guṇaśabdaḥ saṃjñātvena vidhīyate, pratyekam, adeṅāṃ varṇānāṃ sāmānyena tadbhāvitānām, atadbhāvitānāṃ ca. taparakaraṇaṃ tviha sarvārtham. taritā. cetā. stotā. jayanti. ahaṃ pace. guṇapradeśāḥ mider guṇaḥ 7-3-82 ityevam ādayaḥ.

adeṅ guṇaḥ 1.1.2 guṇaśabdaḥ saṃjñātvena vidhīyate, pratyekam, adeṅāṃ varṇānāṃ sāmānyena tadbhāvitānām, atadbhāvitānāṃ ca. taparakaraṇaṃ tviha sarvārtham. taritā. cetā. stotā. jayanti. ahaṃ pace. guṇapradeśāḥ mider guṇaḥ 7.3.82 ityevam ādayaḥ.

adeṅ guṇaḥ. , 1.1.2 "taparakaraṇaṃ tviha sarvārthamiti. sarvasminnarthaḥ prayojanaṃ yasya tat tathoktam. tuśabdaḥ pūrvasmādviśeṣaṃ darśayati. tatra hraijarthameva, iha tu sarvārtham, akārārthameṅarthamapi. asati hi taparakaraṇaṃ adeṅāmaṇatvāt savarṇānāṃ grahaṇaṃ sati bhinnakālānāmapyeṣā sañjñā syāt. tataśca "taritā" ityatrāntaratmayāddīrghasya dīrgha eva guṇasyāt.nanu ca vṛddhisañjñā guṇasañjñāyā bādhikā bhaviṣyati, tat kuto'yaṃ prasaṅgaḥ? naitadasti. ekasañjñādhikāre hi sañjñayā sañjñāntaraṃ bādhyate, na cātrekasañjñādhi-kāraḥ. syādetat, asatyapyekasañjñādhikāre yathā "jīvati tu vaṃśye yuvā"4.1.163 iti gotrasañjñā yuvasañjñayā bādhyate, yathā ca "liṭ ca" 3.4.115, "liṅāśiṣi"3.4.116iti cārdhadhātukasañjñayā sārvadhātukasaṃjñā bādhyate, tathā guṇasaṃjñā vṛddhisañjñayā bādhiṣyate iti? ayuktametata. yuvasañjñāvidhau tugrahaṇaṃ niyamārthaṃ kriyate. tato yuktaṃ yadyuvasañjñayā gotrasañjñā bādhyata iti. ārdhadhātukasañjñā'pi yat sārvadhātukasañjñā bādhyate tadapi yuktameva, "chandasyubhayathā" 3.4.117ti vacanāt. yadi sārva- dhātukārdhadhātukasañjñayoḥ samāveśaḥ syāt, na bādhyabādhakabhāvaḥ, tadā "chandasyubhayathā"3.4.117 iti vacanamapārthakaṃ syāt. iha tu na kiñcit tathāvidhaṃ nibandhanamasti, yato vṛddhisañjñayā guṇasañjñā bādhyate. athāpi kathañcidbādhyeta, evamapi trimātrikasyāpi guṇa- sañjñā syādeva. na hi sā tayā śakyā bādhitum, tasya atadviṣayatvāt. trimātrasyāpi guṇasañjñāyāṃ satyāṃ trimātro'pi guṇaḥ prasajyate. ṛkārasya hi kālato yathaikamatriko'kāro'ntaratamo na sambhavati, tathā trimātro'pi, tat kuta etallabhyate? hyasvenaivāsya guṇena bhavitavyam na hi trimātreṇākāreṇeti. kiñca, yadi bhinna- kālānāmapi guṇasañjñā syāt, "khaṭvā indraḥ= khaṭvendraḥ khaṭvā urvī khaṭvorvī" ityatra trimātratvāt pūrvottarasamudāyātmanaḥ sthāninaḥ "ād()guṇaḥ" 6.1.84iti trimātro guṇaḥ syāt. khaṭvā īṣā= khaṭveṣā, khaṭvā uḍhā=khaṭvoḍhā" ityatra caturmā- mātritvāt caturmātraḥ. tasmāt sarvārthaṃ taparakaraṇaṃ kartavyam. "taritā" ityādi. "tṛ? taplavanataraṇayoḥ" (dhā.pā.969), "ciñ cayane" (dhā.pā.1251), "ṣṭuñ stutau" (dhā.pā.1043), ebhyaḥ "ṇlul()tṛcau"3.1.133 iti tṛc. "ārdhadhātukasyeḍ valādeḥ"7.2.35 itīṭ, "sārvadhātukārdhadhātukayoḥ" 7.3.84 iti guṇaḥ, su, "ṛduśanas()"7.1.94 ityādinā anaṅa, "sarvanāmasthāne ca" 6.4.8 iti dīrghaḥ. etāni trīṇi yathākramadeṅāṃ tadbhāvitānāmudāharaṇāni. "paṭhanti, paṭhan" ityakārasyātdbhāvitasyodāharaṇe. atrāntyākārasya guṇasañjñāyāṃ "ato guṇe" 6.1.94 pararūpatvaṃ bhavati. paṭhanniti śatrantametat. ekāsyātadbhāvitasyakāryodāharaṇam- "ahaṃ pace" ityādi. okārasyātadbhāvitas tanna sambhavatīti na pradaśryate.

adeṅguṇaḥ. saṃjñāprastāvātsaṃjñeti labhyate. acca eṅ? ceti samāhāradvandvaḥ. tadāha–adeṅ cetyādinā.

adeṅguṇaḥ 19, 1.1.2 adeṅguṇaḥ. saṃjñāprastāvātsaṃjñeti labhyate. acca eṅ? ceti samāhāradvandvaḥ. tadāha--adeṅ cetyādinā.

adeṅguṇaḥ. taparakaraṇamiha sarvārtham. tena `gaṅgodaka'mityatra trimātro na. `taratī'tyatra tvakāra eva, natu kadācidākāraḥ. naca pramāṇata āntaryeṇa niyamasiddhiḥ, raparatve kṛte ekasyādhyardhamātratvādaparasyārdhatṛtīyamātratvāt. guṇapradeśāstu- `ādguṇaḥ' `ato guṇe' ityādayaḥ.

adeṅguṇaḥ 18, 1.1.2 adeṅguṇaḥ. taparakaraṇamiha sarvārtham. tena "gaṅgodaka"mityatra trimātro na. "taratī"tyatra tvakāra eva, natu kadācidākāraḥ. naca pramāṇata āntaryeṇa niyamasiddhiḥ, raparatve kṛte ekasyādhyardhamātratvādaparasyārdhatṛtīyamātratvāt. guṇapradeśāstu-"ādguṇaḥ" "ato guṇe" ityādayaḥ.