayoyeṣāṃ tāni tathoktāni. āśrayagraha-ṇena sūtre yo'lvidhiśabdaḥ, so'lāśrayo vidhiralvidhirityuttarapadalopī samāsa iti darśayati. sa punaḥ samāso mayūravyaṃsakāditvāt samāsaṃ kṛtvā nañsamāsaḥ kṛtaḥ. na alvidhiranalvidhiḥ" iti. punaralāśrayo vidhiḥ? yo varṇamātrāśritaḥ. yastu samudāyā- śritaḥ so'nalāśrayaḥ. kāryaśabdena kmasādhanena vidhiśabdasyārthamācakṣāṇaḥ "vidhīyate" iti vidhiriti tasya karmasādhatvaṃ darśayati. "kimudāharaṇayiti praśnaḥ. "dhātvādyādeśāḥ prayojanam" ityuttaram. prayujyate'neneti prayojanam, udāharaṇena ca prayujyata iti. arthāt praśnānurūpaṃ prativacanam. nanu cārdhadhātuke parato bhāvyamādeśābhyām, tatra kimatrādeśenetyata āha- "ārdhadhātuke viṣaye" iti. "prakṛtya" ityādi. "kugati" 2.2.18 ityādinā samāsaḥ, "samāse'nañpūrve ktvo lyap" 7.1.37. "dadhikam" iti. dadhnā saṃskṛtamiti "dadhnaṣṭhak" 4.2.17. "adyatanam" iti. "sāyaṃciram" 4.3.23 ityādinā ṭa()upratyayaḥ, tuḍāgamaśca, yoranādeśaḥ. "akurutāmkurutam" iti. kṛño laṅ, "tasthasthamipām" 3.4.101 ityādinā tasastām, thasastam, tanāditvāt "tanādikṛñbhya uḥ" 3.1.79, dhātorguṇaḥ. "ata ut sārvadhātuke" 6.4.110. grāmo vṛ svam, janapado naḥ svam" iti. yuṣmadasmadoḥ ṣaṣṭhī, "bahuvacanasya vasnasau" 8.1.21 iti vasnasādeśau. "vatkaraṇaṃ kim" iti? vināpi tena tadartho gamyate, yathā "asaṃyogālliṭ kit" 1.2.5 ityādāvityabhiprāyaḥ. "sthāno" ityādi. prāyeṇa hrasmin pāde "vṛddhirādaic" 1.1.1 ityādīni sūtrāṇi saṃjñāsaṃjñisambandhārthānyeva dṛṣṭāni. ato'sati vatkaraṇe sthānyādeśasya saṃjñā vidhīyata iti vijñāyate. tadevaṃ mā vijñāyī- tyevamarthaṃ vatkaraṇam. kimarthaṃ punaḥ sthānyādeśasya saṃjñā neṣyata ityāha-- "svāśrayamapi" ityādi. saṃjñā hisaṃjñipratyayanārthā na svataḥ kāryaṃ pratipadyate, api tu tatpratyāyitaḥ saṃjñīti. atra yadi sthānyādeśasya saṃjñā syāt, ādeśasyaiva hi saṃjñinaḥ kāryaṃ syāt,na saṃjñābhūtasya sthāninaḥ. tataśca "āṅo yamahanaḥ" 1.3.28 iti vadherādatmanepadaṃ syāt, na hanteḥ.vatkaraṇe tu satyatideśo'yaṃ bhavati, atideśena cānya- sambandhikāryamanyatra sampādyate;na tu tatra svāśrayaṃ nivarttyate. tathā hi "brāāhṛṇavadasmin kṣatriye vatrtatavyam" ityatideśe tad()brāāhṛṇasambandhikāryaṃ kṣatriye bhāvyate. na tu brāāhṛṇasya yat svāśrayamagrabhojanādi tad()vyāvarttyate. svāśrayamapītyapiśabdādatideśaprāpitamādeśe parāśritamapi. "āhata" iti. hanteraluṅa, "hanaḥ sic" 1.2.14 iti kittvam. "anudāttopadeśa" 6.4.37 ityādinā'nunāsikalopaḥ. "hsvādaṅgāt" 8.2.27 iti sico luk. "āvadhiṣṭa" iti. "ātmanepadeṣvanyatarasyām" 3.1.54 iti vadhādeśaḥ, iṭ, "ato lopaḥ" 6.4.48 ṣatvaṣṭutve. "ādeśagrahaṇaṃ kim" iti. sathānīti sambandhiśabdo'yam. tatra yathā "pitṛvat sthūlaḥ" ityukte'ntareṇāpyatra putragrahaṇaṃ sambandhiśabdatvāt putra iti gamyate,tathā sthānivadityukte vināpyādeśagrahaṇena sambandhiśabdatvādādeśa eva sthānivad bhavatīti vijñāyata ityabhiprāyaḥ. "ānumānikasya" ityādi. "asterbhūḥ" 2.4.52 ityādau sthānyapi śabdena sākṣāt pratyāyyate, ādeśo'pi. pacatvityatra sthānyapi, ānumānika ādeśo'pi. tathā hi- "eruḥ" 3.4.86 ityatra na vastuta ikāra eva sthānī , api tu tiśabdaḥ. nāpyukāramātra ādeśaḥ, tarhi? tuśabdaḥ. lāghavārthaṃ tu tadekadeśayo-rikārokārayoruccāraṇam. tenaikadeśadvāreṇa samudāyasya samudāya evādeśo vidhīyate. tatra yathā viṣāṇenaikadeśenopalabdhena viṣāṇī samudāyo'numīyate, tathaikadeśenekāreṇokāreṇa tiśabdastuśabdaśca. atra ca śāstre yasya ca kriyābisambandhaḥ sākṣācchabdādeva pratīyate, yasya ca kutaścidarthaprakaraṇāderanumīyate,tayoḥ pūrvasya prādhānyamitarasya viparyaya iṣyate. tathā hi- "sahayukte'pradhāne" 2.3.19 ityatra vṛttikāraḥ "putreṇa sahāgataḥ" ityādyudāhmatya vakṣyati- "pituratra kriyādisambandhaḥ śabdenocyate, putrasya tu pratīyamāna iti tasyāprādhānyam" iti. pradhānetarayośca sannidhāne pradhānasyaiva kāryeṇa sampratyayo yuktaḥ. tathā cāha- "pradhāne kāryasampratyayāt siddham" iti. atra hi yadyādeśa ita nocyeta, tato ya ādeśaśabdenopādāya vidhīyamānatvāt prādhānyamanubhavati tasyaiva sthānivadbhāvaḥ syāt, nāpradhānasyānumānikasya. tasmāt tasyāpi sthāni-vadbhāvo yathā syādityevamādeśagrahaṇam. tena pacatvityādāvapi "suptiṅantaṃ padam" (1.414) iti padasaṃjñā siddhā bhavati. kutaḥ punaretavavasīyate? "eruḥ" 3.4.86 ityanenaikadeśa-dvāreṇa tuḥśabdaḥ samudāyo vidhīyate, na punaryathāśrutamikāramātrasyokāramātrameveti; pacatvityatra padasaṃjñākāryopalabdheḥ, taddhi na vinā padasaṃjñayā, sāpi na vinā tiṅavad bhāvena, so'pi na vinā samudāyodeśeneti. tasmin hi sati sthānivadbhāvena yatna- pratipāditena tiṅabhāvo labhyate; nānyatheti gatametat. athānumānike gṛhīte kathamitarasya grahaṇaṃ labhyate? evaṃ manyate sthānivadityetāvāneko yogaḥ katrtavyaḥ, etena yogenādeśaḥ pradhānabhūtaḥ sambandhiśabdatvāllabhyate. tata ādeśa dvitīyo yogaḥ, ānumānikasya sthāni- vadbhāvāya. atra ca sthānivaditi vatrtate. evamubhayoḥ pratyakṣānumānaśiṣṭa()ogrrahaṇamupapadyate. "analvidhau" iti. dvayorapi yogayoḥ śeṣabhūtaḥ. "dyupathityadādeśā" ityādi. "diva aut" "pathimathyṛbhukṣāmāt" 7.1.85, "tyadādīnāmaḥ" 7.1.102 ityete " halṅyābbhyaḥ" 6.1.66 sulope katrtavye na sthānivadbhavanti; tasya halmātramāśritya pravṛtteralāśrayatvāt॥

