1/10:iha kasmāt na bhavati : kāśe kuśe vaṃśe iti |
2/10:śe arthavadgrahaṇāt |*
3/10:arthavataḥ śeśabdasya grahaṇam |
4/10:na ca ayam arthavān |
5/10:evam api hariśe babhruśe iti atra prāpnoti |
6/10:evam tarhi lakṣaṇapratipadoktayoḥ pratipadoktasya eva iti evam na bhaviṣyati |
7/10:atha vā punaḥ astu arthavadgrahaṇe na anarthakasya iti |
8/10:katham hariśe babhruśe iti |
9/10:ekaḥ atra vibhaktyarthena arthavān aparaḥ taddhitārthena |
10/10:samudāyaḥ anarthakaḥ |

śe ityetat pragṛhyasaṃjñaṃ bhavati. kimidaṃ śe iti? supām ādeśaś chandasi. na yuṣme vājabandhavaḥ. asme indrābṛhaspatī. yuṣme iti. asme iti. tve rāyaḥ. me rāyaḥ. tve iti. me iti. chāndasam etadevaikam udāharaṇam asme indrābṛhaspatī iti. tatra tathā pāṭhāt. itarat tu laukikam anukaraṇam yuśme iti, asme iti, tve iti, me iti.

śe 1.1.13 śe ityetat pragṛhyasaṃjñaṃ bhavati. kimidaṃ śe iti? supām ādeśaś chandasi. na yuṣme vājabandhavaḥ. asme indrābṛhaspatī. yuṣme iti. asme iti. tve rāyaḥ. me rāyaḥ. tve iti. me iti. chāndasam etadevaikam udāharaṇam asme indrābṛhaspatī iti. tatra tathā pāṭhāt. itarat tu laukikam anukaraṇam yuśme iti, asme iti, tve iti, me iti.

śe. , 1.1.13 "śe" iti. śeśruteraviśiṣṭatvāt kāśe kuśe ityatra yaḥ śeśabdastasyāpi grahaṇaṃ prāpnoti, ato viśeṣo vaktavya ityabhiprāyeṇāha- "kimidaṃ śe" iti. "supāmityādi. yastu kāśakuśaśabdābhyāṃ saptamyekavacane ca kṛte ādguṇe 6.1.84 ca śeśabdaḥ sampadyate, tasyeha grahaṇaṃ na bhavati; lākṣamikatvāditi bhāvaḥ. "yuṣme, asme" iti. ṣaṣṭhībahuvacanasya "supāṃ suluk" 7.1.39 ityādinā śeśabdādeśaḥ, "śeṣe lopaḥ"7.2.90 atha vā- prathamābahuvacanasyaiva śebhāvaḥ, chāndasatvāt "yūyavayau jasi" 7.2.93 ityetanna pravartate. "tve iti, me iti". saptamyekavacanasya pañcamyekavacanasya ca śebhāvaḥ. "tvamā- vekavacane" 7.2.97 iti yuṣmadasmadostvamāvādeśau. "itarat tu laukikamanukaraṇam" iti. yadā "yuṣme iti" evamādikaṃ tadā laukikamanukaraṇamiti bhāvaḥ. yadā "yuṣme", "asme" ityādadīnāṃ vedavākyasthānāmarthādvayavacchidya svarūpe'vasthānārthaṃ padakārairitikaraṇo'dhyā- hyiyate, tadā "yuṣme iti", "asme iti" evamādikamudāharaṇamiti bhavati. itarat tu laukikama nukaraṇamityukte "na yuṣme vājabandhavaḥ" (ṛ.8.69.19), "tve rāyaḥ" (tai.saṃ.1.2.5.2), "me rāyaḥ" (vā.saṃ.4.22) ityeteṣvapi vedavākyeṣu yat "yuṣme" ityādiśeśabdāntaṃ śabdarūpam, tat svarūpeṇa darśayitumāha- "yuṣme iti, asme iti, tve iti, me iti". yadyevavaṃ kimarthaṃ "na yuṣme vājabandhavaḥ" )ṛ 8.69.19) ityādīnāmupanyāsaḥ? eṣu vedavākyeṣu ye "yuṣme" ityādayaḥ śabdāḥ, teṣāmetānyanukaraṇanīti pradarśanārthaḥ; anyathā hi jñāyate kasyaitānyatanukaraṇanīti॥

śe. ekapadaṃ sūtram. `pragṛhra'mityanuvartate. chandasītyanuvṛttau `supāṃ sulukpūrvasavarṇāccheyāḍāḍa\ufffdāyājālaḥ' iti vihitaḥ `śe' ityekārānta ādeśaḥ pragṛhraḥ syādityarthaḥ. tadāha–ayamiti. `śe' ādeśe ityarthaḥ. asme iti. asmabhyamityarthaḥ. bhyasaḥ śe-ādeśaḥ, `laśakvataddhite' iti śakāra it. `śeṣe lopaḥ'. asme iti rūpam. advivacanatvādaprāptau vacanam. yadyapi chāndasamidaṃ baidikaprakriyāyāmeva nibandhyaṃ, tathāpi `asme iti' `tve iti' ityādyavagrahe lokārthatvasyāpi sattvādiha tannibandhanam , padapāṭhasyādhunikatvāt.

śe 103, 1.1.13 śe. ekapadaṃ sūtram. "pragṛhra"mityanuvartate. chandasītyanuvṛttau "supāṃ sulukpūrvasavarṇāccheyāḍāḍa()āyājālaḥ" iti vihitaḥ "śe" ityekārānta ādeśaḥ pragṛhraḥ syādityarthaḥ. tadāha--ayamiti. "śe" ādeśe ityarthaḥ. asme iti. asmabhyamityarthaḥ. bhyasaḥ śe-ādeśaḥ, "laśakvataddhite" iti śakāra it. "śeṣe lopaḥ". asme iti rūpam. advivacanatvādaprāptau vacanam. yadyapi chāndasamidaṃ baidikaprakriyāyāmeva nibandhyaṃ, tathāpi "asme iti" "tve iti" ityādyavagrahe lokārthatvasyāpi sattvādiha tannibandhanam , padapāṭhasyādhunikatvāt.

śe iti. chāndasamapīdaṃ sandarbhaśudhdyarthamuktāmityāhuḥ. asme iti. asmabhyamityarthaḥ. `supāṃ sulu'giti bhyasaḥ śeādeśaḥ. `śeṣe lopaḥ'.

śe 83, 1.1.13 śe iti. chāndasamapīdaṃ sandarbhaśudhdyarthamuktāmityāhuḥ. asme iti. asmabhyamityarthaḥ. "supāṃ sulu"giti bhyasaḥ śeādeśaḥ. "śeṣe lopaḥ".