1/4:kim idam sthāneyogā iti |
2/4:sthāne yogaḥ asyāḥ sā iyam sthāneyogā |
3/4:saptamyalopaḥ nipātanāt |
4/4:tṛtiyāyā vā etvam : sthānena yogaḥ asyāḥ sā iyam sthāneyogā |

1/69:kimartham punaḥ idam ucyate |
2/69:ṣaṣṭhyāḥ sthāneyogavacanam niyamārtham |*
3/69:niyamāṛthaḥ ayam ārambhaḥ |
4/69:ekaśatam ṣaṣṭhyarthāḥ yāvantaḥ vā te sarve ṣaṣṭhyām uccāritāyām prāpnuvanti |
5/69:iṣyate ca vyākaraṇe yā ṣaṣṭhī sā sthāneyogā eva syāt iti |
6/69:tat ca antareṇa yatnam na sidhyati iti ṣaṣṭhyāḥ sthāneyogavacanam niyamārtham |
7/69:evamartham idam ucyate |
8/69:asti prayojanam etat |
9/69:kim tarhi iti |
10/69:avayavaṣaṣṭhyādiṣu atiprasaṅgaḥ śāsaḥ gohaḥ iti |*
11/69:avayavaṣaṣṭhyādayaḥ tu na sidhyanti |
12/69:tatra kaḥ doṣaḥ |
13/69:śāsaḥ it aṅhaloḥ iti śāseḥ ca antyasya syāt upadhāmātrasya ca |
14/69:ūt upadhāyāḥ gohaḥ iti gohaḥ ca antyasya syāt upadhāmātrasya ca |
15/69:avayavaṣaṣṭhyādīnām ca aprāptiḥ yogasya asandigdhatvāt |*
16/69:avayavaṣaṣṭhyādīnām ca niyamasya aprāptiḥ |
17/69:kim kāraṇam |
18/69:yogasya asandigdhatvāt |
19/69:sandehe niyamaḥ na ca avayavaṣaṣṭhyādiṣu sandehaḥ |
20/69:kim vaktavyam etat |
21/69:na hi |
22/69:katham anucyamānam gaṃsyate| laukikaḥ ayam dṛṣṭāṇtaḥ |
23/69:tat yathā loke : kam cit kaḥ cit pṛcchati : grāmāntaram gamiṣyāmi panthānam me bhavān upadiśatu iti |
24/69:saḥ tasmai ācaṣṭe |
25/69:amuṣmin avakāśe hastadakṣiṇaḥ grahītavyaḥ amuṣmin avakāśe hastavāmaḥ iti |
26/69:yaḥ tu atra tiryakpathaḥ bhavati na tasmin sandehaḥ iti kṛtvā na asau upadiśyate |
27/69:evam iha api sandehe niyamaḥ na ca avayavaṣaṣṭhyādiṣu sandehaḥ |
28/69:atha vā sthāne ayogā sthāneyogā kim idam ayogā iti |
29/69:avyaktayogā ayogā |
30/69:atha vā yogavatī yogā |
31/69:kā punaḥ yogavatī |
32/69:yasyāḥ bahavaḥ yogāḥ |
33/69:kutaḥ etat |
34/69:bhūmni hi matup bhavati |
35/69:viśiṣṭā vā ṣaṣṭhī sthāneyogā |*
36/69:atha vā kim cid liṅgam āsajya vakṣyāmi : itthaṃliṅgā ṣaṣṭhī sthāneyogā bhavati iti |
37/69:na tat liṅgam avayavaṣaṣṭhyādiṣu kariṣyate |
38/69:yadi evam śāsaḥ it aṅhaloḥ śā hau śāsigrahaṇam kartavyam sthāneyogārtham liṅgam āsaṅkṣyāmi iti |
39/69:na kartavyam |
40/69:yat eva adaḥ purastāt avayavaṣaṣṭhyartham prakṛtam etat uttaratra anuvṛttam sat sthāneyogārtham bhaviṣyati |
41/69:katham |
42/69:adhikāraḥ nāma triprakāraḥ |
43/69:kaḥ cit ekadeśasthaḥ sarvam śāstram abhijvalayati yathā pradīpaḥ supravijvalitaḥ sarvam veśma abhijvalayati |