Laghusiddhāntakaumudī¹: ādeśaḥ sthānivatsyānna tu sthānyalāśrayavidhau. iti sthānivattvāt supi ceti dīr Sū #144 See More

Laghusiddhāntakaumudī²: sthānivadādeśo'nalvidhau 144, 1.1.55 ādeśaḥ sthānivatsyānna tu sthānyalāśrayavid See More

Bālamanoramā¹: sthānivadbhāvenāctvādcparakatvātkathaṃ dhakārasya dvitvamiti śaṅkā hmadi nidhā Sū #51 See More

sthānivadbhāvenāctvādcparakatvātkathaṃ dhakārasya dvitvamiti śaṅkā hmadi nidhāya tasya sthānivadbhāvaprāpakasūtramāha-sthānivadādeśaḥ. gurusthānāpanne guruputrādau sthānāpattyā taddharmalābho lokataḥ siddhaḥ. kuśādisthānāpanneṣu śarādiṣu ca vaidikanyāyasiddhaḥ. iha tu śāstre svaṃ rūpaṃ śabdasyeti vacanātsthānidharmā ādeśeṣu na prāpnuyuriti tatprāptyarthaṃ sthānivadādeśa ityārabdham. `sthānaṃ prasaṅga' ityuktam. yasya sthāne'nyadvidhīyate tatsthāni. yena vidhīyamānena anyatprasaktaṃ nivartate sa ādeśaḥ. sthāninā tulyaḥ sthānivat. `tena tulya'miti vatipratyayaḥ. ādeśaḥ sthāninā tulyo bhati. sthānidharmako bhavatīti yāvat. aliti varṇaparyāyaḥ. vidhīyata iti vidhiḥ=kāryam. alāśrayo vidhi alvidhiḥ analvidhiḥ. alāśrayabhinne kārye kartavye iti pratīyamāno'rthaḥ. alāśrayakārye kartavye sthānivanna bhavatīti phalitam. alāśrayeti sāmānyavacanāt alā vidhiḥ, alaḥ parasya vidhiḥ, alo vidhiḥ ?li vidhiśceti sarvasaṃgrahaḥ. alā vidhau yathā-vyūḍhora skena. atra visarjanīyasya saḥ' iti visargasthānikasya sakārasya va#isargatvamāśritya aḍvyavāya iti ṇatvaṃ prāptaṃ na bhavati. alaḥ parasya vidhau yathā-dyauḥ. `diva au'diti vakārasthānikasya aukārasya sthānivadbhāvena haltvāttataḥ parasya sorhalṅyādilopaḥ prāpto na bhavati. alo vidhau yatā dyukāmaḥ. `diva u'diti vakārasthānikasya ukārasya sthānivadbhāvena vakāratvāt `lopo vyorvalī'ti lopaḥ prāpto na bhavati. ali vidhau yathā-ka iṣṭaḥ. yajeḥ ktaḥ. atra yakārasthānikasaṃprasāraṇasya ikārahasya sthānivadbhāvena haśtvāt