vibhāṣā jasi 1-1-32 iti vartate. dvandve iti nivṛttam. prathama carama taya alpa ardha katipaya nema ityete jasi vibhāṣā sarvanāmasaṃjñā bhavanti. prathame, prathamāḥ. carame, caramāḥ. dvitaye, dvitayāḥ. alpe, alpāḥ. ardhe, ardhāḥ. katipaye, katipayaḥ. neme, nemāḥ. taya iti tayap pratyayaḥ. śiṣṭāni prātipadikāni. tatra nema iti sarvādiṣu paṭhyate, tasya prāpte vibhaṣā, anyeṣām aprāpte. ubhayaśabdasya tayappratyayāntasya gane pāṭhān nityā sarvanāmasaṃjñā iha api jaskāryaṃ prati vibhāṣā. kākacoryathāyogaṃ vṛttiḥ.

prathamacaramatayālpārdhakatipayanemāś ca 1.1.33 vibhāṣā jasi 1.1.31 iti vartate. dvandve iti nivṛttam. prathama carama taya alpa ardha katipaya nema ityete jasi vibhāṣā sarvanāmasaṃjñā bhavanti. prathame, prathamāḥ. carame, caramāḥ. dvitaye, dvitayāḥ. alpe, alpāḥ. ardhe, ardhāḥ. katipaye, katipayaḥ. neme, nemāḥ. taya iti tayap pratyayaḥ. śiṣṭāni prātipadikāni. tatra nema iti sarvādiṣu paṭhyate, tasya prāpte vibhaṣā, anyeṣām aprāpte. ubhayaśabdasya tayappratyayāntasya gane pāṭhān nityā sarvanāmasaṃjñā iha api jaskāryaṃ prati vibhāṣā. kākacoryathāyogaṃ vṛttiḥ.

prathamacaramatayālpārdhakatipayanemāśca. , 1.1.32 ubhayaśabdasya tayappratyayāntasya" iti. "saṃkhyāyā avayave tayap" 5.2.42 ityubhaśabdādvihitasya tayapo yadyapi"ubhādudātto nityam" 5.2.44 ityayajādeśo vidhīyate, tathāpi sthānivadbhāvāt tadgrahaṇena gṛhrata ityubhayaśabdastayappratyayānto bhavati. "tasya gaṇe pāṭhānnityā sarvanāmasañjñā"iti. na tvanena yogena pareṇāpi pākṣikī. etacca vyavasthitavibhāṣātvāllabhyate. "kākacoryathāyogaṃ vṛttiḥ"iti. tenobhaya- nema-śabdayoḥ sarvāditvānnityamakaco vṛttiḥ, prathamādibhyastu kapratyayasya- ityeṣa yathā- yogārthaḥ॥

ete jasi uktasaṃjñā vā syuḥ. prathame, prathamāḥ.. tayaḥ pratyayaḥ. dvitaye, dvitayāḥ. śeṣaṃ rāmavat.. neme, nemāḥ. śeṣaṃ sarvavat.. (tīyasya ṅitsu vā). dvitīyasmai, dvitīyāyetyādi. evaṃ tṛtīyaḥ.. nirjaraḥ..

prathamacaramatayālpārddhakatipayanemāśca 160, 1.1.32 ete jasi uktasaṃjñā vā syuḥ. prathame, prathamāḥ॥ tayaḥ pratyayaḥ. dvitaye, dvitayāḥ. śeṣaṃ rāmavat॥ neme, nemāḥ. śeṣaṃ sarvavat॥ (tīyasya ṅitsu vā). dvitīyasmai, dvitīyāyetyādi. evaṃ tṛtīyaḥ॥ nirjaraḥ॥