44/69:aparaḥ adhikāraḥ yathā rajjvā ayasā vā baddham kāṣṭham anukṛṣyate tadvat anukṛṣyate cakāreṇa |
45/69:aparaḥ adhikāraḥ pratiyogam tasya anirdeśārthaḥ iti yoge yoge upatiṣṭhate |
46/69:tat yadā eṣaḥ pakṣaḥ adhikāraḥ pratiyogam tasya anirdeśārthaḥ iti tadā hi yat eva adaḥ purastāt avayavaṣaṣṭhyartham prakaṛtam etat uttaratra anuvṛttam sat sthāneyogārtham bhaviṣyati |
47/69:sampratyayamātram etat bhavati |
48/69:na hi anuccārya śabdam liṅgam śakyam āsaṅktum |
49/69:evam tarhi ādeśe tat liṅgam kariṣyate tat prakṛtim āskantsyati |
50/69:yadi niyamaḥ kriyate yatra ekā ṣaṣṭhī anekam ca viśeṣyam tatra na sidhyati : aṅgasya , halaḥ , aṇaḥ , samprasāraṇasya iti |
51/69:hal api viśeṣyaḥ aṇ api viśeṣyaḥ samprasāraṇam api viśeṣyam |
52/69:asati punaḥ niyame kāmacāraḥ ekayā ṣaṣthyā anekam viśeṣayitum |
53/69:tat yathā |
54/69:devadattasya putraḥ pāṇiḥ kambalaḥ iti |
55/69:tasmāt na arthaḥ niyamena |
56/69:nanu ca uktam ekaśatam ṣaṣṭhyarthāḥ yāvantaḥ vā te sarve ṣaṣṭhyām uccāritāyām prāpnuvanti iti |
57/69:na eṣaḥ doṣaḥ |
58/69:yadi api loke bahavaḥ abhisambandhāḥ ārthāḥ yaunāḥ maukhāḥ srauvāḥ ca śabdasya tu śabdena kaḥ anyaḥ abhisambandhaḥ bhavitum arhati anyat ataḥ sthānāt |
59/69:śabdasya api śabdena anantarādayaḥ abhisambandhāḥ |
60/69:asteḥ bhūḥ bhavati iti sandehaḥ : sthāne anantare samīpe iti |
61/69:sandehamātram etat bhavati |
62/69:sarvasandeheṣu ca idam upatiṣṭhate : vyākhyānataḥ viśeṣapratipattiḥ na hi sandehāt alakṣaṇam iti |
63/69:sthāne iti vyākhyāsyāmaḥ |
64/69:na tarhi idānīm ayam yogaḥ vaktavyaḥ |
65/69:vaktavyaḥ ca |
66/69:kim prayojanam |
67/69:ṣaṣṭhyantam sthānena yathā yujyeta yataḥ ṣaṣṭhī uccāritā |
68/69:kim kṛtam bhavati |
69/69:nirdiśyamānasya ādeśāḥ bhavanti iti eṣā paribhāṣā na kartavyā bhavati |

paribhāśā iyaṃ yoganiyamārthā. iha śāstre yā ṣaṣṭhī aniyatayogā śrūyate, sā sthāneyogāiva bhavati, nānyayogā. sthāneyogasya nimittabhūte sati sā pratipattavyā. sthānaśabdaśca prasaṅgavācī. yathādarbhāṇāṃ sthāne śaraiḥ prastaritavyam iti darbhāṇāṃ prasaṅge iti gamyate. evam iha api asteḥ sthāne prasaṅge bhūr bhavati. bhavitā. bhavitum. bhavitavyam. bruvaḥ prasaṅge vacirbhavati. vaktā. vaktum. vaktavyam. prasaṅge sambandhasya nimittabhūte bruva iti ṣasṭhī. bahavo hi ṣaṣṭhyarthāḥ svasvāmyanantarasamīpasamūhavikārāvayavādyāḥ. tatra yāvantaḥ śabde sambhavanti teṣu sarveṣu prapteṣu niyamaḥ kriyate ṣaṣṭhī sthāneyogā iti. sthāne yogo 'syāḥ iti vyadhikaraṇo bahuvrīhiḥ. ata eva nipātanāc ca saptamyā aluk.