haśi ce'tyutvaṃ prāptaṃ na bhavati. al ceha sthānibhūtaḥ, sthānyavayavaśca gṛhrate. tataśca ādeśasya sthānibhūto yo'l, sthānyavayavaśca yo'l, tadāśrayavidhau na sthānivaditi phalati. tatra sthānībhūtā'lvidhau vyūḍhoraskenetyudāhmatameva. yathā vā-dhivi prīṇana iti dhātorlaṭi prathamapuruṣasya jherantādeśe `dhinvikṛṇvyora ca' iti vikaraṇasya ukārasya yaṇi vakāre sati tasya sthānivadbhāvenārdhadhātukatvāt svato valāditvācca iḍāgamaḥ prāpto na bhavati, vakārasya sthānibhūto yo'l ukāraḥ, tadādeśaṃ vakāramārdhadhātukatvenāśritya pravartamānasya iṭaḥ sthānyalāśrayatvāt. sthānyavayavālāśrayavidhau yathā pratidīvya. iha ktvādeśasya ya ityasya sthānivadbhāvena balādyārdhadhātukatvādiḍāgamaḥ prāpto na bhavati. iḍāgamasya valāditvaviṣaye sthānyavayavabhūtālāśrayatvāt. tadetadāha-ādeśaḥ sthānivatsyānnatu sthānyalāśrayavidhāviti. sthānyalāśrayetyatra sthānīti kim ?. rāmāya. iha `supi ce'ti dīrghasya yañādisubāśrayasya ādeśagatayakārarūpālāśrayatve'pi tasmin kartavye yādeśasya sthānivadbhāvena suptvaṃ bhavatyeva, dīrghasya ādeśagatayakārarūpālāśrayatve'pi sthānyalāśrayatvā'bhāvāt. na ca nīñdhātorṇbuli akādeśe vṛddhau nai-aka iti sthite aikārasya sthānivadbhāvena īkāradharmakatvādāyādeśo na syāt, īkārasya āyādeśābhāvāditi vācyam, iha hi sthāniprayuktaṃ yat kāryaṃ śāstrīyaṃ tadevātidiśyate. īkārasya ca āyādeśabhāvo na śāstravihita iti na tasya īkārasthānike aikāre atideśa ityāstāṃ tāvat. aneneti. udāhmatena sthānivatsūtreṇa iha=sudhy ityatra īkārasthānikasya yakārasya sthānivadbhāvena ackāryakāritvamāśritya aci na dvitvamityarthakena anacītyanena dhakārasya dvitvaniṣedho na śaṅkanīya ityarthaḥ. kuta ityata āha–analvidhāviti tanniṣedhāditi. sthānivattvaniṣedhādityarthaḥ. yakārādeśasthānībhūto yo'l īkāraḥ tadgatamactvaṃ yakāre āśritya pravartamānasya yakāradvitvaniṣedhasya sthānyalāśrayatvāditi bhāvaḥ.