prathamacarama. `vibhāṣā jasī'tyanuvartate, `sarvanāmānī'ti ca. tadāha–ete iti. pratamādaya ityarthaḥ. uktasaṃjñā iti. sarvanāmasaṃjñakā ityarthaḥ. tatra nemaśabdasya jasi sarvanāmasaṃjñā gaṇe pāṭhānnityā prāptā. tadvikalpo'tra vidhīyate. nemaśabdavyatiriktānāṃ prathamādiśabdānāṃ tu gaṇe pāṭhā'bhāvādaprāptaiva sarvanāmasaṃjñā jasi vikalpena vidhīyate. ato nemaśabdavyatiriktānāṃ prathamādiśabdānāṃ jaso'nyatra na sarvanāmakāryamityāha-śeṣaṃ rāmavaditi. tayappratyaya iti. `saṃkhyāyā avayave tayabiti vihita' iti śeṣaḥ. tata iti. tasmāt pratyayatvāddhetoḥ pratyayagrahaṇaparibhāṣayā, tadantāḥ=tayabantā grāhrā ityarthaḥ. dvitaye dvitayā iti. dvavayavavāvasyetyarthe tayap. yadyapyavayavasamudāyo'vayavī tayavarthaḥ, tasya caikatvādekavacanameva yuktantathāpi yadodhbhūtāvayavabhedaḥ samudāyastayabarthaḥ, udbhūtatvaṃ ca vivakṣitasaṅkhyākatvaṃ, tadā'vayavabahutvābhiprāyamavayavino'vayavā'bhedābhiprāyaṃ vā bahu vacanamiti na doṣaḥ. atra ca tayabgrahaṇameva pramāṇam. anyathā tayabantājjasa evā'bhāvā\ufffdtkatena?. carame caramāḥ. alpe alpāḥ. ardhe ardhāḥ. katipaye katipayāḥ- ityapi prathamaśabdavadudāhāryam. ardhaśabdastvekadeśavācī puṃliṅgaḥ. samāṃśavācī tu napuṃsakaliṅgaḥ. `vā puṃsyardho'rdhaṃ sameṃ'śake' iti kośāt. śeṣaṃ sarvavaditi. nemaśabdasya sarvādigaṇe pāṭhāditi bhāvaḥ. jasī'tyadhikāre tīyāntasya ṅe-ṅasi-ṅas#ḥṅi-ityeteṣu ṅitsu pareṣu sarvanāmasaṃjñāvacanaṃ kartavyamityarthaḥ. dvitīyasmai dvitīyāyeti. dvayoḥ pūraṇo dvitīyaḥ. `dvestīya' iti pūraṇe tīyapratyayaḥ. ityādīti. dvitīyasmāt, dvitīyāt. dvitīyasmin, dvitīye ityādiśabdārthaḥ. evaṃ tṛtīya iti. `ṅitsūdāhārya' iti śeṣaḥ. `treḥ saṃprasāraṇaṃ ce'ti pūraṇe tīyapratyayaḥ. rephasya saṃprasāraṇamṛkāraḥ. `saṃprasāraṇācce'ti pūrvarūpam. nanu `prakāravacane jātīyar' iti paṭuśabdājjātīyari `paṭujātīya'śabdaḥ, tasyāpi tīyāntatvānṅitsu sarvanāmatvavikalpaḥ syādityata āha–arthavaditi. `arthavadgrahaṇe nānarthakasye'ti paribhāṣayā'rthavānena tīyo'tra gṛhrate. jātīyari tu samudāyasyaivārthavattvaṃ na tu tadekadeśasyeti bhāvaḥ. niṣkrānto jarāyā nirjaraḥ. `nirādayaḥ krāntādyarthe' iti samāsaḥ `gostriyoḥ' iti hyasvatvam. nirjarā jarā yasmāditi bahuvrīhirvā.