ṣaṣṭhī sthāneyogā 1.1.49 paribhāśā iyaṃ yoganiyamārthā. iha śāstre yā ṣaṣṭhī aniyatayogā śrūyate, sā sthāneyogāiva bhavati, nānyayogā. sthāneyogasya nimittabhūte sati sā pratipattavyā. sthānaśabdaśca prasaṅgavācī. yathādarbhāṇāṃ sthāne śaraiḥ prastaritavyam iti darbhāṇāṃ prasaṅge iti gamyate. evam iha api asteḥ sthāne prasaṅge bhūr bhavati. bhavitā. bhavitum. bhavitavyam. bruvaḥ prasaṅge vacirbhavati. vaktā. vaktum. vaktavyam. prasaṅge sambandhasya nimittabhūte bruva iti ṣasṭhī. bahavo hi ṣaṣṭhyarthāḥ svasvāmyanantarasamīpasamūhavikārāvayavādyāḥ. tatra yāvantaḥ śabde sambhavanti teṣu sarveṣu prapteṣu niyamaḥ kriyate ṣaṣṭhī sthāneyogā iti. sthāne yogo 'syāḥ iti vyadhikaraṇo bahuvrīhiḥ. ata eva nipātanāc ca saptamyā aluk.

ṣaṣṭhī sthāneyogā॥ , 1.1.48 "yoganiyamārthā" iti. yoganiyamaḥ sambandhaniyamaḥ, so'rthaḥ prayojanaṃ yasyāḥ sā tathoktā. yadi yoganiyamārthayam- śāstre yā ṣaṣṭhī, sā sthāneyogaiv bhavati, nānyayoge- ti. evaṃ sati "ūdupadhāyā gohaḥ" 6.4.89 ityeṣāpi ṣaṣṭhī sthāneyogaiva syāt, nāvayavādayavisambandhayogā. tataśca "alo'ntyasya" 1.1.51 iti sthānaṣaṣṭha()ā antye'pyupasaṃhārād gohaścāntasya hakārasya ūkāraḥ syāt. "upadhāyāśca" 7.1.101 iti vacanādupadhā-mātrasya cetyata āha-"iha śāstre yā ṣaṣṭha()niyatayogā" ityādi. aniyamaprasaṅge niyamo'nayā kriyate. kva cāniyamaprasaṅgaḥ? yatra sandehaḥ; yathā-"asterbhūḥ" 2.4.52iti. atra hi kimasteḥ sthāne? āhosvidanantare? iti sandehaḥ, pūrvatra tūpadhāyā avayavalakṣaṇasya sthānino viśiṣṭāvayavino vyavacchinnatvādavayavaṣṭha()eveyamiti niścitam; tato nātrāsyā vyāpāraḥ. "sthāneyogaiva" iti. sthāna iti nimittasaptamī, yogaḥ sambandhaḥ. tenedamuktaṃ bhavati-sthānanimittakasambandhaiveti. etadeva vispaṣṭīkurvannāha-"sthāne yogasya nimitte" ityādi. sthāneyogas nimittabhūte nimittatvaṃ prāpte sati sā veditavyā. bhūtaśabdo hratra prāptaśabde vartate; yathā- "devabhūtaḥ" ityatra devatvaṃ prāpta ityarthaḥ. nimittagrahaṇaṃ kurvan sūtre sthāneyogeti nimittasapta- mīyamiti darśayati. yogaḥ punariha sthānyādeśabhāvalakṣaṇaḥ. kuta etat? tasyaiva sthāni- hetutvāt. sthānaśabdobhāvasādhanaḥ, sthitiḥ sthānam. tat punastridhā- "apakarṣaḥ, nivṛttiḥ,prasaṅgaśca" iti. gosthāne'()āo badhyatāmityapakarṣaḥ sthānaśabdasyāstheyaḥ. "śleṣmaṇaḥ sthāne kaṭukamauṣadham" ityatra nivṛttiḥ. "darbhāṇāṃ sthāne śarairāstakarita- vyam" iti prasaṅgaḥ. tatrādyāvarthāviha na sambhavataḥ; nityatvācchabdārthasambandhasya prathamo na sambhavati; sāmānyenāsterupadeśānna dvitīyaḥ. tasmāt tṛtīya evārtha iti matvāha-"stānaśabdaśca" iti. prasaṅgastvarthakriyānimittabhūtasya