Bālamanoramā²: sthānivadādeśo'nalvidhau 51, 1.1.55 nanu sudh y ityatra īkārasthānikasya yakāras See More

sthānivadādeśo'nalvidhau 51, 1.1.55 nanu sudh y ityatra īkārasthānikasya yakārasya sthānivadbhāvenāctvādcparakatvātkathaṃ dhakārasya dvitvamiti śaṅkā hmadi nidhāya tasya sthānivadbhāvaprāpakasūtramāha-sthānivadādeśaḥ. gurusthānāpanne guruputrādau sthānāpattyā taddharmalābho lokataḥ siddhaḥ. kuśādisthānāpanneṣu śarādiṣu ca vaidikanyāyasiddhaḥ. iha tu śāstre svaṃ rūpaṃ śabdasyeti vacanātsthānidharmā ādeśeṣu na prāpnuyuriti tatprāptyarthaṃ sthānivadādeśa ityārabdham. "sthānaṃ prasaṅga" ityuktam. yasya sthāne'nyadvidhīyate tatsthāni. yena vidhīyamānena anyatprasaktaṃ nivartate sa ādeśaḥ. sthāninā tulyaḥ sthānivat. "tena tulya"miti vatipratyayaḥ. ādeśaḥ sthāninā tulyo bhati. sthānidharmako bhavatīti yāvat. aliti varṇaparyāyaḥ. vidhīyata iti vidhiḥ=kāryam. alāśrayo vidhi alvidhiḥ analvidhiḥ. alāśrayabhinne kārye kartavye iti pratīyamāno'rthaḥ. alāśrayakārye kartavye sthānivanna bhavatīti phalitam. alāśrayeti sāmānyavacanāt alā vidhiḥ, alaḥ parasya vidhiḥ, alo vidhiḥ?li vidhiśceti sarvasaṃgrahaḥ. alā vidhau yathā-vyūḍhora skena. atra visarjanīyasya saḥ" iti visargasthānikasya sakārasya va#isargatvamāśritya aḍvyavāya iti ṇatvaṃ prāptaṃ na bhavati. alaḥ parasya vidhau yathā-dyauḥ. "diva au"diti vakārasthānikasya aukārasya sthānivadbhāvena haltvāttataḥ parasya sorhalṅyādilopaḥ prāpto na bhavati. alo vidhau yatā dyukāmaḥ. "diva u"diti vakārasthānikasya ukārasya sthānivadbhāvena vakāratvāt "lopo vyorvalī"ti lopaḥ prāpto na bhavati. ali vidhau yathā-ka iṣṭaḥ. yajeḥ ktaḥ. atra yakārasthānikasaṃprasāraṇasya ikārahasya sthānivadbhāvena haśtvāt haśi ce"tyutvaṃ prāptaṃ na bhavati. al ceha sthānibhūtaḥ, sthānyavayavaśca gṛhrate. tataśca ādeśasya sthānibhūto yo'l, sthānyavayavaśca yo'l, tadāśrayavidhau na sthānivaditi phalati. tatra sthānībhūtā'lvidhau vyūḍhoraskenetyudāhmatameva. yathā vā-dhivi prīṇana iti dhātorlaṭi prathamapuruṣasya jherantādeśe "dhinvikṛṇvyora ca" iti vikaraṇasya ukārasya yaṇi vakāre sati tasya sthānivadbhāvenārdhadhātukatvāt svato valāditvācca iḍāgamaḥ prāpto na bhavati, vakārasya sthānibhūto yo'l ukāraḥ, tadādeśaṃ vakāramārdhadhātukatvenāśritya pravartamānasya iṭaḥ sthānyalāśrayatvāt. sthānyavayavālāśrayavidhau yathā pratidīvya. iha ktvādeśasya ya ityasya sthānivadbhāvena balādyārdhadhātukatvādiḍāgamaḥ prāpto na bhavati. iḍāgamasya valāditvaviṣaye sthānyavayavabhūtālāśrayatvāt. tadetadāha-ādeśaḥ sthānivatsyānnatu sthānyalāśrayavidhāviti. sthānyalāśrayetyatra sthānīti kim?. rāmāya. iha "supi ce"ti dīrghasya yañādisubāśrayasya ādeśagatayakārarūpālāśrayatve'pi tasmin kartavye yādeśasya sthānivadbhāvena suptvaṃ bhavatyeva, dīrghasya ādeśagatayakārarūpālāśrayatve'pi sthānyalāśrayatvā'bhāvāt. na ca nīñdhātorṇbuli akādeśe vṛddhau nai-aka iti sthite aikārasya sthānivadbhāvena īkāradharmakatvādāyādeśo na syāt, īkārasya āyādeśābhāvāditi vācyam, iha hi sthāniprayuktaṃ yat kāryaṃ śāstrīyaṃ tadevātidiśyate. īkārasya ca āyādeśabhāvo na śāstravihita iti na tasya īkārasthānike aikāre atideśa ityāstāṃ tāvat. aneneti. udāhmatena sthānivatsūtreṇa iha=sudhy ityatra īkārasthānikasya yakārasya sthānivadbhāvena ackāryakāritvamāśritya aci na dvitvamityarthakena anacītyanena dhakārasya dvitvaniṣedho na śaṅkanīya ityarthaḥ. kuta ityata āha--analvidhāviti tanniṣedhāditi. sthānivattvaniṣedhādityarthaḥ. yakārādeśasthānībhūto yo'l īkāraḥ tadgatamactvaṃ yakāre āśritya pravartamānasya yakāradvitvaniṣedhasya sthānyalāśrayatvāditi bhāvaḥ.