prathamacaramatayālpārdhakatipayanemāśca 224, 1.1.32 prathamacarama. "vibhāṣā jasī"tyanuvartate, "sarvanāmānī"ti ca. tadāha--ete iti. pratamādaya ityarthaḥ. uktasaṃjñā iti. sarvanāmasaṃjñakā ityarthaḥ. tatra nemaśabdasya jasi sarvanāmasaṃjñā gaṇe pāṭhānnityā prāptā. tadvikalpo'tra vidhīyate. nemaśabdavyatiriktānāṃ prathamādiśabdānāṃ tu gaṇe pāṭhā'bhāvādaprāptaiva sarvanāmasaṃjñā jasi vikalpena vidhīyate. ato nemaśabdavyatiriktānāṃ prathamādiśabdānāṃ jaso'nyatra na sarvanāmakāryamityāha-śeṣaṃ rāmavaditi. "taya" śabdo na prātipadikamityāha--tayappratyaya iti. "saṃkhyāyā avayave tayabiti vihita" iti śeṣaḥ. tata iti. tasmāt pratyayatvāddhetoḥ pratyayagrahaṇaparibhāṣayā, tadantāḥ=tayabantā grāhrā ityarthaḥ. dvitaye dvitayā iti. dvavayavavāvasyetyarthe tayap. yadyapyavayavasamudāyo'vayavī tayavarthaḥ, tasya caikatvādekavacanameva yuktantathāpi yadodhbhūtāvayavabhedaḥ samudāyastayabarthaḥ, udbhūtatvaṃ ca vivakṣitasaṅkhyākatvaṃ, tadā'vayavabahutvābhiprāyamavayavino'vayavā'bhedābhiprāyaṃ vā bahu vacanamiti na doṣaḥ. atra ca tayabgrahaṇameva pramāṇam. anyathā tayabantājjasa evā'bhāvā()tkatena(). carame caramāḥ. alpe alpāḥ. ardhe ardhāḥ. katipaye katipayāḥ-ityapi prathamaśabdavadudāhāryam. ardhaśabdastvekadeśavācī puṃliṅgaḥ. samāṃśavācī tu napuṃsakaliṅgaḥ. "vā puṃsyardho'rdhaṃ sameṃ'śake" iti kośāt. śeṣaṃ sarvavaditi. nemaśabdasya sarvādigaṇe pāṭhāditi bhāvaḥ. vibhāṣāprakaraṇa iti. "vibhāṣā jasī"tyadhikāre tīyāntasya ṅe-ṅasi-ṅas#Hṅi-ityeteṣu ṅitsu pareṣu sarvanāmasaṃjñāvacanaṃ kartavyamityarthaḥ. dvitīyasmai dvitīyāyeti. dvayoḥ pūraṇo dvitīyaḥ. "dvestīya" iti pūraṇe tīyapratyayaḥ. ityādīti. dvitīyasmāt, dvitīyāt. dvitīyasmin, dvitīye ityādiśabdārthaḥ. evaṃ tṛtīya iti. "ṅitsūdāhārya" iti śeṣaḥ. "treḥ saṃprasāraṇaṃ ce"ti pūraṇe tīyapratyayaḥ. rephasya saṃprasāraṇamṛkāraḥ. "saṃprasāraṇācce"ti pūrvarūpam. nanu "prakāravacane jātīyar" iti paṭuśabdājjātīyari "paṭujātīya"śabdaḥ, tasyāpi tīyāntatvānṅitsu sarvanāmatvavikalpaḥ syādityata āha--arthavaditi. "arthavadgrahaṇe nānarthakasye"ti paribhāṣayā'rthavānena tīyo'tra gṛhrate. jātīyari tu samudāyasyaivārthavattvaṃ na tu tadekadeśasyeti bhāvaḥ. niṣkrānto jarāyā nirjaraḥ. "nirādayaḥ krāntādyarthe" iti samāsaḥ "gostriyoḥ" iti hyasvatvam. nirjarā jarā yasmāditi bahuvrīhirvā.

prathamacarama. nemaśabdasya nityaṃ prāpte'nyeṣāmaprāpte cāyamārambhaḥ. tayaḥ pratyaya iti. `saṅkhyāyā avayave taya'biti vihitaḥ. tīyasyeti. `dvestīyaḥ', `treḥ samprasāraṇaṃ cetivihitasya.

prathamacaramatayālpārdhakatipayanemāśca 189, 1.1.32 prathamacarama. nemaśabdasya nityaṃ prāpte'nyeṣāmaprāpte cāyamārambhaḥ. tayaḥ pratyaya iti. "saṅkhyāyā avayave taya"biti vihitaḥ. tīyasyeti. "dvestīyaḥ", "treḥ samprasāraṇaṃ cetivihitasya.