kālasyāvasaraḥ. " astesthāne prasaṅge" iti. asteryā kriyā svārthapratipādanalakṣaṇā, tasyā nimittabhūtasya kālasyāvasaraḥ prāpta ityarthaḥ. prasaṅge sambandhasya nimittabhūta ityādinā sūtrārthasyodāharaṇe sambhavaṃ darśayati. "brāuvaḥ" iti copalakṣaṇamātram. asteri- tyāderapi hi ṣaṣṭhī prasaṅga eva sambandhasya nimittabhāva utpannā. ke punarbahavaḥ ṣaṣṭha()rthāḥ, yataḥ sambandhāntaraviṣayavyavacchedanārthaṃ ṣaṣṭha()ā idamucyate? ityāha-"bahavo hi" ityādi. śabde hi samīpānantaravikārāvayavādinimittāḥ sambandhāḥ santi. na tvapatyāpatyavatprabhṛtaya ityato "yāvantaḥ śabde sambhavanti" ityāha. atha sthāneyoga ita kimasamāsaḥ? atha samāsaḥ? yadyasamāsaḥ? tadā yogaśabdasya puṃlliṅgatvāt strīliṅgena nirdeśaḥ, ṣaṣṭhīśabdena ca sāmānādhikaraṇyaṃ na prāpnoti; yogasyāṣaṣṭhītvāt. ataḥ samāsaḥ kiṃ tatpuruṣaḥ? āhosvid bahuvrīhiḥ? yadi tatpuruṣaḥ? tau ca pūrvoktau doṣau syātām, saptamyā lukaprasaṅgaśca. atha bahuvrīhiḥ? evamapi lukprasaṅgo'trānivārya evetyata āha-"ṣaṣṭhī sthāneyogā" ityādi. gatārtham.

ṣaṣṭhī sthāneyogā. sthānaṃ prasaṅga iti vakṣyati. tasmin vācakatayā yogo yasyāḥ sā sthāneyogā. nipātanātsaptamyā aluk. sthānena yogo yasyā iti vā vigrahaḥ. nipātanādetvam. `iko yaṇacī'tyādau ṣaṣṭhī sthānarūpasambandhārthiketyarthaḥ. loke tāvadekaśataṃ ṣaṣṭa\ufffdrthā ārthā yaunā maukhāḥ ruāauvāśca. śabdasya śabdena traya eva saṃbandhāḥ–ānantaryaṃ sāmīpyaṃ prasaṅgaśceti. tatrānyatamārthanirdhāraṇārthamidaṃ sūtramiti bhāṣyam. tataśca`iko yaṇacī'tyādau `ika' iti ṣaṣṭa\ufffdā sthānamucyate. tasmin prakṛtyartha ik nirūpakatayā'nveti. aci parata ikaḥ prasaṅge yaṇ? syāditi. vivaraṇavākye tvasmin `ika' iti ṣaṣṭhī nirūpakatāyāmiti na punaruktiḥ śaṅkāḥ. yatā– `devadattasyāvayavaḥ pāṇi'riti. `ūdupadhāyā gohaḥ' ityatra tu `goha' iti ṣaṣṭhī na sthānārthikā, upapadhāpadasamabhivyāhāreṇā'vayavaṣaṣṭhītvanirdhāraṇāt, paribhāṣāṇāṃ cā'niyame niyamanārthameva pravṛtteḥ. tadetadāha-anirdhāritetyādinā. anirdhāritaḥ sambandhaviśeṣo yasyā iti vigrahaḥ. tadevamudāhmataprakṛtabhāṣyarītyā`iko yaṇacī'tyādau ṣaṣṭhī sthānarūpasaṃbandhaviśeṣārthiketi sthitam.ṣa matupsūtrabhāṣye tvanantarādayo na ṣaṣṭha\ufffdrthā iti sthitam. evaṃ sati sthāne iti saptamyantapadena yogo yasyā iti vigrahe sthāne iti saptamyantasyānukaraṇam. ṣaṣṭhīśrutau `sthāne' iti saptamyantaṃ padamupatiṣṭhata iti phalati. sthānena sthānapadārthena yogo yasyā iti tṛtīyāntavigrahe tvadhyāhmatasthānapadārthanirūpitasaṃbandhārthiketyarthaḥ. `asterbhūrbhavatīti sandehaḥ sthāne anantare samīpe