Tattvabodhinī¹: sthānivadādeśo. ādeśe kṛte svarūpabhedātsthāniprayuktakāryāṇapravṛttāvatideśa ā Sū #44 See More

sthānivadādeśo. ādeśe kṛte svarūpabhedātsthāniprayuktakāryāṇapravṛttāvatideśa ārabhyate. `asterbhūḥ'. ārdhadhātuke vivakṣite dhātvādeśo dhātuvat. tena `aco ya'- dityādidhātupratyayaḥ-bhavyaṃ babhūva. `kimaḥ kaḥ'. aṅgādeśo'ṅgavat. tena inādeśadīrghaisvabhāvāḥ. kena kābhyāṃ kaiḥ. ādeśagrahaṇaṃ kimartham ?, `sthāniva'dityetāvataiva saṃbandhiśabdamahimnā tallābhāt, yathā `pitṛvadadhīte' ityukte `putra' iti gamyate iti cedatrāduḥ,–dvividha ādeśaḥ,-pratyakṣa ānumānikaśceti. `asterbhūḥ' ityādiḥ pratyakṣaḥ. `testuḥ' ityādistvānumānikaḥ. `eruḥ' ityatra hi ikāreṇekārāntaḥ sthānī anumīyate, ukāreṇa cokārānta ādeśaḥ. tathāca `testu'riti phalito'rthaḥ, tatrāsatyādeśagrahaṇe pratyakṣasyaiva grahaṇaṃ syānnatvānumānikasya. ādeśagrahaṇasāmathryāttūbhayaparigrahaḥ, tena pacatvityādestiṅntatvātpadasaṃjñā sidhyatīti. nanu `eru'-rityādi yathāśrutamevāstu, ekadeśavikṛtasyā'nanyatvātpadatvaṃ bhaviṣyatīti cennaḥ, arthavatyeva sthānādeśabhāvaviśrāntervācyatvāttasyaivā'tra prasaṅgā'saṃbhavāt. tathāhi-`ṣaṣṭhī sthāneyoge'tyuktam. sthānaṃ ca prasaṅgaḥ. sa cārthavataḥ , arthapratyayārthaṃ śabdaprayogāt. yadyapi cleḥ sijādāvasaṃbhavīdaṃ, tathāpi sati saṃbhave arthaprayukta eva prasaṅgo grāhra ityanenaivādeśagrahaṇena jñāpyate. uktaṃ ca–sarve sarvapadādeśā dākṣīputrasya pāṇine. ekadeśāvikāre hi nityatvaṃ nopapadyate'॥ iti padamihārthavat, padyate'neneti vyutpatteḥ. yadyapi sarvavikāre sutarāṃ nityatvānupapatti stathāpīha vikāra eva nāstīti tātparyam. etacca śabdakaustubhe spaṣṭam॥ analvidhāviti kim ?. yaścālā vidhiḥ, yaścālaḥ parasya vidhiḥ, yaścālo vidhiḥ, yaścāli vidhistatra mā bhūt. tatrā'lā vidhau yathā–vyūḍhoraskena. atra sakārasya sthānivattvena visargavadaṭtvamāśritya `aḍvyavāye' iti ṇatvaṃ prāptam. alaḥ parasya yathā–dyauḥ, panthāḥ. iha halṅyādilopo na. alo vidhau yathā–dyukāmaḥ. lopo vyorvalī'ti lopo na. na cottvavidhisāmathryāllopona bhavediti śaṅkyam ; `dyuyāna'mityādau tasya sāvakāśatvāt. ali vidhau–yajeḥ ktaḥ. ka iṣṭaḥ. `haśi ce'tyutvaṃ na. na ceha sthānibadbhāvena jātepyutve ādguṇe'vādeśe ca kṛte `hali sarveṣā'miti nityaṃ lopena `ka iṣṭa' iti rūpaṃ sidhyatyeveti vācyam ; `kayiṣṭa' iti rūpāntarā'siddhiprasaṅgāt. siddhānte tu `bhobhagoaghoapūrvasye'ti yasya lopavikalpe `ka iṣṭaḥ' `kayiṣṭa' iti rūpadvayamabhyupagamyate. alaṃ ceha sthānyavayava eva gṛhrate, tena `rāmāye'tyādau `supi ce'ti dīrghaḥ sidhdyati, tadvidhau hi yañāditvamāśritam. yañ cādeśāvayavo na tu sthānyavayavaḥ. tathā `aruditā'mityādau `rudādibhyaḥ-' iti valādilakṣaṇa iṭ ca sidhyati. tadetadāhmana tu sthānyalāśraya #iti. āśrayaṇaṃ ceha yathākathañcinna tu prādhānyenaivetyāgrahaḥ. tena `prapaṭha\ufffde'tyatra valādilakṣaṇa iṇna॥

Tattvabodhinī²: sthānivadādeśo'nalvidhau 44, 1.1.55 sthānivadādeśo. ādeśe kṛte svarūpabhedātsthā See More