iti' ityādiprakṛtasūtrabhāṣyasya tu asteranantare ityadhyāhmatānantarādipadārthanirūpitasambandhe ṣaṣṭhītyevārthaḥ. anantarādīnāṃ ṣaṣṭha\ufffdrthatvaṃ tu nāstyeveti prauḍhamanoramāyāṃ halantyamiti sūtre sthitam. tadvyākhyāne ca śabdaratne śabdenduśekhare ca bahudhā prapañcitam. anirdhāriteti kim?. ūdupadhāyā' ityatra `goha' iti ṣaṣṭhyāḥ sthānārthakatvaṃ mā bhūt. sati tu tatrāpi sthānārthakatve, goho'ntyasya upadhāmātrasya ca ūt syāt. nanu sthānaśabda ādhāravācī loke prasiddhaḥ. yathā śivasthānaṃ kailāsaḥ, viṣṇusthānaṃ vaikuṇṭhamityādau. evaṃ ca iko yaṇacītyādau ṣaṣṭhyāḥ sthānārthakatve prakṛtyarthasya tatra nirūpakatve'bhedena vā anvaye sati iko'dhikaraṇe yaṇ syāditi igadhikaraṇako yaṇ syāditi vā'rthaḥ syāt. tata iko nivṛttirna syādityata āha–sthānaṃ ca prasaṅga iti. kvacidābhicāreṣṭau `darbhāṇāṃ sthāne śaraiḥprastaritavya'mityatra sthānaśabdasya prasaṅge darśanāditi bhāvaḥ. evaṃ ca tatra yathā śarairdarbhā nivatryante, tadvadiko yaṇacītyādāvapi yaṇādibhirigādayo nivatryante. tatra ca yaḥ prasakto nivartate sa sthānīti vyavahyiyate, yo nivartayati sa ādeśa iti.

ṣaṣṭhī sthāneyoga 40, 1.1.48 ṣaṣṭhī sthāneyogā. sthānaṃ prasaṅga iti vakṣyati. tasmin vācakatayā yogo yasyāḥ sā sthāneyogā. nipātanātsaptamyā aluk. sthānena yogo yasyā iti vā vigrahaḥ. nipātanādetvam. "iko yaṇacī"tyādau ṣaṣṭhī sthānarūpasambandhārthiketyarthaḥ. loke tāvadekaśataṃ ṣaṣṭa()rthā ārthā yaunā maukhāḥ ruāauvāśca. śabdasya śabdena traya eva saṃbandhāḥ--ānantaryaṃ sāmīpyaṃ prasaṅgaśceti. tatrānyatamārthanirdhāraṇārthamidaṃ sūtramiti bhāṣyam. tataśca"iko yaṇacī"tyādau "ika" iti ṣaṣṭa()ā sthānamucyate. tasmin prakṛtyartha ik nirūpakatayā'nveti. aci parata ikaḥ prasaṅge yaṇ? syāditi. vivaraṇavākye tvasmin "ika" iti ṣaṣṭhī nirūpakatāyāmiti na punaruktiḥ śaṅkāḥ. yatā--"devadattasyāvayavaḥ pāṇi"riti. "ūdupadhāyā gohaḥ" ityatra tu "goha" iti ṣaṣṭhī na sthānārthikā, upapadhāpadasamabhivyāhāreṇā'vayavaṣaṣṭhītvanirdhāraṇāt, paribhāṣāṇāṃ cā'niyame niyamanārthameva pravṛtteḥ. tadetadāha-anirdhāritetyādinā. anirdhāritaḥ sambandhaviśeṣo yasyā iti vigrahaḥ. tadevamudāhmataprakṛtabhāṣyarītyā"iko yaṇacī"tyādau ṣaṣṭhī sthānarūpasaṃbandhaviśeṣārthiketi sthitam.