sthānivadādeśo'nalvidhau 44, 1.1.55 sthānivadādeśo. ādeśe kṛte svarūpabhedātsthāniprayuktakāryāṇapravṛttāvatideśa ārabhyate. "asterbhūḥ". ārdhadhātuke vivakṣite dhātvādeśo dhātuvat. tena "aco ya"-dityādidhātupratyayaḥ-bhavyaṃ babhūva. "kimaḥ kaḥ". aṅgādeśo'ṅgavat. tena inādeśadīrghaisvabhāvāḥ. kena kābhyāṃ kaiḥ. ādeśagrahaṇaṃ kimartham?, "sthāniva"dityetāvataiva saṃbandhiśabdamahimnā tallābhāt, yathā "pitṛvadadhīte" ityukte "putra" iti gamyate iti cedatrāduḥ,--dvividha ādeśaḥ,-pratyakṣa ānumānikaśceti. "asterbhūḥ" ityādiḥ pratyakṣaḥ. "testuḥ" ityādistvānumānikaḥ. "eruḥ" ityatra hi ikāreṇekārāntaḥ sthānī anumīyate, ukāreṇa cokārānta ādeśaḥ. tathāca "testu"riti phalito'rthaḥ, tatrāsatyādeśagrahaṇe pratyakṣasyaiva grahaṇaṃ syānnatvānumānikasya. ādeśagrahaṇasāmathryāttūbhayaparigrahaḥ, tena pacatvityādestiṅntatvātpadasaṃjñā sidhyatīti. nanu "eru"-rityādi yathāśrutamevāstu, ekadeśavikṛtasyā'nanyatvātpadatvaṃ bhaviṣyatīti cennaḥ, arthavatyeva sthānādeśabhāvaviśrāntervācyatvāttasyaivā'tra prasaṅgā'saṃbhavāt. tathāhi-"ṣaṣṭhī sthāneyoge"tyuktam. sthānaṃ ca prasaṅgaḥ. sa cārthavataḥ , arthapratyayārthaṃ śabdaprayogāt. yadyapi cleḥ sijādāvasaṃbhavīdaṃ, tathāpi sati saṃbhave arthaprayukta eva prasaṅgo grāhra ityanenaivādeśagrahaṇena jñāpyate. uktaṃ ca--sarve sarvapadādeśā dākṣīputrasya pāṇine. ekadeśāvikāre hi nityatvaṃ nopapadyate"॥ iti padamihārthavat, padyate'neneti vyutpatteḥ. yadyapi sarvavikāre sutarāṃ nityatvānupapatti stathāpīha vikāra eva nāstīti tātparyam. etacca śabdakaustubhe spaṣṭam॥ analvidhāviti kim?. yaścālā vidhiḥ, yaścālaḥ parasya vidhiḥ, yaścālo vidhiḥ, yaścāli vidhistatra mā bhūt. tatrā'lā vidhau yathā--vyūḍhoraskena. atra sakārasya sthānivattvena visargavadaṭtvamāśritya "aḍvyavāye" iti ṇatvaṃ prāptam. alaḥ parasya yathā--dyauḥ, panthāḥ. iha halṅyādilopo na. alo vidhau yathā--dyukāmaḥ. lopo vyorvalī"ti lopo na. na cottvavidhisāmathryāllopona bhavediti śaṅkyam ; "dyuyāna"mityādau tasya sāvakāśatvāt. ali vidhau--yajeḥ ktaḥ. ka iṣṭaḥ. "haśi ce"tyutvaṃ na. na ceha sthānibadbhāvena jātepyutve ādguṇe'vādeśe ca kṛte "hali sarveṣā"miti nityaṃ lopena "ka iṣṭa" iti rūpaṃ sidhyatyeveti vācyam ; "kayiṣṭa" iti rūpāntarā'siddhiprasaṅgāt. siddhānte tu "bhobhagoaghoapūrvasye"ti yasya lopavikalpe "ka iṣṭaḥ" "kayiṣṭa" iti rūpadvayamabhyupagamyate. alaṃ ceha sthānyavayava eva gṛhrate, tena "rāmāye"tyādau "supi ce"ti dīrghaḥ sidhdyati, tadvidhau hi yañāditvamāśritam. yañ cādeśāvayavo na tu sthānyavayavaḥ. tathā "aruditā"mityādau "rudādibhyaḥ-" iti valādilakṣaṇa iṭ ca sidhyati. tadetadāhmana tu sthānyalāśraya #iti. āśrayaṇaṃ ceha yathākathañcinna tu prādhānyenaivetyāgrahaḥ. tena "prapaṭha()e"tyatra valādilakṣaṇa iṇna॥

1.Source: Arsha Vidya Gurukulam
2.Source: Sanskrit Documents

Examples²:

dhātvādeśaḥ - bhavitā, bhavitum, bhavitavyam। vaktā, vaktum, vaktavyam। aṅgādeśaḥ - kena, kābhyām, kaiḥ। kṛdādeśaḥ - prakṛtya, prahṛtya। taddhitādeśaḥ - dadhni saṃskṛtam dadhikam, adyatanam। avyayādeśaḥ - prakṛtya, prahṛtya। subādeśaḥ - purūṣāya, vṛkṣāya। tiṅādeśaḥ - akurutām, akurutam। padādeśaḥ - grāmo naḥ svam, grāmo vaḥ svam। alvidhau sthānivat na bhavati, tadyathā - alaḥ (5।1) vidhiḥ - dyauḥ, panthāḥ, saḥ। alaḥ (6।1) vidhiḥ - dyukāmaḥ। ali (7।1) vidhiḥ - kaḥ iṣṭaḥ। alā (3।1) vidhiḥ - mahoraskena, vyūḍhoraskena।

Research Papers and Publications