ṣa matupsūtrabhāṣye tvanantarādayo na ṣaṣṭha()rthā iti sthitam. evaṃ sati sthāne iti saptamyantapadena yogo yasyā iti vigrahe sthāne iti saptamyantasyānukaraṇam. ṣaṣṭhīśrutau "sthāne" iti saptamyantaṃ padamupatiṣṭhata iti phalati. sthānena sthānapadārthena yogo yasyā iti tṛtīyāntavigrahe tvadhyāhmatasthānapadārthanirūpitasaṃbandhārthiketyarthaḥ. "asterbhūrbhavatīti sandehaḥ sthāne anantare samīpe iti" ityādiprakṛtasūtrabhāṣyasya tu asteranantare ityadhyāhmatānantarādipadārthanirūpitasambandhe ṣaṣṭhītyevārthaḥ. anantarādīnāṃ ṣaṣṭha()rthatvaṃ tu nāstyeveti prauḍhamanoramāyāṃ halantyamiti sūtre sthitam. tadvyākhyāne ca śabdaratne śabdenduśekhare ca bahudhā prapañcitam. anirdhāriteti kim(). ūdupadhāyā" ityatra "goha" iti ṣaṣṭhyāḥ sthānārthakatvaṃ mā bhūt. sati tu tatrāpi sthānārthakatve, goho'ntyasya upadhāmātrasya ca ūt syāt. nanu sthānaśabda ādhāravācī loke prasiddhaḥ. yathā śivasthānaṃ kailāsaḥ, viṣṇusthānaṃ vaikuṇṭhamityādau. evaṃ ca iko yaṇacītyādau ṣaṣṭhyāḥ sthānārthakatve prakṛtyarthasya tatra nirūpakatve'bhedena vā anvaye sati iko'dhikaraṇe yaṇ syāditi igadhikaraṇako yaṇ syāditi vā'rthaḥ syāt. tata iko nivṛttirna syādityata āha--sthānaṃ ca prasaṅga iti. kvacidābhicāreṣṭau "darbhāṇāṃ sthāne śaraiḥprastaritavya"mityatra sthānaśabdasya prasaṅge darśanāditi bhāvaḥ. evaṃ ca tatra yathā śarairdarbhā nivatryante, tadvadiko yaṇacītyādāvapi yaṇādibhirigādayo nivatryante. tatra ca yaḥ prasakto nivartate sa sthānīti vyavahyiyate, yo nivartayati sa ādeśa iti.

ṣaṣṭhī sthāneyogā. sthānena yogo'syā iti vigrahaḥ. nipātanādetvam. ṣaṣṭa\ufffdāḥ saṃbandhamātravācitve'pīha śāstre yā ṣaṣṭhī sā sthāneyogā bodhyā. kimaviśeṣeṇa ?, netyāha-anirdhāritasaṃbandhaviśeṣeti. anirdhāriteti kim ?, `ūdupadhāyā gohaḥ', `śāsa idaṅhmalo'rityādāvupadhāsaṃnidhānenāvayavaṣaṣṭhītve nirṇīte `gohaḥ' `śāsa' ityādau mā bhūt. sati hi tatrāpi sthāneyogatve gohiśāsisthāne dhātumātrasyopadhāyāśca sthāne ūditau syātāmiti dik. sthānaṃ ca prasaṅga iti. na cāsya prasaṅgārthakatve vivaditavyam, `darbhāṇāṃ sthāne śaraiḥ prastaritavya'mityukte darbhāṇāṃ prasaṅga iti pratīteḥ. evaṃ ca `iko yaṇacī'- tyādāviguccāraṇaprasaktau yaguccāraṇīya ityādyarthaḥ saṃpadyate.

ṣaṣṭhī sthāneyogā 34, 1.1.48 ṣaṣṭhī sthāneyogā. sthānena yogo'syā iti vigrahaḥ. nipātanādetvam. ṣaṣṭa()āḥ saṃbandhamātravācitve'pīha śāstre yā ṣaṣṭhī sā sthāneyogā bodhyā. kimaviśeṣeṇa?, netyāha-anirdhāritasaṃbandhaviśeṣeti. anirdhāriteti kim?, "ūdupadhāyā gohaḥ", "śāsa idaṅhmalo"rityādāvupadhāsaṃnidhānenāvayavaṣaṣṭhītve nirṇīte "gohaḥ" "śāsa" ityādau mā bhūt. sati hi tatrāpi sthāneyogatve gohiśāsisthāne dhātumātrasyopadhāyāśca sthāne ūditau syātāmiti dik. sthānaṃ ca prasaṅga iti. na cāsya prasaṅgārthakatve vivaditavyam, "darbhāṇāṃ sthāne śaraiḥ prastaritavya"mityukte darbhāṇāṃ prasaṅga iti pratīteḥ. evaṃ ca "iko yaṇacī"-tyādāviguccāraṇaprasaktau yaguccāraṇīya ityādyarthaḥ saṃpadyate.